Легендарниот британскиот музичар Род Стјуарт ужива со семејството во Дубровник.

Тој е снимен како се шета на Страдун со сопругата Пени Ланкастер, а фотографиите ги објави „Дулист“.

Рокерот избра опуштен стил за прошетка по Страдун, жолти панталони и жолти патики, а Пени е во долг летен фустан со насмевка на лицето. Заљубени и под чадор, тие не ги кријат среќата и задоволството, без оглед на дождот.

Род Стјуарт има осум деца со пет жени, но тој успеа да остане во добри односи со сите, а тоа го покажа кога собра дури четири од нив на една семејна прослава.

Со сегашнатa сопруга Пени (49) има два сина, Аластер (13) и Ајден (9), кои исто така може да се видат на една од фотографиите.

Актерот Џони Деп почна судска постапка против британски таблоид, кој, најверојатно, ќе открие детали од приватниот живот за него и неговата поранешна сопруга Амбер Херд.

Деп (57), ѕвездата на филмот „Пиратите од Карибите“, го тужеше издавачот на таблоидот „Сан“ и неговиот извршен уредник Ден Вутон за клевета за написот на Вутон од 2018 година во кој го нарече човекот што ја тепа сопругата.

Случајот ќе го води Високиот суд во Лондон и судењето треба да трае три недели, а исказ треба да дадат и актерот и неговата поранешна сопруга.

Двојката се запознала во 2011 година во серијата The Rum Diary, а се венчале во февруари 2015 година. Актерката поднесе барање за развод по 15 месеци брак и побара од судот да му забрани да ѝ се приближи. Таа го обвини за физичка злоупотреба, што тој го негира.

Тие се разведоа во 2017 година и тогаш му беше укината забраната за приоѓање и Деп се согласи да ѝ плати 7 милиони долари.

„Сан“ се обиде да издејствува судот да ја отфрли тужбата, но не успеа, иако судијата пресуди дека Деп не ја доставил целата потребна документација, вклучувајќи ја и неговата преписка по телефон со помошникот, кој, според „Сан“, му набавувал дрога.

Актерот Том Хенкс (63) нема голема почит кон оние што не носат маски деновиве и не се придржуваат кон епидемиолошките мерки во борбата против коронавирусот.

Славниот актер и неговата сопруга Рита Вилсон на почетокот на март објавија дека се позитивни на коронавирусот, кој во тоа време штотуку почна да одзема животи во целиот свет и беа меѓу првите заразени јавни личности. Тие се лекуваа од корона во карантин во Австралија, каде што се заразиле за време на снимање филм по што се вратиле во својот дом.

Оскаровецот во интервју за „Ројтерс“ откри дека е тажен поради новата состојба и фактот што луѓето не се грижат за своето здравје и за здравјето на своите најблиски.

„Секој може да направи три мали работи – ако сака. Носете маски, мијте ги рацете и држете растојание. Ако не можете да го сторите тоа, нема да имам многу почит кон вас“, рече актерот апелирајќи до сите луѓе во светот.

Хенкс ги спореди овие мерки на претпазливост со возењето автомобил и возачите.

„Ако возите автомобил, мора да ги користите сообраќајните сигнали за да не возите премногу бргу и да внимавате на пешаците“, истакна тој.