Забава
Хороскопски знак со највисока емоционална интелигенција во Зодијакот

Трите водни знаци на Зодијакот – Рак, Шкорпија и Риби – обично се многу чувствителни суштества, но еден се издвојува по тоа што има поголема емоционална интелигенција.
Во астрологијата, елементот вода е поврзан со сите работи од емотивна природа.
Затоа, луѓето родени под овие знаци имаат поголема веројатност да имаат повисоко ниво на емоционална интелигенција од некои други.
Раковите се неверојатно сочувствителни бидејќи со нив владее сентименталната Месечина.
Сложените Шкорпии длабоко и интензивно ги чувствуваат своите емоции и можат да читаат други луѓе со нивната космичка рендгенска визија.
Сепак, се чини дека променливиот воден знак Риби е опремен со највисоки нивоа на емоционална интелигенција. Рибите се поврзуваат со светот преку нивните емоции, а благодарение на нивниот променлив статус на знакот, тие се исто така многу прилагодливи и издржливи кога станува збор за справување со чувствата на другите луѓе.
Како дванаесетти и последен знак на Зодијакот, тие исто така поседуваат еден вид трансцендентална мудрост што им овозможува лесно да се поврзат со нивниот внатрешен свет (и светот на другите луѓе).
Рибите се неверојатно чувствителни дури и на суптилни промени во енергијата, па можат да разберат како се чувствуваат другите луѓе – што придонесува за нивното силно чувство на емпатија.
Бидејќи се екстремно свесни за сопствените емоции, лесно им е да покажат внимание, сочувство и грижа кон некој на кој тоа му е потребно во тој момент, пишува Bustle.
Рибите се исто така еден од двата хороскопски знаци со кои традиционално владее мудрата и жедна за знаење планета Јупитер.
Ова филозофско и мудро планетарно влијание со нивната водена емоционална свест ги благословува Рибите со единствена способност да ги идентификуваат и обработуваат емоциите на високоумен и отворен начин.
Рибите целосно прифаќаат дека не можат да ги контролираат чувствата на другите – тие едноставно даваат се од себе за да ги разберат и зрело и отворено да одговорат на нив.
На Рибите генерално им е многу удобно да зборува за своите чувства, што ги прави другите луѓе да се чувствуваат посигурно кога ги споделуваат своите чувства – што води до посилна комуникација и поголемо разбирање.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајли Сајрус: Со години правеа мемиња од мене, кога облекувам костим за капење се сеќавам на тоа

Мајли Сајрус откри дека Интернетот одамна ја принудил да не оди на плажа во бикини. Во новото интервју пејачката зборуваше за тоа како со години ја следат мемиња кои го исмеваат нејзиниот изглед и дека тие слики сè уште и се појавуваат во главата секогаш кога ќе се погледне во огледалото во бањата.
„Во 2013 година луѓето ме ставаа во мемиња каде што ми ја лепеа главата на секакви грди тела“, се присетува Мајли. „И денес кога ќе го облечам костимот за капење се сеќавам на тие слики“. Затоа, вели, избегнува бикини. „Носам многу пристојни костими. Девојките со кои бев на патувањето сите имаа танга, а јас бев во шорцеви и широка маица. Буквално изгледав како баба”.
Сајрус призна дека никогаш целосно не ги преболела своите несигурности поради начинот на кој јавно ја исмевале. „Сè уште ме прогонуваат тие стари мемиња. Тие сè уште се во мене“.
Забава
Џеф Безос и Лорен Санчез вечераа во познат ресторан на Хвар: „Не можеме да ви кажеме што јаделе“

Џеф Безос и Лорен Санчез го посетија ресторанот „Код барба Луке“, кој се наоѓа во Стари Град на островот Хвар.
„Гостите беа задоволни од вечерата и воодушевени од Стари Град. Не можеме да ви кажеме што јаделе. Всушност, тие се многу фини луѓе“, изјави сопственичката на ресторанот, Катарина Роиќ-Скелин, за хрватски „Вечерњи лист“.
Таа додаде дека персоналот на ресторанот им служел на Безос и на другите гости со еднаква посветеност.
Забава
(Видео) Американскиот актер Ерик Дејн низ солзи: „Не мислам дека ова е крајот на мојата приказна, мојот крај“

Американскиот актер Ерик Дејн, познат по улогата на Марк Слоун во серијата „Вовед во анатомија“ (Grey’s Anatomy), во април оваа година откри дека страда од амиотрофична латерална склероза (АЛС).
„Дијагностицирана ми е АЛС. Благодарен сум што го имам моето прекрасно семејство покрај мене додека го започнуваме ова ново поглавје во нашите животи. Љубезно ве молам да ни дозволите мене и на моето семејство приватност“, изјави тој за списанието „Пипл“ во тоа време.
АЛС е невролошко заболување кое води до постепено губење на мускулната контрола и во моментов нема лек.
Прво интервју по дијагнозата
Два месеци откако ја објави дијагнозата за АЛС, Ерик Дејн се појави во емисијата „Добро утро, Америка“. Досега е објавен само преглед од интервјуто. Целосното интервју ќе биде објавено на 16 јуни. Седејќи со Дајан Соер, тој зборуваше за својата борба со болеста.
„Секој ден се будам и веднаш си потсетувам дека ова се случува. Не е сон“, рече Ерик.
И покрај дијагнозата, актерот вели дека сака да остане позитивен. „Не мислам дека ова е крајот на мојата приказна. Не чувствувам дека ова е крајот со мене“, рече тој.
Тој стана многу емотивен и се расплака кога Дајан го праша кого прв повикал за да му каже за неговата болест. Одговорот на Ерик на ова не беше прикажан.
Ерик откри дека продолжува да ја снима третата сезона на „Еуфорија“ и покрај борбата со АЛС. Дејн го игра Кал Џејкобс во серијата на ХБО.