Забава
Родман: Мојот пријател Ким Јонг-Ун не сака војна

Поранешната американска кошаркарска ѕвезда Денис Родман во неделата на американска телевизија се бранеше од нападите поради неговото неодамнешно патување во Северна Кореја, велејќи дека нејзиниот лидер Ким Јонг-Ун кого го нарекува „пријател”, не сака војна, туку обичен телефонски повик од американскиот претседател Барак Обама.
Одговарајќи на прашањата на американската телевизиска мрежа ABC за состојбата со човековите права во Северна Кореја, Денис Родман изјавил дека тој „не е дипломат”. „Не го бранам, не го оправдувам тоа што го прави”, изјави Родман.
Но повтори дека Ким Јонг-Ун му е „пријател”. Рекол дека синот на поранешниот комунистички диктатор Ким Јонг-Ил кој почина кон крајот на 2011 година му кажал „Не сакам војна”. „Тој само сака Обама да стори само едно, да го повика”, му рекол во доверба.
Поранешната ѕвезда на американската професионална кошаркарска лига НБА, во четвртокот заигра кошарка со севернокорејскиот челник кого го нарече „супер момче” и „доживотен пријател” што предизвика остри критики и отворено неразбирање по воинствените изјави кои доаѓаа од Пјонгјанг и неговата трета нуклеарна проба во февруари.
„Режимот очигледно троши пари на храна и вино за странските гостите, а би требало да го нахрани сопствениот народ”, реагираше портпаролот на Стејт департментот, Патрик Вентрел.
Поранешниот играч на Чикаго Булс изјави дека Ким Јонг-Ун е „многу скромен” но дека ја сака „власта” и „контролата”.
Покрај тоа Родман уживаше бранејќи го дипломатскиот потенцијал на кошарката: „Ја обожува кошарката. Му реков и дека Обама е вљубен во кошарката. Да тргнеме од тоа”.
Младиот Ким Јонг-Ун, школуван во Швајцарија, навива наводно за Чикаго Булс. Иако точно не се знае колку години има, Родман тврди дека има 28 години.
Северна Кореја и САД, коишто се сојузник на нејзиниот сосед од југот, немаат воспоставено дипломатски односи.
„Направив историска работа. Ќе се вратам таму”, рече Родман.
Поранешниот НБА кошаркар, Денис Родман минатата седмица престојуваше во Северна Кореја, каде за потребите на медиумската компанија „VICE” снимаше спот.
Покрај Родман, во Северна Кореја, пристигнале и тројца членови на Харлем Глобтротерс. Како што е соопштено екцентричниот Родман, кој со имиџот на ‘лошо момче” се прослави во НБА лигата, ќе одигра и натпревар со локалните играчи./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
„Прв ред си е прв ред“: Туристи во Грција се степаа за лежалки

Заземањето место на плажите во Грција е неисцрпен извор на дискусија во текот на секоја сезона. Сега, сепак, отиде чекор понатаму, пишува Б92.
Имено, на Родос во Грција, туристи се степаа за лежалки во првиот ред до морето.
View this post on Instagram
„Некој навистина премногу сериозно ја сфатил борбата за место под сонцето… Реалити програма во живо од Родос“, пишува во описот на видеото објавено на Инстаграм.
Под видеото, следеа низа коментари.
„Прв ред си е прв ред, мора да се бориш за него“, „Не знам дали да се смеам или да плачам“, „Тоа се вика активен одмор“, се само дел од коментарите.
Забава
(Видео) Нова криминална комедија доаѓа на „Нетфликс“

„Нетфликс“ објави нов трејлер за претстојната крими комедија „The Thursday Murder Club“.
Филмот е режиран од Крис Колумбус, а е базиран на истоимениот роман од 2020 година напишан од британскиот телевизиски водител и продуцент Ричард Озман.
Главните улоги ги играат Хелен Мирен, Пирс Броснан, Бен Кингсли и Селија Имри, а заплетот ги следи четирите бестрашни пензионери кои го поминуваат своето слободно време решавајќи нерешени убиства – како хоби. Сепак, она што не го очекувале е дека нивното хоби ќе се претвори во вистинска истрага кога ќе се најдат во средината на вистинско, мистериозно убиство.
Ова се само дел од коментарите што циркулираат на социјалните мрежи:
„Каква актерска екипа! Ако ова не е смешно и одлично, некој сериозно греши“, „Одамна не сум видел толку добри глумци на едно место“, „Единствената забелешка – дека е филм, а не серија. Можеа да снимат повеќе епизоди“, „Не знам кого претпочитам – Мирен, Броснан, Кингсли… Летниот хит доаѓа“, „Ова мора да е одличен филм“, „Само погледнете кој го режира и кој глуми“, „Заплетот ми изгледа интересен, а кога ќе видам ваков тим – знам дека нè очекува добар филм“.
Премиерата се очекува наскоро, а сè укажува на фактот дека нè чека еден од најзабавните филмови од ова лето – полн со мистерија, шарм и британски хумор.
Забава
На британски бизнисмен му е одземено правото на користење на името на славниот Марадона

Децата на покојната аргентинска фудбалска ѕвезда Диего Армандо Марадона го добија судскиот спор што го водеа со сестрите на Марадона за правото да го користат неговото име за комерцијални цели.
Спорот настана кога сестрите на Марадона, Лили и Рита, му дадоа дозвола на британскиот бизнисмен Санџај Вадвани, кој се опишува себеси како суперфан на фудбалската ѕвезда, да го користи името на Марадона на предмети како што се пијалоци, храна, облека и игри, како и да основа добротворна фондација за зачувување на фудбалското наследство со неговото име.
Вадвани дури поднесе и барање до Агенцијата за интелектуална сопственост (IPO) за заштита на името на Марадона, како и неговиот потпис заедно со бројот „10“, кој го носеше на дресот, пишува Times.
Бизнисменот рече дека верува оти сестрите имаат законско право на името, бидејќи му било кажано дека Марадона ги лишил неговите деца од наследство.
Тврдењето на Вадвани беше оспорено од страна на IPO во врска со петте деца што Марадона ги имал со три различни жени, а IPO рече дека „доказите покажуваат дека децата се наследници“ на покојниот фудбалер.
Адвокатката за интелектуална сопственост, Роуз Гилрој, рече дека барањето е поднесено во „лоша намера“ во обид да се „проневери наследството на Марадона“ и ја опиша пресудата како „силна потврда за правото на наследниците да го заштитат наследството на покојната икона“.
Пресудата наводно го изненадила Вадвани, кој рекол дека не бил свесен за рочиштето сè додека не бил контактиран од Times и додаде дека поднел жалба на пресудата.
„Поминав многу време со сестрите на Диего Марадона и, врз основа на она што ми го кажаа, бев навистина убеден дека Диего Марадона ги лишил од наследство своите деца и дека ги префрлил правата на своето име, со кои управуваа сестрите. Имав договор со сестрите за разни права на интелектуална сопственост и правото да го користам неговото име насекаде во светот“, рече тој.
Британскиот бизнисмен, исто така, рече дека платил стотици илјади фунти на една од сестрите на и дека договорот вклучувал преземање на последните 493 фудбалски дресови потпишани од Марадона, од кои повеќето ги продал на продавач на сувенири за 2.000 фунти по парче, но дека не ги покрил сите свои трошоци.
Фото: ЕПА