Забава
Најскапиот пес на светот продаден за 2 млн долари
Кутре од расата Тибетски мастиф е продадено во Кина за речи два милиона американски долари со што стана можеби најскапото куче во историјата, пишуваат во средата кинеските медиуми.
Новиот сопственик исплатил 12 милиони јуани, 1,9 милиони американски долари, е едногодишниот златовлакнест мастиф на изложбата на „луксузни галеничиња” во вторникот во источната кинеска провинција Жеџијанг, објави локалниот весник The Qianjiang Evening News.
„Тие имаат лавовска крв и се на врвот од расата мастифи”, вели одгледувачот Џанг Генгјун, додавајќи дека примерок на црвеновлакнест мастиф бил продаден за 6 милиони јуани,
Огромните, а понекогаш и жестоки тибетски мастифи со заоблено лице кои потсетуваат на лавови, се многу ценети и станаа статусен симбол меѓу модерните кинески милионери, кои плаќаат вистински богатства за нив.
Златовлакнестиот мастиф расте до 80 сантиметри и достигнува тежина од 90 килограми, а одгледувачот Џанг вели дека е многу тажно кога се продава вакво животно, но не го открива името на новиот сопственик. Соопштено е само дека купувачот на саемот во Жеџијанг, е 56-годишен претприемач кој рекол дека песот ќе го одгледува самиот.
„Чистите тибетски мастифи се многу ретки, исто како и нашето национално богатство пандите”, додал Џанг. Примерок од црвен мастиф по име „Големата блесок”, според него, во 2011 година бил продаден за 10 милиони јуани, 1,5 милиони долари, и дотогаш било најскапото куче.
Весникот наведува изјава на сопственик на вебсајт за одгледување мастифи, кој вели дека минатата година на изложба на кучиња во кинеската престолнина Пекинг еден примерок бил продаден за 27 милиони јуани или околу 4,5 милиони долари. Сепак, извор запознаен со трговијата со животни, вели дека високите цени може да се резултат на договори меѓу одгледувачите за да ги подигнат цените на нивните кучиња. „Многу од баснословните суми, всушност се договори меѓу нив (одгледувачите), каде не се плаќа, туку кучињата го менуваат сопственикот”, вели соговорникот на весникот именуван како Ксу.
Сопствениците и вљубениците во мастифите велат дека овие потомци на кучињата кои за лов ги користеле номадските племиња во централна Азија и на Тибет, се одликуваат со голема лојалност и храбри заштитници.
Американската телевизиска мрежа FowNews на својата интернет страница објави листа на најскапите кучешки раси, при што кака параметри се земаат популарноста и цената и се оценуваат географски и на годишно ниво. Она што ја одредува цената на „луксузните” раси е чистината на расата и нивната реткост. Посакувани се наградени примероци,а исто така цената се зголемува доколку песот е поврзан со некоја славна личност.
Според листата на FoxNew:
Јапонски Акита: од 1.500 до 4.500 долариБирдед Коли : 1.000 – 5.000 долариФараонскиот пес: 2.500 – 6.500 долариТибетски мастиф: 2.200 до 7.000 долариРотвајлер: 2.000 – 8.000 долариЧау Чау: 3.00 – 8.500 долариАнглиски булдог: 2.500 – 9.000 долари Самојед: 4.000 – 11.000 долариКавалјер Кинг Чарлс шпаниел: 1.000 – 14.000 долариГермански овчар: 3.000 – 24.000 дoлари./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Скандал на „Мис универзум“: судијaта што поднесе оставка тврди дека Мексиканката победила поради деловни врски
Изборот за мис универзум 2025 е потресен од невиден скандал. Победата на Фатима Бош од Мексико беше оспорена од еден од судиите, а обвинувањата ги изнесе јавно на „Инстаграм“. Станува збор за Омар Харфуш, кој се повлече од жирито само неколку дена пред финалето.
Харфуш тврди дека победата на мексиканската претставничка била однапред договорена поради деловни интереси. Во својата објава тој изјави: „Мис Мексико е лажна победничка“. Тој тврдеше дека 24 часа пред крунисувањето во ексклузивно интервју открил дека таа ќе победи поради нејзината деловна заднина.
View this post on Instagram
View this post on Instagram
„24 часа пред финалето на ‘Мис универзум’ реков дека мис Мексико ќе победи бидејќи сопственикот на ‘Мис универзум’, Раул Роча, е во бизнис со таткото на Фатима Бош“, рече Харфуш.
