Забава
Триумф на Елизабет Тејлор на аукцијата во Њујорк
Во текот на четиридневната аукција што ја приреди куќата Christie’s во Њујорк, колекцијата на славната актерка Елизабет Тејлор е продадена за 154,2 милиони долари
Во текот на четиридневната аукција што ја приреди куќата Christie’s во Њујорк, колекцијата на славната актерка Елизабет Тејлор е продадена за 154,2 милиони долари, што ја покажува фасцинацијата којашто секогаш ја предизвикува една од последните легенди на златната ера на Холивуд, која почина во март годинава. Аукциската куќа Christie’s првично ја процени збирката на вредност меѓу 30 и 50 милиони долари, но од вторникот до петокот цените на понудените предмети секогаш ја надминуваа процената за пет, десет па и за сто пати . Севкупната колекција, така, е продадена за 154,2 милиони долари. „Ова е една од најневеројатните аукции коишто ги организираше Christie’s, а истовремено ја покажува приврзаноста којашто целиот свет ја има за Елизабет Тејлор“, изјави Марк Портер, директор на аукциската куќа за подрачјето на Америка. На наддавањето беа понудени стотина парчиња накит, свечени фустани, облека, ташнички, ковчези, чевли, плакати и други предмети од разни периоди на богатата актерска кариера на Тејлор. Повеќето од купувачите сакале да останат анонимни, а неколку предмети се купени од страна на музеи, додека дел од накитот е откупен од самите фирми кои своевремено и го изработиле. Продажбата на уште 950 поединечни предмети од сопственоста на Елизабет Тејлор е ставени на аукција којашто ќе се одвива исклучиво преку интернет а продолжува во саботата.Во вторникот аукцијата на светски познатиот накит на Елизабет Тејлор постигна огромен успех кога беа продадени 80 парчиња накит за 116 милиони долари, со што двојно беше надминат досегашниот рекорд за поединечни колекции.Аукциската куќа Christi’s од вторникот на продажба стави 80 предмети од колекцијата на славната актерка, која почина во март годинава и беше проценето дека збирката ќе достигне вредност од 20 милиони долари. Сепак, сите предмети, од познатиот 33-каратен дијамантски прстен, подарок од нејзиниот неколкукратен сопруг, актерот Ричард Бартон, па до нејзината нараквица, беа продадени за речиси шест пати поголема цена.Досегашниот рекорд за приватна колекција на накит, поставен во 1987 година кога беше продадена колекцијата на војвотката од Виндзор за нешто повеќе од 50 милиони долари, беше надминат веќе на половината од аукцијата.Еден од најважните историски парчиња накит, бисерот со облик на крушка од 16-от век „Ла Пелегрина“, кој бил сопственост на Марија Тудор, а подоцна и на шпанските кралици Маргарета и Изабела, Ричард Бартон го купил на аукција во 1969 година за 37 илјади долари. Потоа јувелирницата Cartier го вклопила бисерот во ѓердан од дијаманти и рубини и сега беше продаден за 11.842.500 долари, што е рекорд на сите аукциски куќи за продаден бисер. Бисерот беше првично проценет на износ помеѓу два и три милиона долари.Дека ова наддавање ќе ги собори сите рекорди на аукциската куќа беше јасно уште на самиот почеток, кога една нараквица, проценета на 30 илјади долари, се продаде за 326.500 долари. Една минута подоцна, ѓерданот од слонова коска и злато со медаљон се вивна од првично проценетите 1.500 до 2.000 долари, на 314.500 долари.Тој тренд продолжи до крајот, кога култниот бел дијамантски прстен од 33 карати, кој Тејлор го доби на подарок од Бартон во 1968 година, беше продаден за 8.818.500 долари, што е три пати поголема цена од проценетата. Огромниот камен, наречен „Дијамант Елизабет Тејлор“, го купи јужнокорејскиот бизнисмен Даниел Панг. Тој го претставува концернот Eland World од Јужна Кореја, конгломерат кој поседува неколку хотели и кој планира изложба на дијаманти, во стилот на претходната изложба која ја организираше концернот на историски сувенири кои биле сопственост на Жаклин Кенеди Оназис.Аукцијата на предмети на Елизабет Тејлор продолжува и во среда, а меѓу другото ќе се продаваат и нејзините венчални фустани, кои ги носела на двете свадби со Ричард Бартон./крај/афп/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Дина Јашари ќе ја претставува Македонија на престижниот фестивал Eurosonic Noorderslag 2026 во Холандија
Дина Јашари со настап на 40-тото издание на најпрестижниот шоукејс фестивал во Европа, Eurosonic Noordeslag 2026.
