Кинескиот филм „Битката на езерото Чанџин“ заработи повеќе од 400 милиони долари за шест дена прикажување. Некои медиуми тврдат дека нема сличен пример во историјата на филмот.

Кинескиот подвиг во Корејската војна ја продолжува епската опсада во киносалите во земјата, со заработка од преку 400 милиони долари помалку од една недела по премиерата.

Бројките звучат нереално: за четиринаесет дена прикажување, кинескиот пропаганден воен спектакл The Battle at Lake Changjin („Битката кај езерото Чанџин“) заработи повеќе од 633 милиони долари. Филмот заработи рекордни 769 милиони долари на домашните киноблагајни помалку од три недели од премиерата.

Филмот би требало лесно да достигне 800 милиони долари претстојниот викенд, ако не и порано.

Продуциран од Bona Film Group и филмските компании поддржани од државата Shanghai Film Group и Huaxia, ова е најскапиот кинески филм некогаш направен, со продукциски буџет од над 200 милиони долари.

„Битката кај езерото Чанџин“ ги велича кинеските жртви и херојства во реалниот живот, истоимена битка од 1950 година за време на Корејската војна (или позната во Кина како „војна за отпор на американската агресија и помош на Кореја“). Клучна победа за кинеската страна, во историската битка придружена со успешно разнесување на мостот Шуимен, по што американските воени сили беа принудени да се повлечат.

Поранешната манекенка и водителка Кели Брук (41) пред неколку години ја доби титулата најсекси жена на светот, а сега гордо ги истакнува бујните облини што ги доби заедно со неколку килограми вишок.

Со оглед на тоа што на некои од нејзините фанови не им се допаѓа промената, Кели е апсолутно задоволна со своето тело и со задоволство позира на фотографии што подоцна ги објавува на социјалните мрежи.

Фановите на поранешната манекенка и водителка веќе ѝ дадоа до знаење дека сметаат оти треба да поработи на себе и дека претходно изгледала многу подобро. Но, ваквите коментари очигледно не ја засегаат, со оглед на тоа што ретко одговара на какви било провокации.

Папараците неодамна ја уловија на пат кон работа. Таа позира со широка насмевка на лицето, а на нејзината среќа најверојатно ѝ кумува новата позиција на работното место. Имено, Кели ќе биде новата водителка на утринската емисија на радиото „Харт“ (Radio Heart).

Да потсетиме, Кели неодамна зборуваше за тоа како се чувствува откако стана цел на хејтери на социјалните мрежи поради прекумерна тежина.

„Изгледам како нормален 40-годишник. Изгледам како што треба да изгледам, тоа не е нешто недостижно. Никогаш нема да го имам телото што го имав на 21 година ниту, пак, сакам да бидам истата таа девојка“, рече таа.

Откако целосно се прифати себеси и својот изглед, не мора да се грижи за непријатните коментари бидејќи и комплиментите на социјалните мрежи се слеваат од сите страни.

„Едно јаболко дневно го брка лекарот од вашиот дом“, вели една народна мудрост што ја потенцираат многу лекари и нутриционисти поради опсегот на вредни хранливи материи што ги содржи ова овошје.

Поради влакната што ги содржи, јаболкото го намалува холестеролот и е добро за срцето. Помага за откиселување на телото и на урината, го чува здравјето на бубрезите, а корисно е и за превенција од дијабетес.

Во есен можете да уживате во вкусот на јаболката што сè уште можете лесно да ги набавите. А уште повкусни се колачите. Следниве два се наједноставните рецепти за подготвка на овој десерт.

Бабин колач со јаболка

Потребни состојки
3 јајца, 12 лажици шеќер, 12 лажици масло, 12 лажици млеко, 15 лажици брашно

Подготовка
Направете смеса од јајца, шеќер, брашно, масло, млеко и прашок за печиво. Јаболката изрендајте ги и додајте цимет. Половина од смесата излејте ја во калап и ставете да се пече 15 минути на 180 степени. Потоа извадете ја од рерната, наредете рендани јаболка врз кората, а врз нив втората половина од смесата. Вратете во рерна и печете уште десетина минути. Кога ќе се излади, печениот колач наросете го со шеќер во прав.

Превртен колач со јаболка

Потребни состојки
3 јајца, 4-5 јаболка, 75 гр путер, 7 лажички шеќер, 3 лажици кисела павлака, кора од лимон, 1 лажичка екстракт од ванила, 1 лажичка цимет.

Подготовка
Загрејте ја рерната на 180 степени. Во сад за печење нанесете путер. Исечете ги јаболката на парчиња и исцедете лимон на нив. Во сад растопете 50 гр путер, додајте 5 лажици шеќер и гответе додека не се растопи шеќерот. Ставете ја смесата во садот за печење и наредете ги јаболката. Додадете 2 лажици шеќер и 1 лажица путер исечкан на мали парчиња. Садот ставете го во рерна додека го подготвувате преостанатиот дел од колачот.
Додека јаболката се печат, подгответе го тестото. Одвојте ги белките и жолчките. Во еден сад ставете 75 г путер, 5-те лажици шеќер и мешајте додека не добиете компактна смеса. Во неа додајте ги жолчките, киселата павлака, кората од лимон и екстрактот од ванила. Мешајте додека состојките не се соединат. Изматете ги белките и додадете ги на смесата. Извадете ги јаболката од рерна и наросете ги со цимет. На нив додајте ја смесата и печете 25-30 минути додека не добиете златножолта боја.