Забава
ЈАР откри дека ја има најстарата жена на светот којашто има 119 години
Јужноафриканската Република откри дека таму живее најстарата жена на светот, Н’кукутане Џохана Мазибуко којашто има 119 години, според фотокопијата од нејзината лична карта којашто на AFP му ја испратил новинар кој ја посетил во местото Клерксдорп.
Според новинарот, како што пренесува весникот The Sowetan, Н’кукутане живее со 77-годишниот син Тсеко Мазибуко, а има живи уште двајца браќа и сестра.
Иако ја мачи артроза поради којашто тешко се движи и има вртоглавица, самата готви, си ја спрема постелнината, се облекува и си ги пере алиштата, а остатокот од денот го минува гледајќи телевизија.
„Добро се чувствувам“, изјавила во разговорот со новинарот кој ја фотографирал, како и нејзината лична карта издадена 1986 година на која пишува дека е родена на 11-ти мај 1894 година. „Господ ми подари живот во изобилство, плус бонус. Сега сум многу стара“, додала Н’кукутане.
Таа била најстарата од десетте браќа и сестри самата имала седум деца, од кои пет веќе починале.
На прашање на AFP, јужноафриканскиот министер за внатрешни работи не можел да ја потврди веродостојноста на нејзината лична карта.
Носител на титулата најстар човек на светот верификувано од Гинисовата книга на рекордите, му припаѓаше на Џироемон Кимура е роден на 19-ти април 1897 година а во јуни 2013 година почина од старост.
Најстарата личност, инаку, која кога и да е живеела на Земјата, официјално потврдено, е Французинката Жан Луиз Калман, која почина во 1997 година на возраст од 122 години.
Меѓутоа, кон средината на јануари 2013 година портпаролот на гувернерот на авганистанската покраина Вардак, и самиот внук, објави дека починала најстарата личност на планетата – Хасана којашто имала навршено 136 години од животот. Според другите роднини на починатата долговечна Авганистанка, претходно претставници на УНЕСКО ги земале личните информации за Хасана, но тоа не е резултирало со конкретни дејства или чекори за нејзино официјално прогласување за највозрасен жител на планетата.
Шефот на администрацијата на округот Пачирагам каде што била погребана Хасана, Малик Мохамад Аслам за агенцијата Pazhvak потврдил дека починатата имала навршено 136 години од животот.
Најголем број лица со надминати 100 години се регистрирани во Јапонија (околу 51 илјади) и во САД (околу 53 илјади)./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
„Тоше те сакаме“ – настан во чест и сеќавање на Тоше Проески во ОУ „Лазо Ангеловски“
На 23 јануари 2026 година (петок), во периодот од 12:00 до 15:00 часот, во аулата на ОУ „Лазо Ангеловски“, ќе се одржи забавниот културно-уметнички настан „Тоше те сакаме“, посветен на ликот и делото на Тоше Проески.
Целта на настанот е преку уметнички, образовни и музички содржини да се одбележи трајната вредност на делото на Тоше Проески, неговата хуманост и влијанието што го има врз младите генерации и македонската културна сцена.
Во музичкиот дел од програмата ќе настапат: Огнен Здравковски, Марија Спасовска, Тамара Волческа, Владимир Поповски, Ивона Јо, Мартинијан Кириловски, Наде Талеска, Lili Acoustic и Васил Ангелов, кои со свои интерпретации ќе му оддадат почит на безвременското музичко наследство на Тоше.
Настанот „Тоше те сакаме“ претставува силен пример за заедништво меѓу граѓаните, локалната самоуправа и образовните институции, обединети околу вредностите што Тоше Проески ги живееше и ги пренесуваше преку својата музика – љубов, човечност и искрена емоција.
Организаторите упатуваат отворена покана до медиумите и јавноста да присуствуваат и заедно да оддадат почит на уметникот кој ќе живее вечно во нашите срца.
Забава
(Фото) Сите зборуваат за модното издание на Наоми Осака
Тенисерката Наоми Осака ја победи Антонија Ружиќ, највисоко рангираната хрватска тенисерка, во три сета (2:1). Освен што го откри својот борбен дух и желба за победа пред светот, Наоми покажа и специфичен моден израз што воодушеви многумина – особено модните фанатици.
