Забава
Меркел била шанкерка, Асад незаинтересиран за политика
Рускиот претседател, уште во своите дваесетти години бил разузнавач, Обама ја преиспитувал својата духовност, а Ангела Меркел се мажела и била шанкерка.PolicyMic пишува за девет лидери, што работеле во своите дваесетти години.
Барак Обама
Американскиот претседател Барак Обама, се преселил во Чикаго во 1983 година, откако дипломирал на „Колумбија“. Но пред да се запише на Харвард во 1988 година, тој ја испитувал својата духовност, бил активен член на христијанската црква и патувал во Кенија да ги посети роднините.PolicyMic пишува дека Обама во текот на своите тинејџерски години пиел алкохол, пушел марихуана, а користел и кокаин, затоа што не можел да се носи со некои прашања кои го излудувале.
Владимир Путин
Рускиот претседател и искусен разузнавач, со таа работа се занимавал пред да заврши правен факултет во Ленинград (Санкт Петерсбург).Работел во секретаријатот, бил контраразузнавач, а потоа обучувал агенти. Странските агенти го забележале кога работел во контраразузнавачката дивизија.По завршувањето на факултетот со децении работел во разузнавачката служба, а интересно е што многу малку се знае за неговите рани денови.
Ангела Меркел
Германската канцеларка, Ангела Меркел, на 20 години запознала колега од факултет за физика во Лајпциг. Само по три години тие се венчале, а додека студирала работела како шанкерка.Меркел се развела во 1982 година, по пет години брак, а повторно се омажила во 1988 за Јоаким Сауер, со кого сè уште е во брак.
Башар ал-Асад
Сирискиот претседател раните дваесетти ги поминал студирајќи медицина во Дамаск, а дипломирал 1988 година. Имал своја офталмолошка ординација во воената болница во Дамаск, и не планирал да се занимава со политика.Кога неговиот брат Басел, кој требало да го наследи татко му, загинал во сообраќајка, Башар морал да почне да се занимава со политика. Асад едно време живеел и во Лондон и немал намери да се врати во Сирија.
Бенјамин Нетанјаху
Израелскиот премиер пред да наполни 20 години, пристапил во војска. Бил учесник во неколку значајни воени операции, особено кога во 1972 година кога од киднапери ослободиле патнички авион.Раните дваесетти ги поминал во САД каде студирал архитектура и бизнис на МИТ.
Дејвид Камерон
Првиот човек на владата на Британија по дипломирањето на Оксфорд, работел во истражувачкото одделение на Конзервативната партија. Иако го сметале за вреден и талентиран, го биел глас дека е дел од Булингдон групата, која е позната по недолично однесување на Оксфорд.Камерон никогаш не зборува за членството во таа група, која неретко е вандалски настроена.
Ким Јонг-ун
Врховниот владетел на Северна Кореја има мистериозно минато, затоа што постојат сомнежи и за точноста на датумот на неговото раѓање, а се наведува дека е роден во 1982 година.Веќе во своите рани дваесетти со својот татко одел во воени инспекции, а завршил и Ким Ил-сунг, воен универзитет, по што брзо се стекнал со чин генерал со четири ѕвездички.Познато е дека е голем фан на Чикаго Булс, и дека го обожувал Денис Родман, кој и го посети.
Хасан Рохани
Иранскиот претседател, е правник по струка, а студиите сам ги финансирал. Патувал по цел Иран, држејќи говори против шахот и го поддржувал ајатолахот Хомеини. Поради тоа морал да ја напушти земјата и да му се придружи на Хомеини во Париз.Апсен е неколкупати во доцните дваесетти, а по Техеран, студирал и во Шкотска. Зборува персиски, англиски и арапски, а се служи со француски, германски и руски јазик.
Кси Џинпинг
Генералниот сектретар на Комунистичката партија на Кина е син на еден од нејзините основачи. Своите рани 20-ти ги поминал во оддалечено село, како и многу интелектуалци во тоа време. Учел за доблестите на селаните, а едно време живеел и во пештера. Сè до 22 година работел како фармер. Подоцна студирал во Пекинг и изучувал марксизам./крај/в/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Џенифер Лопез вешто избегна да одговори на прашањето за разводот од Бен Афлек
Џенифер Лопез се најде во малку незгодна ситуација за време на гостувањето во шоуто „Тудеј“, но вешто избегна директен одговор на прашањето за нејзиниот неодамнешен развод од Бен Афлек. Пејачката и актерка го промовираше својот нов мјузикл „Бакнеж на жената-пајак“, но водителот Крег Мелвин ја искористи можноста да го спомене нејзиниот личен живот.
