Забава
Данскиот ресторан Noma го поврати приматот најдобар на светот
Ресторанот „Noma” во данската престолнина Копенхаген, ја поврати титулата најдобар на светот, заземајќи го првото место во рангирањето на најдобрите 50 локали во кои се служи храна во изборот Pellegrino Worlds 50 Best Restaurants кој се први на годишно ниво од страна на британскиот магазин Restaurant Magazine, објави списанието на својата интернет страница.
Во изборот учествуваат 900 меѓународни експерти, од готвачи до гастрономски критичари. Секој гласа за седум ресторани, меѓу кои најмалку три треба да се странски, во кои морале да јадат во последните 18 месеци.
Во 2013 година за најдобар ресторан беше прогласен шпанскиот ресторан „El Celler de Can Roca” во Гирона истиснувајќи го од првото место копенхашкиот „Noma” во кој главниот готвач е Рене Реџепи по потекло од Македонија, кој три години по ред, од 2010 до 2012 година, беше на самиот врв, така што со оваа има вкупно четири престижни титули.
Титулата најдобар ресторан на светот „Noma”ја загуби по незгодниот инцидент во февруари 2013 година кога 63 гости се затруја со храна. Ресторанот „Noma издаде по тој повод официјално извинување. Се претпоставува дека за тоа беше одговорен за заболен вработен во ресторанот.
Како што изјави за британскиот магазин Реџепи, кој е сопственик и главен готвач, по триумфот во 2012-тата, „Noma” влегла во „кризата на средните години” поради трите последователни победи. Сепак, во текот на изминатата година „ресторанот уште еднаш се реформирал со нова енергија и нов пристап”, истакнува уредништвото на Restaurant Magazine.
Ресторанот е отворен во 2004 година, а познат е по детално аранжираната храна и употребата на свежи продукти, а главниот готвач Рене Реџепи, по потекло од Македонија, го опишуваат како „носител на Новото нордиско движење”. Просечна вечера во ресторанот „Noma” без пијалак чини 260 американски долари, а маса мора да се резервира со месеци однапред.
На второто место годинава е рангиран минатогодишниот победник каталонскиот ресторан „El Celler de Can Roca” во Гирна кој има три Мишлен ѕвездички, го водат тројца браќа при што Жоан е задолжен за кујната, Жорди е слаткар а Жозеп е главен сомелие.
И годинава на третото место се пласираше е авангардниот ресторан „Osteria Francescana” на сопственикот Масимо Ботура во Моедена во северна Италија. Ресторанот од 2010 година постојано е пласиран во првите десет најдобри на светот.
Покрај, споменатите три ресторана, во првите десет се пласирани уште и „Eleven Madison Park” во Њујорк, „Dinner by Heston Blumenthal” во Лондон, уште еден шпански ресторан „Mugaritz” во Сан Себастијан во Баскија, „D.O.M.” во Сао Паоло во Бразил, „Arzak” исто така во Сан Себастијан во шпанската покраина Баскија, „Alinea” во Чикаго и „The Ledbury” во Лондон.
Интересно е што Французите изразија отворено сомневање во регуларноста на изборот непосредно пред објавувањето на годишната листа на „Педесетте најдобри ресторани во светот”, откако минатата година ниеден француски ресторан не се најде меѓу првите десет. Најдобриот француски ресторан на Ален Пасар „L’Aprege” во Париз минатата година беше дури шеснаесетти, што оди во прилог на тврдењата дека познатата француска кујна ја надминало времето.
Најголемите француски мајстори на готвењето се сомневаат во изборот кој го организираRestaurant. Според, нив магазинот е во сопственост на прехранбената индустрија и неговата методологија е многу проблематична. Стотиците оценувачи рестораните ги избираат по сопствените афинитети, сметаат Французите, без јасно утврдени мерила и критериуми./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Фото) Дуа Липа го враќа трендот логоманија
Во последните неколку години, особено со појавата на old money-стилот, минимализмот беше во преден план при изборот, но и при создавањето модни парчиња.
