Забава
Заврши снимањето филмот „Move on“ во Македонија
Во изминатите два дена патеписниот филм „Move on“ се снимаше на неколку различни локации во Националниот парк Маврово . Со споредни улоги се појавуваат и десеттмина Македонци кои како корисници на T-Home и T-Mobile учествуваа со свои предлози во креирањето на овој интерактивен филм
Во одлична филмска атмосфера, во четвртокот доцна попладне заврши снимањето на првиот интерактивен патеписен филм во Македонија „Мove On“.
Филмот во изминатите два дена се снимаше на неколку различни локации во Националниот парк Маврово. Првиот ден, филмската екипа на чело со режисерот Асгер Лет, снимаше карди на вештачкото езеро Глобочица, додека вториот ден во селото Ничпур и неговата околина.
Главните улоги во „Move On“ им се доверени на познатиот холивудски актер со данско потекло, Мадс Микелсен („Казино Ројал“, „Тројца мускетари“, „Чудовишта наспроти Вонземјани“ и „Судирот на титаните“) и словачката актерка во подем Габриела Мерцинкова. Филмот е под режисерска палка на режисерот Асгер Лет („Духовите на Cite Soleil“, „Човек на работ“) и сценаристот Мет Гринхалг („Контрола“, биографски филм за фронтменот на Joy Division, Иан Куртис).
Но, во снимањето на возбудливите сцени од филмот „Move On“ покрај Мадс Микелсен, со споредни улоги се појавија и десеттмина Македонци кои како корисници на T-Home и T-Mobile учествуваа со свои предлози во креирањето на овој интерактивен филм, којшто е поддржан од Дојче Телеком Групацијата.
„Процесот на работата беше навистина возбудлив, но истовремено и многу напорен бидејќи целата приказна започнавме да ја снимаме во Холандија“, изјави режисерот Асгер Лет за време на последниот ден од снимањето во околината на Маврово. Тој вели дека Маврово воопшто не бил случаен избор на локација за снимање на филмот во Македонија.
„Природата која ја затекнавме овде е фасцинантна, нешто што досега го немам видено, а и самата близина до Скопје ме натера да се заддржиме во овој регион“ истакна Лет, кој што не го криеше своето задоволство од текот на снимањето во нашата земја.
Снимањето на „Move On“, кое што започна на 13-ти јули во Амстердам, продолжува. Од денеска филмската екипа се сели во Германија, поточно во Берлин каде се очекува до крајот на август да се завршат последните сцени од патеписниот филм.
Приказната на „Move On“ се фокусира на патувањето на еден човек низ различни предели на Европа и неговата мисија да испорача еден мистериозен сребрен куфер и да го заштити по секоја цена, со помош од луѓето во секоја земја. Па така, во креирањето на интерактивниот филм учествуваат вкупно 11 држави, меѓу кои и Македонија, како што се Холандија, Австрија, Словачка, Унгарија, Хрватска Црна Гора, Германија, Албанија, Бугарија и Чешка. На овој начин, секоја од државите каде е присутен Т брендот, заедно со корисниците стануваат дел од една неповторлива авантура, што е дел и од бренд филозофијата на Дојче Телеком Групацијата „Сподели доживување“. /крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Фото) Никој не ја погледна Џенифер Лопез во очи: за сè е виновно нејзиното „немирно“ деколте
Додека церемонијата на доделувањето на Златните глобуси траеше, сите погледи беа насочени кон „афтер-забавата“ каде што се очекуваа бројни ѕвезди, вклучувајќи ја и Џенифер Лопез.
Едно е сигурно, никој не ја погледна Џеј Ло во очи покрај деколтето што го покажа. Латино дивата носеше тесен фустан со светки покриен со реси, кој совршено ја следеше линијата на нејзиното тело, така што пејачката едвај можеше да дише.
Таа, секако, ги истакна градите и единственото нешто што го додаде беше ефектен ѓердан кој беше „светкав“ како и фустанот. Ако некој го погледнеше лицето на Џеј Ло, можеше да види силна вечерна шминка и насмевка што таа не ја симна во текот на целата вечер.
Познато е дека Џенифер Лопез ги обожава високите потпетици, а ако имаат платформа – тогаш тоа е совршен спој! Овој пат, изборот падна на кремасти сандали со платформа кои едвај се гледаа од фустанот.
Уште едно во низата совршени изданија на познатата латино дива. И дали некогаш ќе престане да нè воодушевува со својот изглед?
Забава
Природно убави, неодоливи и тешко се забораваат: Најубавите жени се родени во овие знаци
Прашањето кои се најубавите жени според хороскопот не е обид објективно да се измери убавината, туку игра со стереотипите што ги поврзуваме со знаците.
