Истражување на Универзитетот Алберта во Канада наведува дека ефектот на една чаша црвено вино може дa се спореди со цел саат вежбање во теретана.

Работата е во тоа што ресвератролот во црвеното вино има антиинфламаторно, кардиопротективно и антиканцерогено дејство, а исто така и го намалува нивото на шеќер во крвта. Ресвератрол може да го разбуди организмот како саат време физички активности.

Според зборовите на раководителот на истражувањето Џејсон Дајк, ова ќе ви овозможи да го оддржите тонусот на мускулите, дури и ако не одите во теретана. Ресвератрол ги зголемува отчукувањата на срцето и со самото тоа го јакне срцето, а и мускулите.

„Секој од нас слушнал повеќе пати за здравата навика да се пие чаша црвено вино со ручекот, но повеќето никогаш не размислувале што тоа всушност значи,“ се вели во ова истражување.

Во тек се преговори за продолжение на блокбастерот „Капетан Марвел“.

Меган Мекдонел, писателка на WandaVision („Ванда вижн“), наводно е во завршна фаза на преговори за потпишување договор за сценариото на филмот што следува, а студиото „Марвел“ е во потрага по женски режисер за „Капетан Марвел 2“.

„Холивуд репортер“ цитира извори што најавуваат дека филмот, најверојатно, ќе биде готов во 2022 година, но Ана Боден и Рајан Флек – кои го режираа и заедно го напишаа „Капетан Марвел“ – овој пат нема да бидат вклучени во проектот. Тие нема да бидат ангажирани за вториот филм во франшизата.

Сепак, двајцата би можеле да го режираат серијалот „Дизни плус“ (Disney+).

Сè уште не се знае кој ќе глуми во продолжението, но Бри Ларсон неодамна призна дека таа и сите актерки од Marvel Cinematic Universe разговарале со Кевин Фиџ во обид да се направи женски филм.

Кевин Фиџ, директорот на филмското студио „Марвел“, неодамна потврди дека првиот трансродов суперхерој на „Марвел студиос“ – фабрика за суперхерои во сопственост на „Дизни“ – ќе се појави многу бргу. Тој откри планови за воведување геј-ликови во Marvel Cinematic Universe и додаде дека претстојниот проект ќе ја претставува трансзаедницата.

Ларсон или Керол Данверс во „Капетан Марвел“, рече: „Голем број жени од ‘Марвел’ отидовме кај Кевин и му рековме: „Ние сме заедно, сакаме да го сториме тоа“. Што значи тоа, немам идеја. Знаете, јас не сум одговорна за иднината на „Марвел“, но тоа е нешто за што навистина сме страсни“.

Шарлиз Терон мислела дека ќерка ѝ изгледа како мал гуштер кога ја видела прв пат.

44-годишната актерка ги посвои Џенскон и Август во 2012 и 2015 година и призна дека била шокирана кога првпат ја запознала својата намјлада ќерка затоа што лицето ѝ било покриено со тешка егзема и изгледала слично на влечуга со лушпи.

Говорејќи во поткастот Five Things Podcast за списанието W Magazine, таа рече: „Јас се сеќавам кога ја видов Џексон првпат. Излегов од автомобилот и ја видов низ прозорецот. Некој ја држеше, а срцето како да скокна од моето тело, а јас не можев да го фатам. Фактот, т.е. емотивното чувство дека ќе чувам дете, беше многу импресивно.

„Да, тоа е навистина неверојатно, навистина е неверојатно и вторпат се сеќавам дека морав да чекам два часа за да ја запознам. Тоа беа најлошите два часа во мојот живот, и ја запознав, а таа изгледаше како мал гуштер“, вели актерката.

„Никогаш нема да го заборавам тој момент. Таа имаше сериозна егзема. Се сеќавам на жената што се грижеше за неа и таа рече дека изгледа малку грубо. Но, јас од првиот момент кога ја видов си реков: Ова е моето бебе! Јас мора да го имам ова мало гуштерче.“