Забава
Какви телефони користат светските државници
Светските државници со години не сакаа да користат ниеден друг телефон освен Blackberry за разговори и проверување на електронска пошта, а американскиот претседател Барак Обама и денес користи ваков телефон.
Но на почетокот од март се појави и информација дека Службата за комуникации во Белата куќа тестира и други телефони, вклучувајќи Samsung и LG, пишува британскиот весник Guardian.
За светските лидери под безбедност не се подразбира тоа да имаат лозинка за отклучување на телефонот, туку и заштита од обидите на аматерските и професионалните хакери, а уште поважно, од шпионските агенции кои сакаат да знаат со кого, каде, кога и зошто сопственикот на телефонот разговара и разменува пораки и мејлови.
Прислушувањето на мобилниот телефон на лидер на некоја земја претставува најголем неуспех за нејзината национална безбедносна агенција. Досега Blackberry беше телефон за кој безбедносните агенции најчесто се одлучуваа, но двата најголеми светски произведувачи на смартфони, Apple и Samsung сега се закануваат дека би можеле да му го одземат приматот.
Blackberry досега беше омилениот телефон и меѓу корпоративните раководители ширум светот, но Apple постојано работи на зголемувањето на безбедноста на iPhone-от, кој започна да го презема приматот и во финансиски институции како што е Goldman Sachs, компанија позната по тоа што некогаш нејзините челници користеле телефони кои биле само со класична тастатура.
Според Guardian, поради тоа што на ривалските мобилни телефони постојано им се зголемува степенот на безбедност, прашање на време е кога Apple или Samsung ќе влезат во Белата куќа. Можеби тоа нема да биде за време на мандатот на Обама, но би можело да се случи за време на мандатот на неговиот наследник.
За мобилниот телефон на германската канцеларка Ангела Меркел доста се пишуваше во октомври минатата година, кога беше обелоденето дека американската Национална безбедносна агенција (NSA) ја прислушувала Меркел преку нејзиниот телефон.
Меркел има најмалку два мобилни телефони кои редовно ги користи, еден е Nokia 6260 Slide, кој наводно бил прислушуван од NSA и кои Меркел го користела за обавувањето на партиски работи, додека пак за државните работи, Меркел користи Blackberry Z10, опремен со чип за шифрирање на податоци.
Германската компанија која го произведува овој чип, Secusmart, тврди дека тој е безбеден од хакирање и го рекламира како Kancelar-Handi, односно „телефонот на канцеларот”.
Една од првите работи на кои инсистирал Обама во почетокот на својот мандат во 2009 година во Белата куќа, била да го го задржи својот омилен Blackberry, и покрај противењето на адвокатите на американската администрација и челниците на тајните служби.
„Ќе го задржам својот Blackberry. Ако сакаат да се откажам од него, ќе мораат да ми го земат од рака”, рекол тогаш Обама.
Оттогаш американскиот претседател користи напредна верзија на Blackberry, која исто така содржи чип за шифрирање на податоци. Неколку високи официјални лица во Белата куќа ја имаат неговата e-mail адреса, а Обама пред три месеци во разговор со група млади изјавил дека „поради безбедносни причини не му е дозволено да има iPhone”.
Рускиот претседател Владимир Путин пак, меѓу останатото, е познат по тоа што тврди дека не поседува мобилен телефон, за разлика од премиерот Дмитриј Медведев, кој е по познат по наклонетоста кон производите на компанијата Apple, а тој дури постана и еден од првите сопственици на iPhone 4, кој уште пред да биде пуштен во продажба му беше подарен од основачот на Apple, Стив Џобс.
Путин во 2006 година изјавил дека поседува многу мобилни телефони, но дека не корист ниту еден, бидејќи нема време и дека повеќе сака други методи на комуникација. Четири години подоцна, Путин рекол дека нема ниеден телефон.
„Ако имам мобилен телефон, тој би ѕвонел постојано”, истакнал рускиот претседател.
Путиновата аверзија кон мобилните телефони би можела да потекнува од времето кога тој бил шпион за КГБ, наведува британскиот весник, потсетувајќи дека рускиот лидер е познат и по тоа што избегнува интернет, а информациите ги добива од извештаите на своите безбедносни агенции.
Францускиот претседател Франсоа Оланд не се дели од својот iPhone 5, а локалните медиуми известуваат дека тој е во постојан контакт преку смс пораки со својата девојка Жили Геје.
