Забава
Менито на последната вечера на Титаник продадено за 120.000 долари

Мени од последната вечера што се служела на „Титаник“, на кој стои датумот „14 април 1912“, денот на потонувањето на легендарниот брод, е продадено на аукција во британската грофовија Вилтшир за 76 илјади фунти (околу 120 илјади долари), објави аукциската куќа Henry Aldrige & Son.
Во менито, инаку се понудени, околу 40 видови различни јадења.
Името на купувачот не е обелоденето.
Познато е дека на ова мени стоело на масата на банкарот од Сан Франциско, Вашингтон Доџ, кој патувал во САД со неговата сопруга Рут и синот. Госпоѓата Доџ го земала менито и го ставила во својата чанта. Таа и Вашингтон помладиот ја преживеале катастрофата на Титаник, со еден од чамците за спасување, а менито сиве години останало во семејството.
Друг интересен предмет до Титаник во саботата беше продаден за 59 илјади фунти, (околу 94 илјади долари). Станува збор за клучеви, со коишто членот на екипажот Самуел Хемминг ја отворил просторијата каде што се чувале фенерите за чамците за спасување. Капетанот на „Титаник“, Едвард Смит, му наредил да ги постави фенерите на сите чамци. И покрај тоа што Хемминг знаел дека бродот ќе потоне во 30 минути, тој неколкупати одел во просторијата да земе фенери и при последниот пат веќе бил принудена да плива во ледената вода.
Аукциската куќа Henry Aldridge & Son редовно во грофовијата во Вилтшир организира аукции поврзани со „Титаник“. Овојпат тоа е во знак на одбележувањето на 100-годишнината од поморската трагедија на своевремено најмодерниот, најлуксузниот, најголемиот и, како што се верувало, најбезбедниот брод на светот. На саботната аукција, исто така, биле изложени и предмети коишто потекнуваат од бродот „близнак“ на „Титаник“, – „Олимпик“.
Паробродот „Титаник“ на британската компанија „Вајт стар Лејн“, бил вториот од три брода близнаци до типот „Олимпик“. Тој бил најголемиот патнички брод на светот во времето на неговата изградба. Во текот на својата прва пловидба од британскиот пристанишен град Саутемптон до Њујорк, САД, на 14-ти април 1912 година, „Титаник“ се судри со санта мраз и потонал за 2 часа и 40 минути во 2.20 часот. Според различни извештаи, во хаваријата животите ги загубиле меѓу 1.400 и 1.517 луѓе, а околу 700 биле спасени./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Само овој знак ќе има континуирана среќа: го остава минатото зад себе и влегува во ера на радост и успех

Рускиот астролог Василиса Володина направила пророштво кое ветува години непрекината среќа за еден хороскопски знак. Според неа, овој знак го остава зад себе минатото со сите свои грешки и неуспеси и влегува во ера каде што среќата и успехот се во сите области од животот.
Според Володина, Бикот ќе биде како магнет за среќа и успех во наредниот период од животот, привлекувајќи ја кон себе со сета своја сила.
Клучната поддршка доаѓа од личност со авторитет, која ќе им помогне да го достигнат врвот. Покрај тоа, финансиските околности ќе бидат исклучително поволни за нив, отворајќи им го патот кон богатството на различни начини.
Оваа среќа и успех ќе им овозможат на Биковите да ги остварат своите најдлабоки желби, отворајќи им го патот кон соништата што можеби ги сметале за недостижни.
Среќата и успехот се на нивна страна, но клучно е да ги препознаат, прифатат и искористат можностите што им се нудат.
Понатаму, Володина нагласува дека покрај материјалната благосостојба, Биковите ќе се развиваат духовно и емоционално, што дополнително ќе го збогати нивниот живот. Таа ја нагласува важноста на рамнотежата помеѓу духовните и материјалните вредности за долгорочна среќа.
Во наредните години, Биковите ќе имаат можност да ги развијат своите таленти, да привлечат извонредни можности за среќа и успех и да работат кон остварување на своите цели, уживајќи во животот што го заслужуваат.
фото: принтскрин
Забава
Герасимовски: Ве чекам в среда на добра музика со Јанг Дади во Паркот на франкофонијата

В среда, 27 август, скопјани ќе имаат можност да уживаат во уште една летна вечер исполнета со музика и забава. На сцената во Паркот на Франкофонија ќе настапи еден од најпопуларните млади артисти во земјава – Јанг Дади, кој со својата музика и енергија ќе ја претвори вечерта во вистински музички спектакл.
„Центар е место каде што граѓаните се чувствуваат опуштено, исполнето и поврзано. Со вакви настани ја враќаме радоста на заедничките дружби под отворено небо. Уверен сум дека концертот на Јанг Дади ќе донесе многу позитивна енергија и спомени што ќе ги паметиме долго“, истакна градоначалникот Горан Герасимовски.
Програмата ќе започне во 19 часот со настапот на Сани и Стела и активности за најмладите посетители, а од 20 часот сцената е резервирана за Јанг Дади. Забавата ќе биде збогатена со аниматор и динамична програма за сите генерации.
Забава
Нина Бадриќ им се обрати на колешките: „Јас го воведов трендот на помлади мажи“

Не толку одамна, светот беше изненаден од веста дека Јелена Розга и Иван Хуљќ се во врска. Иако познатата пејачка е 11 години постара од својот партнер, тоа не ја спречува, како што вели самата, да ужива во слатката романса.
Сепак, се чини дека оваа вест „разбуди“ уште една Хрватка „од зимскиот сон“. Токму Нина Бадриќ, алудирајќи на својата колешка Јелена, мораше да му соопшти на светот кој го започна трендот на помлади мажи.
„Го започнав ова пред 20 години кога беше навистина табу тема, па заостануваат зад мене, а сега ќе го започнам трендот ‘постаро, најстаро, постарото е послатко’. Ќе го започнам тој тренд.“
„Љубовта не одбира, денешните млади момци се многу позрели од моите врсници, па затоа секогаш сум изненадена од тоа со колку храброст и самодоверба ми пристапуваат и какви реченици користат, тоа се убави, зрели реченици. Кога мажот е отворен, нека се случи што треба да се случи“, изјави Нина за хрватските медиуми.
А потоа ги откри своите критериуми за иден партнер:
„Човек кој е изграден од нула, човек кој е добар, забавен, шармантен и кој ужива во сè што сум јас. Првенствено личност кој е пријател, сега во животот мислам дека би можела да бидам само со некој кој е мој пријател, партнер, животен партнер, кој ги поминува сите добри и лоши денови со тебе.
Кога имаш најдобар пријател покрај себе, на кого можеш да му се довериш или со кого можеш да одиш на најмалиот брод или најголемиот хотел и да бидеш среќен, тоа е тоа“, заклучи таа.
фото: принтскрин