Кејт Мос се присети на почетоците на својата кариера.

Почнала да се занимава со манекенство како тинејџерка во Кројдон, Лондон. Таа тврди дека во 1990 година била принудена да позира гола за насловната страница на магазинот „Фејс“. Сè уште, и по тоа снимање, многу плачев затоа што морав да се соблечам“, изјавила 50-годишната манекенка, пренесува „Дејли мејл“.

Јас, Корин, фризерот Дру Џерет и шминкерот Дик Пејџ бевме таму во тоа време. Го натерав Дру да се сврти затоа што беше исправен. Не сакав да ме погледне, бев навистина срамежлива. Имав 15 години и бев топлес во списание, сè уште одев на училиште. За среќа, „Фејс“ не се продаде во Кројдон, па мислам дека никој навистина не го видел“, се сеќава Кејт.

„Почнав да се фотографирам топлес на млада возраст и бев свесна дека имам бенка на десната града. Толку многу го мразев тоа што плачев. Никогаш не сакав да бидам топлес. Плачев и морав да преболам затоа што Деј би рекол: „Ако не го сториш тоа, нема да те резервирам за следната работа“, додаде таа. Имено, Мос на една од фотографиите ги криела интимните делови со рацете и со капа, а на другата е фотографирана топлес со пердув.

Во 2005 година Кејт Мос се најде во центарот на скандал кога медиумите објавија фотографии на кои се гледа како манекенката наводно зема дрога во студиото во кое работело нејзиното тогашно момче Пит Доерти. Поради тој скандал, манекенката изгубила многубројни профитабилни договори и отишла на клиника за рехабилитација.

„Кога имав мал скандал, имав голема поддршка од луѓето во модниот бизнис. Штом можев да се вратам на работа, сите ме примија. Тие ми рекоа: „Не, нема да дозволиме да те фрлат“, призна Мос.

Иако беше најпопуларниот модел во 90-тите, Кејт Мос дебитира дури на 50-годишна возраст на ревијата на „Викторија сикрет“, која се одржа во средината на октомври во Њујорк по шестгодишна пауза.

Додека моделите како Џиџи Хадид и Палома Елсесер им мавтаа на толпата додека одеа, Мос ја задржа својата заштитна острина. Таа прошета во црн проѕирен фустан од тантела со здолниште од тил. Емануел Алт, поранешна главна уредничка на „Париз Вог“, беше задолжена за дизајнирање на шоуто и ја убеди Кејт да учествува.

Јоко Оно победи во правен случај, во кој, часовникот, некогаш во сопственост на нејзиниот убиен сопруг Џон Ленон, ѝ припаѓал нејзе, а не на приватен колекционер.

Швајцарскиот сојузен врховен суд ја отфрли тужбата на колекционерот што го купил часовникот на аукција.

Јоко Оно на својот сопруг му подари часовник Patek Philippe, вреден четири милиони швајцарски франци, за неговиот 40-ти роденден во 1980 година, само два месеца пред да биде убиен во Њујорк. На часовникот таа имаше изгравирано стих од песна што заедно ја компонирале.

Неколку децении подоцна часовникот се појави на аукциска куќа во Германија. Таму го купил еден колекционер, но кога се обидел да го процени во Женева, Јоко Оно дознала за тоа.

Колекционерот сакал да го задржи часовникот за кој платил тврдејќи дека го купил со добра волја. Сепак, швајцарските судови пресудиле против него, вклучително и швајцарскиот сојузен врховен суд, кој е последна инстанција.

Во пресудата стои дека возачот што работел кај Јоко Оно го украл часовникот. Судбината на возачот по кражбата не била дел од постапката во Швајцарија.

„Норд пас“ ја објави својата годишна листа на најпопуларни лозинки во светот, па и годинава лозинката 123456 се наоѓа на врвот на неславната листа на најнекреативни лозинки како најкористена лозинка.

Истата лозинка се најде на врвот на оваа листа пет од шест пати откако „Норд пас“ ја објави, со исклучок на листата од 2022 година кога еднакво познатата лозинка – password ја зазеде првата позиција. Но, овие годишни списоци секогаш вклучуваат лозинки како QWERTY, ABC и 123 за кои луѓето сè уште веруваат дека може да ги заштитат нивните најлични информации.

Многу корисници избираат лозинки како iloveyou (тесакам) или fuckyou (е*исе). За некои, лозинките се одраз на нивните интереси, а многумина се одлучуваат за имиња како лозинки. Некои се залажуваат дека P@ssw0rd е оригинална идеја не знаејќи дека е потребно помалку од секунда за да се пробие.

Секако, постојат варијации кога станува збор за најчесто користените лозинки во разни земји. На пример, првите места во Финска и Унгарија ги заземаат лозинките salasana и jelszo, но кога ќе се преведат, јасно е дека тие се исти лозинки – и двете значат „лозинка“.

За да ја креира својата листа, „Норд пас“ користи база на податоци од 2,5 TB од јавно достапни извори, од кои некои се пронајдени на темната мрежа. На многу од овие лозинки им се потребни милисекунди за да ги пробијат хакерите, па ако вашата лозинка е на оваа листа, треба да ја замените со нешто малку покреативно.

На листата на 10 најкористени лозинки на глобално ниво се 123456, 123456789, 12345678, password (лозинка), qwerty123, qwerty1, 111111, 12345, secret (тајна) и 123123.

Ако се споредат списоците на топ-10 лозинки за лични и деловни сметки, забележливо е дека тие се речиси идентични, што покажува дека луѓето имаат тенденција да се потпираат на истите слаби лозинки и дома и на работа.

Лозинката треба да биде долга најмалку 20 знаци и да содржи големи и мали букви, бројки и симболи, порача „Норд пас“. Избегнувајте лозинки што лесно се погодуваат, како родендени, имиња или вообичаени зборови. Не треба да користите иста лозинка за повеќе локации или услуги.