За списанието „Вог“ таа откри што претставува комбинацијата на облеки што ги видовме на теренот.
„Кога ги гледам играчите што дојдоа пред мене, размислувам за тоа како тие моменти, тие изданија, станаа спомени што живеат засекогаш“, започна Осака и продолжи:
„Други луѓе, најчесто, пишуваат приказни за нас, а ова беше вистинскиот момент и јас да почувствувам дека можам да напишам дел од мојата приказна.“
За да ја напише својата приказна на теренот, јапонската тенисерка се обрати до познатиот дизајнер на висока мода Роберт Вун. Неговите креации ги носеле дивите Бијонсе, Аријана Гранде, Карди Би, па затоа не е изненадувачки што Осака сакала парче „рајска ткаенина“ и за себе.
Тенисерката рекла дека идејата за дизајнот ја добила додека ѝ читала детска приказна на својата двегодишна ќерка.
„Имаше слика од медуза и кога ѝ ја покажала на ќерка си, била толку возбудена“, рекла таа, додавајќи дека идејата за дизајнот веднаш „кликнала“.
Фасцинирана од убавината и елеганцијата на медузата, вели Осака, ја споделила идејата со креативниот тим на Најк.
„Изгледаше толку лелеаво и лесно за носење, и се сеќавам дека го пробав фустанот и си помислив: ‘Ова е прекрасно’. Но, нешто недостасуваше. Се чувствував како мојата приказна да не е завршена.“
И токму тој момент – момент на нераскажана приказна – доведе до соработката со Роберт Вун. Се испостави дека Осака веќе го инспирирала познатиот дизајнер таа година, за време на Отвореното првенство на Австралија, и беше само прашање на време кога ќе се случи соработката.
„Еден од моите стајлинзи за колекцијата есен 2024 беше инспириран од твојот момент на теренот“, вели Роберт, алудирајќи на моментот кога пеперутка слета на лицето на Осака за време на натпреварот.
„Таа прекрасна сцена ме инспирираше да го создадам тој стил, а сега да соработувам со вас“, рече тој.
И токму во тој момент беше создадена оваа интересна креација, која „спојува“ две суштества – медуза и пеперутка во тиркизна облека украсена со бели набори.
Hitech
Нетфликс надмина 325 милиони претплатници, профитот нагло порасна
Американската стриминг услуга Нетфликс надмина 325 милиони претплатници низ целиот свет, објавувајќи го своето прво ажурирање за бројот на претплатници за една година.
Компанијата ја заврши 2024 година со 301,6 милиони корисници кои плаќаат. Во последниот квартал, Нетфликс ги зголеми приходите за 17,6 проценти на годишно ниво на нешто над 12 милијарди долари. Нето добивката достигна 2,42 милијарди долари, што е зголемување од речиси 29 проценти во однос на претходната година.
Нетфликс моментално бара да го купи студиото и стриминг бизнисот на холивудскиот гигант Warner Bros Discovery. За да го финансира договорот, кој вреди околу 83 милијарди долари, Нетфликс соопшти дека ќе ги суспендира откупите на акции, објавувајќи го овој потег заедно со својот извештај за заработка.
Американските компании често користат откупи за да помогнат во одржувањето на цените на нивните акции.
Акциите на Нетфликс паднаа за дури 5 проценти во тргувањето по затворањето на берзата. Откако се појавија извештаите за плановите за преземање на Warner Bros, акциите изгубија околу 30 проценти од својата вредност. Нетфликс потоа се откажа од плановите да вклучи акции во трансакцијата и изјави дека ќе ја плати куповната цена во готово.
Објавено колку Македонци живеат во Германија
Повеќе од 14 милиони странци живеат во Германија, а Украинците станаа втора најголема група странски државјани и наскоро би можеле...
Понудил за 100 евра да избрише судска казна од 200 евра: уапсен вработен во Основен суд во Гостивар
Вчера во 20:10 часот, полициски службеници од Полициското одделение Ростуше го лишија од слобода А.Ј.(49) од село Присојница, општина Маврово...
(Фото) Ѓорѓиевски: Од раните утрински часови, екипите на Град Скопје се постојано на терен
Соочени со зимските услови и снежните врнежи, Град Скопје навремено и одговорно ги презема сите неопходни мерки за обезбедување безбедно...