Ова не е само за цртите на лицето или телото, туку и за енергијата, ставот, начинот на кој некој влегува во соба и остава впечаток.
Хороскопот доаѓа како рамка за опишување на различни видови привлечност – тивката, доминантната, мистериозната или онаа што ја забележувате пред да кажат нешто. Затоа одредени хороскопски знаци постојано се враќаат како „омилени“, иако секој астролог ќе каже дека асцендентот, Венера и целата натална карта често се поважни од самото Сонце.
Вага
Жените родени под знакот на Вага честопати имаат репутација дека се природно убави. Не станува збор само за физичките карактеристики, туку за вкусот, пропорциите и впечатокот за хармонија. Вагата знае како да се облекува, како да се движи и како да се претстави без да изгледа впечатливо. Нејзината привлечност е рафинирана и елегантна, а многу луѓе едноставно ја сакаат – ретко кој ќе каже дека Вагата им е непривлечна, дури и ако не се нивниот личен тип.
Лав
Лавовите не се обидуваат да бидат најпривлечни, но многу често токму така испаѓа. Нивната убавина доаѓа од самодоверба, смиреност и чувство на познавање на сопствената вредност. Тие имаат енергија на главен лик: насмевка што ја исполнува просторијата, коса што ја паметите и став што не бара дозвола. Кај Лавот, често е помалку важно како изгледа, а поважно како се однесува – и токму тоа ја прави толку привлечна.
Шкорпија
Шкорпијата ретко се појавува како класична убавица, но речиси секогаш како – неодолива. Нејзината привлечност лежи во нејзиниот поглед, нејзината тишина, нејзината мистерија и чувството дека зад сè има длабочина. Тоа е убавина што не се открива веднаш, туку станува посилна со текот на времето. Скорпиите се синоним за интензитет, а тој интензитет е невозможно за многумина да го игнорираат.
Бик
Жените Бик често имаат помека убавина: топли црти на лицето, пријатен глас и смирувачко присуство. Нивната привлечност не е агресивна, туку физичка и сензуална, речиси опиплива. Бикот знае како да ужива во своето тело и работите што го истакнуваат, а оваа поврзаност со себе изгледа многу заводлива. Тоа е видот на убавина што е поврзан со допир, блискост и чувство на сигурност.
Овен
Овните можеби не секогаш имаат совршени пропорции, но имаат искра. Нивната привлечност доаѓа од енергија, директност и храброст. Жените Овни честопати изгледаат спортски, живи и малку бунтовни, со поглед што вели дека не се плашат од ништо. Тоа е убавината на акцијата, брзината и ставот – и за многумина токму оваа нефилтрирана енергија е најпривлечна.
Водолија
Водолиите често се оние за кои луѓето велат дека се згодни, но не можат сосема да објаснат зошто. Нивната привлечност лежи во различноста: во необични црти на лицето, неочекуван стил или дистанца што изгледа интригантно. Не е убавина што им се допаѓа на сите, но кога некому му се допаѓа – тешко е да се заборави. Водолијата има таа „кул“ енергија што ја паметите.
Забава
(Фото) Мајката и ќерката повторно неодоливи: нивната убавина не познава граници
Прославената манекенка Синди Крафорд (59) и нејзината ќерка, исто така позната убавица, Каја Гербер (24), беа на заедничка забава пред доделувањето на наградите „Златен глобус“.
Мајката и ќерката пристигнаа модно усогласени и никогаш не ги симнаа насмевките од лицата, а нивната неверојатна сличност и убавина повторно беа главна тема на тој дел од светот.
Каја избра тесна црна тоалета со длабоко деколте, која ја комбинираше со црни салонки, додека Синди носеше црни панталони и ефектна блуза што ги откриваше нејзините рамена.
Иако самата Каја долго време е препознатливо име во светот на познатите личности, таа никогаш не криела дека поддршката од нејзините родители, особено од нејзината мајка, ѝ била од голема важност. Сепак, како што самата призна во една пригода, дури неодамна сфати каква икона е нејзината мајка.
Kaia Gerber with her mom Cindy Crawford at W Magazine's Annual Best Performances Party in Los Angeles, California – January 10, 2026
byu/Maximum_Expert92 inpopculturechat
„Не секогаш го разбирав тоа, знаев дека таа е икона, но кога бев помлада не разбирав до кој степен е тоа. Што се однесува до непотизмот, тоа е тема што нема да исчезне и јас едноставно го прифатив. Имам голема предност бидејќи можам да ги прашам моите родители за бизнис совет“, изјави Каја за списанието W.
