Забава
Јавната обвинителка најави спогодба од 19 милиони долари по тужбите против Харви Вајнштајн

Постигнат е договор за спогодба во износ од 19 милиони американски долари во две судски постапки за сексуално вознемирување и недолично однесување, покренати од повеќе жени против поранешниот холивудски магнат Харви Вајнштајн, соопштија адвокатите во вторникот.
Но, адвокатите кои претставуваат шест од жените кои поднесоа обвиненија против Вајнштајн предложениот договор го нарекоа „целосна распродажба“ која не бара 68-годишниот поранешен продуцент да прифати одговорност или исплата од неговиот џеб.
Спогодбата, која допрва треба да биде одобрена од федерален судија и суд за банкрот, би ја решила тужбата против Вајнштајн, неговата продукциска компанија и неговиот брат, поднесена во 2018 година од страна на јавната обвинителка на државата Њујорк.
Исто така, тоа би ставило крај на посебна тужба поднесена во 2017 година во име на девет жени кои го обвинија Вајнштајн за сексуално вознемирување или напад, порача Летиција Џејмс, јавната обвинителка на државата Њујорк.
„По сите вознемирувања, закани и дискриминација, овие преживеани конечно добиваат некаков вид правда“, напиша таа на Твитер.
Џејмс додаде дека предложената спогодба ги ослободува жените од договорите за необјавување информации, кои ги спречуваат јавно да говорат за Вајнштајн, некогаш еден од најмоќните мажи во Холивуд.
Поранешниот филмски продуцент Харви Вајнштајн моментално служи затворска казна за сексуален напад и силување. Тој годинава беше осуден на 23 години затвор за сексуален напад врз неговата асистентка Мими Халеј и за силување на актерка аспирант Џесика Ман.
.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Ако не сте љубител на радикални диети и тренинзи, пробајте го овој зелен пијалок

Состојките се многу евтини, а подготовката трае само 5 минути.
Ако не сте љубител на радикални диети и тренинзи, сè што треба да направите е да промените една навика, вашата утринска, за да го забрзате метаболизмот и да ослабете. Тоа е пијалок направен од само 2 состојки – магдонос и лимон.
Оваа течност ќе му помогне на вашето тело да се ослободи од вишокот вода, да ја елиминира надуеноста, да ги разгради масните клетки, да го стимулира мочниот меур да работи подобро и да ги исфрли токсините од вашето тело.
Состојки:
– 1 лимон
– 60 г магдонос
– 60 мл вода
Подготовка:
Исцедете го сокот од лимонот и исечкајте го магдоносот. Ставете ги во чаша и прелијте ги со вода.
Примена: Секогаш пијте го овој напиток на празен стомак. Консумирајте по една чаша дневно 6 дена, потоа направете пауза од 10 дена, а потоа можете да почнете одново.
Ќе забележите резултати по само еден месец.
Забава
(Фото) Лавица на теренот, супермодел надвор од него

Арина Сабаленка ужива во летниот одмор во Грција, од каде објави фотографија во бикини и за многу кратко време успеа да стане главна тема.
Тенисерката број еден во светот, Арина Сабаленка, нижи успеси на теренот, па по финалето на Ролан Гарос одлучи дека е време за пауза.
Таа повторно ја избра Грција како своја летна дестинација, поточно прекрасниот Миконос, а друштво и прави нејзиниот партнер, Јоргос Франгулис, успешен бизнисмен кој претходно живеел во Бразил.
Како што еднаш откри, Грците ја освоиле со својата топлина, гостопримство и одлична клима, па затоа нема намера да го промени местото за одмор.
Во серија фотографии од нејзиниот одмор, онаа во бикини привлече најголемо внимание, а луѓето ѝ рекоа во коментарите дека изгледа подобро од кога било и дека треба почесто да објавува такви фотографии.
Забава
(Фото) Кралицата Летиција го носи најубавиот летен фустан

Кралицата Летиција од Шпанија е вистински синоним за совршена елеганција. Без разлика кое годишно време е, таа знае како да доминира.
Неодамна таа воодушеви со својот избор на пролетна облека, а сега можеме со сигурност да кажеме дека има и совршена летна облека за сите пригоди.
Летиција блескаше во миди бел фустан без ракави со висока јака. Материјалот беше особено впечатлив поради својата текстура, а кралицата додаде црн ремен за да ја истакне нејзината зачудувачка фигура.
Едноставни црни чевли со отворена потпетица беа нејзин избор овој пат и повторно Летиција не направи ни најмала грешка.
Таа додаде пар висечки обетки и многу лесна шминка, истакнувајќи ја својата природна убавина.