Дури и пред информациите на поранешниот американски разузнавач Едвард Сноуден дека NSA ги шпионира француските граѓани, поради што француските министри во август мината година мораа да се откажат од смартфоните и таблетите, на францускиот претседател му бил даден безбеден телефон од компанијата Teorem.
Оландовиот претходник Никола Саркози пак, сметал дека овој телефон е премногу сложен и одбил да го користи поради тоа што за воспоставување на телефонска врска биле потребни дури 30 секунди.
Светските медиуми почнале да шпекулираат и за мобилниот телефон на севернокорејскиот лидер Ким Џонг Ун, откако во јануари 2013 година, тој бил фотографиран на состанок на националната безбедносна агенција, држејќи смартфон, наводно производ на тајванската компанија HTC.
Јужнокорејските медиуми објавиле дека Ким Џонг Ун, кој е еден од двата милиони корисници на мобилни телефони во својата земја, која има популација од 25 милиони, веројатно го користи телефонот за да контактира со членовите на своето семејство и со челниците на неговата Работничка партија.
На севернокорејските корисници на мобилни телефони не им е овозможен пристап до интернет, туку само да имаат телефонски повици и да праќаат пораки внатре во земјата, додека на странските државјани им е дозволено да комуницираат меѓу себе и да имаат телефонски повици со странство, но не и со локалното население.
Новиот италијански премиер Матео Ренци пак, е многу повеќе од просечен корисник на iPhone, туку тој е голем обожавател на Apple, а еднаш се има и фотографирано пред седиштето на компанијата. Кога Стив Џобс почина во 2011 година, Ренци на социјалната мрежа Facebook му напишал посвета, нарекувајќи го „Леонардо да Винчи на нашето време”, наведува Guardian./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Кои цвеќиња можете да ги изнесете надвор, а за кои мора да почекате?
Првите знаци на новата сезона се веќе видливи: птиците пеат порано, а утрата стануваат посветли. Ова е совршено време да размислите кои од вашите собни растенија постепено можете да ги аклиматизирате на надворешниот воздух.
Пет цвеќиња што можете да ги изнесете надвор
Сардела
Сарделата е класика на балкони и тераси. Нејзините цвеќиња во разни бои можат да траат цела пролет и лето ако правилно се грижите за нив. Кон крајот на февруари и почетокот на март, тие можат постепено да се аклиматизираат на надворешниот воздух, но сепак да ги заштитат од студени ноќи и мраз.
Лобелија
Лобелија е нежен цвет што обично ги краси висечките корпи или рабовите на цветните леи. Неговите сини, виолетови или бели цветови додаваат живост на секој простор. Може да се почне да се изнесува надвор на сончеви и заштитени места, но сепак обрнете внимание на ноќните температури.
Бегонија
Бегониите се ценети по нивните бујни лисја и шарени цвеќиња. Тие многу добро толерираат полусенни места и лесна сенка. Можете постепено да ги изнесете надвор, особено ако се заштитени од студени ветрови и мраз.
Петунија
Петуниите се едни од најпопуларните балконски растенија. Нивните цветови можат да красат сè, од агли на балкони до големи цветни леи. Сега е вистинско време постепено да се аклиматизираат на надворешни услови, сè додека температурата не падне под 5°C ноќе.
Лаванда
Лавандата е медитеранско растение кое го сака сонцето и свежиот воздух. Освен што испушта прекрасен мирис, привлекува пчели и пеперутки. Можете полека да ја изнесете надвор, што ќе ѝ даде сила пред пролетното и летното цветање.
Пет цветови што не треба да ги изнесувате надвор сè уште
Орхидеја
Елегантните орхидеи ја сакаат топлината и влажноста. Студот може да предизвика паѓање на цвеќињата или оштетување на листовите. Чувајте ги внатре додека не се стабилизираат надворешните температури.
Фикус
Фикусот е собно растение кое лесно е погодено од ненадејни промени на температурата. Иако ја сака светлината, студениот воздух може да предизвика паѓање на неговите лисја. Чувајте го внатре уште неколку недели пред да го преместите надвор.
Мирен крин
Растението spathiphyllum, наречено и мирен крин е познато по својата способност да го прочистува воздухот, но е чувствително на студ. Студените ноќи кон крајот на февруари и почетокот на март сè уште не се погодни за негова надворешна употреба. Најдобро е да се чува во просторија со умерени температури и индиректна светлина.
Каланхоа
Овој сукулент ја сака топлината и светлината, но не е отпорен на мраз. Прераното преместување надвор може да ги оштети неговите лисја и цветови. Уште неколку недели раст во затворен простор ќе ѝ овозможат да биде силна и здрава.
