Забава
Флотилата во чест на Елизабета Втора влегува во Гинисовата книга на рекорди
Неделната флотила по Темза во чест на дијамантскиот јубилеј на британската кралица Елизабета II влезе во Гинисовата книга на рекорди како најголема речна поворка во светот, потврдија во неделата навечер претставници на организацијата за одредување светски рекорд.
Целосно трасата на поворката ја минале 670 различни пловила. Тоа е помалку отколку што тврдеа организаторите на флотилата, бидејќи во таа бројка беа вклучени и полициската и придружбата на другите служби, а некои од повисоките бродови можеа да се приклучат на флотата дури при крајот.
Сепак, без разлика на тоа, рекордот е поставен и официјално потврден. Во флотата беа вклучени пловни објекти изградени од 1740 до 2012 година.
Меѓу нив и бродот кој учествувал во одбележувањето на дијамантскиот јубилеј на кралицата Викторија во 1897 година, бродот кој бил вклучен во евакуацијата на британските војници во Данкерк за време на Втората светска војна, како и бродот на кој низ Темза во 1965 година, бил донесен ковчегот со телото на легендарниот британски премиер Винстон Черчил.
Исто така, по Темза пловеа и лебдечката „камбанарија“ со осум специјално моделирани за јубилејот камбани, чамци на веслање со знамињата на сите земји во Британскиот Комонвелт, чамци коишто се користат при пописот на кралските лебеди на Темза и други значајни бродови.
Вкупниот број на учесници во флотила изнесуваше 20 илјади, а бројот на гледачи 1,2 милиони.
Прославата мина без поголеми инциденти. Лондонските лекари од дежурните екипи пружиле помош на 369 учесници на народните прославувања, а 64 лица биле хоспитализирани.
Единствениот елемент кој морал да биде исклучен од програмата поради поројниот дожд и ниски облаци беш прелетот на деветте хеликоптери на Кралската морнарица коишто на небото требаше да формираат фигура на дијамант во чест на 60-годишнината од владеењето на кралицата Елизабета Втора.
Британските медиуми, исто така, објавија дека се регистрирани и голем број други рекорди, поставени во неделата во различни делови на Велика Британија. Така, во грофовијата Ланкашир е надминат рекордот постигнат при прославата на минатиот златен јубилеј според должината на уличната забава којашто се протегала на 2,4 километри.
Исто така, поставени се и нови рекорди за најдолга колона фанфари, најдолга празнична верига од знамиња и други.
Во Велика Британија и во странство се орагнизирани околу 10 илјади настани и забави во чест на годишнината од владеењето на кралицата, на кои присуствувале околу шест милиони луѓе. Меѓу нив и членовите на експедицијата на британските поларни истражувачи на Арктикот и британските трупи во Авганистан.
Милионите Британци во неделата му пркосеа на невремето, на ветрот и силниот дожд. А големиот мајстор на наутичката свеченост Адриан Ивенс изјави дека „во Велика Британија се шампиони кога станува збор за спречување на дождот да им го расипе прославуањето“.
Флотата ја предводеше малиот пароброд теглач „Духот на Чартвел“ (Spirit of Chartwell), богато украсен со црвени и златни тонови во стилот на речните теглачи од 17/18 век, кога флотилите по Темза биле вообичаени појави, претворен во кралски брод со кој пловеше кралицата Елизабета Втора, нејзиниот сопруг, 90-годишниот Филип, војводата од Единбург, и две генерации на Виндзор, синот 63-годишниот принц Чарлс, внукот принцот Хари и војводата и војвотката од Кембриџ, 29-годишниот внук Вилијам и неговата сопруга Кејт Мидлтон. Теглачот за кралицата беше преправен врз готов брод и по празникот украсите ќе бидат отстранети од него, а тој ќе се врати на вообичаената функција.
Конечно продолжениот празничен викенд ќе заврши со празнична црквена богослужба и процесија во вторник, на 5-ти јуни.
Утрото членовите на кралското семејство ќе го почнат во катедралата на свети Павле. После тоа, кралицата ќе присуствува на гала ручек за 700 гости во старата сала на Вестминстер Хол, а потоа со нејзиниот сопруг војводата од Единбург ќе минат по улицата Вајтхол до владината зграда.
Кога кралицата и принцот Филип ќе минуваат преку плоштадот Хорс-гардс-пирејд, во чест на празникот ќе бидат истрелани 60 артилериски плотуни. По владата тие ќе минат по алејата Мил, каде што кралицата ќе ја поздрават стотици илјади луѓе, и ќе пристигнат во Бакингамската палата.
Потоа ќе се случи традиционалната церемонија на појавување на балконот од Бакингамската палата, од каде кралицата Елизабета II и членовите на кралското семејство ќе ѝ отпоздравата на масата и ќе го следат прелетувањето над Лондон на борбени авиони на Кралските воздухопловни сили./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Тие не толерираат неправда: Хороскопски знаци кои се борат за подобар свет
Некои поединци едноставно не можат да ги затворат очите пред неправдата или лошото однесување кон другите.
