Забава
Ќе постигнат сè што ќе замислат: од 12 април почнува период на луда среќа за три хороскопски знаци

Полната месечина во Вага на 12-ти април најавува моќна енергетска промена која ќе донесе големи промени за многумина.
Нејзината енергија го осветлува она што досега беше скриено, ни помага да донесеме важни одлуки и да го ослободиме она што не кочи. Овие 3 хороскопски знаци ќе процветаат во наредниот период.
Вага
Како домаќин на полната Месечина, Вагата ќе блесне во својот полн сјај. Ги очекуваат емотивни пресврти, особено во љубовниот живот – можно е обновување на стара врска или влегување во нова, длабока и хармонична љубовна приказна.
На деловен план ќе има признанија и пофалби, а финансиската состојба значително ќе се подобри. Вагите ќе чувствуваат внатрешна рамнотежа и ентузијазам, што ќе ги мотивира на храбри потези кои многукратно ќе се исплатат.
Лав
Полната месечина во Вага им носи големо олеснување и бран на среќа на Лавовите, особено на полето на кариерата. Сега доаѓаат во вистинско време долгоочекуваните промени – можни се понуди за вашата работа од соништата, унапредување или успешно завршување на некој важен проект.
Љубовниот живот станува повозбудлив, а Лавовите ќе зрачат со харизма која привлекува внимание. Финансиите се стабилизираат, а некои Лавови може дури и неочекувано да направат голема парична добивка.
Риби
За Рибите, оваа полна месечина носи емотивна трансформација и можности конечно да најдат мир и сигурност. На љубовен план има подлабока поврзаност со партнерот или средба со личност која им го менува животот.
Кариерата оди во нов правец – можно е да се отвори можност по која копнееле, но не се осмелиле да ја следат. Нивната интуиција е исклучително силна, а со неа доаѓа и финансиската среќа – време е да бидат наградени за сè што трпеливо чекале.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Скопјанката Лара Станчева победи на Top Model International 2025 во Монако

Минатата недела во престижната сала Sporting Monte Carlo во Монако се одржа финалето на 21. избор за Top Model International 2025, на кој победи нашата претставничка, 15-годишната Лара Станчева ученичка во средното училиште „Георги Димитров“ од Скопје.
Таа овој успех го направи во конкуренција на 59 девојки учеснички од целиот свет.
Лара е член на Модното студио Црнокрак, од кое добивме информации во врска со овој интернационален избор за модели, на кој Македонија за прв пат имаше свои претставници.
Првично од преку 10.000 кандидати, пријавени онлајн од целиот свет се избраа 5.000 од 35 националности, кои беа на кастинг во повеке градови во Европа. На кастингот во Париз, Лара беше избрана за полуфинале во Брисел заедно со 450 кандидати. И таму Лара одлично се претстави и влезе во финалето, меѓу најдобрите 111 девојки, од кои 52 беа во конкуренција на модели и 59 во конкуренција на фотомодели.
Финалето се одржа во престижната сала Sporting Monte Carlo, а Лара Станчева победи во конкуренција на фотомодели.
Кај машките победник е Matteo Mergny од Белгија, а Македонија ја претставуваше Димитар Димоски кој имаше најголем број гласови од public voting и во Брисел ја освои наградата фотосесија во Saint Tropez.
Во конкуренција на модели победи Emma Demay од Франција, а кај машките претставникот на Италија Federico Rossini.
За победата Лара доби учество во два големи проекти, две големи кампањи за светски познати модни брендови, за кои снимањата во наредниов период ќе бидат во Маракеш, Мароко и на Малдивите.
Забава
(Видео) Започна снимањето на новата сезона од серијата што ја гледаа 100 милиони луѓе

Криминолошката серија „Лупин“, која ја гледаат стотици милиони луѓе на „Нетфликс“, ги воодушеви гледачите ширум светот.
Многумина велат дека „се заљубиле во серијата по првите пет минути од првата епизода“.
Францускиот трилер првпат се емитуваше во 2021 година, а главните улоги ги играат Омар Си, Лудивин Сање и Клотилд Хесме. Во центарот на заплетот е Асан Диоп (Си), кој е инспириран од приказните за познатиот измислен крадец Арсен Лупин и самиот станува вешт криминалец. Синопсисот вели дека Асан „се одмаздил на богато семејство кое му згрешило на неговиот татко“.
Серијата е создадена од Џорџ Кеј и Франсоа Узан, а од премиерата досега има собрано импресивни 99,5 милиони прегледи на „Нетфликс“.
На социјалните мрежи гледачите пишуваат: „Лупин на Нетфликс – совршена десетка. Погледнете го“, „Тукушто го гледав Лупин. Одлична серија, ве држи заинтересирани до крај“ и „Мора да го гледате Лупин на Нетфликс. Едноставно е серија за мој вкус“.
Но, не сите го делат истото мислење.
Еден корисник напиша на страницата со рецензии: „Омар Си како Лупин е шармантен, но заплетите се сосема нереални… понекогаш едноставно глупави. Се чинеше дека има потенцијал бидејќи продукцијата е врвна, но приказните се навистина претерани.“
Забава
(Фото) 10 најинтересни модни креации од доделувањето на наградите AMA

По двегодишна пауза, доделувањето на Американските музички награди се одржа синоќа во Лас Вегас. Иако Били Ајлиш (23) триумфира во сите седум категории за кои беше номинирана, ниту таа ниту многубројни други ѕвезди – вклучувајќи ги Тејлор Свифт, Сабрина Карпентер и Аријана Гранде – не се појавија на доделувањето на наградите.
Церемонијата ја водеше Џенифер Лопез, а на сцената настапија и сер Род Стјуарт, Рене Рап, Гвен Стефани и Џенет Џексон. Сепак, публиката не беше импресионирана – многумина на социјалните мрежи го нарекоа настанот „најлошата церемонија на доделување награди досега“ најмногу поради отсуството на главните категории од емитувањето и недостигот на познати лица во публиката.
Но, и покрај сè, некои успеаја да привлечат внимание – барем со своите модни избори.