Славната актерка Кејт Винслет откри дека како тинејџерка имала интимни искуства и со жени, за што отворено зборуваше во подкастот „Team Deakins“. Таа се наврати на улогата во филмот Heavenly Creatures, кој ѝ ја лансираше кариерата и во кој толкува сложен однос меѓу две тинејџерки.

„Ќе споделам нешто што досега никогаш не сум го кажала – дел од моите први интимни искуства беа со девојки. Бев љубопитна и во таа фаза од животот тоа ми помогна подобро да се поврзам со ликот“, изјави Винслет.

Улогата во „Heavenly Creatures“ ѝ го отвори патот кон успешна кариера, која кулминираше со светска слава по филмот Titanic. Денес, таа зад себе има богато актерско портфолио, а неодамна го оствари и својот режисерски деби со филмот „Goodbye June“, достапен на Netflix.

Винслет е позната по тоа што внимателно го чува приватниот живот, но и по јавното залагање за правата на LGBTQ+ заедницата. Во претходни интервјуа таа зборуваше и за стравот што многу млади актери го чувствуваат во Холивуд доколку јавно ја откријат својата сексуалност, поради можни последици врз нивната кариера.

Фото: Depositphotos

Кога зборуваме за стајлингот на Кејт Хадсон, на ум паѓа само еден збор, а тоа е – елеганција.

Славната русокоса се смета за дама со стил и вкус, а тоа го докажала многу пати на големи настани, особено за време на бројните промоции на филмот „Song Sung Blue“.

View this post on Instagram

A post shared by @bravowwhl

Сега повторно покажа дека едноставноста и елеганцијата немаат замена, а за нејзиното појавување во емисијата „Watch What Happens Live“ носеше безвременско парче облека – црн фустан од Balmain. Станува збор за минималистички модел без прерамки што ја следи линијата на телото.

View this post on Instagram

A post shared by Kate Hudson (@katehudson)

Златниот детаљ во горниот дел од креацијата беше исто така впечатлив, што му даде на аутфитот доза на луксуз. Стајлингот го надополни со златни додатоци, едноставна фризура и шминка во земјени тонови.

Стилистката Емили Санчез беше задолжена за беспрекорниот изглед на Кејт.

Француската филмска дива и секс-симбол Брижит Бардо почина вчера на 91-годишна возраст. Нејзиниот бурен љубовен живот, розите фрлани од хеликоптер и искрените признанија за страста и неверството и денес ја фасцинираат светската јавност.

Позната по русата коса, препознатливиот стил и бикините, Брижит Бардо стана секс-симбол на 50-тите и 60-тите години благодарение на филмот „И Бог ја создаде жената“, режиран од нејзиниот тогашен сопруг Роже Вадим.

Она што особено ја издвојуваше Бардо беа нејзината слобода и храброста – се појавуваше на насловни страници во минимална облека, без накит и парфем, често одеше боса или во балетанки. Токму поради тоа, многумина сметаат дека таа ја измислила голотијата во филмот и во поп-културата.

Родена во Париз 1934 година, првин се занимавала со балет, а потоа станала модел и филмска ѕвезда. На 15 години се појавила на насловната страница на списанието „Ел“ по што следувале филмски улоги што ѝ донеле светска слава. Нејзиниот изглед инспирирал и музичари, како Џон Ленон и Пол Макартни, кои барале нивните партнерки да го имитираат нејзиниот стил.

Брижит Бардо имала четири брака и низа страсни врски. Нејзиниот прв сопруг бил режисерот Роже Вадим, од кого се развела во 1957 година. Вториот сопруг ѝ бил актерот Жак Шарие за кого се омажила во 1959 година и со кого го добила синот Никола-Жак. Бракот завршил со развод во 1962 година.

Подоцна имала афери со колеги, музичари и актери, меѓу кои Жан-Луј Трентинјан, Жилбер Беко, Глен Форд и други.

Нејзиниот трет брак бил со германскиот милионер Гинтер Закс, кој ја опсипувал нејзината вила со рози фрлани од хеликоптер. Четвртиот и последен брак го склучила со Бернар д’Ормал, со кого останала до крајот на животот и кој ѝ помогнал да го подобри односот со синот Никола-Жак.

Во своите мемоари Бардо отворено признала:

„Со секоја врска постојано се враќав во потрага по други љубови кога сегашноста ќе станеше млака. Не го сакам она што е помеѓу, помалку добро. Отсекогаш сум барала страст. Затоа често бев неверна. А кога страста ќе беше при крај, си ги пакував куферите“.

Во 70-тите години се повлекла од глумата и се посветила на активизам за правата на животните. Нејзиниот политички ангажман често бил контроверзен вклучувајќи ја и јавната поддршка за крајно десничарската партија Национален фронт во Франција, што предизвикало многубројни осуди.

И покрај повлекувањето од филмскиот свет, Брижит Бардо остана вечна икона на убавината, слободата и страста, а нејзиниот живот и денес ги интригира генерациите љубители на филмот и поп-културата.