Забава
Џони Деп бил насилен мизогинист, тврди адвокатката на британски „Сан“

Џони Деп бил зависник од наркотици склон кон епизоди на насилен бес и мизогинист кој ја напаѓал својата сопруга и користел навредлив јазик за жените, беше кажано во понеделникот во лондонскиот Висок суд каде што привршува судскиот процес за клевета против британски таблоид.
Ѕвездата на „Пиратите од Карибите“ ги тужи издавачите на „Сан“, News Group Newspapers, и новинарот Дан Вутон за статија од 2018 година во која го нарекува тепач на сопруга.
Деп (57) и неговата поранешна сопруга Амбер Херд (34) дадоа докази на судењето. Деп рече дека тој никогаш не бил насилен кон Херд или која било друга жена и дека таа била насилникот во нивниот брак. Херд наведе повеќе инциденти за кои тврди дека Деп физички ја нападнал.
Резимирајќи го случајот во одбрана на тврдењето за тепање на сопругата, адвокатката Саша Вас рече дека наводите во статијата се вистинити и дека актерот е безнадежен зависник.
Адвокатката на глас прочита порака од е-пошта од 2013 година адресирана до Деп, во времето кога тие не биле венчани. Во пораката што Херд наводно ја сочувала во својата архива, таа вели: „Ме удри повторно, нешто што никогаш не требаше да го сториш. И ништо од тоа не би било можно без алкохол и дрога. НИШТО.“ Пораката била адресирана до Деп, но не била испратена.
Адвокатката го обвини Деп за „длабока мизогинија“, повикувајќи се на пораки и е-пошта во кои тој користел навредливи зборови „курва“, или „безвредна проститутка“ за Херд и за други жени.
„Обвинувајќи ја Херд дека физички го нападнала, Деп сака да ги смени улогите на сторителот и жртвата“, рече Вас. „Обвинет за насилство и прекумерно земање дрога, тој одговора со истите обвиненија против неа.“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајкл Џордан на прошетка во Дубровник

Познатиот американски кошаркар Мајкл Џордан моментално престојува во Хрватска, каде што е на одмор со сопругата Ивет Прието и пријателите. НБА легендата беше снимена додека шеташе во Дубровник и го привлече вниманието на минувачите, пренесе „Инекс“.
По посетата на Скрадин и Националниот парк Крка, познатиот кошаркар отишол во Хвар. Џордан ручал и уживал во друштвото на пријателите и опуштената атмосфера, а интересно е што тој носи своја текила со себе и само неа ја пие.
На свадбата на Џеф Безос и Лорен Санчез, која се одржува во Венеција, присуствуваат бројни познати личности, а еден тиктокер направи фотографија од јахтата на Мајкл Џордан наречена М’Брејс, вредна околу 115 милиони долари, поради што многумина помислија дека тој ќе се појави на свадбата на славниот пар.
Мајкл Џордан последен пат ја посети Хрватска во август 2021 година.
Забава
Лорен Санчез фотографирана во пресрет на свадбата, блеска во бело

Џеф Безос и Лорен Санчез ќе се венчаат на церемонија на венецијанскиот остров Сан Џорџо Маџоре, каде што невестата отиде со глисер.
На денот на нејзината свадба, Санчез блескаше во бело, а изгледот го комплетираше со очила за сонце и бела марама. 55-годишната Санчез позираше насмеана за фотографите пред свадбата, која треба да се одржи попладне, а многумина се прашуваат како ќе изгледа нејзината венчаница.
Според повеќе медиумски извори, двојката наводно се венчала пред еден месец во САД. Овие наводи се поткрепуваат со фактот дека во Италија не побарале потребна документација за нивниот брак да биде правно важечки. Свадбената церемонија во Венеција е симболична, а двојката наводно потпишала договор од повеќе милиони долари пред нивната граѓанска венчавка во САД.
Безос и Санчез се домаќини на тридневна прослава со голем број познати личности, меѓу кои Иванка Трамп и Џаред Кушнер, Ким Кардашијан, Крис Џенер и Клое Кардашијан, Опра Винфри и Гејл Кинг, милијардерот Бери Дилер и неговата сопруга, дизајнерката Дајан фон Фурстенберг, легендата на НФЛ Том Брејди и музичкиот могул Скутер Браун, како и неодамна слободниот Орландо Блум.
Забава
Пејачката Џеси Џеј го победи ракот

Џеси Џ. откри дека официјално го победи ракот, само неколку недели откако објави дека е на операција за тумор на дојка.
Британската пејачка Џеси Џеј, која на 3 јуни објави дека има рак на дојка, а пред помалку од една недела беше оперирана, ја објави најдобрата можна вест – лекарите ѝ кажаа дека повеќе нема рак.
Jessie J reveals her breast cancer is ‘all gone’ after surgery as she gives health update
https://t.co/TP5sRH0SAk— The Sun (@TheSun) June 26, 2025
На Инстаграм, Џеси се пошегува дека нејзината брадавица е сè уште на место, а времето за закрепнување ѝ даде совршен изговор да го гледа „Love Island“ без грижа на совеста.
Таа додаде дека во најтешките моменти имала силна поддршка покрај себе – нејзината мајка, нејзиниот сопруг Ченан Колман и нејзиниот син Скај.
„Многу ми значеше што се поврзав со други кои минуваат низ истата битка“, истакна таа и објави дека поминала низ „постоперативна болка“.
Џеси беше многу оптимистична од самиот почеток на ужасната дијагноза, им кажа на своите обожаватели дека раното откривање на болеста е „светлина во тунелот“ и дека прави пауза од турнеите за да го стави своето здравје на прво место.