Забава
Третиот дел од американскиот џекпот од 656 милиони долари, оди кај пензионери
Се јави и третиот добитник на џекпотот, кој ја дели најголемата награда од 656 милиони долари извлечена на 31-ви март во лотаријата на Mega Millions, пренесе во средата телевизијата Sky News.
Среќниот лоз им донесе мултимилионска добивка на една постара двојка од американската сојузна држава Илиноис. За разлика од другите победници, коишто сака да останат анионимни, пензионерите Мерл и Пет Батлер, не успеаја да останат непознати за јавноста, бидејќи тоа е во спротивност со локалните прописи за лотарија.
„Гледав во лозот неколку минути, а потоа се свртев кон сопругата и реков: ‘Победивме’. Таа ме погледна со насмевка, а потоа рече: ‘Не, ние навистина победивме’. И тогаш таа се засмеа. Таа се смееше четири часа“, вели Мерл Батлер.
„Тоа беше страшно“, дополнува неговата сопруга.
Батлер велат дека сѐ уште не знаат на што ќе ги потрошат милионите, но дека размилуваат за инвестирање.
Претходно беше објавено дека сопствениците на другите два добитни лоза на американската лотарија Mega Millions, со рекордниот џекпот во историјата на приредувањето на оваа игра на среќа во САДм, се од сојузните држави Мериленд и Канзас.
Добитниците имаа две опции: да ја подигнат сумата одеднаш, но тогаш им се одзема одреден дел или на 26 годишни рати. Сопственикот на среќниот лоз од Канзас со добитничката комбинација 2, 4, 23, 38, 46 и дополнитлениот број 23, веќе ја избра првата опција, и се реши на еднократна исплата од 110,5 милиони долари по одбивањето на данокот, а не за 26 годишни рати кога би добил вкупно 218,6 милиони долари пред плаќањето на даноците.
Можноста да се стане мултимилионер преку ноќ, за само еден долар на лотарискиот тикет на Mega Millions, предизвика невиден интерес во САД, така во Њујорк на денот пред извлекувањето на 31-ви март пред киосците имаше илјадници луѓе коишто чекаа во ред за да купат лоз, со надеж дека ќе имаат среќа.
До овој џекпот, најголемата добивка на лотаријата е регистрирана на 6-ти март, 2007 година и изнесуваше 390 милиони долари. Таа им припадна на сопружници Меснер од Њу Џерси, и на возачот на камиони на трансконтинентални релации, Еди Нејборс од државата Џорџија, коишто по половина го поделија џекпотот. Во 2008 година семејството Харис од Џорџија, освои на Mega Millions речиси 270 милиони долари.
Најмасовната лотарија во Северна Америка, Mega Millions, започна во 1996 година и се приредува во 12 сојузни држави на САД. Веројатноста за добивка на лотаријата Mega Millions, според процените на самите организатори, изнесува 1 наспроти 176 милиони./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Шарлиз Терон призна: „Имав секс со 26-годишник, беше неверојатно“
Актерката Шарлиз Терон отворено проговори за својот сексуален живот и за врската од една вечер, што ја имала со помлад маж.
Терон се појави во подкастот „Call Her Daddy“ каде што и кажа на водителката дека таа ноќ ќе ја памети долго време.
„Имав можеби три авантури за една ноќ во целиот мој живот, но неодамна имав секс со 26-годишник. Беше неверојатно. Никогаш порано не сум го направила тоа. Си реков: О, ова е одлично“, рече таа.
Шарлиз исто така рече дека стекнала новооткриена самодоверба кога станува збор за секс во последната деценија, но дека сè уште верува дека е „последната личност“ на која може да се обрати за совет за сексуални врски.
Забава
Пејачката Данијела Мартиновиќ среќно вљубена во новиот партнер
Данијела Мартиновиќ објави фотографии со својот партнер Јосип Плавиќ на Инстаграм.
Таа стави емотикон во облик на срце во описот на објавата. Многумина напишаа во коментарите дека Данијела и Јосип се прекрасен пар и дека им посакуваат многу среќа.
