Забава
Што се случува со вашето тело кога земате колаген во прав секој ден
![](https://makfax.com.mk/wp-content/uploads/2023/01/колаген.jpg)
Колагенот моментно е во центарот на вниманието. Од прашок до чоколадни плочки или лате (кафе со млеко), луѓето изгледа како да полудеа по колагенот. Но, дали секојдневното примање колаген нуди некаква корист за вашето тело или е само шашав додаток што звучи премногу добро за да биде вистина?
Прво, важно е да знаете дека колагенот е протеин во телото составен од аминокиселините глицин и пролин и тој игра голема улога во градењето на вашите коски, кожа, мускули, тетиви и лигаменти. За жал, како што стареете, вашето тело произведува сè помалку и помалку квалитетен колаген. Сепак, колагенот може да се најде во сврзното ткиво на одредена животинска храна: пилешка кожа, супа од коски, месо со коски и желатин (кој се прави од кожа, ‘рскавица и коски на животни). Се разбира, има и колагенски прав.
„Кога јадете колаген, како и сите протеини, тој мора да се разложи за да се апсорбира“, објаснува Ерика Јулсон, MS, RDN, регистрирана диететичарка и основач на Functional Nutrition Answers.
„Поради ова, земањето колаген директно не го зголемува нивото на колаген во телото. Наместо тоа, го снабдува вашето тело со градежни блокови потребни за создавање сопствен колаген“, вели таа.
Сепак, колагенот во суплементите веќе е разграден или хидролизиран поради што се смета дека се апсорбира поефикасно од колагенот во храната.
Што може да очекувате да видите кога земате колагенски додатоци или прашоци на конзистентна дневна основа? Дали земањето на овој додаток навистина помага да имате поздрава кожа или поздрави зглобови?
Еве 10 позитивни ефекти од редовно примање на овој додаток:
Зголемување на мускулната маса.
Подобрување на вашата кожа.
Заштита од губење на коскената маса.
Подобрено здравје на срцето.
Појаки нокти.
Зголемен раст на косата.
Олеснување на болките во зглобовите.
Управување со тежината.
Заздравување рани.
Подобро спиење.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Забава
Луѓето родени во три хороскопски знаци не можат да поднесат ненајавени гости
![](https://makfax.com.mk/wp-content/uploads/2022/03/horoskop.png)
Во светот на астрологијата, секој хороскопски знак има свои уникатни карактеристики и преференции. Додека некои знаци сакаат изненадувања и спонтаност, други ја ценат организацијата и приватноста.
За припадниците на одредени знаци, ненајавените гости можат да бидат извор на стрес и непријатност.
Девица
Девиците се познати по педантноста, организираноста и склоноста кон планирање. Со Меркур, планетата на комуникација и анализа, Девиците сакаат да имаат се’ под контрола и да ги планираат своите активности. Ненајавените гости го нарушуваат нивниот внимателно планиран распоред и внесуваат хаос во нивниот уреден свет.
Ненајавените гости ги принудуваат да импровизираат
Девиците го ценат редот и структурата. Нивната потреба за организација значи дека секоја непредвидена ситуација може да предизвика стрес и непријатност. Ненајавените гости ги принудуваат да импровизираат, што не им е силна страна. Девиците сакаат да имаат време да се подготват за социјални интеракции, а ненадејните посети им го нарушуваат мирот и рамнотежата. Исто така, Девиците често се самокритични и сакаат се да биде совршено, па ненајавените гости можат да предизвикаат чувство на неподготвеност и несигурност.
Јарец
Јарците се познати по својата сериозност, дисциплина и склоност кон планирање. Управувани од Сатурн, планетата на дисциплина и одговорност, Јарците сакаат да го контролираат своето време и обврски. Ненајавените гости може да ја нарушат нивната рутина и да донесат хаос во нивното внимателно планирано секојдневие.
