Забава
Дневникот на Мусолини сокриен близу Швајцарија?

Дневници и документи кои му припаѓале на италијанскиот фашистички лидер биле сокриени на тајна локација во близина на швајцарската граница, донесува британски Telеgraph
Во сторијата се наведува дека дневниците, доверливи документи и писма Бенито Мусолини му ги предал на свој соработник неколку дена пред да биде уапсен и убиен од партизаните, кога се обидел да побегне во Швајцарија. Наводно овие материјали биле закопани во актен-чанта северно од езерото Комо над Милано, во близина на местото каде бил уапсен фашистичкиот дуче и неговата љубовница. Оваа верзија потекнува од синот на Џуљемо Дела Морте, чиј татко во текот на Втората светска војна бил генерален конзул на Италија во Германија.Роко Дела Морте а весникот рекол дека Мусолини на неговиот татко во април 1945 г. му предал чанта со иницијали Б.М. Се верува дека во неа биле важни државни документи за кои Мусолини сметал дека може да му помогнат во преговорите откако ќе им се предаде на Британците или на Американците.„Многу е логично Мусолини да ги земал важните документи и да ги сокрил на тајна локација“, вели Кристофер Даган од Универзитетот Рединг. Тој смета дека сите лидери на фашистите пред крајот на војната биле во паника и барале договор со сојузниците.„Размислувале кои документи можат да им помогнат кога би биле изведени на суд за воени те злосторства“, убеден е ДаганДела Морте, пак, вели дека татко му за тајната локација му кажал уште во 1954 г., кога тој станал полнолетен. Тој морал да му вети на татко си дека локацијата нема да ја каже до 2025 г. Сега решил да ја открие, бидејќи има 74 години и не сакал оваа тајна да замине со него. „Отидов на тоа место и се уверив дека ковчегот се’ уште е таму“, рекол за Telegraph. Дела Морте додава дека се договорил чантата да биде отворена а содржината на документите објавени. Еден од најеминентните италијански историчари, Марино Вигано тврди дека е поверојатно дека ткн. изгубени дневници се или во архивите на Јапонија како сојузник на Мусолини или, пак, во Ватикан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) „Неверојатно е дека има 44 години“ – Златан Ибрахимовиќ со видео од сауна ги воодушеви обожавателите

Поранешниот фудбалер Златан Ибрахимовиќ повторно привлече внимание со видео објавено на социјалните мрежи. Тој се сними во сауна сместена во природа, носејќи само долна облека и гледајќи кон пејзажот, а снимката за помалку од едно деноноќие собра над 140 илјади лајкови.
Во коментарите се редеа пофалби: „Златан е жив оган“, „Изгледаш како да имаш 23 години“, „Викинг“, „Неверојатно дека има 44“. Дел од фановите забележаа и дека ја скратил косата.
View this post on Instagram
Ибрахимовиќ неодамна го прослави 44. роденден и, според традицијата, си подари нов автомобил – Ferrari F80, со што ја продолжи својата „роденденска колекција“ од луксузни модели на Ferrari.
View this post on Instagram
Забава
Водител на „Фокс њуз“ со несоодветни коментари за изгледот на Џенифер Анистон

Во емисијата The Five на американската телевизија „Фокс њуз“ се разви необична и непријатна расправа меѓу водителите, откако Џеси Вотерс почна да ја коментира физичката привлечност на актерката Џенифер Анистон, пренесе HuffPost.
Сѐ започна кога неговиот колега, комичарот Грег Гатфелд, го пофали изгледот на политичарката Кејти Портер, нарекувајќи ја „хероина“ затоа што не подлегнува на современи стандарди за убавина и „не се менува за камерите“. Тој додаде шеговито дека „пред YouTube туторијалите сите изгледале како Кејти Портер“ и дека дури „луѓето не станале привлечни сѐ до интернетот“.
На тоа Вотерс се надоврза со коментар дека „Џенифер Анистон денес изгледа подобро, иако е дваесет години постара“. Разговорот потоа се претвори во расправа за тоа кога актерката била попривлечна — за време на снимањето на „Пријатели“ или денес.
Откако Вотерс се премисли и рече дека „всушност била поубава во ‘Пријатели’, но сега е погламурозна“, неговиот колега Херолд Форд Џуниор остро ја прекина дискусијата со зборовите: „Зошто не преминеме на следниот сегмент?“ Водителката Кејти Павлич додаде дека „елеганцијата на Анистон денес е резултат на богатството“, велејќи дека „парите купуваат многу трансформации“.
Анистон, која често јавно ги критикува политиките на Доналд Трамп и Републиканската партија, досега не реагираше на оваа расправа.
Забава
Блејк Лавли заработувала по 50.000 евра дневно за снимањето на филмот „Ова завршува со нас“

Откриена е платата на актерката Блејк Лајвли за нејзината улога во „Ова завршува со нас“ како дел од правната битка што ја води со својот колега Џастин Балдони. Правните документи покажуваат дека 38-годишната актерка заработила речиси 1,5 милион евра за шестнеделното снимање на романтичната драма или нешто повеќе од 50.000 евра дневно, според „Дејли мејл“.
Дополнителни бонуси и успех на киноблагајните
Покрај основната плата, договорот вклучувал и бонус од 171.000 евра ако Лајвли освои „Оскар“ за улогата на цвеќарката Лили Блум и 85.000 евра за номинација. Блејк и нејзината компанија требало да добијат и дополнителни 214.000 евра ако филмот, кој се појави во кината во август минатата година, заработи повеќе од трипати повеќе од својот буџет.
Филмот, кој ја следи турбулентната врска помеѓу Лили Блум (Лајвли) и Рајли Кинкејд (Балдони), има значаен комерцијален успех. Со буџет од 20,7 милиони евра филмот заработи 300 милиони евра во целиот свет и покрај мешаните критики.
Правната битка се интензивира
Овие финансиски детали се појавија само неколку дена откако поранешниот агент на Џастин Балдони ја обвини Блејк за изнуда за време на продукцијата. Според транскриптот од сведочењето добиен од „Дејли мејл“, агентот Дени Гринберг тврдел дека однесувањето на актерката на снимањето и во постпродукцијата станувало сè понепредвидливо. Во разговор со Балдони во јули 2024 година тој ги опишал нејзините постапки како „континуирана изнуда и обид за преземање контрола врз филмот“.
Гринберг подоцна појасни дека под изнуда не се осврнувал на буквално кривично дело, туку на кумулативното однесување и зголемениот притисок врз продукциските компании „Вејфарер“ и „Сони студиос“. „Дејли мејл“ контактирал со претставниците на актерката за коментар, но сè уште нема одговор, а претставниците на Балдони одбиле да коментираат.
Тужби за меѓусебно вознемирување и клевета
Правната битка почна во декември 2024 година кога Лајвли го тужеше Балдони за наводно сексуално вознемирување на снимање, што тој жестоко го негира.
Балдони и неговото студио „Вејфарер“ одговорија со контратужба за клевета против Лајвли, нејзината публицистка Лесли Слоун и сопругот Рајан Рејнолдс. Балдони исто така поднесе тужба од 400 милиони долари против „Њујорк тајмс“ за она што тој го тврди дека било сензационалистичко известување за обвинувањата, но таа тужба беше отфрлена во јуни оваа година.