Врската на Данијела и Јосип стана позната на почетокот на 2023 година. Данијела тогаш изјави дека го запознала Плавиќ кога нејзиниот адвокат поднел пријава за кражба на идентитет преку интернет во 2022 година. Полицијата брзо го решила случајот, а Данијела и Јосип продолжиле да се дружат. Сега градат куќа заедно.
Ова е првата јавна врска на Данијела Мартиновиќ откако ја заврши 24-годишната врска со Петар Грашo во 2021 година.
Јосип, патем, се врати на музиката на почетокот на минатата година. Тој ја напушти полицијата и повторно го обедини својот стар бенд Izvan zakona.
Забава
Шест клучни совети што да преземете ако изгорите на сонце
Колку и да сме внимателни, можно е да изгориме на сонце за време на престој на отворено, бидејќи многумина често забораваат да нанесат крема за сончање или прескокнуваат одредени делови од телото.
Затоа, доколку добиете изгореници од сонце, важно е да знаете како правилно да постапите во таа ситуација.
Основачот и директор на „Dr Medispa“, Мунир Сомџи, наведува дека, доколку дојдете до ваква состојба, најверојатно не сте ги следеле советите на дерматолозите. Во таа насока, тој споделува шест совети што мора да ги почитувате:
1. Користете ладна памучна крпа
Ставајте ладни памучни ткаенини или крпи врз изгорените делови од кожата за да ја смирите. Треба да биде чиста памучна крпа со пријатна, ладна температура, за да се намали површинската температура на кожата. Доктор Сомџи истакнува дека оваа метода помага кожата да се смири.
2. Избегнувајте активни состојки
Сомџи објаснува зошто не треба да се нанесуваат активни состојки на кожата по сериозни изгореници од сонце.
„Многу луѓе сакаат да користат производи со алое вера, дури и свежа алое вера, но тоа може да ја зголеми веројатноста за инфекција“, вели тој. Наместо тоа, препорачува производи базирани на церамиди кои содржат емолиенси, бидејќи помагаат кожата да омекне и да се смири.
Изберете состојки како глицерин, кои помагаат во хидратација и зајакнување на кожната бариера. Креми и лосиони со церамиди се одлични бидејќи создаваат заштитен слој што го спречува губењето на влага и видливи оштетувања.
3. Земете антихистаминици
Изгорениците од сонце често предизвикуваат оток, па земањето антихистаминици може да помогне да се смири воспалението и отокот на кожата.
4. Избегнувајте пилинг и лупење
Ако се обидувате да ги отстраните изгорениците со пилинг, тоа нема да помогне – напротив, може да ја иритира веќе оштетената кожа и да доведе до лузни или инфекции. Не ја допирајте ниту лупете кожата, бидејќи тоа само ќе ја влоши состојбата.
5. Држете се подалеку од сонце
Откако ќе добиете изгореници, важно е да му дадете време на телото да се опорави. Доктор Сомџи нагласува дека треба да го избегнувате сонцето во тој период.
„Дозволете ѝ на кожата да се опорави. Ѝ треба време за повторно да се врати во нормална состојба“, вели тој.
6. Користете крема со SPF
Во иднина, обидете се да се заштитите подобро. Националната здравствена служба (NHS) препорачува употреба на крема за сончање со заштитен фактор од најмалку SPF 30.
За најдобри резултати, кремата се нанесува на секои два часа, особено поради сушењето што го предизвикува сонцето. Изберете формула што е отпорна на вода ако се потите или влегувате во вода.
Од денеска до вторник топлотен бран во Македонија, се активираат препораките за заштита на населението
Министерството за здравство ја информира јавноста дека согласно прогнозите од УХМР и врз основа на акцискиот план за превенирање на...
Уапсен 42-годишник од Радовишко, силувал 77-годишна жена
На втори јули, во 17 часот полициски службеници од СВР Струмица- ОВР Радовиш го лишиле од слобода 42-годишниот А.С. од...
39-годишен Македонец е загинатиот во несреќата во Србија
Во сообраќајна несреќа што се случи рано утрово на автопатот Нови Сад – Суботица загина македонски државјанин, додека друг се...
