Забава
На светилиштата на Маите осaмна муграта, светот преживеа

Зазори во петокот по локално време над древните мајански светилишта во Средна Америка со славење на многубројните посетители, носејќи го со тоа новиот циклус за народот Маи, а за разочараните песимисти донесе уште едно, сепак за среќа, неостварено пророштво за крајот на светот.
Мистици, шамани, хипици и туристи, но и претседатели на земјите од регионот ги запоседнаа остатоците од древните градови на Маите за да се одбележи крајот на 13-от бактун или Периодот на Петтото Сонце, периодот од околу 400 години, и изразија надеж во подобра иднина за човештвото.
Имено, 13-от бактун во 5.125 година во стариот календар на Маите предизвика неоправдани стравувања предизвикани од погрешни толкувања и научнофантастичната белетристика дека на 21-ви декември 2012 година ќе дојде крајот на светот, или барем до помала катастрофа.
Со години научниците експерти за цивилизацијата на Маите од целиот свет, па дури и американската агенција за вселенски истражувања NASA, упорно повторуваа дека Маите не предвидувале крај на светот, туку почеток на нов циклус во нивниот календар, но сеедно, пред 21-ви декември по интернет кружеа сериозни изблици на стравувања од масовни самоубиства, природни катастрофи, епидемии или удар на астероид во Земјата.
Меѓутоа, за многумина од посетителите на светите градови на Маите, крајот на нивниот календарски циклус значи сосема спротивното.
„Благодарен сум што воопшто сум тука. Се надевам дека нешто ќе се случи, што ќе ме направи подобра личност, а доколку добијам и малку вселенска помош нема да ја одбијам“, веки 21-годишнито Греам Хоклфелде од американската метропола Сен Луис кој го посети храмот во Чичен Итца/
„Не е крај на светот, туку будење на совеста, добрата љубов и духовноста“, тоа веќе се случува“, вели 53-годишната Мери Лу Андерсон, советничка за информациски технологии од Лас Вегас во САД.
Остатоците од некогаш величествениот храм во Тикал во Гватемала, во петокот рано наутро го посетија гватемалскиот претседател Ото Перез и неговата костариканска колешка Лаура Чинчила, за да присуствуваат на свеченост на огнот и да ги дочекаат првите зраци на Сонцето првиот ден од новата ера на Маите.
Цивилизацијата на Маите која својот врв го доживеала меѓу 250 и 900 година од новата ера, ги опфаќала областите на денешно јужно Мексико, Гватемала, Белизе и Хондурас./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Ѓоковиќ им подари потпишани маици на Модриќ и на Ковачиќ

Неодамнешна фотографија од фудбалерите Лука Модриќ и Матео Ковачиќ и тенисерот Новак Ѓоковиќ, направена на островчето Вела Ступа во близина на Корчула, стана вирална на интернет.
Лука и Матео позираа и со потпишани маици од колекцијата на Ѓоковиќ од Вимблдон. Српскиот тенисер напиша пораки на нивните маици кои ги воодушевија социјалните мрежи.
„За големиот Лука, од срце, за спомен. Се најдобро, брате“, му напиша тој на Модриќ.
На маицата на Ковачиќ напиша: „За Матео, од срце. Ти посакувам се најдобро.“
На островчето, фудбалерите и тенисерот се дружеа со претседателот на УЕФА, Александар Чеферин.
Сите четворица се големи фанови на хрватскиот брег.
Модриќ и Ковачиќ редовно одат заедно на одмор, а Чеферин одмара во Хрватска со години.
Забава
(Фото) Ослабе 40 килограми, почна да тренира и сега изгледа беспрекорно

