Актерот Ентони Рап (49) во октомври 2017 година тврдеше дека оскаровецот Кевин Спејси (61) се обидел да го заведе откога го поканил на забава кога имал само 14 години. Но, во новите судски документи Кевин инсистира на тоа дека неговиот обвинувач не бил ни присутен на забавата на која се случил наводниот инцидент.

Во одговорот на верификуваната жалба, поднесена минатиот петок, адвокатот на Спејси напиша: „Обвинетиот признава дека бил во публиката за продукција на Precious Sons приближно кон крајот на осумдесеттите години, во кој тужителот Рап бил член на актерската екипа.

„Обвинетиот признава дека накратко се сретнал со тужителот Рап во неколку наврати најмногу, но интеракциите на обвинетиот со него биле периферни и ограничени. Обвинетиот негира дека го поканил тужителот Рап на која било забава во својот дом“, напишал адвокатот на Спејси.

„Обвинетиот негира дека се случил наводниот инцидент или каков бил друг акт што го тврди тужителот Рап“.

Пред два месеца Рап поднесе тужба против холивудскиот ветеран обвинувајќи го за сексуален напад што се случил во осумдесеттите години кога бил тинејџер.

Рап првпат јавно проговори против оскаровецот Спејси во 2017 година.

Мајкл Б. Џордан, кој минатата недела беше прогласен за најсекси маж во светот за 2020 година според магазинот „Пипл“, откри дека ќе отвори профил на платформата OnlyFans, страница со содржини за возрасни, но наведе дека ваквиот потег е за добротворни цели.

33-годишниот актер изјави дека планира да се приклучи на 18+ страницата врз база на претплата, каде што фановите можат да плаќаат за да видат делови од неговото телото, но инсистираше на тоа дека сите приходи од неговиот профил ќе бидат наменети за финансирање на училишта.

Во текот на гостувањето во живо во емисијата на Џими Кимел, тој рече: „Јас ќе започнам нешто ново, но сите приходи ќе одат за училиште за бербери, бидејќи во време на самоизолација многу бизниси и училишта се затворени “.

Мајкл се пошегува дека профилот на платформата ќе биде посветен на неговите нови мустаќи, кои ги израсна за време на самоизолација и кои ги нарекол Марфи.

На прашањето дали профилот на 18+ платформата ќе биде отворен во блиска иднина, тој рече: „Да, секако“.

Славниот готвач (54), кој има пет деца – Меган (22), близнаците Џек и Холи (20), Матилда (19) и Оскар (19 месеци) – со сопругата Тана, е уморен од тоа што луѓето, кога сите се заедно, мислат дека неговото најмало дете, всушност, му припаѓа на постариот син, а дека тој е дедото.

„Најлошата работа е кога шетаме со Тана и Џек и сите гледаат во Џек како Оскар да е негов син. Сигурно сте горди што сте дедо“, вели Гордон алудирајќи на тоа што си го мислат луѓето кога ги гледаат сите заедно, и на крајот додава: „По ѓаволите, тој е наш“.

„Ако уште еднаш ме наречат дедо, ќе бидам многу лут!“

Гордон е познат по својата страст кон фитнесот и е воодушевен што неговите деца тргнаа по неговите стапки кога станува збор за настани за издржливост.

Легендарниот готвач за новиот број на британското списание Men’s Health изјави: „Мојот син Џек го направи својот прв ‘Ајрон-мен’ 70.3 минатата година. Сите деца влегоа на лондонскиот маратон собирајќи пари за детската болница ‘Грејт Ормонд’. Тана ќе се посвети на 10. маратон. Јас се пријавив за маратонот во Лондон и на два во Лос Анџелес“.