Обвинителството да ги истражи наводите за мафијашките притисоци, уцени и злоупотребата на системот од Филипче и Заев за остварување на клановските цели, бара ВМРО-ДПМНЕ
„Нема пора во општеството каде што СДС под менторство на Зоран Заев и Венко Филипче со мафијашки методи не владееле....
Граѓаните поблиску до ЕУ роаминг без дополнителни трошоци, велат од Министерството за дигитална трансформација
Министерството за дигитална трансформација известува дека измените и дополнувањата на Законот за електронски комуникации (ЗЕК) се влезени во владина процедура...
СДСМ: Дефокус на ВМРО преку Алфа и Жан додека се носат 10.000 „сезонски работници“
„Додека јавноста е бомбардирана со лажни и измислени афери со координирани напади преку Алфа ТВ, лажните изјави на Жан и...
(Видео) Американски специјалци упаднаа во уште еден танкер, објавена е снимка
Американските сили ја презедоа контролата врз танкер за нафта во Карипското Море, соопшти војската. Моторниот брод „Сагита“ ја прекрши блокадата...
(Видео) Трамп го прашаа колку далеку е спремен да оди за Гренланд: „Ќе дознаете“
Американскиот претседател Доналд Трамп вчера одби да прецизира колку далеку е спремен да оди во својот обид САД да го...
(Видео) Нова железничка несреќа во Шпанија: машиновозачот загина, 37 повредени
Машиновозачот загина, а најмалку 37 лица се повредени во железничка несреќа во близина на Барселона. Според локалните власти, возот Родалиес...
Забрани за камиони на планинските превои Ѓавато, Пресека, Маврово – Дебар и Струга – ГП Ќафасан
Забрани за тешки товарни возила на планинските превои Ѓавато, Пресека, Маврово – Дебар и Струга – ГП Ќафасан, извести АМСМ....
Полицијата ја тргнала плочката, а зад неа – 350.000 евра скриени во ѕидот: детали за падот на судијата
Единицата за корупција при Одделот за сузбивање на организиран и сериозен криминал поднела кривична пријава против судијата Ѓоко Ристов (53)...
МВР алармира: Граѓаните да не отвораат лажни пораки, наводно испратени од „Безбеден град“, и да не споделуваат лични податоци
Министерството за внатрешни работи ја информира јавноста дека изминатиов период е забележана појава на фишинг напади кои се изведуваат преку...
Јаневска: Колку повеќе децата се во училиште, толку е поголем нивниот резултат
Македонските ученици до 15-годишна возраст поминуваат дури 900 часови помалку во училишните клупи во споредба со нивните врсници од Европската...
Обвинителството побара куќен притвор за судијата Ѓоко Ристов осомничен за корупција
Обвинителството побара куќен притвор за судијата Ѓоко Ристов осомничен за корупција, кај кого беа пронајдени 350.000 евра соѕидани во ѕид...
Се зголемуваат цените на бензините и дизелот
Цените на бензините и на дизелот од ноќеска на полноќ ќе се зголемат за 1,5 и за 2 денари, соопшти...
Анел Фидоски нов шеф на скопското јавно обвинителство
На денешната седница на Советот на јавни обвинители, Анел Фидоски е избран за нов шеф на Основното јавно обвинителство Скопје....
(Видео) СДСМ обвини дека „Алфа“ не е само медиум туку политички проект: „Како и во времето на Груевски, повторно функционира како центар за црни кампањи“
Денеска, членот на Извршниот одбор на СДСМ, Јон Фрчкоски, на прес-конференција објави ново разоткривање на Антикорупцискиот тим – АКТ. Тој...
Лавров: Гренланд не е природен дел од Данска
Рускиот министер за надворешни работи, Сергеј Лавров, го коментираше конфликтот меѓу САД и Европа околу иднината на Гренланд, доведувајќи го...
Сакале насилно да влезат во затворена гостилница па го истепале сопственикот: 30-дневен притвор за двајца осомничени
Основното јавно обвинителство Куманово донесе Наредба за спроведување истражна постапка против две лица за кои постои основано сомнение дека заеднички...
Трамп објави фотографија и порача: Мора да го добиеме Гренланд
Американскиот претседател Доналд Трамп го повтори своето барање да ја преземе контролата врз Гренланд, автономна данска територија. Зборувајќи со новинарите...
