Забава
Хороскопски знаци што немаат гризење на совеста: нема да добиете извинување од нив

Наречете го тоа непромисленост или инает, но ова се хороскопски знаци кои немаат каење, без разлика дали згрешиле или не.
Нема шанса да признаат дека едноставно згрешиле и да се извинат. Подобро да ги свртите наопаку наместо да ги принудувате да ја признаат својата грешка. Погледнете за кои четири хороскопски знаци станува збор.
Хороскопски знаци кои немаат каење: Нема да добиете извинување од нив
Лав
Лавот е пријатна личност, но во себе има доза на грубост што лесно ќе ве исфрли од колосек. Нивната ароганција и себичност често ќе ги натера да не го прифатат различното мислење на другите и да не се извинуваат затоа што едноставно не можат да згрешат. Тие се секогаш во право, беспрекорни, единствени и неповторливи! Единствениот начин да се извинат е да ја кажат класичната реплика „Жал ми е што се чувствуваш така, но…“, прикажувајќи го тоа како ти да не си во право!
Бик
Навистина е полесно Сонцето да изгрее од запад отколку Бикот да се предомисли и да ја признае својата грешка. Таман работа! Ќе истрае во инаетот, нема ни да се сврти и ќе го продолжи патот до последен момент. Ако ви се случи да се соочите, подгответе се за борба бидејќи нема да добиете извинување. Тоа го прикажува како цврстина според него, но факт е дека тешко ја гледа другата страна. Камо ли да признае дека згрешил и да се извини.
Шкорпија
Или сте глупави или премногу храбри за да ѝ кажете на Шкорпијата дека греши. Па, ако очекувате извинување, тоа навистина нема да оди онака како што сте замислиле. Евентуално кога пеколот ќе замрзне над него, можеби тогаш… Пред тоа, заборавете! Зборуваме за апсолутно, упорно, лукаво и стратешко суштество кое ако дознае дека направил грешка или нешто што не треба, ќе се врати во ќош и на крајот вие ќе бидете виновникот и тој што треба да се извини. Во одреден момент во многу далечна иднина, тие може да признаат дека сте биле во право…
Водолија
Ако Водолијата згрешила или ви згрешила ќе ја побарате… Искрено, Водолијата ќе исчезне од лицето на земјата. Таа знае дека ви должи извинување, но никогаш нема да го слушнете тоа од нејзините усни. Што и да и прикажете како аргумент, како и да и покажете дека е погрешно, таа ќе го аргументира спротивното, одбивајќи да ја види вашата страна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Оваа жена ги полуде луѓето на интернет: ослабе повеќе од 40 килограми, па ја откри тајната

Роксана Карабога ја шокираше јавноста со неверојатна физичка трансформација. Успеала, како што вели во објавите на „Тик-ток“, да изгуби преку 40 килограми.
Фитнес тренерот и нутриционист Роксана Карабога со години зборува за својата борба со вишокот килограми.
Има повеќе од 700 илјади следбеници на „Тик-ток“ и често споделува совети и трикови со нив како да го подобрат своето здравје, но и менито.
Нејзината исхрана се базира на протеинска храна, а го ограничила и внесот на јаглени хидрати.
Менито се состои од многу зеленчук, како што се: моркови, краставици, авокадо, домати и зелена салата. Покрај зеленчук, таа консумира и многу житарки, како бадеми, овес и чиа семе.
Таа, исто така, често јаде грчки јогурт, крем сирење и туна, но не го исфрлила целосно месото – сè уште повремено го вклучува во своите оброци.
Покрај тоа, таа е посветена на физичката активност – но не на класичната. Таа не оди во теретана, туку танцува и вежба дома.
„Танцот и домашните вежби неколку пати неделно се лесни и забавни за почетниците. Тие заштедуваат време и пари, а никој не ве гледа како во теретана“.
Во продолжение погледнете ги видео материјалите кои Роксана ги снимила и во кои покажала како изгледа менито, благодарение на кое ослабела преку 40 килограми.
Забава
Том Круз му оддаде почит на Вал Килмер: „Ти посакувам се најдобро на следното патување“

Том Круз му оддаде почит на неговиот колега од „Топ Ган“ Вал Килмер, кој почина во вторникот на 65-годишна возраст.
Круз присуствуваше на CinemaCon, годишната конвенција на сопственици на кино сали што моментално се одржува во Лас Вегас, за да го промовира претстојниот филм Mission: Impossible – The Final Reckoning, кој ќе се појави во кината ова лето.
Но, пред да почне да ги раскажува лудите акробации по кои е познат како тајниот агент Итан Хант, Круз побара од толпата да му се придружат во едноминутно молчење за неговиот покоен колега.
„Би сакал да му оддадам почит на мојот драг пријател Вал Килмер“, рече Круз на сцената во хотелот Цезар Палас.
„Не можам да ви кажам колку се восхитувам на неговата работа, колку бев благодарен и почестен кога тој се приклучи на Top Gun, а потоа се врати во Top Gun: Maverick. Мислам дека би било убаво сите заедно да му оддадеме почит со минута молк бидејќи тој многу ги сакаше филмовите и многу ни даваше. Присетете се само на сите прекрасни моменти што ги поминавме со него“, додаде Круз.
Актерот го заврши емотивниот момент велејќи: „Ти посакувам се најдобро на следното патување“
Забава
(Фото) Кралицата Летиција го носи најубавото женско здолниште

Кралицата Летиција неодамна го посети Истражувачкиот центар за ум, мозок и однесување (CIMCYC) на Универзитетот во Гранада.
Причината за нејзиното присуство е претставувањето на катедрата за клиничка психонеуроимунологија, дисциплина во медицината која ја проучува интеракцијата и комуникацијата на системите во човечкиот организам.
Таа за оваа пригода го избра совршеното плисирано здолниште на шпанскиот дизајнер Адолфо Домингез.
Оваа класична облека веќе ја носеа многу познати дами, како што се: Џиџи Хадид, Џенифер Лоренс, Ева Лонгорија и Џенифер Лопез. А сега и самата шпанска кралица му даде потврда за стилот.
Покрај тоа, макси здолништето се карактеризира со црвени пруги меѓу наборите, како и удобност на самиот материјал.
Својот стајлинг кралицата го комплетираше со црвен џемпер од кашмир и чанта во истата нијанса. Додаде и беж сандали со ниска потпетица.