Забава
На Депардје во Париз му го украдоа скутерот
Непознато лице во Париз го уркале скутерот на славнтио француски актер Жерар Депардје, на кој тој минатиот ноември беше приведен за возење под влијание на алкохол, пишува интернет страницата на локалната радиостаница France Bleu.
Актерот Жерар Депардје, кок неодамна доби руско државјанство, самиот го пријавил во париската полиција исчезнувањето на неговиот скутер. Според портпаролот на полицијата, скутерот бил паркиран на улица „Лил” во седмиот париски арондисман.
Според локалните медиуми, Депардје, и покрај тоа што доби руско државјанство и купи имот во мало белгиско селце во близина на француската граница, поголемиот дел од времето го минува во Париз.
Депардје, кој инаку е познат дека како превозно средство го преферира скутерот, учествуваше во мала сообраќајна незгода во Париз ланскиот 29-ти ноември. Поради тоа тој беше приведен во полициска станица. Проверката покажа присуство на алкохол во крвта на актерот во времето на инцидентот во ниво трипати поголемо од максимално дозволеното. Во јануари, актерот не се појави во судот за сослушување за овој случај, кога можеше да се изјасни за виновен и да добие поедноставена постапка, па така случајот беше препратен до повисока судска истанца. Според францускиот закон, за возење во алкохолизирана состојба, возач се соочува со парична казна до 4.500 евра и затворска казна затвор до две години.
Кон крајот на минатата година, Депардје негодувајќи против намерите на социјалистичката влада на францускиот претседател Франсоа Оланд да воведе ткн „данок за богатите” до 75 отсто, најави дека се откажува од француското државјанство. Потоа се пресели во белгискиот гратче Нешен на границата со Франција, каде купи селска куќа којашто ја дизајнираше, а исто така регистрираше трговска компанија „Holding 2712″ со почетен капитал од 20 илјади евра.
Актерот кој ја поддржа претседателската кампања на поранешниот конзервативен претседател Николас Саркози, се најде на удар на францускиот премиер Жан-Марк Еирол, кој е именуван од социјалистичкиот претседател Франсоа Оланд кј во кампањата вети зголемување на даноците за богатите Французи, поради преселувањето во Белгија, наводно за да ги избегне даноците во својата татковина Франција. Неодамна Депардеј купи куќа во белгиското село Нешен, само неколку минути оддалечено од француската граница каде ужива во селото и во природата, но таму се и пониски белгиските даноци, па многумина во Франција со гнев реагираа на оваа одлука додека тие се справуваат со економската криза и зголемувањето на даноците на луксуз.
„Неговото преселување преку границата е патетично. Вистинскиот Французин ја сака својата земја и ѝ помага на татковината пак да застане на своите нозе, а не бега во друга земја”, рече премиерот Еирол во својот настап неодамна на француската телевизија.
„Патетично, велите? Заминувам затоа што вие верувате дека успехот, творештвото, талентот.., сѐ што е поинакво мора да се санкционира И покрај моите испади, мојот апетит и мојата љубов кон животот, јас останувам слободен човек”, одговори актерот.
Депардје беше само еден од повеќето богати Французи кои се преселија во Белгија поради ткн данок на богатство, односно зголеменото оданочување на лицата со имот поголем од 1,3 милиони евра во Франција.
Во почетокот на јануари, актерот доби руско државјанство, а потоа ја посети републиката Мордовија, каде изрази желба да изгради куќа. Тој стана претставник на Мордовија во светската фудбалска асоцијација ФИФА во подготовките и одржувањето на Светското првенство 2018 година, од кои некои натпревари ќе се одиграат во главниот град на оваа руска република – Саранск./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Пејачката Нина Бадриќ пееше во црква на Карибите
Пејачката Нина Бадриќ пееше во црква на Карибите каде што служел свештеник од Хрватска.
Како што наведе во објавата на Инстаграм, на мисата се сретнала со Матија Матичиќ, свештеник од Хрватска, што ја поттикнало да ја изведе песната „Добрината Божја“. На видеата и фотографиите што ги сподели, може да се види како пее пред собраните верници.