Тој додаде дека сопственикот на организацијата вршел притисок врз него.
„Раул Роча и син му пред една недела во Дубаи ме натераа да гласам за Фатима Бош бидејќи им требало таа да победи затоа што тоа ќе биде добро за нивниот бизнис!“
Либанско-францускиот композитор беше првиот од осумте члена на жирито што поднесе оставка наведувајќи ги како причина тајното гласање и одбивањето да учествува во нелегитимен процес.
„Одлучив да се повлечам од мојата улога како финален судија на ‘Мис универзум 2025’ и сметам дека е важно да објаснам зошто“, напиша тој во објавата. Тој го наведе тајното гласање како прва причина. „Два дена пред финалето се одржа тајно гласање за претходна селекција на 30 натпреварувачи од 136“, објасни тој нагласувајќи дека гласовите ги дале лица што не биле официјални судии.
„До ден-денес никој не знае кои се избраните 30, освен едно лице, кое ги поседува резултатите. Истата таа личност е поврзана со националната организација на земјата учесничка, што е јасен конфликт на интереси“, рече поранешниот член на жирито.
Харфух заклучи дека не може да учествува во таков настап за јавноста.
„Не можев да стојам пред јавноста и пред телевизиските камери преправајќи се дека легитимизирам гласање во кое никогаш не сум учествувал“, рече тој и предупреди дека таков процес може да им наштети на кандидатките што се борат за важни цели.
„Некои од земјите елиминирани преку овој процес може да бидат во војна, дискриминирани или геополитички чувствителни. Гледачите би претпоставиле дека жирито ги донело тие одлуки и дека не можам да бидам одговорен за процес во кој не сум бил дел. Преправањето дека е поинаку би било нечесно“.
Организацијата „Мис универзум“ ги негира обвинувањата.
По оставката на Харфуш и сериозните обвинувања, Организацијата „Мис универзум“ (МУО) издаде соопштение во кое негира дека импровизирано жири претходно ги селектирало финалистките.
„Организацијата „Мис универзум“ повторува дека сите процедури за оценување за 74. избор на мис универзум остануваат официјални, транспарентни и целосно водени од протоколите на МУО. Програмата „Надвор од круната“ работи независно и не е дел од процесот на оценување на изборот“, се вели во нивното соопштение.
Сепак, Харфуш ја критикува нивната изјава тврдејќи дека тие речиси ги признале обвинувањата и дека никогаш порано не слушнал за споменатата програма.
„Пол Роча и организацијата ‘Мис универзум’ во официјално соопштение штотуку признаа постоење таен ентитет наречен ‘Надвор од круната’, кој елиминира 100 натпреварувачки на финалната церемонија. Јас, Омар Харфуш, член на жирито на ‘Мис универзум’, го сметам ова за нелегално“, напиша тој во одговорот.
Целата приказна ќе добие свој епилог и на малите екрани бидејќи наградуваниот режисер Пет Мекги снима документарец за наводната изборна измама. Харфуш објави дека сите детали ќе бидат прикажани во мај 2026 година на „Ејч-би-о“. Организацијата за мис универзум сè уште не ги коментира обвинувањата дека победничката е наместена.
Забава
Се враќа детското диско во Скопје
Во Младинскиот културен центар – Скопје, на 28 декември (недела) со почеток во 11 часот, ќе се одржи специјално издание на детската предновогодишна забава KIDS DISCO (Детско диско), наменета за деца од 2 до 12 години.
Настанот носи современа, возбудлива и безбедна детска забава, инспирирана од традицијата на популарните дискотеки за деца од 90-тите, кои токму во МКЦ имаа свој препознатлив дом.
„Идејата за KIDS DISCO се роди од желбата да се врати духот на детското диско од 90-те, што некогаш беше омилено место за забава во Младинскиот Културен Центар. Со оваа иницијатива, сакаме да создадеме модерна верзија на таа магија: сигурна, креативна и незаборавна забава за најмладите, во духот на едно убаво детство. KIDS DISCO е омаж на една традиција која заслужува да продолжи, овојпат со нов ритам и многу повеќе боја“, велат организаторите.
Настанот е креиран во соработка со педагози и детски професионалци, со цел да обезбеди квалитетна, културна и контролирана атмосфера, каде најмладите посетители ќе уживаат во забавна и динамична програма, специјално прилагодена за нивната возраст.
