Забава
Хари и Меган исмеани во анимирана серија

Анимираната комедија Family Guy не е обожавател на кралските архетипови.
Комедијата на „Фокс“ не се плашеше да упати неколку навреди кон принцот Хари и Меган Маркл, војводата и војвотката од Сасекс, во епизодата што се емитуваше во неделата навечер.
Во серијата, сега во својата 23. сезона, цртаните верзии на војводата и војвотката од Сасекс се појавуваат покрај базен откако главниот лик Питер Грифин се споредува себеси со кралската двојка додека седи во бар со своите пријатели.
Загрижен дека нема да може да ги врати парите што ги должи, Грифин одлучува дека најдоброто решение ќе му биде да му се спротивстави на светот исто како што направија Хари и Меган во 2020 година кога ги соопштија своите планови да се повлечат од кралските должности во рамките на британската монархија.
„Ќе одам сам, исто како Меган Маркл и принцот Хари“, вели Грифин алудирајќи на нивното неславно напуштање на Британија и преселбата во Америка.
Поранешната актерка (42) и принцот (39) бе цел на анимираната комедија затоа што заработиле милиони фунти од „Нетфликс“ за „да прават никој не знае што“.
Во епизодата Питер Грифин се споредува себеси со Сасекси, кои имаат договор од 81 милион фунти со стриминг-гигантот „Нетфликс“.
Сцената потоа се свртува кон парот, кој се излежува покрај базен во Калифорнија додека батлер им носи пари и му вели на Хари: „Господине, вашите милиони од ‘Нетфликс’ за… никој не знае за што“.
Тон-верзијата на Хари одговара: „Стави ги кај другите“,
Меган потоа му вели на Хари: „Бебе, време е да ја направиме нашата дневна објава за ‘Дел тако’ на ‘Инстаграм’ спонзорирана со 250.000 долари“.
Британскиот принц и неговата американска сопруга потпишаа повеќегодишен договор со „Нетфликс“ за продукција на разни програми. Двојката, која се пресели во Калифорнија со својот син по откажувањето од кралските должности во Велика Британија, се обврза да снима документарни филмови, документарни серии, играни филмови и програми за деца.
„Меган и Хари“, првата серија од шест дела, се најде на насловните страници кога беше објавена во 2022 година и го достигна врвот на топ-10 листата на „Нетфликс“. Но, првата соло серија на Хари на „Нетфликс“, Heart of Invictus, не успеа да се најде во првите десет најгледани содржини на стримерот на денот на нејзиното објавување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Сестрата на Фреди Меркјури потроши цело богатство за да го врати имотот на својот брат

Сестрата на британскиот музичар Фреди Меркјури, Кашмира Булсар, потроши три милиони фунти за да ги добие личните работи на покојниот пејач откога неговата поранешна партнерка Мери Остин ги стави на аукција.
Како што објавува „Дејли мејл“, кога дознала дека Мери ги ставила на продажба некои од сеќавањата на Фреди, неговата сестра Кашмира наводно била скршена од болка и решена да ги задржи во семејството.
Лута и вознемирена што толку многу работи на брат ѝ станале достапни за сите, таа и нејзиниот син Џамал Зук решиле да учествуваат на аукцијата и да платат за работите на ѕвездата од „Квин“ останувајќи анонимни за да не ја известат Мери.
Таа отиде на приватно разгледување за да ги види предметите на продажба, а потоа го испрати својот личен асистент во „Сотби“ во свое име, додека таа го гледаше емитувањето преку интернет и ѝ кажа на својата асистентка колку да понуди.
Се тврди дека меѓу предметите што ги купила бил елек од 139.700 фунти, на кој се насликани шесте мачки на Фреди, што тој го носел во музичкото видео за These Are The Days Of Our Lives, само шест месеци пред неговата смрт. Исто така, дека платила 406.400 фунти за џубоксот Wurlitzer Model 850 и 279.400 фунти за осум страници со текст од песната Killer Queen од 1974 година. Таа потрошила најмногу пари за воената јакна направена за 39. роденден на својот брат издвојувајќи 457.200 фунти.
Други предмети што биле побарани биле ламбата направена од вазна Daum Persimons, вредна 22.860 фунти, дуксерот „Најки“, вреден 40.640 фунти и кофата за коцки мраз за 19.000 фунти.
Мери претходно продаде повеќе од 1.400 предмети на Фреди за вкупно 12.172.290 фунти на аукција организирана од „Сотби“ во септември 2023 година.
Забава
Мегин Кели остро ја нападна Блејк Лајвли на гала-вечерта „Тајм 100“: „Таа не требаше да биде тука“

