Забава
Харисон Форд „за влакно“ избегнал судар со Боинг 737

Славниот актер, Харисон Форд, имал нов инцидент зад управувачот на својот авион, откако ја „промашил“ пистата за слетување и се упатил кон делот на аеродромот „Џон Вејн“ во Калифорнија, наменет за таксирање.
Телевизиската мрежа NBC пренесува дека пасионираниот летач, 74-годишниот Форд прелетал над комерцијалниот авион „Боинг 737“, кој се подготвувал за полетување.
„Дали овој авион треба да биде под мене“, ја прашал Форд контролата на летање откако успеал да слета на аеродромот „Џон Вејн“.
Актерот добил одоговор дека добил добри координати, но наместо кон пистата, тој тргнал да слетува на делот на аеродромот за таксирање на леталата каде се наоѓал „Боинг 737“, чиj пилот чекал Форд да го заврши својот лет.
Федералните служби го истражуваат инцидентот поради кршење на безбедносните правила и Харисон Форд би можел да биде опоменат, но исто така мoже и да му биде одземена дозволата за летање.
Харисон Фрд е колекционер на стари авиони, а ова му е втор сериозен инцидент во последните неколку месеци. Тој во 2015 година се урна на терен за голф, откако откажа моторот на авион од Втората светска војна, кој е дел од неговата колекција.
NBC, истакнува дека Форд има репутација на „извонреден пилот“. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Џеј Ло настапи во Абу Даби во леопард комбинезон, снимката има 16 милиони прегледи

Џенифер Лопез одржа два големи концерти во Абу Даби на 20 и 21 февруари, а клип од настапот што го сподели на Инстаграм и ТикТок собра повеќе од 16 милиони прегледи за помалку од 24 часа.
Џеј Ло веќе некое време немаше настапи, но неодамна направи исклучок со настапот во Дубаи на отворањето на луксузен хотел. Потоа следеа два распродадени концерти во Абу Даби, а снимките од тие настапи брзо ги преплавија социјалните мрежи.
Забава
Блејк Лајвли за насловната страница на „Холивуд Репортер“: Срамна и сексистичка

Блејк Лајвли, кој е во правен спор со Џастин Балдони поради наводите за сексуално вознемирување на снимањето на филмот It Ends With Us, остро го критикуваше таблоидот „Холивуд Репортер“ за начинот на кој го објави случајот.
На актерката не и се допадна како „Холивуд Репортер“ го покрива правниот процес меѓу неа и Балдони. Овој таблоид објави фотографија од Лајвли на насловната страница на која се гледа како таа го фрла мобилниот телефон додека околу неа се прикажуваат пеперутки.
„Холивуд репортер треба да се срами. Оваа фотографија е крајно навредлива затоа што се потпира на сексистички стереотипи за жените кои се осмелуваат да пријават недолично однесување на работното место, прикажувајќи ги како агресори и сугерирајќи дека заслужуваат одмазда. Понатаму, написот е крајно проблематичен затоа што се обидува да ги оправда документираните случаи на сексуално вознемирување и одмазди нарекувајќи ги културни недоразбирања“, напиша актерката.
Блејк првично го обвини Балдони за сексуално вознемирување и обид да ја „уништи“ нејзината репутација во жалбата до Одделот за граѓански права во Калифорнија. Во изменетата тужба сега стои дека однесувањето на актерот предизвикало непријатност кај другите жени на филмскиот сет.
Балдони потоа поднесе противтужба против Блејк и Рајан Рејнолдс, барајќи отштета од 400 милиони долари. Адвокатите на Блејк ова го нарекоа „уште едно поглавје во книгата на насилникот“, што адвокатот на Балдони го смета за „глупост“.
Забава
Тони Цетински: Мојот официјален профил на Инстаграм беше хакиран

Хрватскиот пејач Тони Цетински вели дека некој му го хакирал профилот на Инстаграм.
„ВАЖНО! Мојот официјален профил на Инстаграм е хакиран и одземен. Правиме се што можеме за да го вратиме“, напиша 55-годишниот пејач предупредувајќи ги своите следбеници.