Забава
Четири техники што ќе ви помогнат да се ослободите од стравот од летање
Многумина од нас имаат голем страв од летање. Постојат неколку совети како да се смирите доколку треба да патувате со авион, кои веруваме дека ќе ви помогнат.
Подгответе се
Пред летот испробајте неколку техники за смирување кои може да ја намалат вашата анксиозност – менталната подготовка е клучот. Имајте на ум дека вашите стравови не се реални. Шансите да ви се случи несреќа се многу мали, а медитација или некаква терапија за смирување ќе ви помогне да се ослободите од црните мисли. На пример, може да се прашате себеси какви докази имате за да можете да тврдите дека нешто ќе тргне на лошо.
Не гледајте и читајте вести
Благодарениe на интернетот секојдневно сме изложени на голем број лоши вести. А кога ќе се случи авионска несреќа, следат низа вести кои ја следат приказната па некогаш имате чувство дека и вие сте дел од неа. Доколку се спремате за патување со авион, неколку дена пред тоа избегнувајте да гледате или да читате вести за вакви моменти.
Дистракција
Кога се подготвувате за лет, обезбедете си доволно забавни работи кои ќе ви го одвлечат вниманието. За почеток една интересна книга може многу да ви помогне да се опуштите и да летнете со умот на друго место. На летот може да си понесете слушалки, да си ја пуштите омилената музика и да затворите очи замислувајќи дека сте на друго место кое го сметате за сигурно.
Дишете
Една од најносновните техники за смирување е контролирано дишење. Иако тоа не го забележуваат, многу нервозни патници почнуваат да дишат забрзано или да дишат многу плитко со што само се влошува чувството на анксиозност. Доколку се плашите од паничен напад во авион, оваа техника ќе ви помогне првенствено да не дојде до него.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Кејт Мидлтон направи нова фотографија, има добра причина за тоа
Кенсингтонската палата објави нова слика од принцезата Шарлот за да го прослави нејзиниот деветти роденден.
„Среќен 9-ти роденден принцеза Шарлот! Ви благодариме за сите љубезни пораки денес“, пишува во описот покрај фотографијата објавена на социјалните мрежи.
Happy 9th Birthday, Princess Charlotte! 🎂
Thank you for all of the kind messages today.
📸 The Princess of Wales pic.twitter.com/2DSDiuO93c
— The Prince and Princess of Wales (@KensingtonRoyal) May 2, 2024
Како што е наведено, фотографијата ја направила принцезата од Велс.
Пред нешто повеќе од една недела на социјалните мрежи беше објавена нова фотографија и од нејзиниот помлад брат, принцот Луис.
Фотографијата, исто така направена од принцезата Кејт, беше споделена на 23 април за да го одбележи шестиот роденден на младиот член на кралското семејство.
Најстарото дете на Вилијам и Кејт, принцот Џорџ, ќе наполни 11 години на 22 јули.
Забава
Празнично ретро шоу на автомобили-олдтајмери на Градскиот плоштад во Крива Паланка
Градскиот плоштад во Крива Паланка, во сабота (4 мај), ќе биде возбудливо место на празнично Меѓународно ретро шоу на автомобили-олтајмери од Македонија и соседството, кои ќе бидат изложени за јавноста од 11,00 – 13,30 часот.
Љубителите на старите атрактивни автомобили ќе можат да уживаат во овој ретро авто-собир и ревијата на околу 30-тина автомобили, стари и по 40 години, од моделите на Мерцедес, Опел , Шевролет и други.
Ретро шоуто на олдтајмери го организира Општина Крива Паланка, во соработка со Клубот “Олдтајмер Витези” од Куманово, а учесници се повеќе олдтајмер клубови од нашата држава и од Србија.
Старата класа возила од минатиот век ќе тргне од собирното место во Куманово и ќе пристигне во 10,30 часот на паркингот кај ресторан „Облаче“ каде сите автомобили ќе бидат нумерирани и обележани со симболите на „Крива Паланка-Град на културата“. Возилата ќе продефилираат низ централното градско подрачје до Градскиот плоштад каде ќе бидат изложени и поставени нивните обележја.
Настанот ќе биде збогатен со настап на ДЏ Буѓо, а сите граѓани ќе можат одблиску да се запознаат со ретките примероци на олдтајмери, нивната приказна и историја, па дури и да си обезбедат специјално возење со овие стилски антиквитети на четири тркала.
Во 13,30 часот, олтајмерите ќе се упатат кон манастирот „Св. Јоаким Осоговски“ каде ќе бидат изложени на паркингот над црквата.
Ретро шоуто на олтајмери за првпат се организира во нашата општина , а е дел од манифестацијата „Крива Паланка- Град на културата 2024“.
Забава
Принцезата Шарлот денеска полни девет години, обожавателите со нетрпение очекуваат фотографија
Принцот и принцезата од Велс, имаат уште една причина за славење оваа недела – роденденот на принцезата Шарлот.
Принцезата Шарлот денеска наполни девет години и обожавателите со нетрпение ја очекуваа годишната роденденска фотографија што семејството ќе ја објави на нивниот посебен ден, објави Мирор.
Сепак, тие ја прекинаа традицијата минатата недела кога принцот Луис наполни шест години, а се чини дека планираат да го сторат истото и овој пат.