Забава
Мозокот на Алберт Ајнштајн изложен во Лондон
Делови од мозокот на таткото на теоријата на релативноста Алберт Ајнштајн деновите се изложени во Лондон на специјалната изложба посветена на „сивата маса“.По смртта на Албаерт Ајнштајн во 1955 година, неговиот
По смртта на Албаерт Ајнштајн во 1955 година, неговиот мозок бил поделен на делови, а две негови „кришки“ ќе бидат изложени во лондонската галерија „Wellcome Collection“ до 17-ти април.
Деловите од мозокот на најпознатиот научник во 20-от век, на лондонската галерија и’ ги позајми музејот „Mutter“ од Филаделфија каде на американската јавност првпат и’ беа претставени минатата година, пишува Reuters.
Како што забележува американската телевизија ABC, самиот Ајнштајн во никој случај не сакал нешто вакво да се случи. Во неговиот тестамент, имено, изрично е наведено дека сака по смртта да биде кремиран, а неговата пепел да биде растурена тајно за неговиот гроб да не стане некој вид светилиште.
Меѓутоа, во раните утрински часови на 18-ти април 1955 година, откако човекот кој ја основа модерната физика починал од пукање на анеуризмата, дежурниот патолог направил нешто сосема спротивно.
Докторот Томас Харвеј воопшто немал дозвола да направи аутопсија, а не, пак, некои делови од телото да ги задржи за себе. Но го сторил токму тоа.
Мозокот на Ајнштајн тежок 1.230 грама, што е сосема просечна тежина за човековиот мозок и со што уште еднаш е демантирана теоријата според којашто големината на мозокот е поврзана со интелигенцијата, го расекол на 240 делови и го ставил во тегли со формалдехид коишто ги сокрил во својата куќа. „Мислев дека тоа е во интерес на науката“, изјавил подоцна докторот Харвеј. Во почетокот тврдел дека тоа му го дозволил синот на генијот, но овој тоа го негирал.
Др. Харвеј 46 делови од мозокот на Ајнштајн му дал на колегата патолог Вилијам Ехрих, а дел од оваа збирка најпосле е дониран во музејот во Филаделфија, од каде сега се позајмени во Лондон.
Заедно со мозокот на Ајнштајн, во Лондон на споменатата изложба ќе биде прикажан и мозокот на феминистката Хелен Гарднер, којашто го подарила на науката за да се негираат некои теории за половите, потоа мозокот на пионерот на компјутерската наука Чарлс Бејбиџ, на шкотсиот масовен убиец од 19-от век Вилијам Барки и мозокот на непознат древен Египќанец, еден од најстарите сочувани примероци воопшто./крај/ро/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Фото) Круз Бекам го прослави својот 21-ви роденден, брат му Бруклин не беше на забавата
Семејството Бекам го прослави роденденот на нивниот најмлад син Круз, кој ќе наполни 21 година во петок, 20 февруари.
Големата забава се одржа минатиот викенд во Лондон, но без присуство на нивниот најстар син Бруклин и неговата сопруга Никол Пелц, што ја продолжува семејната расправија за која пишуваа медиумите, пишува People.
Роденденска забава во Лондон
Дејвид и Викторија Бекам му приредија забава на својот син во ресторанот The MAINE во лондонскиот кварт Мејфер. Меѓу гостите беа девојката на Круз, Џеки Апостел, братот Ромео со неговата девојка Ким Тернбул, сестрата Харпер и Ема Бантон, поранешната колешка на Викторија од Spice Girls. Викторија сподели неколку семејни фотографии од прославата на својот Инстаграм, вклучувајќи една на која Круз ја бакнува својата девојка, како и заеднички семеен портрет.
Забава
(Видео) Виенскиот бал „под опсада“ од инфлуенсери: Аристократските забави од 1814 година сега се хит на социјалните медиуми
Некогаш ексклузивен настан резервиран за очите на високото општество, Виенскиот оперски бал сега е достапен за сите благодарение на дебитантките од генерацијата Z кои ги споделуваат своите впечатоци на социјалните медиуми.
На гламурозното 68-мо издание на Виенскиот бал, одржано минатиот четврток во Виена, девојки на возраст од 18 до 25 години го направија своето деби во општеството, придружени од нивните партнери, а целиот настан стана глобален феномен на интернет.
Настанот, првпат организиран во 1814 година како забава за аристократијата по Наполеонските војни, стана хит на социјалните медиуми. Влијателните луѓе сега документираат секој детаљ – од подготовките до танцувањето доцна во ноќта.
@anna_dwl GRWM as a debutante for the Vienna Opera Ball 2026 🦢 @Lancôme @Swarovski #debutante #wieneropernball2026 #viennastateopera #wien #grwm ♬ sonido original – Música_Clásica
Дебитантката Ана Даулинг објави кратко видео на TikTok во кое професионалци ѝ ја средуваат косата пред да скокне во луксузен бел фустан.