„Кога ќе најдете црква на остров и ќе одите на неделна миса. Кога ќе сретнете свештеник од Хрватска на миса. Кога спонтано ќе ја пеете „Добрината Божја“ на миса. Немам поим што се случи во 2016 година, но знам дека денес, 18 јануари 2026 година, е совршен ден за мене“, напиша Бадриќ покрај објавата.
View this post on Instagram
Нејзиниот настап привлече позитивни коментари од следбениците. „О, Боже мој, колку е прекрасно. Не сум католик, но ова има посебен шарм и убавина“, „Колку среќа за овие верници и ви благодарам што е снимено и што и ние можеме да уживаме во тоа мало парче од таа миса… Ти благодарам Нина што сподели“, „Вистинско искуство во необичен свет простор“, се некои од коментарите на Инстаграм.
View this post on Instagram
Нина Бадриќ моментално е на одмор на Карибите, а на социјалните мрежи сподели фотографии од островот Ангила каде што престојува во комплексот Аурора Ангила. Официјалната веб-страница на одморалиштето тврди дека е „еден од најдобрите“ на островот. „Плажи, врвна гастрономија и прекрасни глетки создаваат неспоредливо искуство“, се наведува во нивната презентација.
Според информациите од официјалната веб-страница, цената на ноќевање за едно лице во јануари се движи од 1.277 до 1.843 евра, во зависност од видот на сместување, објави Индекс.хр.
Забава
Мајкл Даглас и Кетрин Зета-Џонс објавија фотографија со своите деца: „Поздрави од Антарктикот“
Мајкл Даглас (81) и Кетрин Зета-Џонс (56) ја започнаа новата година со семејно патување на Антарктикот, а им се придружија и нивните деца, 25-годишниот син Дилан и 22-годишната ќерка Керис.
Даглас сподели ретка семејна фотографија на својот Инстаграм профил, направена на брод. „Поздрави од Антарктикот!“, напиша актерот во описот на објавата.
На фотографијата, семејството е топло облечено во исти црвени јакни и црни панталони, со елеци за спасување.
Во октомври минатата година, Керис откри дека сериозно размислува за кариера во сценските уметности, која ќе ги следи стапките на нејзините познати родители. Таа вели дека пораснала околу театарот и иако не студирала глума во училиште, се надева дека ќе оди во таа насока сè повеќе и повеќе – особено откако дипломира на Универзитетот Браун во мај 2025 година со диплома по филм и меѓународни односи.
И Дилан не е далеку од глумата. Дипломирал на Браун во 2022 година и наскоро треба да го има своето филмско деби во психолошкиот трилер „Ќе дојдам кај тебе“.
Семејното бегство до крајот на светот се случи кратко по големата годишнина: Даглас и Зета-Џонс прославија 25 години брак во ноември. Актерката сподели емотивна објава на Инстаграм на 18 ноември, потсетувајќи се на нивната свадба од 2000 година и велејќи дека го сака „исто колку што го сакаше и тогаш“.
Даглас има и 47-годишен син, Камерон, од првиот брак со Диандра Лукер. Тој беше во брак со Лукер 18 години, а се разведоа во 1995 година.
Забава
(Видео) „Француски вагони“ – Александар Тарабунов објави нова песна
Во „Француски вагони“, Александар Тарабунов ја изразува динамиката на животот преку музиката, текстот, аранжманот и продукцијата, кои целосно ги реализира самиот, при што вистинската порака симболично се открива на самиот крај на песната.
Преку мотивот на француските вагони од минатото – време на бонтон и луксуз – се прикажува контрастот меѓу надворешниот сјај и скриените задкулисни игри, кои можат да донесат немир и внатрешни превирања.
На овој голем христијански празник, Богојавление (Водици), песната носи порака луѓето помалку да се фокусираат на материјалното, а повеќе да го слушаат срцето, да останат природни и вистински, да љубат искрено и да бидат човечни.
„Француски вагони“ е песна со силна емоција, современ звук и длабока симболика, проследена со визуелно впечатлив музички спот.