Секоја непредвидена ситуација ги фрустрира
Јарците го ценат времето и одговорноста. Нивната потреба за структуриран распоред значи дека секоја непредвидена ситуација може да предизвика фрустрација. Ненајавените гости го нарушуваат нивниот фокус и продуктивност, што може да биде извор на стрес. Јарците сакаат да бидат подготвени за сите ситуации, па ненадејните посети може да предизвикаат чувство на несоодветност и несигурност. Исто така, Јарците имаат тенденција да бидат сериозни и внимателни, па ненадејните социјални интеракции може да бидат емоционално исцрпувачки за нив.
Рак
Раковите се познати по нивната чувствителност, емоционална длабочина и љубов кон домот. Со нив владее Месечината, планетата на емоциите и инстинктите, па Раковите ја ценат приватноста и безбедноста на својот дом. Ненајавените гости може да го нарушат нивното чувство на сигурност и да предизвикаат емоционален стрес.
Ненајавените гости им го нарушуваат мирот
Раковите ја ценат приватноста и емоционалната сигурност. Нивната чувствителна природа значи дека секоја непредвидена ситуација може да предизвика вознемиреност и непријатност. Ненајавените гости им го нарушуваат мирот и безбедноста дома, што може да биде извор на емоционален стрес. Раковите сакаат да бидат подготвени за социјални интеракции и претпочитаат планирани посети кои им овозможуваат емотивно да се подготват. Неочекуваните посети можат да направат да се чувствуваат неподготвени и несигурни, што дополнително ја зголемува нивната анксиозност.
Забава
Ева Лонгорија откри дека е во сродство со познатата оскаровка: „Направивме ДНК-тест“
![](https://makfax.com.mk/wp-content/uploads/2024/07/eva-longorija.jpg)
Изгледа дека се случи некој вид семејно обединување на снимањето на четвртата сезона од Only Murders in the Building.
Ева Лонгорија и Мерил Стрип глумат во новата сезона на серијата, а ѕвездата на „Домаќинки“ неодамна откри дека, всушност, е во роднинска врска со познатата оскаровка.
View this post on Instagram
„Мерил и јас сме роднини. И двете направивме ДНК-тест во шоуто на д-р Гејтс и дознавме дека имаме заеднички роднина“, изјави Лонгорија за „Екстра“ мислејќи на документарната серија на Хенри Луис Гејтс Јуниор, во која многу познати личности ги откриваат своите корени.
Ѕвездата на „Домаќинки“ откри и како е да се работи со Мерил на серијата Only Murders in the Building.
View this post on Instagram
„Беше навистина, навистина забавно и се викавме ‘роднино’“, рече таа.
На снимањето, Стрип ја претстави Лонгорија како своја роднина.
„Таа ја раскажа приказната и сите беа збунети бидејќи јас сум латино, а таа е – Мерил Стрип“, изјави Лонгорија.
Забава
Шварценегер објави фотографија со Сталоне: „Среќен роденден, пријателе“
![](https://makfax.com.mk/wp-content/uploads/2024/07/stalone-shvarceneger.jpg)
Арнолд Шварценегер му го честита роденденот на Силвестер Сталоне.
Актерот и поранешен гувернер на Калифорнија објави неколку заеднички фотографии направени во текот на нивните кариери.
„Среќен роденден, пријателе. Ти си шампион и легенда. Ме инспирираш и мене и милијарди луѓе во светот“, напиша Шварценегер.
View this post on Instagram
Ѕвездата на „Терминатор“ исто така објави фотографии од него и Сталоне како длабат тикви заедно, се смешкаат на настан на Планет Холивуд и позираат во опрема од 80-тите.
Во април Сталоне и Шварценегер разговараа за ривалството претходно. Арнолд призна дека Сталоне му бил голема помош во кариерата бидејќи тие секогаш се натпреварувале. Сталоне, пак, изјави дека, конечно, имало што да го мотивира кога се појавил Шварценегер.