„Во средината на снимањето на овој комплексен, прекрасен мјузикл, и вашиот развод од Бен е финализиран“, почна Мелвин, но Лопез веднаш го прекина со гласен смеа и коментар: „Ете го! Погледнете го!“
Водителот објасни зошто го споменал Афлек, велејќи: „Но, потоа прочитав дека твојот бивш е извршен продуцент на филмот“. Лопез само го игнорираше тоа, но сепак му ја припиша заслугата на својот поранешен сопруг, од кого се раздели во 2024 година. „Да не беше Бен, филмот немаше да биде снимен. И секогаш ќе му ја припишувам заслугата за тоа“, рече таа.
Во врска со самиот развод, таа кратко коментираше дека „работите се случуваат“ и додаде: „Мора да продолжите понатаму“. Да потсетиме дека двојката првпат се сврши во 2002 година, но се разделија една година подоцна. Ја обновија својата романса 20 години подоцна и се венчаа во 2022 година. Сепак, љубовта не траеше долго, а Лопез поднесе барање за развод минатата година, кое беше финализирано во февруари оваа година.
фото: принтскрин
Забава
Вилијам и Кејт открија строго правило што го имаат за своите деца
Принцот Вилијам и Кејт Мидлтон дадоа редок увид во нивниот семеен живот со три деца во искрено интервју објавено минатата недела. Принцот од Велс разговараше со актерот Јуџин Леви за неговата емисија „The Reluctant Traveler“ и се осврна на различни теми, од разводот на неговите родители до навиките за вечера во семејството, според „ХафПост“.
Строго правило за вечера
Еден од најинтересните детали што ги откри Вилијам беше правилото за употреба на мобилни телефони, или поточно, нивната забрана, особено за време на семејните оброци. „Седнуваме и разговараме, тоа е навистина важно“, му рече Вилијам на Леви за важноста на заедничката вечера. „Ниедно од нашите деца нема телефони, за што сме многу строги“.
Вилијам и Кејт имаат три деца: 12-годишниот Џорџ, 10-годишната Шарлот и 7-годишниот Луис.
Детство без екран
Леви беше особено заинтересиран за ова правило, па го праша принцот со што си играат децата кога немаат телефони. „Значи, ако вашите деца немаат телефони за играње, со што си играат?“, праша актерот. „Што сакаат да прават?“
Вилијам со насмевка сподели детали од нивната дневна рутина. „Луис ја обожава трамболината, па затоа е опседнат со неа, а всушност и Шарлот многу скока“, откри тој. „Од она што можам да го видам, тие само скокаат горе-долу на трамболината, удирајќи се еден со друг, поголемиот дел од времето.“ Идниот крал се пошегува: „Очигледно, има уметност во тоа.“
Тој додаде дека Шарлот исто така игра нетбол и балет, додека Џорџ ги сака фудбалот и хокејот. „Да ги држиме зафатени со спорт и да бидат на отворено е навистина важно“, нагласи тој, додавајќи дека децата се обидуваат да научат и да свират музички инструменти. „Не сум сигурен колку сме успешни во тоа“, додаде тој.
Принцезата од Велс го откри својот најголем модел во 2020 година, за време на појавувањето во подкастот „Среќна мајка, среќно бебе“. „Имав неверојатна баба која поминуваше толку многу време со нас – си играше со нас, правеше уметност и ракотворби, готвеше со нас“, рече Кејт во тоа време.
Таа заврши со зборови што ги користи и денес: „Се обидувам да ги вклучам многу од искуствата што ни ги даде тогаш во искуствата што им ги давам на моите деца сега“.
фото: принтскрин
Забава
(Фото) Девојката на Бекам „ги покажа забите“: ја критикуваат затоа што е постара од Круз
Викторија Бекам неодамна ја претстави својата нова колекција на Неделата на модата во Париз, а на овој важен настан беше поддржана од сите членови на семејството и, секако, привлече големо внимание со својот изглед.
На настанот се појавија Дејвид Бекам, ќерката Харпер, синовите Круз и Ромео, а Круз (20) беше придружуван од неговата девојка, кантавторката Џеки Апостел (29), со која е во врска повеќе од една година.
Таа се појави и на семејната фотографија, што предизвика контроверзии меѓу корисниците на социјалните мрежи, кои „му замерија“ на Круз затоа што е со постара девојка и ја нарекоа нивната врска „чудна“.
„Зошто 29-годишна излегува со 20-годишник?“, претежно негодуваа корисниците, но сигурно никој не очекуваше Џеки да проговори и да одговори токму на ова прашање што ги „мачеше“.
„Затоа што е љубезен, забавен, шармантен, грижлив, амбициозен, зрел, талентиран, лојален и прилично убав“, напиша таа отворено на Инстаграм, покажувајќи што навистина чувствува за него.
И ова не е прв пат девојката на Круз да присуствува на семеен настан, што укажува дека славното семејство одамна ја прифатило, а дека и таа добро се покажала како „снаа“.
фото: принтскрин
Филипче до Димитриевски: Со предавници на социјадемократската идеја не дебатирам
Претседателот на СДСМ, Венко Филипче, на трибината „Се бориме за нашиот дом“ од Прилеп, му одговори на Максим Димитриевски. „Слушам...