Реалната ѕвезда Моли Смит, победничка на шоуто Love Island All Stars, повторно се најде во центарот на вниманието поради фотографиите направени на Мајорка, на кои позира во тесно бикини, а нејзиното затегнато тело и витата фигура оставаат многумина без зборови.
„Сезона на бикини“ – беше сè што напиша атрактивната русокоса со објавата од Мајорка, а во преден план се нејзините совршено обликувани стомачни мускули додека лежи на лежалка.
View this post on Instagram
И бикинито изгледаше како да се вклопува во атмосферата, а овој изглед на плажа го зачини со очила за сонце и дискретен накит.
View this post on Instagram
Таа направи неколку пози за да ги покаже својата беспрекорна фигура и исончаниот тен и доби многу комплименти за својот изглед.
View this post on Instagram
„Секојпат ми го одземаш здивот“, „Целиот труд се исплати“, „Изгледаш апсолутно неверојатно. Тоа тело е совршено“, се некои од коментарите упатени кон реалната ѕвезда.
View this post on Instagram
Таа го постигнува овој изглед со тренинг и не крие колку обожава да вежба, а често ги покажува своите тренинзи на социјалните мрежи.
View this post on Instagram
Таа гордо го покажува своето тело откога ослабе 40 килограми, а обожава да вежба и со своето момче Том Клер, кого го запознала во гореспоменатото реално шоу. Двајцата ја освоија првата сезона од шоуто.
Фото: принтскрин
Забава
Алкохолот влијае на ризикот од рак на усната шуплина

Ракот на усната шуплина е меѓу 20-те најчести видови рак во светот. Кај мажите тој е на 12-тото место, а кај жените е на 18-тото, според податоците од Светскиот фонд за истражување на ракот. Оваа болест може да влијае на јазикот, непцата и на внатрешноста на усните, а во некои случаи се шири и на задниот дел од грлото.
И додека генетиката игра улога, експертите нагласуваат дека исхраната и начинот на живеење може значително да влијаат на ризикот од развој на рак на усната шуплина.
Една секојдневна навика, која многумина ја доживуваат како дел од релаксација или социјални моменти, всушност може да биде сериозна закана – а тоа е консумирањето алкохол.
„Кога пиеме алкохол, тој се разградува во телото во ацеталдехид – токсично соединение, кое може да ја оштети ДНК и со тоа да го зголеми ризикот од рак“, објаснува диететичарката и нутриционистка специјализирана за онколошка исхрана, Керол Саливан, за EatingWell. Покрај тоа, алкохолот им овозможува на штетните супстанции полесно да навлезат во клетките на усната шуплина и грлото.
Таа додава дека алкохолот е класифициран како канцероген од категорија 1. Може да ја наруши природната рамнотежа на микроорганизмите во устата и во цревата, да предизвика воспаление и да го ослаби имунолошкиот систем – сето тоа заедно создава плодна почва за развој на рак.
Саливан истакнува дека дури и умереното пиење алкохол може речиси да го удвои ризикот од развој на рак на усната шуплина. Алкохолот исто така се меша во апсорпцијата на важни хранливи материи, како што се фолна киселина, витамините А, Ц и Е, кои се неопходни за обновување на клетките и заштита од слободните радикали.
„Редовното пиење алкохол може да предизвика сериозни недостатоци на есенцијални витамини и минерали. Алкохолот речиси и да нема хранлива вредност, но сериозно ги нарушува природните одбранбени механизми на телото“, нагласува таа.
Стоматологот Чед Либрати советува дека, за превенција, треба да се грижите за исхрана богата со овошје и зеленчук, да избегнувате тутун, редовно да посетувате стоматолог и да користите заштита за усни во сончеви денови.
„Дури и умереното пиење може да го удвои ризикот, а за оние што пијат често ризикот може да биде петпати поголем“, предупредува д-р Либрати.
Саливан додава дека многу луѓе се грижат повеќе за ритуалот на пиење отколку за самиот алкохол, па затоа предлага да се премине на безалкохолни алтернативи, кои се сè повеќе достапни денес и може да помогнат во одржувањето на здравјето, без да се жртвуваат социјалните навики.