Програма и активности: Детски DJ со внимателно селектирана музика, маскоти и интерактивни игри, професионални акробатски настапи, аниматори, игри, танци и бројни изненадувања, цртање по лице и моделирање балони, безбедносни стандарди и контролирана атмосфера за најмладите
Организаторите истакнуваат дека целта на KIDS DISCO е да се креира модерно, забавно и едукативно искуство, кое ќе ја врати магијата на едно убаво детство, истовремено прилагодено на денешните стандарди на безбедност и креативна анимација.
Редовната цена на билет е 400 денари и истите се достапни преку продажната мрежа на www.kupikarta.com.
Hitech
Ажурирајте го „Хром“ веднаш: откриена ранливост што хакерите веќе ја експлоатираат
Google издаде итно предупредување до сите корисници на својот прелистувач Chrome откако беше потврдено дека веќе се во тек хакерски напади што ја експлоатираат новооткриената безбедносна ранливост.
Компанијата потврди во понеделникот: „Google е свесен дека постои експлоатација за CVE-2025-13223“. Ранливоста, откриена од сопствениот тим за анализа на закани на Google, бараше итен одговор и издавање ажурирање за сите корисници на десктоп компјутери, објавува Forbes.
Сериозноста на заканата беше дополнително нагласена од Агенцијата за сајбер безбедност и безбедност на инфраструктурата на САД (CISA), која им наложи на федералните вработени да ги ажурираат своите прелистувачи или да престанат да ги користат. CISA го додаде CVE-2025-13223 во својот каталог на познати експлоатации во среда и постави рок до 10 декември за ажурирање.
Иако наредбата на CISA формално се однесува само на федералните вработени, агенцијата нагласува дека нејзиниот мандат е „во корист на заедницата за сајбер безбедност и бранителите на мрежата – и да им помогне на секоја организација подобро да управува со ранливостите и да биде чекор пред заканите“. Затоа, сите корисници на Chrome треба да го сфатат ова предупредување исклучително сериозно и веднаш да ги ажурираат своите прелистувачи.
Што е ранливоста „Type Confusion“?
Станува збор за пропуст наречен „Type Confusion in V8“, кој влијае на JavaScript компонентата на Chrome. Иако Google не објави детали за самите напади, овие типови на пропусти би можеле да им дозволат на напаѓачите да го дестабилизираат системот, да извршат произволен код, да крадат податоци или да инсталираат малициозен софтвер на уредот на жртвата. Ваквите пропусти може да се комбинираат и со други пропусти за да се обезбеди почетна точка за влез во уред или мрежа.
Според Националниот институт за стандарди и технологија на САД (NIST), овој пропуст „во Google Chrome пред верзијата 142.0.7444.175 би можел потенцијално да му дозволи на оддалечениот напаѓач да ја искористи штетата на меморијата (heap corruption) преку специјално изработена HTML страница“. Ранливоста е оценета како висока сериозност.
Google, како и обично, објави дека „пристапот до деталите за грешките и линковите може да остане ограничен сè додека повеќето корисници не ажурираат со поправката“.
Како да го ажурирате Chrome?
Ажурирањето треба автоматски да се преземе на вашиот компјутер, но за да го инсталирате, треба да го рестартирате прелистувачот. По рестартирањето, сите ваши вообичаени прозорци и јазичиња ќе бидат обновени, освен оние отворени во инкогнито режим.
Новата, безбедна верзија на прелистувачот е 142.0.7444.175/.176 за Windows, 142.0.7444.176 за Mac и 142.0.7444.175 за Linux. Иако Google вели дека ажурирањето доаѓа „во наредните денови/недели“, се очекува дека веднаш ќе биде достапно за повеќето корисници.
Иако ваквите „нулти-ден“ недостатоци во Chrome станаа редовна појава, Google заслужува пофалби за брзината со која развива и дистрибуира безбедносни закрпи. На сите корисници им се препорачува да го ажурираат својот прелистувач штом ќе го забележат известувањето за рестартирање.
фото: принтскрин
Мицкоски: Суштината е во тоа да нѐ оценуваат за реформите, а не според билатералните прашања и спорови
Суштината е во тоа да нѐ оценуваат за реформите, а не според билатералните прашања и спорови, изјави премиерот Христијан Мицкоски,...
Нема повеќе вработувања со телефонски повик „сакам моето дете да биде ваков или онаков доктор“, Алиу ги преброи лекарите во државата
Тргнувајќи од ставот дека здравството не може да се реформира на слепо, министерот за здравство Азир Алиу денес презентира резултати...
