Забава
Џенифер Анистон на почетокот на кариерата ја терале да ослаби и да носи корсет
Американската актерка Џенифер Анистон (50), позната по улогата на Рејчел Грин во серијалот „Пријатели“, во неколку наврати изјави дека се чувствува одлично во своето тело, но на почетокот на кариерата таа се сретнувала со критики.
„Требаше да изгуби 13 килограми за да преживее во Холивуд. Лос Анџелес е тешко место за млада актерка, тешко е да се биде жена на вакво место. Џенифер не е дебела и сите ја видоа нејзината убавина, но се виде и дека камерата ѝ додава неколку килограми“, вели Саул Аустерлиц, автор на книгата што излегува по повод 25-годишнината на серијалот, во која се откриваат детали за главните ликови што досега не биле познати.

„Тие ѝ рекоа дека е премногу дебела за добри улоги. Големите фаци бараа таа да ослаби барем десет килограми. Тие сакаа таа да носи боди, корсет на аудициите…“, додаде таа.
Актерката изјави дека нејзината агентка ѝ рекла дека мора да ја промени исхраната и да изгуби неколку килограми и се согласила дека ѝ е потребна промена.
„Мајонез на бел леб – највкусната работа на светот. Пржени компирчиња, сосови, за среќа, почнав да внимавам на тоа“, рече Џенифер.
Со текот на годините таа во Холивуд ја доби титулата на една од најпосакуваните жени на светот и беше признаена како талентирана актерка со милиони на својата банкарска сметка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) „Ај кју“ со Pay the Price го продолжуваат музичкиот континуитет
Дуото составено од Бојан и Марија го продолжуваат својот музички пат со песни испеани на англиски јазик, а најнова во низата е песната „Pay the Price“. Музиката и аранжманот е целосно дело на Бојан, а текстот го напишаа заедно со Марија и уште една нивна редовна соработничка од Лондон.
Песната опишува едно типично секојдневие на партнери кои живеат заедно и низ шармантен и духовит начин ги доловува ситуациите кои се предизвици на партнерите.
Песната е снимена во Лондон во студиото во кое творат последните неколку години и на оваа песна ја продолжија соработката со ко-продуцентите од Шведска и Италија.
Забава
(Видео) Враќање во иднината со Јован Јованов и Елвир Мекиќ
Јован Јованов и Елвир Мекиќ повторно ги споија своите гласови и енергија, 16 години откако ја испеаја „Слаба точка“.
Музички позрели од претходно, а сепак со истата страст, тие ја снимија песната „Адреналин“, која ќе биде вистински хит, а ќе почнете да си ја пеете и да играте во нејзин ритам уште на првото слушање.
Премиерата на песната е закажана за 01.11.2025 (сабота) во 15:00 часот.
Забава
Заборавете на црното: овој капут е хит за зимата и тешко е да се победи
Оваа сезона ќе се оддалечиме од вечниот класик – црниот капут, кој е неопходен дел од зимскиот гардеробер, и ќе носиме таков што е малку потежок за одржување, но ја воздигнува секоја комбинација во студените денови.
Постигнувањето елегантен зимски изглед често се сведува на едно клучно парче облека – совршениот капут. Бидејќи ја дефинира целата силуета, добриот капут ви овозможува да носите речиси сè под него, а сепак да изгледате беспрекорно. Токму затоа модните експерти посветуваат посебно внимание на изборот на идеалниот модел секоја сезона.
Оваа зима еден стил и една боја особено се издвојуваат и привлекуваат внимание со својата ненаметлива софистицираност, а тоа е кремастиот капут.

Фактот дека капутите во оваа боја се вистински хит го потврдија многу познати личности, вклучувајќи ги Селена Гомез, Ема Вотсон и други, кои избраа вакви капути за разни пригоди во изминатите неколку недели, а истиот тренд го прифатија и многубројни инфлуенсери.
Одлична алтернатива на белата
За разлика од чисто белата, кремастите нијанси нудат помек и потопол изглед и создаваат посуптилен контраст на потемните бои внесувајќи доза елеганција, што е тешко да се победи.

Секако, клучниот предизвик со овој тренд е одржувањето. Бидејќи кремастите палта се чувствителни на нечистотија, се препорачува да се чуваат за суви денови и за посебни пригоди, а за дождливи и ветровити денови потемните модели се сепак попрактичен избор.
Свежо, елегантно и несомнено софистицирано, кремастото палто е парче што веднаш го воздигнува секој зимски гардеробер. Од популарни брендови до дизајнерски класици – понудата е побогата од кога било досега оваа сезона.
фото: принтскрин