Истакнатата млада кантавторка на современата македонска музичка сцена, Дина Јашари, годинава е официјално избрана да ја претставува Македонија на најголемиот европски шоукејс фестивал Eurosonic Noorderslag (ESNS), на 40-тото фестивалско издание, коe ќе се одржи од 15 до 18 јануари 2025 година во Гронинген, Холандија.
Настапот на Дина на овој престижен настан претставува значајна можност за нејзината кариера, но и важен момент за нашата но и регионалната музичка сцена. Таа ќе има уникатна прилика да ја претстави својата музика пред меѓународна публика и пред врвните музички професионалци од светската индустрија.
Eurosonic Noorderslag е препознатлив како фестивал кој открива нови музички ѕвезди и претставува платформа низ која поминале некои од најголемите имиња на современата музика, меѓу кои Dua Lipa, Fontaines D.C., James Blake, Rosalia и Wet Leg.
Секоја година фестивалот привлекува повеќе од 40.000 посетители, фанови и професионалци од музичкиот свет. Дина Јашари, позната по своите хитови, меѓународни турнеи и актуелниот албум „Растенија без корен“, се наметнува како едно од највлијателните имиња во новиот музички бран, албум кој критиката го препозна како искрен и автентичен приказ на современата реалност и свеж здив за регионалната сцена. Нејзиниот настап на ESNS ќе биде петто учество на македонски артист на овој фестивал, по Кирил Џајковски, Бернајс Пропаганда, Фанк Шуи и Луфтханза. Оваа година, Дина Јашари е името што ќе ја претставува Македонија на големата европска сцена во Гронинген.
Забава
Ноќна рутина во три чекори што ја обновува вашата кожа додека спиете
Сонот е најмоќниот сојузник на кожата, но неговата регенеративна моќ може дополнително да се зголеми со соодветна ноќна рутина. За разлика од дневната нега која ја штити кожата од надворешни влијанија, ноќната рутина се фокусира на обновување, хидратација и закрепнување.
Правилно извршената нега на кожата им овозможува на активните состојки да дејствуваат во текот на ноќта, поправајќи ги оштетувањата предизвикани во текот на денот, намалувајќи ги знаците на стареење и враќајќи свеж и сјаен изглед на кожата.
Доволно е да се следат овие едноставни чекори, а резултатите се видливи по само неколку недели редовна употреба.
1. Темелно чистење – првиот чекор кон ноќна нега на кожата
Чистењето е неопходно без оглед на тоа дали сте користеле шминка или не. Во текот на денот, кожата акумулира загадување, прашина и остатоци од шминка, кои можат да ги блокираат порите и да предизвикаат иритација.
Доколку користите пудра, се препорачува двојно чистење – прво средство за чистење со масло или балсам кое ја раствора шминката, а потоа благ гел или мицеларна вода која ги отстранува остатоците и не ја оштетува заштитната бариера на кожата.
Овој чекор осигурува дека кожата е целосно подготвена за понатамошна нега и дека сите активни состојки на последователните производи делуваат со максимален ефект.
2. Тоник и нега на очите – исто така е добар за релаксација
Тоникот е клучен за балансирање на pH вредноста на кожата и нејзина подготовка за серуми и креми. Важно е да изберете формула без алкохол за да ја одржите кожата хидрирана и мека. По тоникот, нанесете крем за очи.
Овој чекор е особено важен за секој што поминува многу време пред екрани, бидејќи масажата и негувачкиот крем ги опуштаат мускулите околу очите и помагаат во намалувањето на отокот и фините линии. На овој начин, кожата околу очите добива дополнителна заштита и регенерација во текот на ноќта.
