Забава
Македонците ги прават среќни слободата и мирот
Семејството и пријателите се најважни за речиси сите луѓе во светот.
Македонија и Скопје се 115-та дестинација што ја посетија Амбасадорите на среќа на Кока Кола во рамките на нивната глобална авантура „Експедиција 206“ која е именувана според вкупниот број на земји кои ќе бидат посетени, а кој се поклопува со местата на планетата каде може да се купи овој популарен пијалак. Интернационалниот тим Амбасадори на среќата составен од американецот Тони Мартин, вработен како наставник во детска градинка во Германија, како и студентите Кели Ферис од Белгија и Антонио Сантијаго од Мексико имаа уникатна мисија – да дознаат што ги прави среќни луѓето во различни делови од светот и тоа да го споделат со останатите луѓе на платената.Тие велат дека во светот сите луѓе слични нешта ги прават среќни, а тоа се семејството и пријателите. Овде биле изненадени од одговорот што слободата и мирот ги прави Македонците среќниТимот на „Експедиција 206“ беа избрани по пат на on-line гласање во кое учествувале над 150.000 луѓе.Овие тројца авантуристи се повеќе од семејство и пријатели во изминативе шест месеци. Авантурата ќе ја доживуваат уште два месеци, а патот во преостанатите држави треба да го завршат во септември.
„Низ ова прекрасно и чудесно патување низ целиот свет, она што е значајно е што горе долу ги добивавме истите одговори. Концептот на среќата не се разликува многу насекаде, туку се разликува според она како луѓето ги прават истите работи на различни начини.И тука во Македонија добивме одговор дека најбитни работи на луѓето во Македонија им се семејството и пријателите.Овде луѓето сакаат да ги соберат своите пријатели и да излезат на кафе, да се прошетаат, да слушаат добра музика, да се забавуваат да уживаат во сонцето, што е различно од Сенегал каде луѓето сакаат да седнат со семејството дома и да имаат заеднички оброк.За првпат овде добив одговор дека она што луѓето ги прави среќни е слободата и мирот.“ изјави Тони. По изминати 400.000 километри и 180 дена непрекинато патување. Амбасадорите на среќата допатуваа од нивната претходна дестинација – Словенија и имаа можност да ги впијат уникатните моменти на среќа што ги нуди ноќниот живот на Скопје, а во текот на денот да прошетаат и по улицата „Македонија“, каде можеа од прва рака да слушнат што е она што ги прави среќни луѓето од овој град и оваа земја.
„Импресиониран сум од ведрината и енергијата на луѓето што ги сретнавме и на нивните пораки и чувства за сето она што ги прави посреќни. Колку и да се различни нивните приказни, сите тие се поврзани кон љубовта кон својата земја што сакаат да ја споделат со целиот свет. Среќен сум што имав можност да ја посетам Македонија и овој прекрасен град и да го раскажам на целиот свет моето прекрасно искуство и дружење со луѓето од оваа земја со големо срце“, додаде Мартин.
Лично за него среќата е во страста на фотографот кога слика или сликарот кога црта. Среќен е кога ги прави работите што ги сака.Патувањето е она што заеднички ги прави среќни членовите на овој авантуристички тип.
Најоригиналниот одговор за среќата го добиле од еден човек од Мексико кога им кажал дека среќен го прави мирисот на неговата жена бидејќи ја сака. Топлината и желбата на нашиот народ некому да му се помогне е впечатокот кој ќе го понесат од оваа земја. Не се подготвуваат кога посетуваат некоја земја ниту пак имаат зацртани мести кои сакаат да ги посетат. Работите, сакаат спонтано да им се случуваат. Кога се дома тотално се збунети поради патувањата и не можат долго време да останат во едно место. Тие се луѓе од акција.По прошетката и средбите со граѓаните на улицата „Македонија“, на Амбасадорите на среќата им беше предадена и специјално дизајнирирано шише Кока Кола кое ја содржи македонската порака за среќа до останатиот дел од светот. Симболично, токму македонската порака за среќа содржана во специјално дизајнирано шише на која доминира големото срце во форма на сонце им беше предадена на Амбасадорите на среќата пред споменикот на Мајка Тереза.