Се преврте возило со македонски регистарски таблички, загина сопатникот: тешка сообраќајна незгода во Србија
Едно лице загина, а едно е тешко повредено во сообраќајна несреќа што се случи утрово. Како што објави српски „Блиц“,...
Најголем интересот за студии по медицина и социјална заштита, порасна бројот на запишани студенти за една година
Во академската 2024/2025 година се запишале 53.535 студенти, што претставува зголемување за 2,3 проценти во однос на претходната година. Според...
(Видео) Студенти уапсени на ливада пред Факултетот за драмски уметности во Белград
Белград, Нови Сад и Ниш денес ќе бидат целосно блокирани, најавија студентите на големите собири синоќа. Žandarmerija u Cvijićevoj. pic.twitter.com/IEpLk4p9d8...
(Видео) Трамп: Не постигнав никаков напредок во разговорот со Путин
Американскиот претседател Доналд Трамп вчера им изјави на новинарите дека не постигнал никаков напредок во врска со завршувањето на војната...
(Видео) Брутален руски напад врз Киев по разговорите Путин – Трамп
Руските сили започнаа повеќечасовен ракетен и беспилотен напад врз украинскиот главен град Киев во текот на ноќта, насочен кон станбени...
(Видео) Студентите: Тотална блокада на Србија наутро; Вучиќ: Ве молам, вразумете се
Белград, Нови Сад и Ниш денес ќе бидат целосно блокирани. Студентите го најавија ова на големите собири синоќа. Тие најавија...
Приближно половина час се чека на Богородица и на Табановце
Сообраќајот на државните патишта се одвива непречено, по суви коловози, извести АМСМ. Интензитетот на сообраќај на патните правци надвор од...
Сончево и многу топло, температурата денеска до 40 степени
Времето денеска ќе биде претежно сончево и многу топло со слаб до умерен ветер од јужен правец. Минималната температура ќе...
Уапсен мотоциклистот кој усмрти пешак на кејот во Скопје
Полицијата го уапси мотоциклистот кој завчера усмрти пешак на кејот во Скопје, на пешачка патека во близина на Паркот на...
(Видео) Платата на пилотите во ДЗС покачена за 100 отсто како дополнителен мотив, кажа Ангелов
Платата на десетте вработени во Одделението за специјализирани воздухоплови во ДЗС им е покачена за 100% и им е даден...
(Видео) Јакимовски: Унапредувањето на судијката Димовска е награда за мојата затворска казна
Начинот на кој е избрана судијката Даниела Димовска за вд претседател на Основниот кривичен суд Скопје ми дава за право...
Можно е Костадинов да се кандидира за градоначалник на Струмица како независен кандидат
Актуелниот градоначалник на Струмица, Костадин Костадинов, ја отвори можноста да се кандидира како независен кандидат за нов мандат, oткако СДСМ...
Ковачев: За темите за идентитетот и за јазикот нема место во извештајот, се отвора Пандорината кутија
Трите најголеми политички групи во Европскиот парламент го поддржаа предлогот да се отстранат термините „македонски идентитет“ и „македонски јазик“ од...
Бришењето на македонскиот јазик и на идентитетот од извештајот е еднакво лошо за нас како да стоеше модерен, вели Мицкоски
По објавите на бугарските медиуми дека трите најголеми политички сили во Европскиот парламент (ЕП) се согласиле од извештајот за напредокот...
Вршеле обљуба врз малолетнички и снимале со мобилен: уапсени 18-годишник и малолетник од Тетово
Вчера во 15.30 и во 22.55 часот полициски службеници од СВР Тетово и ПО Камењане во с.Горно Седларце и во...
Затаила над 50 милиони денари, ниту пријавувала ниту плаќала данок: кривична за сопственичка од Кавадарци
Управата за финансиска полиција до Основното јавно обвинителство Кавадарци поднесе кривична пријава против С.Т во својство на сопственик, управител и...
(Фото) Масовна евакуација на туристи поради пожар на Крит
Голем пожар во Грција продолжува да беснее во источниот дел од островот Крит, откако избувна вчера попладне во тешко пристапна...