Американската водителка и новинарка Мегин Кели јавно ја критикува Блејк Лајвли на гала-вечерта „Тајм 100“ откога актерката беше прогласена за една од „највлијателните луѓе на годината од списанието „Тајм“.
„Тоа е смешна шега“, изјави водителката за „Дејли мејл“ на црвениот тепих од настанот во Њујорк во четвртокот вечерта. „Таа не треба да биде тука. Таа нема никакво влијание врз ништо“, додаде таа.
Кели исто така рече дека Лајвли „изнесе лажно обвинение за MeToo“ против Џастин Балдони, режисерот и коѕвездата на It Ends With Us.
„Затоа таа денес се кае бидејќи речиси сите нејзини обвинувања се распаѓаат“, додаде водителката. „Фактот дека таа сега е славна затоа што се обидела да уништи нечиј живот, без никаква основа – тоа е скандал. Јасно е дека ‘Тајм’ бара големи ѕвезди за да го продава списанието, но тоа е сосема погрешно“, рече таа.
Новинарката се пошегува дека копнеела по селфи со Лајвли и Меган Маркл бидејќи и двете ѝ обезбедиле часови и часови содржина за емисијата „Шоуто на Мегин Кели“. „Имам чувство дека Лајвли ќе ме избегнува. Јас нема да избегнувам никого. Во ред сум со тоа“, рече таа.
Лајвли се појави на црвениот тепих во фустан со голи рамења од дизајнерот Зухаир Мурад. Таа дојде на настанот придружувана од сопругот Рајан Рејнолдс, кој зборуваше на самитот „Тајм 100“ претходниот ден. Актерката беше именувана на престижната листа претходно овој месец како „филантроп и личност што се занимава со најсложените социјални прашања во САД“.
И покрај ова, Лајвли се соочи со бран критики на интернет за добивањето на признанието во средината на правната битка со Балдони. Иако судењето е закажано да почне во март 2026 година, некои веќе зазедоа страна. „Блејк Лајвли не е влијателна – таа е манипулативна и злобна“, „Само во Холивуд лажењето може да ве стави на листата на највлијателни“, се само дел од коментарите.
Лајвли поднесе тужба против Балдони во декември 2024 година обвинувајќи го за сексуално вознемирување на снимањето. Таа исто така тврди дека Балдони и неговиот тим почнале кампања за клевета со цел да го уништат нејзиниот углед. Балдони ги негира обвинувањата, а потоа поднесе контратужба од 400 милиони долари против Лајвли, Рејнолдс и нивната портпаролка Лесли Слоун обвинувајќи ги за клевета и уцена.
Забава
Познатиот модел привлече внимание во Њујорк, налетот на ветерот откри премногу

Хајди Клум го привлече вниманието на минувачите во Њујорк кога доживеа моден проблем.
Познатата манекенка и водителка се појави во долг, црн фустан-сако со висок шлиц, а налетот на ветер речиси откри премногу.
51-годишната поранешна манекенка бргу се снајде, го покри шлицот со рацете и позира за фотографите насмеана додека двајца минувачи гледаа. Клум го надополни изгледот со високи потпетици, црни очила за сонце и дијамантски обетки.
Инаку, ова не е првпат моделот да привлече внимание со своето појавување во Њујорк. Кон крајот на март таа се прошета низ Менхетн во јакна со длабоко деколте и проѕирно здолниште привлекувајќи го вниманието и на фотографите и минувачите.
Супермоделот се враќа во „Проект писта“, американско реално шоу, кое им дава можност на талентирани модни дизајнери да се натпреваруваат во креирање облека преку разни предизвици. Клум беше водителка на шоуто од неговото основање во 2004 година до 2017 година, а сега, по осумгодишна пауза, таа се враќа како водителка на 21. сезона.