Актерот Џејмс Мајкл Тајлер ја загуби битката со ракот на 59-годишна возраст.

Актерот кој го глумеше Гинтер во хит серијата „Пријатели“, починал дома во Лос Анџелес во неделата наутро, се наведува во изјавата на неговиот менаџер.

Ракот на простата му бил дијагностициран во 2018 година.

Неговиот менаџер рече: „Ако сте го сретнале еднаш, сте стекнале пријател за цел живот.“

„Светот го знаеше како Гинтер – седмиот ‘пријател’ од ситкомот Friends, но најблиските на Мајкл го познаваа како актер, музичар, борец против ракот и сакан сопруг“, соопшти семејството на Тејлер.

Зад гламурот, снимањето на холивудските филмови е всушност многу опасно, со авионски несреќи, експлозии, паѓање на конструкции и бркање со голема брзина, што резултира во скратени животи на каскадери двојници, актери и други луѓе вклучени во продукцијата.

Ова беше ставено во остар фокус повторно во четвртокот со смртта на камерманката Халина Хачинс, која случајно настрада во текот на снимање нискобуџетен вестерн во Ново Мексико.

Пиштолот-реквизит на снимањето на несреќната сцена на филмот на Алек Болдвин имал вистински кушуми, соопшти полицијата.

На Болдвин, наводно, му бил даден безбеден т.н. „ладен пиштол“, односно она што требало да биде реквизит со ќор-фишеци, за снимање сцена од неговиот филм Rust, но пиштолот содржел вистинска муниција кога бил испукан, според деталите од полициската истрага за фаталното пукање.

Истрелот ја погодил камерманката Халина во градите и режисерот Џоел Соуза кој бил зад неа, во рамото, според изјавата на окружниот шериф поднесена во судот во Санта Фе во петокот.

Асистент на режија, кој му го дал револверот на Болдвин, не знаел дека оружјето содржи вистински куршуми, се наведува во изјавата на детективот на полицијата на Санта Фе, Џоел Кано.

Болдвин во петокот рече дека е во шок поради трагедијата, по која неколку членови на тимот најавија дека го напуштаат Rust поради небезбедни услови.

Продукцијата на филмот веднаш беше прекината.

Околностите за тоа како оружје-реквизит испука смртоносен проектил остануваат нејасни.

Халина Хачинс ќе остана запаметена како неверојатен уметник, објавија американски медиуми, потсетувајќи дека списанието American Cinematographer ја прогласи за една од своите ѕвезди во подем во 2019 година. Таа претходно работеше на независниот суперхеројски филм Archenemy.

Ед Ширан соопшти дека е позитивен на Ковид-19 и дека се наоѓа во изолација.

Музичарот во објава на својата страница на Инстаграм рече дека ќе продолжи да дава планирани интервјуа и настапи од дома.

View this post on Instagram

A post shared by Ed Sheeran (@teddysphotos)

Ширан, кој живее во близина на Фрамлингем во Сафолк, напиша: „Се извинувам на секој што сум го изневерил, бидете безбедни сите x“.

Минатата недела тој настапи во Лондон како дел од инаугуративните награди „Earthshot Prize“, чии домаќини беа војводата и војвотката од Кембриџ.