Нивната реакција не е пасивна – тие имаат потреба да кажат и да направат нешто конкретно, дури и кога тоа не е лесно. Според астролозите, овие хороскопски знаци имаат силно чувство за правда.
Водолија
Водолиите не можат да поднесат социјална неправда и застарени системи што му штетат на мнозинството. Нивната борба за подобар свет често се одвива преку идеи, иницијативи и поддршка за промени што имаат долгорочен ефект.
Тие не се плашат да бидат различни или да се спротивстават на мислењето на масите ако веруваат дека е исправно. Водолиите веруваат во напредок и се подготвени да инвестираат енергија во визијата за општество кое е пофер за сите.
Вага
Вагите се исклучително чувствителни на нееднаквост и нечесност. Тие ретко молчат кога ќе забележат дека некој е лишен или се третира неправедно, особено во меѓучовечките односи.
Нивната борба често се води преку дијалог, мирно заземање став и обид да се најде решение што ќе биде фер за сите страни. Вагите веруваат дека светот може да се подобри преку разбирање, но не прифаќаат компромиси што вклучуваат неправда.
Стрелец
Стрелците се борат против неправдата отворено и без двоумење. Нивното силно чувство за вистина и слобода ги тера да реагираат веднаш штом почувствуваат дека се кршат основните човекови права.
Тие не толерираат лицемерни луѓе, манипулации и злоупотреба на моќ, без оглед на тоа од кого доаѓаат. Стрелците веруваат дека секој има одговорност да го направи светот подобро место, а нивната борба често започнува со искрени зборови и јасни ставови.
Забава
Неколку навики додека се туширате секојдневно ви ја уништуваат кожата
При секојдневно туширање, често се јавуваат проблеми со кожата како што се затегнатост, лупење, сивост или иритација, а експертите ги објаснуваат најчестите причини за ова.
Дерматолозите предупредуваат дека најголемите проблеми со кожата не доаѓаат само од силните производи, туку и од мали, повторувачки грешки кои полека ја оштетуваат заштитната бариера. Затоа е клучна правилната нега на кожата.
Експертите тврдат дека најпријатните моменти во туширањето, долгите и топлите, се и најштетни бидејќи водата над 38 степени ги раствора липидите, природните масла што ја одржуваат кожата мека и еластична.
Кога ова се случува секој ден, бариерата се истенчува, губи влага и развива препознатлива комбинација од затегнатост и чувство на „крцкање“.
Кожата потоа изгледа чиста, но е и исцрпена. Експертите советуваат да се користи млака вода, која чисти без да ја наруши природната состојба на телото. После тоа, кожата подобро ја прифаќа грижата, а сувоста на кожата исчезнува речиси преку ноќ.
Дополнително, геловите полни со парфеми, сулфати и засилувачи на пена го прават она што го прави топлата вода, односно отстрануваат повеќе отколку што е потребно. Кога на тоа ќе се додаде и секојдневната употреба на сунѓери кои механички ја тријат кожата, резултатот е потенцијална хронична иритација, која најчесто се гледа на рамената, градите, нозете и подлактиците.
Она што ѝ е потребно на вашата кожа е понежен пристап во форма на поприродни гелови и оние со минимален број состојки, без интензивни мириси.
Исто така, препорачливо е да нанесувате производи за нега на тело во првите 60 секунди по туширањето. Тогаш вашата кожа најбрзо ја губи влажноста.
Кога млекото, лосионот или маслото се нанесуваат додека кожата е влажна, се создава заштитен слој што ја одржува кожата мека во текот на целиот ден.
Дерматолозите велат дека ова е една од најбрзите промени што носи видливи резултати, особено во зима кога воздухот е сув, а кожата е почувствителна од вообичаеното.
Забава
(Фото) Емили Ратајковски повторно провоцира: „Никогаш нема да ми здосадат овие фотографии од тебе“
Познатата манекенка Емили Ратајковски често споделува провокативна содржина на социјалните мрежи, дури и сега кога се шпекулира дека е вљубена во Ромен Гаврас, кој е десет години постар од неа.
Сепак, многу поинтересно од нејзиниот приватен живот е нејзиниот јавен живот исполнет со претежно провокативни објави, оскудна гардероба и гол задник со кој обожава да се покажува.
Сега Емили позираше во чипкана долна облека преку која имаше преголема бела кошула и сето тоа немаше да биде ни најмалку провокативно доколку манекенката не се свртеше и не создаде хаос.
Провокативните танга гаќички беа во преден план, а убавата Емили повторно му го покажа на светот својот задник. Иако не ѝ е прв пат, луѓето во коментарите беа воодушевени како да е така.
„Немам зборови“, „Божица“, „Никогаш нема да ми здосадат овие фотографии од тебе“, „Гориш, убава“, „Какво тело“, „Неверојатна жена“, „Каква глетка, ќе останам без здив“, беа некои од коментарите под нејзината објава.