Камелија
Камелијата е елегантно растение кое често цвета во зима и рана пролет. Нејзините луксузни цветови се во бела, розова или црвена боја, што ќе го разубави секој дом. Сè уште не е подготвена за надворешни услови, бидејќи не може да толерира студени ноќи и мраз.
Забава
Голем концерт на Калиопи на 17 октомври во Скопје
Македонската музичка сцена добива настан кој уште сега се позиционира како еден од клучните концертни моменти во 2026 година. На 17 октомври, во најголемата арена во државата, Калиопи ќе одржи голем солистички концерт.
По целосно распродадената арена „Борис Трајковски“ во 2024 година и четирите последователно распродадени концерти во 2025 година во „Македонска филхармонија“, интересот за нејзините настапи повторно расте со интензитет што ретко се гледа на домашната сцена. Овие бројки не се случајност, туку потврда за довербата што публиката ѝ ја дава со години.
Токму затоа концертот на 17 октомври, се најавува како логично продолжение на тој успех но и како нов, амбициозен продукциски чекор напред. Ако 2024 година беше триумф, а 2025 интимна музичка доминација во филхармониски амбиент, 2026 ветува аренско доживување во полн сјај.
Со кариера која трае повеќе децении, Калиопи претставува редок пример на уметник кој успева да ја задржи својата автентичност, а притоа континуирано да се развива. Препознатлива по својата сценска моќ, силна емоција и вокал кој не остава никого рамнодушен, Калиопи ќе донесе вечер исполнета со безвременски хитови, нови музички изненадувања и продукција на високо ниво.
Организаторот најавува внимателно осмислена сценографија, светлосен и визуелен концепт прилагоден за аренско доживување, како и музичка продукција која ќе ја потенцира моќта на живиот инструментал и вокалната доминација по која Калиопи е препознатлива.
17 октомври 2026 не е само концертен датум. Тоа е вечер во која Скопје повторно ќе му аплаудира на гласот што со децении поставува стандарди во македонската музика.
Забава
Овој хороскопски знак ќе го мачи несреќа до летото – подгответе се
Еден хороскопски знак ќе биде проследен со несреќа до летото – финансиски предизвици, емоционални кризи и погрешни проценки, а еве кој е тој.
Во наредните месеци ќе има силна тензија во енергијата на еден знак. Овој хороскопски знак ќе биде проследен со несреќа до летото, а предизвиците може да се појават во областа на финансиите, работата и љубовта.
Ова не е период за ризични потези или избрзани одлуки – напротив, потребни се претпазливост и трпение.
Плановите се забавија од почетокот на пролетта. Проектите се одложуваат, договорите се комплицирани, а емоционалните ситуации стануваат напнати. Размислуваме првенствено за низа мали, но исцрпувачки пречки кои создаваат чувство на стагнација.
Кој е на удар?
Близнаци.
Нивната природна брзина и потреба за промени сега можат да станат проблем. Премногу информации, погрешни проценки и брзање можат да ги доведат во незгодни ситуации. Финансискиот сегмент бара дополнителна претпазливост, особено кога станува збор за кредити или нови инвестиции.
Чувство на несигурност се појавува во љубовта. Несогласувањата со партнерот или разочарувањето кај доверлива личност можат дополнително да ја зголемат тензијата. Затоа е важно Близнаците да не донесуваат одлуки во жештината на моментот.
Како да го пребродите тешкиот период до летото?
Иако хороскопскиот знак е придружен со несреќа, овој период има и своја цел. Носи лекции за трпение, организација и емоционална зрелост. Најдоброто решение е да се забави темпото и да се фокусира на долгорочните цели.
До летото, енергијата постепено ќе се стабилизира. Ситуациите што изгледаа безнадежни ќе почнат да се расплетуваат. Клучот е да се избегнат конфликти и непотребни ризици.
Овој период не е казна, туку тест на издржливост. Кога ќе помине, Близнаците ќе излезат помудри и поподготвени за постабилен и помирен дел од годината. Дотогаш, претпазливоста и рационалноста ќе бидат нивни најдобри сојузници.
(Видео) Тошковски: Обезбедена е видеоснимка на која се гледа како сопругот ја удира жртвата
Министерот за внатрешни работи Панче Тошковски соопшти дека во рамки на истрагата за трагедијата во Карпош е обезбеден видеозапис на...
Се разработуваат планови за враќање на македонските државјани од Израел преку Египет, се работи на безбедна евакуација од погодените подрачја, соопшти МНР
Министерството за надворешни работи и надворешна трговија информира дека интензивно работи на обезбедување услови за соодветна и безбедна евакуација на...
