Забава
Ѕвездата на „Игра на тронови“: Имав две крвавења на мозокот, се плашев да не ме отпуштат
Емилија Кларк призна дека се плашела да не биде отпуштена од серијата „Игра на тронови“ (во која ја глумеше Денерис Таргариен) по претрпени две мозочни крвавења, пишува „Дејли мејл“. Таа рече дека првото крвавење го имала кога завршило снимањето на серијата, а ја изгубила способноста за зборување и за малку ќе паднела во кома. Кога го добила второто крвавење, морала да се оперира.
„Кога имаш повреда на мозокот, сите несигурности се четирикратни преку ноќ. Се плашев дека ќе ме отпуштат бидејќи би помислиле дека не сум способна да ја завршам работата“, рекла 37-годишната актерка. „Повеќе се плашев од отпуштање отколку од смрт“, додаде таа. На крајот, бргу се вратила на работа, но признава дека ѝ било многу стресно и го почувствувала притисокот пред камерите.

По закрепнувањето, актерката ја почна добротворната организација SameYou за која таа и мајка ѝ Џени беа наградени со MBE (Member of the Order of the British Empire) за извонредни достигнувања или услуги за заедницата. Мајка ѝ исто така беше подложена на операција за отстранување аневризма на мозокот.
„Да имаме искуство блиску до смртта и да поминеме низ мракот на сето тоа и потоа да излеземе од него, навистина сме среќни“, заклучила Кларк.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Три хороскопски знаци се родени дипломати
Во астрологијата постојат знаци кои како да имаат природен талент за дипломатија. Нивните зборови се внимателно одбрани, реакциите не се импулсивни, а смиреноста им е најсилно оружје. Наместо да ја кажат вистината во лице, тие знаат како да ја кажат без да повредат некого.
Вага
Вагата е симбол на рамнотежа. Кога расте тензијата, таа прва ја забележува и се обидува да ја намали. Ги разбира двете страни и бара средина во која сите можат да се препознаат. Не ѝ е цел победа, туку хармонија.
Девица
Девицата не сака драма. Додека другите реагираат емотивно, таа анализира. Нејзината дипломатија се темели на логика и факти. Укажува на грешки без понижување и нуди практични решенија наместо расправии.
Јарец
Јарецот зборува малку, но кога ќе се вклучи, неговите зборови имаат тежина. Дејствува стратешки и се вмешува само кога е потребно. Не манипулира со емоции, туку поставува граници и го враќа фокусот кон целта.
Забава
(Видео) Симона Поповска го објави својот нов музички проект „Небитен“
Симона Поповска го објави својот нов музички проект „Небитен“, емотивна поп-балада која ја раскажува приказната за моментот кога сфаќаме дека сме станале небитни за некој што сè уште ни значи.
Автор на музиката и аранжманот е Панче Касапски, додека текстот е дело на Кристина Зимбакова Маркоски, во продукција, микс и мастеринг на Дулелуд, во соработка со самата Симона, која учествува и во пратечките вокали.
Видеоспотот се снимаше во планинскиот еко центар Grizzly – уникатна дестинација на најубавиот видик на езерото Козјак, во продукција на 20TWO Studio a под режисерската палка на Крсте Шупев.
Видео записот ја следи оваа внатрешна трансформација преку силна визуелна симболика. Главниот лик е жена која надворешно изгледа смирено и контролирано облечена во црно, во стаклен простор среде шума. Таа гледа кон светот надвор, но останува затворена во сопствената тишина, стабилна однадвор, а скршена одвнатре.
Во вториот дел од приказната, истата жена е прикажана во стаклена кутија, обвиткана во нежни слоеви, речиси разголена од сопствените заштити , ранлива, искрена и без маска.
Стиховите „Тажно е што не те ни боли…“ и „Да поверувам, небитен си“ добиваат силна визуелна тежина, претворајќи ја песната во приказна за најтешката битка, прифаќањето дека си станал небитен за некој кој сè уште ти значи.
Во финалето, двете верзии на истата жена се соочуваат лице в лице, допирајќи се преку стакло. Тоа е момент на вистина , прифаќање на болката и сознание дека силата започнува токму кога ќе ја признаеш.
Стајлингот е на самата Симона, во уникатните одела на Сигнори.
„Небитен“ е приказна за љубовта што тивко крши и за храброста да прифатиш дека повеќе не си нечие „сè“.
Забава
Грдо изгледа, но е превкусен: здрава верзија на банана лебот
Без брашно, без шеќер и без грижа на совеста – здравата верзија на банана лебот е сè што ви треба за да ги ограничите желбите за слатки.
Сите го знаеме рецептот за популарниот банана леб кој одамна го освои светот, но… Дали знаевте дека овој деликатес, или како и да сакате да го класифицирате, сега има своја здрава верзија?
Да, добро слушнавте!
Фитнес манијаците исто така си ги извалкаа рацете овде, претворајќи сосема обичен рецепт во вистинска нутритивна бомба – без брашно, без шеќер и без грижа на совеста!
Состојки:
- 3 банани (по можност презреани)
- 3 јајца (средна големина)
- 2 лажици грчки јогурт (би било добро ако користите вистински грчки јогурт)
- една лажичка мед (можете да користите две, но бананите се доволно слатки)
- една лажичка екстракт од ванила
- 2 чаши (на пример од 240 г) мелени овесни снегулки
- една лажица протеини (30 г протеини од ванила, но ќе биде доволен и кој било друг вкус. Можете, но не морате да го додадете ова)
- прстофат сол
- сода бикарбона – доволно за да се покрие врвот на лажичката
- една лажичка прашок за пециво
- боровинки – (можете, но не морате)
- темно чоколадо за посипување (можете, но не морате)
Подготовка:
Изгмечете 3 банани во сад, додадете јајца, грчки јогурт, мед и екстракт од ванила. Измешајте малку рачно, а потоа со миксер. После тоа, додадете суви состојки – овесна каша, протеини, сол, сода бикарбона, прашок за пециво.
Мешајте повторно 5 минути.
Време е за печење!
Истурете половина од филот во калапот, потоа додадете боровинки. После тоа, премачкајте ги боровинките со остатокот од филот, а потоа наросете со чоколадо.
Во претходно загреана рерна, печете го лебот од банана на 200 степени, на хартија за печење – 20 минути (можеби ќе треба да печете уште 5-6 минути, но потоа намалете ја температурата на рерната на 150 степени)
Естетиката на лебот не е јаката страна, но затоа е превкусен.