Сепак, големите модни куќи полека го менуваат овој наратив воведувајќи парчиња облека што го прикажуваат логото на даден бренд. Со други зборови, кичот се враќа на големо и ова, секако, првин се забележува во гардеробата на познатите личности.
Пример за овој начин на облекување презентира пејачката Дуа Липа за време на вечерно излегување во Њујорк. Таа носеше облека од „Гучи“, што вреска со својот дизајн дека доаѓа од фабриката на брендот.
Таа избра комбинација од сатенска блуза со машна и миди здолниште со рамен крој. Стилот го надополни со чанта „џеки“, длабоки чизми, а сè беше покриено со препознатливиот монограм на GG.
View this post on Instagram
Облеката беше монохроматска, а Липа со ова издание покажа дека т.н. логоманија се враќа како тренд.
Модните списанија, како што се „Вог“ и „Мари Клер“, го пофалија овој начин на облекување нагласувајќи дека пејачката го враќа трендот логоманија.
Hitech
Пет совети за да избегнете измама на интернет
Не мора да бидете хакер за да останете безбедни на интернет. Само следете неколку едноставни совети што ќе ве направат побезбедни на интернет.
Сајтот Engadget подготви неколку совети, па затоа ги споделуваме овде. Лесни се за следење, а ќе бидете многу побезбедни онлајн.
1. Инсталирајте безбедносни ажурирања веднаш
Една од најважните работи што можете да ги направите за да ја осигурите вашата дигитална безбедност е да ги инсталирате сите софтверски ажурирања штом ќе станат достапни на вашите уреди. Кога ќе видите известување, не чекајте и стекнете навика веднаш да ја преземете ажурирањето.
Не сите ажурирања на софтверот се поврзани со безбедноста, но оние што се поврзани со безбедноста се вашата најдобра линија на одбрана од хакери. Кога програмерите ќе откријат пропуст што може да се искористи, тие објавуваат ажурирање за да го поправат.
Додека пропустот биде поправен, големи се шансите дека и хакерите ќе знаат за него, па изгубеното време значи дека би можеле да бидете следните што ќе бидат експлоатирани.
2. Користете силни лозинки
Слабите лозинки, кои лесно се погодуваат, се една од најчестите причини за протекување на податоци и напади од малициозен софтвер. Ако вашата лозинка е една од најчестите, напаѓачот би можел да ја погоди без никакви други информации. Ако е поврзана со вас – вашиот датум на раѓање или моминското презиме на вашата мајка – може да се погоди врз основа на информации што секој може да ги најде на интернет.
Дури и ако вашата лозинка е случаен низ од знаци, сепак може да се погоди ако е премногу кратка. Хакерите можат да користат програми за да ги погодат сите можни комбинации и да ја испробаат секоја од нив. Колку е подолга лозинката, толку е експоненцијално потешко да се погоди.
Ова значи дека ви се потребни лозинки кои се и долги и бесмислени. Можеби со право се жалите дека е тешко да се запомнат, но постојат апликации наречени менаџери за лозинки кои можат да го направат тоа за вас. Апликацијата или екстензијата на прелистувачот за управување со лозинки може да креира лозинки кога ви се потребни, да ги чува безбедно и автоматски да ги пополнува. Сè што треба да запомните е една главна лозинка што ги отклучува сите други.
3. Поставете двофакторска автентикација
Дури и најбезбедната лозинка може да биде компромитирана без ваша вина, како на пример ако е зачувана некриптирана и протечена при упад во податоци. Затоа помага двофакторската автентикација (2FA), позната и како повеќефакторска автентикација (MFA).
Веројатно веќе ја знаете 2FA како тој досаден дополнителен чекор што бара да посегнете по телефонот, но тоа не е единствениот начин. Многу апликации, вклучувајќи ги Google и Apple, сега ви дозволуваат да се најавите со лозинка.
Не само што не бараат да внесете код или лозинка, туку користат асиметрично енкрипција, споделувајќи ги акредитивите помеѓу вашиот уред и услугата што ги користи клучевите за пристап. Тоа е многу побрзо за вас и не остава ништо за кражба.