Мицкоски: Венко и Стевчо тајно во седиштето на СДСМ премерувале како да обезбедат 2.000 гласа за Јакимовски од СДСМ
На денешниот митинг во Карпош во рамките на изборната кампања за локалните избори 2025 година со слоган „Вистинскиот избор! Твојот...
Уапсена сопругата на докторот кој беше застрелан во Куманово, била вмешана во обидот за неговото убиство
Полицијата ја уапси сопругата на докторот кој беше застрелан вчера во Куманово. Тој со повреди беше пренесен во болница, но...
Евакуации во објектите околу плоштадот „ВМРО“ поради куфер оставен на плочникот, полицијата утврди дека е празен
Обезбедувањето на Јавното претпријатие за државни патишта пријавило во полиција дека две лица денес оставиле куфер на плочникот пред нивниот...
(Видео) Филипче до Мицкоски: Или сфати дека си избран да ја водиш државата или да си одиш
Претседателот на СДСМ, Венко Филипче, одговарајќи на новинарско прашање во врска со изјавите на премиерот Мицкоски, порача дека премиерот треба...
Почина Панчо Минов, поранешен пратеник и градоначалник на Кавадарци
На 67-годишна возраст денеска почина Панчо Минов, поранешен градоначалник на Кавадарци и поранешен пратеник во Собранието. Панчо Минов беше дипломиран...
Парични казни за три градинки и едно училиште по спроведени инспекциски контроли во кујните
Инспекциските служби на Агенција за храна и ветеринарство (АХВ), во септември годинава спроведоа инспекциски контроли во училишните и кујните во...
Кривична пријава за злоупотреби и малтретирање против две сопственички на приватни установи за сместување стари лица
Министерството за внатрешни работи поднесе кривична пријава до Основното јавно обвинителство Скопје против Н.Ј.(47) и Т.И.(58), двете од Скопје поради...
Истрага против две сопственички на домови за стари лица: сместувале женски и машки лица заедно, дел од корисниците биле заклучувани, им биле служеби оброци со изминат рок
Јавен обвинител од Основното јавно обвинителство Скопје денеска донесе Наредба за спроведување истражна постапка против две лица осомничени за кривични...
Мицкоски до Филипче: Кажи јавно што мислиш за Зоран Заев, не биди лицемерен
Претседателот на ВМРО-ДПМНЕ, Христијан Мицкоски на синоќешниот митинг во Гостивар во рамките на изборната кампања за локалните избори 2025 година...
Уапсени двајца скопјани: предизвикале пожар на две товарни и едно патничко возило кај спортскиот центар „Јане Сандански“
Денеска, во 02:20 часот во СВР Скопје е пријавен дека на паркинг простор од Спортскиот центар „Јане Сандански“ на подрачје...
(Видео) Нападнат автомобилот во кој се наоѓал претседателот на Еквадор, луѓе фрлаа камења, најдени траги од куршуми
Автомобилот на еквадорскиот претседател Даниел Нобоа бил опкружен од околу 500 луѓе кога тој пристигнал на настан во покраината Канар,...
Путин: Украинците се повлекуваат на целата фронтова линија
Рускиот претседател Владимир Путин изјави дека руските сили во 2025 година зазеле речиси 5.000 квадратни километри територија во Украина и...
Мелони: Пријавена сум во Меѓународниот кривичен суд за соучество во геноцид
Италијанската премиерка Џорџа Мелони вчера изјави дека таа и двајца министри се пријавени во Меѓународниот кривичен суд за наводно соучество...
Нетанјаху: Ќе продолжиме да ги постигнуваме сите воени цели, Газа повеќе нема да биде закана
Израелскиот премиер Бенјамин Нетанјаху вчера вечер им вети на Израелците дека ќе ги постигне сите цели на војната против Хамас...
Путин: Се докажа дека бевме во право во февруари 2022 година
Желбата на луѓето од Донбас и Новорусија да ја поврзат својата иднина со Русија докажа дека одлуките донесени во февруари...
Тошковски: Нема да поднесам оставка
Министерот за внатрешни работи Панче Тошковски на неговиот „Фејсбук“ профил реагира соопштението на СДСМ во кое се бара негова оставка....
Во вооружениот напад во Куманово е повреден докторот Зекирија Шаини, од Здравство велат дека е во стабилна состојба
Министерството за здравство со вознемиреност ја прими веста за вооружениот напад во Куманово при кој беше повреден нашиот колега, доктор...
Нема индиции на политички мотиви зад оружениот инцидент во Куманово
Првичните индиции не упатуваат на политички мотиви зад оружениот инцидент во Куманово, соопштија од Јавното обвинителсто. „Во однос на настанот...
Поради сериозни пропусти, Владата го раскина договорот за концесија на каменоломот во Страчинци
Првиот заменик на претседателот на Владата и министер за животна средина и просторно планирање, Изет Меџити, информира дека Владата еднострано...
