Забава
Членка на „Пуси рајот“ спречена да ја напушти Русија

Членката на руската панк-група „Пуси рајот“, Марија Алјохина, изјави дека била вратена на царината на московскиот аеродром и не ѝ било дозволено да ја напушти Русија.
,,В петок треба да биде одржана премиера на претставата според мојата книга „Рајот дејс“ во Единбург, Шкотска. Меѓутоа, момците на граница ми рекоа дека ми е забрането да ја напуштам земјата“, објави Алјохина на „Твитер“.
Таа е осудена на 140 часа општествено-корисна работа поради недозволени перформанси пред седиштето на руската Федерална служба за безбедност (ФСБ). Судот ѝ одреди и парична казна од 400.000 рубли бидејќи ја одбила првобитната казна. Нејзиниот адвокат смета дека токму тоа е причината за забраната за напуштање на земјата.
„Пуси рајот“ привлелче медиумско внимание во 2012 година кога одржа панк-молитва во црква во Москва барајќи од Богородица да го тргне Путин од власт.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Без оглед на возраста, три хороскопски знаци секогаш ќе изгледаат помлади отколку што се

Тие често зрачат со веселост што ги прави да изгледаат помлади отколку што се. Нивната естетска свест дополнително го нагласува овој впечаток.
Без оглед на нивната возраст, црти на лицето, став и манири, тие оставаат впечаток на свежина и виталност. Астрологијата открива дека одредени хороскопски знаци ја имаат токму оваа особина – тие секогаш изгледаат помлади отколку што се.
Ова често се поврзува со нивната личност, начин на живот и начинот на кој го доживуваат светот.
Близнаци
Луѓето родени под овој знак се познати по својата жива и разиграна природа.
Нивната енергија и постојаната желба за нови искуства ги прават исклучително младешки. Близнаците често изгледаат посвежи и помлади од своите врсници бидејќи внесуваат многу движење, комуникација и љубопитност во своите животи.
Нивната насмевка и веселиот дух дополнително го нагласуваат овој впечаток. Токму затоа на многумина им е тешко да ги проценат според нивната возраст.
Вага
Вагите се карактеризираат со природна елеганција и хармонија, што им дава младешки изглед без оглед на нивната возраст. Луѓето родени под овој знак сакаат да се грижат за себе, но на начин што ја нагласува нивната внатрешна рамнотежа.
Нивниот друштвен дух и оптимизам им помагаат да ја одржат својата привлечност и свежина.
Вагите често зрачат со веселост што ги прави да изгледаат помлади отколку што се. Нивната естетска свест дополнително го нагласува овој впечаток.
Риби
Рибите имаат мекост и нежност што ги прави вечно млади. Нивната сочувствителна природа и богата имагинација се одразуваат и во нивниот изглед. Луѓето родени под овој знак често изгледаат весели и смирени, што придонесува за впечатокот на свежина.
Рибите сакаат да сонуваат и да одржуваат врска со својот внатрешен свет, што ги прави разиграни и ненаметливо млади. Токму оваа комбинација од чувствителност и топлина им дава безвременски изглед.
фото: принтскрин
Забава
Направи фотографија од својот задник и гордо ја објави на социјалните мрежи

Ким Кардашијан веќе некое време привлекува внимание. Неодамна се најде на мета на јавни критики за нејзините родителски навики, а сега повторно е на страниците на таблоидите.
Таа објави серија провокативни фотографии на Инстаграм за да ја претстави новата колекција секси долна облека од брендот „SKIMS“.
Таа носеше бикини со долен дел „Milky Sheer String“ кој откриваше многу, а корисниците на социјалните мрежи беа особено заинтересирани за една фотографија која го истакнуваше нејзиниот задник.
Својот стајлинг го комплетираше со шминка во природни тонови, ниска пунџа и обична црна маица.
Коментарите беа претежно позитивни, а повеќето ѝ порачаа дека има совршено тело.
Забава
(Фото) Сите погледи кон Амал Клуни на втората вечер од Венецискиот филмски фестивал

Втората вечер од Венецискиот филмски фестивал заврши синоќа, а јавноста имаше можност да ја проследи премиерата на филмот „Џеј Кели“ во кој глуми Клуни.
Модната ревија на познатите личности, исто како и првата вечер, нè воодушеви и потценување е да се каже дека овој пат модните комбинации беа избрани со големо внимание. Најголем впечаток синоќа остави адвокатката и сопруга на Џорџ Клуни – Амал Клуни.
Таа прошета по црвениот тепих во винтиџ креација од францускиот дизајнер Жан-Луј Шерер, која имаше мини должина и голем дел кој се влечеше. Виолетовата тоалета ја истакнуваше нејзината витка фигура и долги нозе, а Амал не се потруди да го дополни фустанот со додатоци.
Таа се одлучи за едноставен пристап – односно, избра дискретни додатоци, шминка во земјени тонови и брановидна коса што ѝ паѓаше под рамената.
Што се однесува до Џорџ, тој избра класичен црн смокинг, за целото внимание на светот да биде насочено кон неговата сакана. Се чини дека дури ни настинката не можеше да го спречи актерот да ја прошета својата сакана по црвениот тепих.
фото: принтскрин