Научници од Универзитетот во Њукасл тврдат дека имаат сериозни докази дека витаминот Д е клучен фактор во борбата со канцерогените заболувања

Тие тврдат дека витаминот го намалува ризикот од рак за 40 отсто.

Водителите на истражувањето укажуваат дека не треба да се претерува со конзумирањето витамини во таблети, зашто не се знае дали големите количини се сигурни. Околу 90 отсто од овој витамин го добиваме од Сонцето. Иако сончевите зраци можат да и нанесат на нашата кожа сериозни проблеми, 15 минутно лесно шетање не може да наштети. За толку време организмот добива доволно витамин Д за дневно функционирање. Во зимскиот период како замена може да се користи рибино масло. Досега научниците успеале да докажат дека витамин Д помага во превенција на срцевите заболувања, ги забавува процесите на стареење и штити од мултипле склероза. Меѓутоа, досега не е позната неговата улога во превенција на ракот. Студијата опфатила 500.000 луѓе од десет европски држави. Резултатите покажале дека тие кои имаат најмногу витамин Д во крвта имаат најмалку шанси да заболат од рак. Недостатокот на овој витамин кај децата може да предизвика рахитис. Ова заболување обично го добиваат децата во развој. Во современието се смета дека една од причините за тоа е преголемото трошење време пред компјутерите.

Кратка лекција за витаминот Д

Кога се зема орално, витаминот Д се апсорбира со мастите низ ѕидовите на цревата.Се мери со интернационални единици (и.е.) или микрограми на холикалциферол (мцг).Дневната потреба за возрасни е 400 и.е. или 5-10 мцг.Смогот ги ослабува сончевите зраци кои произведуваат витамин Д.Кога кожата ќе поцрни од сонцето, престанува производството на витамин Д преку кожата.Што може да стори за вас:Целосно ги искористува калциумот и фосфорот кои се неопходни за силни коски и заби.Кога се зема со витамините А и Ц, може да помогне во спречувањето на настинката.Помага при лечење на коњуктивит.Го помага асимилирањето на витаминот А.Заболувања кои настануваат поради недостаток на витамин Д:Рахитис, јако крварење на забите, омекнување на коските, старечка остеопороза.Природни извори:Рибино масло, сардини, харинги, лосос, туна, млеко и млечни производи.Додатоци:Обично го има во капсули од по 500 и.е., а самиот витамин се добива од рибино масло.Дневните дози кои најчесто се земаат се од 400 до 1 000 и.е.Токсичност:Доза од 25 000 и.е. дневно во тек на подолг временски период може кај возрасните да произведе токсични ефекти.Дози преку 5 000 и.е. дневно можат кај некои лица да делуваат штетно.Знаци на тоскичност се невообичаена жед, болови во очите, чешање на кожата, повраќање, пролив, нагон за мокрење, абнормално таложење на калциум на ѕидовите од крвните садови, во џигерот, белите дробови, бубрезите и желудникот.Непријатели:Минерални масла, смог.Совет:Жителите на градовите, посебно тие во реоните со висока количина на смог, треба да земаат повеќе витамин Д.Тие што работат ноќе, како и лица чија облека или начин на живот (калуѓерки) ги сокриваат од сонцето, треба да ја зголемат количината на витамин Д во исхраната.Ако примате некој лек против грчеви, најверојатно треба да ја зголемите количината на витамин Д што вашиот организам ја прима.Децата кои не пијат млеко со додаток од витамин Д треба да примаат дополнителна доза.Црномурестите лица кои живеат во северните делови на планетата обично имаат зголемена потреба за витамин Д.Не и додавајте на храната за вашата мачка или куче витамин Д освен доколку ветеринар изречно не ви го каже тоа.Витаминот Д најдобро делува со витаминот Ц, витаминот А, холинот, калциумот и фосфорот.