(Видео) Трамп: Искрено, Украина веќе изгуби територија
Американскиот претседател Доналд Трамп синоќа изјави дека договорот за завршување на војната во Украина е „поблиску од кога било“ откако...
(Видео) Државата Вашингтон нареди итна евакуација во три предградија на Сиетл
Властите во американската држава Вашингтон издадоа наредба за итна евакуација за три јужни предградија на Сиетл во понеделник откако попушти...
(Видео) Трамп ја тужи Би-би-си: бара 5 милијарди долари отштета
Американскиот претседател Доналд Трамп поднесе тужба од 5 милијарди долари против Би-Би-Си за манипулирање на неговиот говор на 6 јануари...
(Видео) Синот е одговорен за смртта на Роб Рајнер и неговата сопруга, соопшти полицијата во Лос Анџелес
Ник Рајнер е одговорен за смртта на неговите родители, Роб Рајнер и Мишел Сингер Рајнер, соопшти Полициската управа на Лос...
Австралискиот премиер: „Нападот беше мотивиран од ИСИС“; Сведоците опишуваат детали од ужасот
Новите изјави на австралискиот премиер Ентони Албанез, штотуку објавени од неговата канцеларија, произлегуваат од радио интервју за ABC Sydney. „Се...
Германија има план од 10 точки за Украина, објави Ројтерс
Германија ќе ја засили својата поддршка за одбраната на Украина преку план од 10 точки што вклучува заеднички инвестиции, понатамошна...
Светна новогодишната елка! Отворен и Божиќниот маркет во Скопје
Во Скопје вечерва светна новогодишната елка и официјално беше отворен Божиќниот маркет, со што симболично беше означен почетокот на празничната...
Зеленски: Не е постигнат компромис за територијалното прашање за време на преговорите во Берлин
Украинскиот претседател Володимир Зеленски изјави дека позициите на САД и Украина за поделбата на териториите сè уште се разликуваат. Тој...
Херојот Ахмед од Сиднеј би можел да ја загуби раката: „Сè би повторил“
Ахмед ал Ахмед, случаен минувач кој вчера херојски совлада и разоружа еден од напаѓачите на плажата Бонди, порача дека и...
(Фото) Фудбалер на македонскиот клуб „Рокдејл Илинден“ меѓу жртвите во нападот на плажата Бонди во Австралија
Меѓу убиените во вчерашниот терористички напад на плажата Бонди е и фудбалер на Рокдејл Илинден – клуб на македонската дијаспора...
Од полноќ нови цени на горивата
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука...
(Видео) Мицевски: Поднесовме Резолуција за осуда на манипулациите на опозицијата и за потврда на политиките против нелегалната миграција
Пратеничката група на ВМРО-ДПМНЕ, заедно со пратеници од коалицијата ВРЕДИ и ЗНАМ, ја поднесовме „Резолуцијата за осуда на манипулациите на...
(Видео) Крај на мигранти во Македонија се става само ако се потпише резолуцијата на СДСМ, рече Кузеска
„Со договорени мигранти за пари ДПМНЕ ја предаде Македонија, ја продаде за пари, за скапи кредит врз грбот на народот....
(Фото) 10-годишно девојче, двајца рабини и маж што го преживеал холокаустот: познати жртвите од Сиднеј
Во терористичкиот напад на плажата Бонди вчера беа убиени најмалку 15 цивили, од кои многумина го славеа првиот ден од...
(Видео) Татко и син убија 15 луѓе во Сиднеј: „Се заколнале на верност на ИСИС“
Таткото и синот кои убија 15 лица на еврејски фестивал на плажата Бонди во Сиднеј во неделата можеби имале врски...
(Видео) Снимено уривањето на огромен руски воен транспортен авион, се преполови во воздухот
Рускиот канал на Телеграм „Маш“ објави снимка од падот на рускиот воен транспортен авион Ан-22 во регионот Иваново. Снимката го...
Земјотрес почувствуван во Македонија
Утрово во 7.20 часот беше почувствуван земјотрес на територијата на Македонија, објави ЕМСЦ. Според ЕМСЦ земјотресот бил со јачина од...
(Видео) Нападот врз Бонди е чин на чисто зло, вели австралискиот премиер
Австралискиот премиер Ентони Албанез и началниците на полицијата одржаа прес-конференција во Сиднеј. „Она што го видовме вчера беше чин на...
(Видео) Преживеан од холокаустот загина штитејќи ја сопругата на плажата Бонди
Една од жртвите на терористичкиот напад во неделата за време на прославата на Ханука во Австралија беше Алекс Клајтман, преживеан...
(Видео) Американски режисер и неговата сопруга пронајдени мртви: полицијата се сомнева дека е убиство
Полицијата на Лос Анџелес истражува нешто што го опишува како очигледно убиство откога две тела беа пронајдени во домот на...
