Тимот на Елена Лука имаше ексклузивна можност да присуствува на хуманитарниот бал „Dancer against the cancer” во австриската престолнина Виена, што се одржа во палатата Хофбург која импресионира со својата историја

Елена Лука е првиот македонски моден бренд кој учествуваше во ревијалниот дел на програмата, со донација на ексклузивна тоалета од колекцијата Далга.

На настанот присуствуваа голем број познати личности од Виена, актери, пејачи, беа присутни и ексклузивни гости од другите делови на светот, како холивудската актерка Кели ЛеБрок. Сите сплотени со идејата на организаторите на „Dancer Against Cancer”, преку учество на балот со купување влезница, специјална денс кореографија во традиционален и современ танц, и донации од различни видови, да помогнат онаму каде е најпотребно во борбата со современиот непријател на човекот – ракот.

Беа доделени специјални признанија на оние кои успеале да се изборат во борбата со ракот и на оние кои заради свои лични семејни трагедии им значи да помогнат и поддржат хумани акции.

Елена Лука, од почетокот на своето постоење, воденa од мотото „Модерни и хумани”, постојано е присутнa во различни акции, активности, на различни организации преку донации и друг вид потребна помош. Во нашата држава го среќаваме секаде, кај дечињата без родители, кај пензионерите, во здравствените институции, во помагање на личности кои вистински им треба помош во настојбата да го продолжат своето постоење.

Истата мисија, Елена Лука ја продолжува и надвор од границите на Македонија. По само еден месец од учеството на престижниот Саем за венчавки „Bridal Thing” во Виена, каде се претстави со својата нова колекција на венчаници, што беше и прво учество надвор од границите на нашата држава, на почетокот од април учествуваше на традиционалниот виенски бал „Dancer Against Cancer”, кој годинава се одржа по осми пат. Елена Лука донираше своја екстравагантна креација – ексклузивен фустан кој го доби девојка учесник на балот која со воодушевување и нескромна возбуда беше видно одушевена од подарокот кој го освои во ревијалниот дел на балот со што и овојпат ја потврди својата големина и хуманост.

На балот беа претставени неколку модели од новата колекција Golden Reins, на кои присутните реагираа со одушевување и восхит./крај/мф/сд