Енди Керол откри дека се вратил кај својата девојка Лу Тисдејл по неодамнешното кратко раскинување. Двојката се разделила поради низа караници. Најпрво беше објавено дека фудбалерот (36) ја оставил шминкерката (41) бидејќи му здосадило нејзиното однесување. Сепак, Daily Mail дозна дека всушност Лу ја прекинала врската.

Сега Енди ветува дека ќе намали со алкохол за да ја спаси нивната врска.

„Ја сакам Лу и нејзиното семејство. Се караме како и секој пар. Некои од нашите кавги беа околу алкохолот, бидејќи Лу не пие веќе 14 години, а јас знам да испијам пиво или вино за вечера и пијалок после натпревар. Не ми е проблем да престанам. Подобро ни е заедно и се обидуваме да ги надминеме нашите тешкотии,“ изјави Енди.

Извор рече дека Лу го оставила Енди, а потоа тој ја блокирал на социјалните мрежи и ги избришал заедничките фотографии. „Лу беше многу вознемирена од тоа како се одвиваше сè, а кавгите меѓу нив ѝ беа особено тешки. Сепак, Енди сакаше да ја врати назад и дури отпатува на Ибица за да ја пронајде,“ изјавил извор оваа недела.

Енди и Лу имале жестока караница на Миконос кон крајот на минатиот месец. Полицијата прво интервенирала поради бурна расправија во ресторан, а неколку часа подоцна и поради штета во хотелска соба.

Инцидентот во хотелот го потврдил вработен кој за The Sun on Sunday изјавил: „Да, беа сместени кај нас. Тој ги скрши вратите.“ Истата вечер Лу го напуштила хотелот и преспала во ексклузивниот приватен клуб Soho Roc House. Британски турист кој ги видел парот раскажал дека ги сретнал додека жестоко се расправале на улица.

„Мажот, за кого подоцна дознавме дека е Енди Керол, викал: ‘Со нас е готово!’ и делувал многу пијан,“ рекол сведок. Тој додал дека подоцна ги сретнал во истиот ресторан, каде што Керол изгледал бесен, а Лу седела со главата во рацете, како да плаче. „Полицијата пристигна, Енди излезе да разговара со нив, додека жената остана да седи на масата.“

„Ситуацијата е пренадувана“

Во заедничка изјава за The Sun, Енди и Лу порачаа: „Додека вечеравме во ресторан за време на мирен одмор на Миконос, имавме пожесток разговор, каков што повеќето парови понекогаш имаат. Полицијата брзо сфати дека нема причина за интервенција. Излеговме затоа што инсистираа дека сакаат да нè ‘заштитат’.“

„Нашето мислење е дека ситуацијата беше пренадувана од љубопитен минувач. Никој не беше уапсен, ниту беше подигнато обвинение. Среќни сме, заљубени и се радуваме на иднината, а ни е жал што приватна расправија стана јавна работа,“ додадоа тие.

Керол и Тисдејл ја започнаа врската минатата есен, откако Керол се раздели со својата сопруга, реалити ѕвездата Били Маклоу (36).

Актерите Лили Колинс, Ешли Парк, Еуџенио Франческини и Пол Форман беа фотографирани на снимањето на новата сезона на хит серијата на „Нетфликс“ –  „Емили во Париз“.

Очигледно, за разлика од претходните сезони, снимањето не се одвива во Париз, туку папараците ги фатија во Венеција.

Откако Емили се забавуваше во Париз, а потоа накратко во Рим, новата локација е Венеција. Како што претходно беше потврдено за „Варајати“, петтата сезона од популарната серија се снима во Венеција во текот на август. Досега, снимањето на петтата сезона се случуваше во мај во Рим, а потоа во јуни во Париз.

Новата сезона продолжува кога Емили се сместува во својот стан во Рим за да ја води италијанската канцеларија и да поминува време со Марчело, шармантниот и самоуверен наследник на семејниот бизнис со кашмирски текстил.

Влијанието на „Емили во Париз“ врз популарната култура беше такво што францускиот претседател Емануел Макрон во интервју за „Варајети“ минатиот октомври изјави дека Франција ќе се бори силно за да ја задржи серијата во земјата. Таа изјава потоа предизвика лежерна расправија помеѓу францускиот претседател и градоначалникот на Рим, Роберто Гвалтиери.

Точниот датум на премиерата сè уште не е објавен, но се очекува петтата сезона да пристигне до крајот на годината.

Наместо да се памети како авантура на целиот живот, луксузното крстарење по европските реки за Џон (78) и Розмари Кас (77) се претворило во низа непријатности и разочарувања. Откако Џон се опоравил од тешка болест, парот реши да се почасти себеси и платил речиси 19 илјади за 15-дневно крстарење со „Викинг Ривер Крузес“. Но, она што требало да биде патување од соништата се претворило во пекол.

Веќе во првите денови се соочиле со неподнослива топлина. Европа беше погодена од топлотен бран, а клима уредите на бродот престанале да работат. Персоналот ги советувал да не ги отвораат вратите од кабините, за да не влегуваат инсекти во собите, па затоа останале заробени во пареата.

По пет дена, патниците морале да бидат префрлени на друг брод поради ниското ниво на водата. Но, ситуацијата ниту таму не била подобра, клима уредот не работел, а во нивната кабина имало дури 30 степени. Покрај тоа, таванот почнал да протекува.

Кога решиле да се пожалат кај капетанот, тензиите се зголемиле.

„Морав да ја спречам Розмари да се скара со него“, признал Џон, додека неговата сопруга додала: „Имав нешто да кажам, воопшто не бев среќна“.

Како да не било доволно сето тоа, за време на патувањето се проширила болест на бродот. Двојката се заразила и го поминала остатокот од крстарењето во кревет, исцрпени и со висока температура.

„Одев по ходникот и од секоја соба доаѓаше кашлица. Немаше бегање“, се присетил Џон. Откако се вратиле дома, им бил дијагностициран бронхитис, рекле тие.

Двојката решила да се пожали до компанијата. Розмари лично му пишала на директорот на „Викинг Ривер Крузес“, но како извинување добила само околу 860 евра попуст на следното крстарење.

Незадоволни од тој одговор, се обратиле до локалната телевизиска станица WSB-TV. Дури по медиумскиот притисок, компанијата понудила нов договор, но под услов да потпишат спогодба за неоткривање информации. И покрај сè, тие велат дека имаат горчлив вкус во устата.

„Веќе не сум ни лут. Тоа е завршено. Сега сум само длабоко разочаран“, рече Џон.