По пад од балкон загина 10-годишно момче во Тетово: родителите дознале од соседите
Денеска (03.03.2026) во 09:25 часот во СВР Тетово било пријавено дека во Клиничка болница Тетово било донесено починато 10-годишно момче...
Тошковски објави нови детали за трагедијата во Карпош: Жртвата негирала насилство пред полицијата, сопругот имал криминално досие и бил апсен за дрога
Министерот за внатрешни работи Панче Тошковски соопшти нови детали за вчерашната трагедија во Карпош, во која загинаа мајка и дете....
Бракоразводна постапка и пријава за насилство – вонреден надзор во Центарот за социјални работи по трагедијата во Карпош
Министерството за социјална политика, демографија и млади изрази длабоко сочувство до семејството и блиските на мајката и детето кои го...
Државните нафтени резерви се стабилни и обезбедуваат сигурност, уверуваат надлежните
Министерството за енергетика, рударство и минерални суровини со посебно внимание ја следи состојбата со актуелната енергетска ситуација, особено во контекст...
МНР со владиниот авион ќе ги евакуира нашите државјани од Израел, првите се очекува да пристигнат утре
За евакуација на Македонците кои сакаат да се вратат дома од Израел, Министерството за надворешни работи (МНР) ќе го испрати...
Сè уште не се препорачува евакуација по копнен пат за граѓаните кои се наоѓаат во Катар и Обединетите Арапски Емирати, велат од МНР
Министерството за надворешни работи и надворешна трговија информира дека, согласно последните податоци, од почетокот на конфликтот до денес вкупно 473...
Едно лице задржано по трагедијата во Карпош: распити на повеќе лица, детален претрес на станот, екстракција на податоци од телефони, се обезбедуваат снимки
Основното јавно обвинителство Скопје ги издава сите потребни наредби и насоки за целосно расчистување на вчерашниот случај во Карпош, кога...
Почувствуван земјотрес во Гостивар
Според досегашните податоци со кои располага Сеизмолошката опсерваторија при Природно-математичкиот факултет во Скопје, утрово во 5 часот и 21 минути...
(Видео) Објавено сведочењето на Клинтон за Епстин, Хилари е бесна
Нови видеа покажуваат како Хилари Клинтон речиси излегува од сведочењето зад затворени врати пред американските пратеници за Џефри Епстин откако...
Пезешкијан: Иран нема да стои настрана пред нападите врз училиштата и болниците
Претседателот на Иран, Масуд Пезешкијан, изјави дека неговата земја нема да стои настрана поради американско-израелските напади што погодија женско училиште...
Трамп: Подготвени сме да водиме војни колку што е потребно, имаме залихи што ќе траат засекогаш
Американскиот претседател Доналд Трамп преку својата платформа Truth Social извести дека САД имаат рекордни залихи на муниција од среден и...
Рубио: Израел планираше да го нападне Иран, мораше да извршиме превентивни напади
Одлуката на Израел да го нападне Иран и сигурноста дека американските сили ќе бидат цел на одмазда ја принудија администрацијата...
(Видео) Познатата Палата Голестан во Техеран е оштетена, објавени се фотографии
Делови од Палатата Голестан, единственото место на светското наследство на УНЕСКО во иранската престолнина, беа оштетени во воздушен напад извршен...
Америка ги повика своите граѓани веднаш да ги напуштат повеќе од десетина земји од Блискиот Исток
Американското министерство за надворешни работи денес ги повика Американците веднаш да ги напуштат повеќе од десетина земји на Блискиот Исток,...
Нетанјаху: Војната нема да трае со години
Израелскиот премиер Бенјамин Нетанјаху вчера изјави дека американско-израелската војна против Иран може да трае „некое време“, но нема да трае...
Се вршат разговори и се прибираат докази по трагедијата во Карпош, соопшти Обвинителството
Дежурен јавен обвинител од Основно јавно обвинителство Скопје извршил увид на локацијата во скопската општина Карпош, каде попладнево животот го...
„Денес потфрли целиот наш систем“: се огласи братот на жената која заедно со ќерката паднаа од зграда во Карпош
„Иако ми е тешко, сакам да се обратам во име на моето семејство – денес се случи убиство“. Ова на...
Мајка и дете загинаа по пад од зграда во скопски Карпош
Женско лице и нејзиното малолетно дете се пронајдени попладнево починати по пад од тераса во скопски Карпош. Од Министерството за...
