Забава
Шише виски продадено за рекордни 1.1 милион долари

Во Шкотска можете да купите замок од 16 век за нешто повеќе од еден милион долари.Но, вчера еден купувач плати сличен износ за 750-милилитарско шише со виски, кое го нарекуваат ,,Светиот грал” поради неговиот темен алкохолен дух. Тој плати нешто повеќе од 1,1 милион долари, што е рекордна цена.
60-годишниот Macallan Valerio Adami 1926 е ,,едно од најретките и најпосакувани шишиња кои некогаш биле произведени”, вели специјалист во аукциската куќа ,,Бонхамс” во Шкотска која ја продала. Во цената е вклучена понудата од 700 000 фунти, или околу 900 000 долари, плус продажната премија вредна 148 000 фунти.
Идентитетот на приватниот купувач не се открива. Но, портпаролот на Бонхамс во средата изјави дека лицето било од Азија и ја направило понудата по телефон.
Шишето беше ставено на продажба во Единбург, покриено со тартан и спакувано во специјално дизајнирана кутија. Ова шише е вредно бидејќи е многу ретко. Само 24 шишиња се произведени со виски – 12 со етикети од страна на Адами и 12 со етикети од друг поп-артист, Англичанецот Питер Блејк – и никој не знае точно уште колку останале. Едно од шишињата со препознатлив црно-бел дизајн се шпекулира дека било уништено во земјотресот во Јапонија во 2011 година. Се смета дека уште најмалку едно или две биле отворени и испиени.
Многумина се прашуваат како е вкусот на виски од шише вредно 1 милион долари?
,,Кога го пробав, вискито беше прилично интензивно и суво, имаше вкус на суво овошје”, вели дегустаторот Дејвид Робертсон. ,,Но, морав да пробам многу виски во текот на годините и според моето скромно мислење, имаше голем број што беа подобри од овој.”
Според него, за некои луѓе, отворањето шише виски од 1,1 милион долари е доста голема одлука.
Ова е втора продажба годинава на шише виски за рекорден износ. Во мај, едно шише од изданието на Macallan Valerio Adami 1926 достигна околу 1,1 милион долари во Хонг Конг.
Златно и сребрено шише со капаче со дијаманти вредно 1,3 милиони долари беше украдено од бар во Копенхаген во јануари. По повеќе денови пребарување полицијата го пронајде оштетено и празно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајли Сајрус: Со години правеа мемиња од мене, кога облекувам костим за капење се сеќавам на тоа

Мајли Сајрус откри дека Интернетот одамна ја принудил да не оди на плажа во бикини. Во новото интервју пејачката зборуваше за тоа како со години ја следат мемиња кои го исмеваат нејзиниот изглед и дека тие слики сè уште и се појавуваат во главата секогаш кога ќе се погледне во огледалото во бањата.
„Во 2013 година луѓето ме ставаа во мемиња каде што ми ја лепеа главата на секакви грди тела“, се присетува Мајли. „И денес кога ќе го облечам костимот за капење се сеќавам на тие слики“. Затоа, вели, избегнува бикини. „Носам многу пристојни костими. Девојките со кои бев на патувањето сите имаа танга, а јас бев во шорцеви и широка маица. Буквално изгледав како баба”.
Сајрус призна дека никогаш целосно не ги преболела своите несигурности поради начинот на кој јавно ја исмевале. „Сè уште ме прогонуваат тие стари мемиња. Тие сè уште се во мене“.
Забава
Џеф Безос и Лорен Санчез вечераа во познат ресторан на Хвар: „Не можеме да ви кажеме што јаделе“

Џеф Безос и Лорен Санчез го посетија ресторанот „Код барба Луке“, кој се наоѓа во Стари Град на островот Хвар.
„Гостите беа задоволни од вечерата и воодушевени од Стари Град. Не можеме да ви кажеме што јаделе. Всушност, тие се многу фини луѓе“, изјави сопственичката на ресторанот, Катарина Роиќ-Скелин, за хрватски „Вечерњи лист“.
Таа додаде дека персоналот на ресторанот им служел на Безос и на другите гости со еднаква посветеност.
Забава
(Видео) Американскиот актер Ерик Дејн низ солзи: „Не мислам дека ова е крајот на мојата приказна, мојот крај“

Американскиот актер Ерик Дејн, познат по улогата на Марк Слоун во серијата „Вовед во анатомија“ (Grey’s Anatomy), во април оваа година откри дека страда од амиотрофична латерална склероза (АЛС).
„Дијагностицирана ми е АЛС. Благодарен сум што го имам моето прекрасно семејство покрај мене додека го започнуваме ова ново поглавје во нашите животи. Љубезно ве молам да ни дозволите мене и на моето семејство приватност“, изјави тој за списанието „Пипл“ во тоа време.
АЛС е невролошко заболување кое води до постепено губење на мускулната контрола и во моментов нема лек.
Прво интервју по дијагнозата
Два месеци откако ја објави дијагнозата за АЛС, Ерик Дејн се појави во емисијата „Добро утро, Америка“. Досега е објавен само преглед од интервјуто. Целосното интервју ќе биде објавено на 16 јуни. Седејќи со Дајан Соер, тој зборуваше за својата борба со болеста.
„Секој ден се будам и веднаш си потсетувам дека ова се случува. Не е сон“, рече Ерик.
И покрај дијагнозата, актерот вели дека сака да остане позитивен. „Не мислам дека ова е крајот на мојата приказна. Не чувствувам дека ова е крајот со мене“, рече тој.
Тој стана многу емотивен и се расплака кога Дајан го праша кого прв повикал за да му каже за неговата болест. Одговорот на Ерик на ова не беше прикажан.
Ерик откри дека продолжува да ја снима третата сезона на „Еуфорија“ и покрај борбата со АЛС. Дејн го игра Кал Џејкобс во серијата на ХБО.