4. Направете резервна копија од сè
Ransomware и неговите „роднини“ се растечка индустрија во економијата на сајбер криминалот. Овие напади ги оштетуваат вашите датотеки или го блокираат вашиот пристап сè додека не платите откуп за да го вратите пристапот до вашите датотеки. Најлесниот начин да се спречи напад со ransomware или да се отстрани кој било друг вид малициозен софтвер од вашиот уред е да го вратите целиот систем од неодамнешна резервна копија (back-up).
За да бидете сигурни дека навистина имате резервна копија, експертите препорачуваат правило 3-2-1: три различни резервни копии, на два различни типа складирање, со барем една физички оддалечена од вашиот главен систем.
На пример, можете да имате една резервна копија на друг уред во вашиот дом, една во облакот и една на преносен хард диск.
5. Научете да препознавате социјален инженеринг
И покрај целиот технички жаргон што циркулира во светот на сајбер безбедноста, голем број измами и хакирање се вршат со користење на методи што би ги препознал измамник од 19 век. Измамниците се претставуваат како експерти или авторитетни фигури за да ја добијат вашата доверба и користат застрашувачки јазик за да го заобиколат вашето критичко размислување. Тајмери за одбројување, емоционална манипулација и лажни идентитети се е тоа во нивниот арсенал.
Добар пример за ова е фишингот, процес во кој хакерите ве измамат доброволно да ги предадете вашите информации. Во овие случаи, на пример, напаѓачите се претставуваат како банка, кредитно биро или друга служба. Потоа може да побараат ваш ПИН или број на социјално осигурување со цел наводно „веднаш да решат неправилност со вашата сметка“.
Други вообичаени пристапи вклучуваат предупредување за казни за пребрзо возење што никогаш не сте ги направиле или испраќање сметки за претплати што никогаш не сте ги купиле.
Нападите од социјално инженерство постојано се развиваат, но тие често се потпираат на истите стратегии. Најдобриот начин да ги спречите е внимателно да размислите за секоја е-пошта или текстуална порака што ја добивате, а потоа темелно да ги истражите: добро погледнете ја е-поштата, проверете го дизајнот за да бидете сигурни дека испраќачот е оној што тврди дека е и запрашајте се – дали е можно пораката да е вистинска?
Забава
(Видео) Познатата убавица во романтична креација ги плени погледите: „Дали оваа жена е реална?“
Моделот Алесандра Амбросио измамува воздишки каде и да се појави. Таа стекна голема популарност во модната индустрија, а својот успех продолжи да го покажува на светските настани.
Таа е редовен гостин на престижни филмски фестивали, па овој пат не ја пропушти можноста да блесне на Филмскиот фестивал „Red Sea“ во Саудиска Арабија.
Алесандра прошета по црвениот тепих во романтична креација која зрачи со чиста елеганција.
Беж фустанот е од либанскиот дизајнер Зухаир Мурад, а е украсен со лелеав материјал, како и интересни кристални детали во ременот.
Покрај тоа, фустанот ја следи линијата на телото и ги открива нејзините женствени рамена.
За да го комплетира стајлингот, бразилската убавица додаде скапи додатоци од брендот „Pasquale Bruni“ и шминка во нежни беж тонови. Што се однесува до фризурата, таа се одлучи за ниска пунџа што го заокружи ова женско издание.
(Фото) Фудбалер на македонскиот клуб „Рокдејл Илинден“ меѓу жртвите во нападот на плажата Бонди во Австралија
Меѓу убиените во вчерашниот терористички напад на плажата Бонди е и фудбалер на Рокдејл Илинден – клуб на македонската дијаспора...
Од полноќ нови цени на горивата
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука...
Вечерва почнува зимска бајка на Плоштад Македонија: Елката ќе светне во 18 часот, Дедо Мраз ќе стигне на 27 декември
Елката на Плоштад Македонија вечерва во 18 часот ќе биде осветлена со свечена церемонија, најави градоначалникот на Скопје, Орце Ѓорѓиевски....
(Видео) Мицевски: Поднесовме Резолуција за осуда на манипулациите на опозицијата и за потврда на политиките против нелегалната миграција
Пратеничката група на ВМРО-ДПМНЕ, заедно со пратеници од коалицијата ВРЕДИ и ЗНАМ, ја поднесовме „Резолуцијата за осуда на манипулациите на...
