Забава
Хороскопски знаци што ќе имаат најголема среќа до 2027 година, а најпосебниот од нив го чека планина од пари
Астролозите укажуваат дека постојат знаци за кои следните две години ќе бидат многу успешни, а меѓу нив се Лавовите, Биковите и Девиците. Со малку труд, овие хороскопски знаци можат да ги остварат своите соништа.
Биковите ќе постигнат најголем успех во љубовта во наредниот период. Оние кои се слободни ќе сретнат личност која ги фасцинира, а таа личност ќе се покаже како некој со кого сакаат да го поминат остатокот од животот. Зафатените Бикови влегуваат во мирен период каде што љубовта, мирот и хармонијата ќе владеат во нивната врска. Исто така, успехот ги очекува на деловниот фронт, а следните две години се идеални за започнување бизнис за кој долго време размислувале.
Лав
Парите едноставно ќе им останат на Лавовите во следните три години. Нивниот труд и работа конечно ќе бидат забележани, а зголемувањето на платата ќе биде очекуваната награда. Сè што ќе започнат Лавовите ќе помине добро. Тие ќе почувствуваат бран на креативност што позитивно ќе влијае на сите аспекти од нивниот живот. Во следните две години, Лавовите ќе бидат незапирливи, па затоа треба да ја искористите оваа можност максимално.
Девица
Во следните две години, Девиците не треба да губат време – учење нови јазици, патување, читање и подобрување на новите вештини се клучни. Периодот пред нив треба да се искористи максимално. Сите ќе им се восхитуваат и ќе им завидуваат, а за тоа ќе има оправдани причини. Девиците ќе бидат воодушевени од нивниот добар изглед, позитивна енергија и расположение и лесно ќе ги надминат сите пречки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Се одложува концертот на Божо Вреќо во Македонската филхармонија
Концертот на Божо Вреќо, кој требаше да се одржи на 21 ноември 2025 година во Македонската филхармонија во Скопје, се пролонгира поради технички причини.
Нов термин за одржување на концертот ќе биде утврден во најбрз можен рок, а јавноста и сите купувачи ќе бидат навремено информирани за новиот датум.
Сите купувачи кои сакаат да го остварат своето право на поврат на средствата за купените билети можат да го направат тоа на продажното место каде што билетите биле купени, вклучувајќи ја и онлајн-платформата karti.com.mk.
Забава
Влатко Лозаноски со мегашоу: „Километри љубов“ на 7 март во арената „Борис Трајковски“
Влатко Лозаноски најавува незаборавна вечер исполнета со љубов, емоции и врвна музика за 7 март. Концертот „Километри Љубов“ ветува да биде едно од највпечатливите музички случувања на годината – спектакл подготвен од огромен тим со многу страст и посветеност.
„Работиме нешто навистина многу посебно и многу ново за мене – концерт што ќе спои топ звук, врвен стејџ, движење, емоции. Ќе има танчери, гости, изненадувања и песни кои ќе ги слушнете во сосема ново издание. Ја замислуваме вечерта како претстава, како еден целосно спакуван спектакл. Искрено, многу сум возбуден, правиме нешто што се случува многу ретко“, вели Лозано за концертот во арената „Борис Трајковски“.
Картите за настанот се веќе во продажба. Промотивни понуди за истите веќе можат да се најдат на сајтот на kupikarta.com.
Забава
(Фото) Крие магија под капутот: една од најубавите жени во најкраткото фустанче досега
Актерката Ања Тејлор Џој се појави на настан во Њујорк организиран од „Тифани и ко.“ и ги потсети сите зошто баш таа е избрана за најубава жена на светот.
Русокосата убавица за овој настан избра краток бел фустан, со асиметричен топ и висока јака, што му даде на целиот моден изглед доза драма.

Но, и покрај сето тоа, нејзините долги нозе беа во преден план, па нема некој кој не ѝ обрна внимание на Ања кога се појави пред фотографите.

За дополнително да го нагласи својот изглед и шминката, Ања ја исправи косата и ја собра во пунџа, а белиот фустан го спои со едноставни потпетици во иста боја. Преку него носеше преголем капут, исто така во бела боја, кој од сите детали имаше само ремен за да ја нагласи половината.

И тоа беше доволно Ања Тејлор Џој да биде главна тема уште од првиот чекор.
фото: принтскрин

