Забава
„Јутјуб“ плати 6 милијарди долари на музичката индустрија

„Јутјуб“ објави дека платил повеќе од 6 милијарди долари на музичката индустрија помеѓу јули 2021 година и јуни 2022 година, што претставува зголемување од 2 милијарди долари во споредба со исплатите од 4 милијарди долари што компанијата ги објави минатата година, пишува „Холивуд репортер“.
Содржините генерирани од корисници учествуваа со 30% од исплатите на уметниците, текстописците и носителите на правата, соопшти компанијата.
„Не би можел да бидам повеќе горд на напредокот на Јутјуб со враќањето на приходите во музичката индустрија отколку што сум“, рече Лиор Коен, глобален шеф за музика на компанијата.
„Остануваме фокусирани да станеме најголем придонесувач за приходи за индустријата, а исто така градиме музичко искуство во сите музички формати за обожавателите и уметниците што овозможува откривање, потрошувачка и учество“, додаде тој.
Во посебен блог-објавен вчера Коен рече дека сака комбинацијата на реклами и претплати да биде „број 1 придонесувач на приходите во индустријата до 2025 година“. Тој, исто така, укажа на напорите на „Јутјуб“ за монетизација на повеќе формати, вклучувајќи кратки форми и видеа во живо.
Рекламниот бизнис на „Јутјуб“, кој забележа рекорден раст во претходните години на пандемијата, донесе приход од 7,3 милијарди долари во вториот квартал. Минатата година „Јутјуб“ соопшти дека надминал 50 милиони претплатници на YouTube Music, вклучувајќи бесплатни и корисници кои плаќаат.
Како што компанијата го развива својот музички бизнис, исто така бара да ги промени своите односи со уметниците и носителите на правата. Во август, „Јутјуб“ заедно со Amazon Music, Apple Music, Pandora и Spotify постигнаа договор со врвните музички издавачи за постепено зголемување на стапките на авторски права на 15,35% во следните пет години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајли Сајрус: Со години правеа мемиња од мене, кога облекувам костим за капење се сеќавам на тоа

Мајли Сајрус откри дека Интернетот одамна ја принудил да не оди на плажа во бикини. Во новото интервју пејачката зборуваше за тоа како со години ја следат мемиња кои го исмеваат нејзиниот изглед и дека тие слики сè уште и се појавуваат во главата секогаш кога ќе се погледне во огледалото во бањата.
„Во 2013 година луѓето ме ставаа во мемиња каде што ми ја лепеа главата на секакви грди тела“, се присетува Мајли. „И денес кога ќе го облечам костимот за капење се сеќавам на тие слики“. Затоа, вели, избегнува бикини. „Носам многу пристојни костими. Девојките со кои бев на патувањето сите имаа танга, а јас бев во шорцеви и широка маица. Буквално изгледав како баба”.
Сајрус призна дека никогаш целосно не ги преболела своите несигурности поради начинот на кој јавно ја исмевале. „Сè уште ме прогонуваат тие стари мемиња. Тие сè уште се во мене“.
Забава
Џеф Безос и Лорен Санчез вечераа во познат ресторан на Хвар: „Не можеме да ви кажеме што јаделе“

Џеф Безос и Лорен Санчез го посетија ресторанот „Код барба Луке“, кој се наоѓа во Стари Град на островот Хвар.
„Гостите беа задоволни од вечерата и воодушевени од Стари Град. Не можеме да ви кажеме што јаделе. Всушност, тие се многу фини луѓе“, изјави сопственичката на ресторанот, Катарина Роиќ-Скелин, за хрватски „Вечерњи лист“.
Таа додаде дека персоналот на ресторанот им служел на Безос и на другите гости со еднаква посветеност.
Забава
(Видео) Американскиот актер Ерик Дејн низ солзи: „Не мислам дека ова е крајот на мојата приказна, мојот крај“

Американскиот актер Ерик Дејн, познат по улогата на Марк Слоун во серијата „Вовед во анатомија“ (Grey’s Anatomy), во април оваа година откри дека страда од амиотрофична латерална склероза (АЛС).
„Дијагностицирана ми е АЛС. Благодарен сум што го имам моето прекрасно семејство покрај мене додека го започнуваме ова ново поглавје во нашите животи. Љубезно ве молам да ни дозволите мене и на моето семејство приватност“, изјави тој за списанието „Пипл“ во тоа време.
АЛС е невролошко заболување кое води до постепено губење на мускулната контрола и во моментов нема лек.
Прво интервју по дијагнозата
Два месеци откако ја објави дијагнозата за АЛС, Ерик Дејн се појави во емисијата „Добро утро, Америка“. Досега е објавен само преглед од интервјуто. Целосното интервју ќе биде објавено на 16 јуни. Седејќи со Дајан Соер, тој зборуваше за својата борба со болеста.
„Секој ден се будам и веднаш си потсетувам дека ова се случува. Не е сон“, рече Ерик.
И покрај дијагнозата, актерот вели дека сака да остане позитивен. „Не мислам дека ова е крајот на мојата приказна. Не чувствувам дека ова е крајот со мене“, рече тој.
Тој стана многу емотивен и се расплака кога Дајан го праша кого прв повикал за да му каже за неговата болест. Одговорот на Ерик на ова не беше прикажан.
Ерик откри дека продолжува да ја снима третата сезона на „Еуфорија“ и покрај борбата со АЛС. Дејн го игра Кал Џејкобс во серијата на ХБО.