Жена повредена на концерт во КИЦ кога од таван паднала вентилациска решетка
Жена на возраст од 46 години била повредена за време на концерт во Културно-информативниот центар во Скопје, кога врз неа...
(Видео) Манасиевски: Со барањето за зголемување на платите еден судија би примал 160.000 денари, а претседател на суд 360.000
Правосудството наместо да работи за граѓаните и во нивен интерес да ја носи правдата без тој целиот процес да трае...
Европа за планот на Трамп за Украина: „Тоа е списокот на желби на Путин“
Европските претставници го отфрлија најновиот предлог на американскиот претседател Доналд Трамп за мировен договор, што е во корист на Москва,...
Трамп силно го притиска Зеленски: бара предавање територии и двојно помала војска
Соединетите Американски Држави вршат силен притисок врз Украина што е можно побргу да го прифати мировниот план што администрацијата на...
ЦУК: Поради обилните врнежи, зголемени водостоите на реките, на некои места има излевања, поплавени се куќи и штали, има и одрони на патиштата
Поради обилните врнежи од дожд во последното деноноќие на повеќе локации во државата се регистрирани зголемување на водостоите на реките...
Регионалниот пат Охрид – Св. Наум пуштен по двете коловозни ленти
Утрово во 07:05 чaсот сообраќајот на регионалниот пат Охрид – Св. Наум е пуштен по двете коловозни ленти, извести АМСМ....
„Албанската опозиција денес личи на стар шатор што се кине штом ќе задува ветер“, велат од „Влен“
„Албанската опозиција денес наликува на стар шатор што се кине штом ќе задува ветер. Она за што ВЛЕН предупредуваше долго...
Жестоки експлозии во украински град: руски насочувани бомби убија пет лица
Во руски ноќен напад врз градот Запорожје загинаа најмалку пет лица, а осум беа повредени, соопштија локалните власти. Регионалниот гувернер,...
Објавен планот на Трамп за Украина: Безбедносни гаранции, тампон-зона, амнестија…
Планот на американскиот претседател Доналд Трамп за завршување на војната во Украина би барал од Украина да се откаже од...
Зеленски: Украина ќе работи напорно на мировните предлози
Украинскиот претседател Володимир Зеленски вчера изјави дека Украина ќе работи напорно за да бидат успешни мировните предлози на САД и...
(Видео) Трамп навреди новинарка; Белата куќа: Ова ја одразува неговата отвореност
Белата куќа синоќа застана во одбрана на претседателот Доналд Трамп откако тој нарече една новинарка „свиња“, велејќи дека изјавите на...
Трамп ги укинува царините на бразилското кафе, говедското месо, какаото и на овошјето
Американскиот претседател Доналд Трамп потпиша извршна наредба за укинување на увозните царини за бразилските прехранбени производи, вклучувајќи говедско месо, кафе,...
Го предупредувале газдата за инспекции, а неговиот син давал поткуп за тоа – инспектори и даночни контролори нови осомничени за пожарот во „Пулс“
Основното јавно обвинителство Кочани поведе постапка против вкупно 11 лица за коруптивни кривични дела поврзани со работата на клубот „Пулс”....
Пациент почина, две лекарки повредени по нагло сопирање на медицинско возило за да избегне судир во центарот на Скопје
Вчера околу пладне во полицијата во Скопје било пријавено дека на крстосницата меѓу улица „11 Октомври“ и булевар „Кочо Рацин“...
Минималните семејни трошоци во ноември 65.173 денари, со изнајмен стан надминуваат 80 илјади
Минималните месечни трошоци што едно четиричлено семејство ги има во ноември достигнуваат 65.173 денари, додека доколку семејството живее во изнајмен...
(Видео) Да ги пронајдеме мешетарите што го рушат имиџот на здравството: Мицкоски со најава за сериозни реформи
На неколку фронтови во здравството се работи и се вложува, а треба да се вложува уште многу повеќе од ова...
Нема промени во делот на наплатата на ДДВ при приемот на пратки од „Тему“ со измените на Законот за ДДВ, извести Минстерството за финасии
Министерството за финансии информира дека усвоените измени и дополнувања на Законот за ДДВ нема да влијаат на начинот на кој...
(Видео) Николоски: Автопатот Прилеп – Битола го градиме со силна динамика
Автопатот Прилеп – Битола се гради со силна динамика и до 2028 година ќе го изградиме, напиша вицепремиерот Александар Николоски...