Во пораката, напишана во форма на добредојде за било кој светски добронамерник меѓу другото пишува: „Вие сте во земјата на вечното сонце, на земјата на среќните луѓе. Вие сте во градот на солидарноста и хуманизмот.“
На крајот од 365 дневната глобална авантура на Амбасадорите на среќата на Кока Кола, шишето со пораката за среќа од Македонија ќе биде дел од уникатна колекција на вкупно 206 шишиња со пораки за среќа од сите краеви на светот, која ќе биде изложена во музејот „Светот на Кока Кола” во седиштето на компанијата во Атланта, САД.
Сите свои активности, дестинации, средби, искуства и пораки амбасадорите на среќата на Coca-Cola ги споделуваат со целиот свет преку а можат да се видат и доживеат и преку популарните социјални мрежи фејсбук, твитер…
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Нова мисија на „Спејс икс“ и НАСА: Четворица астронаути заминаа во Вселената
Во петок наутро, во 5:17 по локално време од Cape Canaveral, беше успешно лансирана мисијата Crew-12 со четворица астронаути на бродот на капсулата на SpaceX, која треба да пристигне на Меѓународната вселенска станица (ISS) во сабота попладне, јави „Си-ен-ен“.
Лансирањето доаѓа поради намалениот број на членови на станицата, која од средината на јануари функционираше со само тројца астронаути. НАСА го забрза терминот поради предвремено враќање на претходната мисија Crew-11, предизвикано од здравствен проблем кај еден член.
Liftoff of Crew-12! pic.twitter.com/jQ804lyjkm
— SpaceX (@SpaceX) February 13, 2026
Новиот екипаж го сочинуваат: Џесика Мир и Џек Хатавеј од НАСА, Софи Адено од Европската вселенска агенција, Андреј Феѓаев од Роскосмос.
За време на нивниот отприлика осуммесечен престој на станицата, астронаутите од мисијата Crew-12 планираат да спроведат низа истражувачки проекти. Меѓу нив се: ултразвучни прегледи на крвните садови за проучување на промените во циркулацијата, фармацевтски истражувања поврзани со бактериите што предизвикуваат воспаление на белите дробови, како и симулирано слетување на Месечината за да се процени како наглите промени во гравитацијата влијаат врз човечкото тело и когнитивните способности.
НАСА смета дека полната екипираност на станицата е клучна за максимално искористување на нејзиниот потенцијал. Според администраторот Џаред Ајзакман, досегашната практика и тековните мисии се клучни за иднината на комерцијалните вселенски станици.
Забава
(Видео) Кипар избра претставник за Евровизија: таа се натпреваруваше во популарно ријалити шоу
Кипар го откри својот претставник за претстојниот Евровизиски натпревар – тоа е 29-годишната Антигони Бакстон, британска пејачка со кипарско-грчки корени. Дел од публиката ја памети и од нејзиното учество во едно од најгледаните британски ријалити шоуа, „Love Island“.
Антигони ќе се претстави на Евровизискиот натпревар со песната „Jalla“, која веќе привлече големо внимание на социјалните мрежи.
Станува збор за брза, танцувачка композиција која ги комбинира традиционалните кипарски музички елементи со модерен, силен ритам и продукција. Самиот наслов на песната доаѓа од кипарскиот дијалект и значи „повеќе“, и токму оваа енергија – повеќе ритам и танц – ја провлекува целата песна.
Стиховите зборуваат за прослава и танцување „на масите“, поканувајќи ја публиката да се препушти на забавата.
Спотот снимен на Кипар, дополнително ја нагласува автентичноста на песната. Комбинира современа естетика со сцени што го истакнуваат карактерот на островот, неговиот секојдневен живот и неговиот темперамент.
Забава
(Видео) Емили Ратајковски позираше во чипкан градник
Познатата манекенка, Емили Ратајковски, повторно ја воодушеви својата армија обожаватели со провокативни снимки, исто како што тоа го прави со години.
Емили е една од ретките познати дами кои објавуваат различни снимки без двоумење, а обично е оскудно облечена во секоја објава, а понекогаш дури и гола.
Во пресрет на Денот на вљубените, излегува видео од прекрасната Емили, во соработка со брендот Lounge. Моделот позираше заводливо во градник од чипка, што дефинитивно не остави многу простор за имагинација.
Иако многумина очекуваа да видат подеднакво провокативна долна облека, со оглед на тоа што сите веќе знаат колку Емили ги сака тангите, овој пат таа беше во фармерки.
Нејзините очи нагласени со ајлајнер и природен кармин на усните комплетираа сè, а манекенката повторно им го одзеде здивот на мажите со ваквите изданија.