„Бриџертон во реалниот живот“
Германската инфлуенсерка Леони Хане, која има повеќе од милион следбеници на TikTok, покажа како ѝ се служи дијамантски накит на послужавник. Таа го нарече балот „Бриџертон во реалниот живот“ и сподели видео од себе како се врти во розов фустан и бели ракавици.
Не беа само дамите украсени со скапоцени камења. Нилс Куесел од Берлин сподели видео од својот дијамантски часовник и прстенот Сваровски.
Креаторката на содржини Ана Стригл, облечена во шарена облека, покажа видео од себе како ужива во сладолед од девет евра.
@leoniehanne Bridgerton is real: Vienna Opera Ball ✨ Did you know that there is an official dresscode with requires gloves? 🍸 #ViennaOperaBall #swaroski ♬ Princess Diaries transformation scene – dariellerios
„Балот е навистина импресивен и можам да ги разберам цените до одреден степен со оглед на толпата“, напиша таа.
Дебитантката Летиција Хофер се сними себеси и своите пријатели како носат тиари Сваровски додека танцуваат пред зградата на операта.
Сјај и гламур зад кулисите
Виенскиот оперски бал е грандиозен настан распослан на девет ката, со повеќе од 20 барови и бифеа, вклучувајќи салон со шампањ и Campari бар. Гостите имаат пет подиуми за танцување на располагање, со повеќе од 16 музички жанрови, а вечерта вклучува и настап на Виенската државна опера.
@nilskue Gata Only at the Vienna Opera Ball?
Шминката на секоја дебитантка ја правеа шминкери од Lancôme, додека Wella беше задолжена за фризурата и беше подготвена за поправки до 3 часот наутро. Дијамантите, како и секоја година од 1956 година, се дело на брендот Swarovski, а овогодишната тиара ја дизајнираше креативниот директор Џована Енгелберт. Впечатливото парче со повеќе од 350 кристали е инспирирано од лебедот, заштитниот знак на компанијата.
@laetitia.hofer #opernball #vienna #debutant ♬ original sound – lyricloo
Строги правила и високи цени
Билетите за овој престижен настан достигнуваат до 26.000 евра за повеќекатна ложа, која вклучува ексклузивен простор, храна и пијалоци, додека редовна влезница чини 410 евра. За да се аплицира како двојка дебитантка потребно е аудиција.
Дрес-кодот е исклучително строг: мажите мора да носат бела вратоврска и фрак, жените долги вечерни фустани, а дебитантките бели оперски ракавици.
Познати гости на црвениот тепих
Настанот привлекува повеќе од 5.000 посетители, вклучувајќи членови на австриската влада и бројни познати личности. Оперскиот бал е познат по своите познати гости – со години покојниот милијардер Ричард Лугнер плаќаше илјадници евра за да донесе ѕвезди како Ким Кардашијан. Лугнер почина во 2024 година на 91-годишна возраст.
Овогодинешните гости беа актерот Ед Вествик, како и внуките на принцот Вилијам, Лејди Елиза и Лејди Амелија Спенсер.
Близначките Спенсер, ќерки на Чарлс Спенсер, носеа гламурозни фустани и впечатлив накит – Елиза во златен фустан со бели ракавици, а Амелија во сребрен со црни ракавици. Двете 33-годишни сестри ја претставуваа британската аристократија на настанот со висок профил.
Забава
(Фото) Кендал Џенер повторно позираше речиси гола
Моделот Кендал Џенер беше вистинска инспирација за медиумите кога се појави на Супербоул и „уживаше“ во настапот на нејзиното поранешно момче, Бед Бани, за време на полувремето. Нејзиниот љубовен живот веднаш повторно стана актуелен, па оваа убавица се погрижи да го одвлече вниманието од него.
Како поинаку освен со разголено издание на социјалните мрежи, исто како што го направила неколку пати.
Кендал позираше во провокативна долна облека, а беше фотографирана токму во моментот кога ги соблече гаќичките со потпетици, па „пробивот“ на социјалните мрежи се случи за само неколку секунди.
Ова е многу слично на нејзиното претходно објавување кога позираше целосно гола на кревет, а некои дури и ја критикуваа во коментарите. Без оглед на нејзиното згодно тело, тие веруваат дека Кендал сега ги преминала границите на добриот вкус.
„Сакам вакво тело“, „Изгледаш совршено“, „Ми го направи денот“, „Знаеме дека си згодна“, „Неверојатна жена“, луѓето ги оставаа нејзините коментари.
(Фото) По ерата на Југославија, селото Драчево е првото село во Македонија што добива сопствено модерно кино
Општина Кисела Вода вчера вечер официјално го отвори новото кино во Домот на културата во Драчево. Проектот, реализиран во партнерство...