3. Серум и хидратација – последните чекори за сјаен и сјаен тен
Ноќта е идеално време за активни состојки како што се ретиноиди, витамини или киселини, кои помагаат во борбата против брчките и пигментацијата. Клучно е да ги внесувате активните состојки една по една за да избегнете иритација.
По серумот, завршете со хидратантна крема – без разлика дали користите богат крем, масло или ноќна маска. Овој чекор ги „заклучува“ сите производи што сте ги нанеле, оставајќи ја вашата кожа хидрирана, обновена и сјајна. Важно е да знаете дека не треба да користите специјален ноќен крем – вашиот дневен крем богат со хранливи материи без SPF е доволен.
Забава
(Фото) Шик фризури што ќе го направат дури и најлошиот ден подобар: модерни и гламурозни за 5 минути
Нема потреба од долго фенирање, производи за стилизирање или часови пред огледало, бидејќи постојат неколку фризури и трикови што можете да ги направите за само неколку минути.
Идеално за денови кога брзате, но сепак сакате да изгледате дотерано. Понекогаш вашето утро започнува хаотично, вашиот аларм се вклучува, вашето кафе е полуиспиено, а вие зјапате во коса која ни приближно не личи на намерен гранџ стил.
Наместо да паничите и брзо да ја измиете, можете да го подобрите вашиот стил со минимален напор.
Уредниците за мода и убавина во последниве години сè повеќе го фалат таканаречениот пристап „мрзлива девојка“. Ова се фризури кои не одземаат многу време, но изгледаат природно и соодветно за градот, работата, теретана или кафе со пријателите. Откако ќе усвоите неколку брзи навики, утрата стануваат помалку стресни, косата поздрава, а стилизирањето сигурно лесно.
Полу-пунџа
Собери го горниот дел од косата, малку извиткај го и прицврсти го со ластиче или шноли, оставајќи неколку прамени околу лицето. Напрскај ги корените со сув шампон или спреј за текстурирање за волумен и подобро држење. Носете ја косата лабава за да ги скриете корените на кои им недостасува свежина.
Ниско разбушавена пунџа
Собери ја косата на тилот, извиткај ја во пунџа и прицврсти ја со шноли. Извлечете неколку тенки прамени околу лицето за да ги омекнете контурите. Нека фризурата изгледа елегантно, но ненаметливо, што е идеално за канцеларија и вечерни пригоди.
Полуподигната фризура
Оддели ја горната третина од косата, подигнете ја нагоре и прицврсти ја со шнола или ластиче. Лесно подигнете ги корените или свиткајте ги краевите за да создадете волумен и мекост. Оставете го остатокот од косата слободно да падне и дајте природен, едноставен впечаток.
Странична плетенка
Стави ја косата настрана и собери ја во ниска странична опашка. Земете една прамена од опашката и исплетете ја во тенка плетенка. Замотајте ја околу ластиче или оставете ја слободно да падне преку опавчето. Прицврстете ја со шнола за поуреден изглед и дозволете брановидната или витканата коса да додаде текстура. Фризурата изгледа уредно, но опуштено – совршена за работа и за секојдневни пригоди.
„Америка може да нè предаде“: протече разговор меѓу Макрон, Мерц и Зеленски
Европските шефови на држави и влади длабоко не им веруваат на Соединетите Американски Држави кога станува збор за мировни преговори...
(Видео) Татко на една од жртвите: Загрижува што обвинетите се однесуваат како оштетени и како првпат да слушаат за дискотеката „Пулс“
Загрижува фактот што обвинетите продолжуваат да добиваат јавен простор за изјави и медиумски настапи иако се соочуваат со сериозни обвиненија...
Јас единствен барав да не му се издава лиценца на „Пулс“, би требало да седам како јавност, а не како обвинет, рече поранешниот градоначалник Ратко Димитровски
Изненаден од тоа што седи на обвинителна клупа, поранешниот градоначалник на Кочани, Ратко Димитровски, на денешното судење за трагедијата во...
„Името го сменивме двапати, Уставот седумпати“ – Николоски во Брисел побара чесен пристап и одговор дали со уставните измени завршуваат барањата
Заменик-претседателот на Владата, Александар Николоски, се обрати на форумот „Прашања на проширување: Новата геополитичка, безбедносна и економска граница на Европа“,...