(Видео) Крај на мигранти во Македонија се става само ако се потпише резолуцијата на СДСМ, рече Кузеска
„Со договорени мигранти за пари ДПМНЕ ја предаде Македонија, ја продаде за пари, за скапи кредит врз грбот на народот....
(Фото) 10-годишно девојче, двајца рабини и маж што го преживеал холокаустот: познати жртвите од Сиднеј
Во терористичкиот напад на плажата Бонди вчера беа убиени најмалку 15 цивили, од кои многумина го славеа првиот ден од...
(Видео) Татко и син убија 15 луѓе во Сиднеј: „Се заколнале на верност на ИСИС“
Таткото и синот кои убија 15 лица на еврејски фестивал на плажата Бонди во Сиднеј во неделата можеби имале врски...
(Видео) Снимено уривањето на огромен руски воен транспортен авион, се преполови во воздухот
Рускиот канал на Телеграм „Маш“ објави снимка од падот на рускиот воен транспортен авион Ан-22 во регионот Иваново. Снимката го...
Земјотрес почувствуван во Македонија
Утрово во 7.20 часот беше почувствуван земјотрес на територијата на Македонија, објави ЕМСЦ. Според ЕМСЦ земјотресот бил со јачина од...
(Видео) Нападот врз Бонди е чин на чисто зло, вели австралискиот премиер
Австралискиот премиер Ентони Албанез и началниците на полицијата одржаа прес-конференција во Сиднеј. „Она што го видовме вчера беше чин на...
(Видео) Преживеан од холокаустот загина штитејќи ја сопругата на плажата Бонди
Една од жртвите на терористичкиот напад во неделата за време на прославата на Ханука во Австралија беше Алекс Клајтман, преживеан...
(Видео) Американски режисер и неговата сопруга пронајдени мртви: полицијата се сомнева дека е убиство
Полицијата на Лос Анџелес истражува нешто што го опишува како очигледно убиство откога две тела беа пронајдени во домот на...
Неправилности и проблеми со „Безбеден град“ ќе се пријавуваат преку специјален пункт или на интернет
Министерот за внатрешни работи, Панче Тошковски, е задоволен од резултатите од тест-периодот на проектот „Безбеден град“. Тошковски вели дека граѓаните...
Мицкоски: Буџетот е ликвиден, трезорот нема да се затвори на 15 декември
Премиерот Мицкоски изјави дека Буџетот е ликвиден и сите обврски се извршуваат тековно. Како што појасни Мицкоски, 15 декември не...
(Видео) ВМРО-ДПМНЕ предлага Резолуција за осуда на дезинформациите за мигранти
ВМРО-ДПМНЕ денеска претстави „Резолуција за осуда на манипулациите на опозицијата и за потврда на политиките против нелегалната миграција“. „Во изминатите...
(Видео) Димитријевиќ: Власта носи мигранти за пари
„Во буџетот нема пари. За првпат во историјата, утре – 15 декември – се затвора Трезорот. Државата доцни со сите...
Oбвинителство: За насилство во училиште во Сарај, побарана судска постапка спрема пет деца
Основното јавно обвинителство Скопје до судијата за деца при Основниот кривичен суд Скопје поднесе Барање за поведување подготвителна постапка за...
АХВ: Спречен увоз на над 26 тони замрзнато пилешко месо од Бразил
Инспекциските служби на Агенцијата за храна и ветеринарство (АХВ) спречија увоз на над 26 тони замрзнато пилешко месо од Бразил...
(Видео) Пукање на универзитет во САД – има загинати и повредени, напаѓачот е во бегство
Најмалку две лица се убиени, а девет се повредени во вооружен напад што се случи во саботата попладне на кампусот...
(Видео) Нела Манческа ѝ донесе седмо место на Македонија на „Јуниор Евросонг“
Нела Манческа со песната „Miracle“, со која ја претставуваше Македонија на „Јуниор Евросонг“, го заврши натпреварот на високото седмо место,...