(Видео) Премиерот на Гренланд: Ако треба да избереме помеѓу САД и Данска, ја бираме Данска
Премиерот на Гренланд изјави дека доколку неговиот народ мора да избере „тука и сега“, ќе ја избере Данска пред САД....
Поранешни вработени го обвинија Хулио Иглесијас за сексуална злоупотреба, откриени детали
Шпанскиот пејач Хулио Иглесијас е обвинет за сексуален напад од страна на две поранешни вработени, кои тврдат дека биле подложени...
(Фото) Тошковски на проштална средба со амбасадорката Агелер: САД остануваат клучен стратешки партнер во безбедноста
Министерот за внатрешни работи на Република Северна Македонија, Панче Тошковски, денеска оствари проштална средба со амбасадорката на Соединетите Американски Држави...
Зеленски се обиде да го назначи поранешниот премиер за министер за енергетика, парламентот го одби
Украинските пратеници го отфрлија назначувањето на министерот за одбрана во заминување Денис Шмихал за министер за енергетика, што е ретка...
Бројот на жртви варира во голема мера: „Иран Интернешнл“ тврди дека најмалку 12.000 луѓе се убиени во протестите
Се појавуваат извештаи за илјадници жртви во немирите во Иран, што би претставувало најголем број смртни случаи во протестите од...
Каја Калас: Историјата е полна со примери за паѓање на режими, но прашањето е што следува потоа
Високиот претставник на Европската Унија за надворешни работи и безбедносна политика, Каја Калас, изјави дека е неизвесно што ќе се...
Времето утре – сончево со мала до умерена облачност, максималната температура до 10 степени
Времето утре ќе биде сончево со мала до умерена облачност. Ќе дува слаб до умерен ветер од западен и северозападен...
Јордан Апостолски, Наташа Бошкова и Сашо Георгиевски кандидати за судии во Европскиот суд за човекови права
Владата на денешната 141 седница беше информирана за текот на постапката за номинирање кандидати за позицијата судија во Европскиот суд...
Утрешното судење за пожарот во „Пулс“ е одложено за 26 јануари
Судењето за пожарот во „Пулс“ што требаше да се одржи утре е одложено за 26 јануари, соопшти Кривичниот суд. Расправата...
Бугарски државјанин протеран од земјава, кај него се пронајдени боксирач и транспарент со навредлива содржина
Полицијата уапси бугарски државјанин на Граничен премин Деве Баир, кај него се пронајдени боксирач и транспарент со навредлива содржина. Според...
МНР апелира македонските државјани да го напуштат Иран во прва можна прилика
Министерството за надворешни работи апелира сите македонски државјани што се наоѓаат во Иран да ја напуштат земјата поради влошената состојба....
Обвинителството бара притвор за лицето што ја искрши влезната врата на бугарската Амбасада
Основното јавно обвинителство Скопје поведе постапка против 55-годишник осомничен за кривично дело – Оштетување туѓи предмети од член 243 став...
Техничката влада мора да остане, велат од СДСМ
Техничката влада мора да остане. Таа е единствена шанса, единствен обид за некакви минимални услови за фер избори, велат од...
Со паричка во погача, голем број семејства вечерва ќе ја дочекаат Старата Нова година
Според Јулијанскиот календар, по кој се водат православните христијани, вечер се дочекува православната нова година, кај народот позната уште како...
Во Кавадарци се води истрага за два случаи на сексуално насилство врз деца
Кавадаречкото Обвинителство споведува истрага за два одвоени случаи во кои има сомненија за силување на дете кое не наполнило 15...
Словачките лидери едногласни: Крај на воената помош за Украина
Највисоките словачки функционери – претседателот Петер Пелегрини, премиерот Роберт Фицо и претседателот на парламентот Рихард Раши – потврдија единство околу...
Претседателката на Молдавија: На референдум би гласала за обединување со Романија
Претседателката на Молдавија, Маја Санду, изјави дека би гласала за обединување со Романија доколку тоа прашање некогаш се најде на...
Германија предупредува: Плановите на Трамп за Гренланд може да го загрозат НАТО
Германскиот министер за надворешни работи Јохан Вадефул изјави дека сојузниците во НАТО мора да соработуваат кога станува збор за безбедноста...
Конгресмен предлага закон за анексија на Гренланд
Републиканскиот конгресмен Ренди Фајн предложи закон до американскиот Конгрес со кој на САД би им се овозможила анексија на Гренланд...
18-годишникот кој усмрти жена во Капиштец избега од државата, МВР распиша потерница
Министерството за внатрешни работи распиша меѓународна потерница по 18-годишникот кој прегази жена во Скопје и избега од местото на настанот....