Фирмата за подготовка на храната во „Димо Хаџи Димов” казнета со 900 евра, во уште едно училиште откриена ешерихија коли во намаз
Операторот за подготовка на храната во основото училиште во Влае, „Димо Хаџи Димов“, е казнета со 900 евра откога беа...
Ресторан на нива, одморалиште издавано без согласност, градинка без деца оти нема пат – ревизијата утврди серија нерегуларности во Свети Николе
Државниот завод за ревизија утврди серија нерегуларности во работењето на Општина Свети Николе за 2024 година поради што изрази неповолно...
Обвинетите за „Пулс“ утрово во „Идризoво“ ги пречекаа фотографии од сите загинати
Металните барикади пред влезот во судницата во „Идризово“, кои ги одвојуваат влезовите преку кои влегуваат обвинетите и родителите на загинатите,...
Затвореник признал дека се негови 13-те мобилни и лаптопот најдени во ќелијата на Џеваир Камбери, обвинет за „Пулс“
Тринаесетте мобилни телефони и еден лаптоп пронајдени во ќелијата на обвинетиот за трагедијата во кочанската дискотека „Пулс“, Џеваир Камбери, не...
Посетата на Путин на Индија: Нафта, оружје и геополитичка порака до светот
Рускиот претседател Владимир Путин оди во Индија во дводневна посета, каде што се очекува да се сретне со премиерот Нарендра...
(Видео) Украинците: Го нападнавме рускиот нафтовод „Дружба“
Во понеделникот, уште една експлозија го потресе рускиот нафтовод „Дружба“, потврдија извори од украинското воено разузнавање (ХУР) за „Киев пост“....
Британците и Норвежаните потпишуваат договор: заедно ќе ги следат руските подморници
Велика Британија и Норвешка денес ќе потпишат нов договор за одбранбена соработка, планирајќи заедничко управување со флота од фрегати за...
(Видео) Се урна американски „Ф-16“
Американски борбен авион F-16C Fighting Falcon на воздухопловни сили „Thunderbirds“ се урна во оддалечена пустинска област јужно од аеродромот Трона,...
Нови израелски напади врз Газа: погодени шатори за бегалци, повеќе мртви
Петмина Палестинци вчера беа убиени, а неколку други беа повредени кога израелските авиони гаѓаа шатори и импровизирани засолништа за раселени...
Мадуро потврди дека разговарал со Трамп
Венецуелскиот претседател Николас Мадуро во средата потврди дека пред околу 10 дена имал „срдечен и полн со почитување“ телефонски разговор...
ОН усвои резолуција за враќање на киднапираните украински деца: Русија и 11 други земји гласаа против
Генералното собрание на Обединетите нации усвои резолуција со која се бара од Русија да обезбеди итно, безбедно и безусловно враќање...
Куновска по оставките во СДСМ:„Сите дома, тој останува“
Поранешната пратеничка и функционерка во СДСМ, Софија Куновска, на „Фејсбук“ објави критички статус откако вчера, на барање на партискиот лидер...
ВМРО-ДПМНЕ: Ние како мнозинство немаме од што да бегаме, ќе се расчистат сите прашања поврзани со трагедијата во Кочани
Пратеникот од ВМРО-ДПМНЕ, Бојан Стојаноски, изјави дека во периодот кога државата ја воделе СДСМ и ДУИ се закажувале анкетни комисии,...
(Видео) Филипче: Посебна анкетна комисија за трагедијата во Кочани, тоа е барање на родителите
Нашиот став е дека ние ќе ги поддржиме двете анкетни комисии. Едната којашто ја предлага владеачкото мнозинство каде сакаат да...
(Фото) Поставени дигитални уреди за мерење бучава кај кафеаните во Дебар Маало
Општина Центар започна со имплементација на паметен систем за следење на бучавата, преку поставување на дигитални индикативни уреди на местата...
Осигурителни компании склучиле картел и се договориле да ја зголемат цената за автомобилското осигурување
Десет осигурителни компании се казнети со 17.266.930 денари затоа што се договориле да ја зголемат цената за автомобилската одговорност што секој...