Документите за Епстин се толку сериозни што би можеле да бидат злосторства против човештвото, предупредија експерти на ОН
Милиони досиеја поврзани со покојниот сексуален престапник Џефри Епстин укажуваат на глобална криминална мрежа што би можела да претставува злосторства...
(Видео) Најмалку десет скијачи исчезнаа во лавина во Калифорнија: започната е спасувачка операција
Најмалку 10 скијачи се водат како исчезнати, а шест други се заробени и чекаат спасување во услови на обилни снежни...
Мечка забележана во близина на Будимпешта
Мечка е видена во близина на Будимпешта. Животното веројатно не е од дивината, туку избегало од приватна фарма, објави општината...
Врнежи од слаб снег на неколку патни правци, патот кон село Герман е блокиран од паднато дрво
Од синоќа е воведена забрана за сообраќај на регионалниот пат Р2-233 Гостивар – село Чегране поточно во село Форино, поради...
(Фото) Ѓорѓиевски: По две децении, Драчево повторно доби свое кино
Градоначалникот на Град Скопје, Орце Ѓорѓиевски преку социјалните мрежи извести дека по две децении, Драчево повторно доби свое кино. „Особено...
Забранет сообраќајот на регионалниот пат Гостивар – село Чегране поради излевање на реката Вардар и обилниот дожд
Во 20.40 часот е воведена забрана за сообраќај на регионалниот пат Р2-233 Гостивар – село Чегране поточно во село Форино,...
Капиштец повеќе од шест часа без вода, дефект кај Цветен пазар ја поплавува улицата Народен фронт
Жителите на делови од скопски Капиштец повеќе од шест часа останаа без вода за пиење. Кај Цветен пазар вечерва е...
Четворица кандидати во трката за државен јавен обвинител добија позитивно мислење
Обвинителките Анита Тополова-Исајловска, Ленче Ристоска и Лидија Раичевиќ и судијата Ненад Савески добија позитивно мислење од Советот за јавни обвинители....
Генерален штрајк во март ако до крајот на февруари не се зголеми минималната плата, ССМ најави блокади и во другите градови
Со тројца повеќе работници од вообичаено, 24 наместо досегашните 21, Сојузот на синдикати на македонија (ССМ) денес ја блокираше Владата,...
Авионот е користен согласно прописите, за секој лет постојат документи, велат од Владата
Јавно и недвосмислено укажуваме дека владиниот авион е користен исклучиво во согласност со прописите и актите за негово користење, согласно...
Скијач од Данска повреден во снежна лавина на Попова Шапка
Скијач од Данска е пронајден на Попова Шапка, а според информациите од полицијата тој бил повреден од снежна лавина и...
Автомобил удри во четиригодишно дете во Скопје, со тешки повреди е пренесено во болница
Четиригодишно дете со тешки повреди е пренесено во болница откако во него удрил автомобил. Според информациите на МВР, вчера околу...
(Видео) Левица: Жителите на Струга 10 дена се оставени без чиста вода за пиење
Жителите на Струга 10 дена се оставени без чиста вода за пиење поради сериозната еколошка хаварија со изворот на вода...
(Видео) Кузеска: За еден час пред Владата ќе започне протест за поголеми плати, нека се симне Мицкоски, нека ги погледне работниците кои едвај може да си ги прехранат семејствата
„Со владин авион и парите од граѓаните премиерот бил на Јадранско море. На одмор. Ова е срамна слика за една...
Од јули директни летови од скопскиот аеродром до атрактивните дестинации Алгеро и Палермо во Италија
Меѓународниот Аеродром Скопје, управуван од ТАВ Македонија, подружница на ТАВ Аеродроми и членка на Групацијата АДП ја проширува својата мрежа...
„Сѐ е исто како во времето на Груевски, затоа и постојано одат со владиниот авион во Будимпешта по нови задачи и насоки“, велат од СДСМ
„55 дена нема одговор од Обвинителството за криминалните тендери, молчи и Државната комисија за спречување на корупција. Нема одговори за...
Денеска посебен режим на сообраќај во Скопје
Денеска со почеток од 11:00 часот од страна на Сојузот на синдикати на Македонија ќе биде одржан протест пред Владата...
ВМРО-ДПМНЕ: Очекуваме Јавното обвинителство темелно и целосно да го расветли случајот со модуларната болница во Тетово
„Сведоштвата на поранешната обвинителка Лејла Кадриу отвораат сериозни прашања за причините и одговорноста за трагичниот настан во модуларната болница во...
Холандски министер: Не треба да го кажувам ова, но американските Ф-35 можат да се хакираат
Холандскиот министер за одбрана, Гијс Туинман, ја изненади јавноста тврдејќи дека софтверската независност за борбениот авион Ф-35 е можна, сугерирајќи...
