Контакт

Hitech

45 години икона: Porsche 911 Turbo

Објавено пред

Porsche 911 Turbo е есенцијата на спортскиот автомобил со високи перформанси, секојдневна употребливост и традиција од 45 години. По лансирањето на пазарот на 911 Turbo S, сега се воведува следната генерација 911 TurboCoupé и Cabriolet, кои се помоќнии побрзи, со индивидуален дух. Благодарение на нивните мотори од 580 КС, за 40 КС повеќе од претходниците, и двете варијанти влегуваат под магичната бројка од три секунди до 100 км на час со време од 2,8 секунди (0,2 секунди побрзо). Вртежниот момент сега изнесува 750nm, што е за 40nmповеќе од претходната генерација. Забрзувањето, моќноста и вртежен момент на новиот 911 Turbo ги надминува сите досегашни 911 TurboS генерации. Преносот на моќноста се пренесува до тркалата преку осумстепениотPDK менувач, додека максималната брзина останува непроменета на 320 км на час.Дополнителните пакети на опрема како што се спортскиотпакет и пакетот со лесен дизајн, спортска шасија и спортски издувен систем се достапни за 911 Turbo за прв пат. Како резултат на тоа, клиентите ќе можат да го прилагодат своето возило уште повеќе кон нивните индивидуални вкусови.

dobivaj vesti na viber

Новите спортски автомобили следат по престижните стапки, бидејќи 911 Turbo е синоним за луксуз и перформанси од своето лансирање на пазарот во 1975 година. Секоја генерација продолжи да живее според тврдењето дека е глобален репер за спортски автомобили со високи перформанси. 911Turbo комбинира спортски перформанси со секојдневна употребливост, емоционална динамика со сигурност и возбудлива изведба со ефикасност. Најновата генерација е повеќе од двојно помоќна од оригиналниот Turbo, кој се придвижуваше од трилитарски мотор со 6 рамно поставени цилиндри и еден турбо полнач, што нудеше максимални 260 коњски сили. Иако 911 Turbo еволуираше во големина, брзина и удобност со текот на годините, тој секогаш ги задржа своите основни карактеристики.

Новиот 6 цилиндричен боксер мотор од 3.8 литри во 911 Turbo може да се пофали со зголемена моќност од 580 коњски сили и сега има симетрични VTG турбополначи со електрично контролирани бајпас вентили. Во врска со неговиот редизајниран систем за ладење на воздухот и употреба на пиезо-инјектори, ова ја подобрува реакцијата, перформансите, карактеристиките на вртежниот момент и неговата можност за слободно достигнување на вртежниот момент. Шасијата и каросеријата станаа пошироки. Предната оска сега се управува уште попрецизно благодарение на дополнителните 42 милиметри ширина на предната оска и нови гуми од 20 инчи 255/35. Активната контрола на сите тркала PTM сега е во можност да пренесе уште поголема моќност на предните тркала додека преносот кај активната задна оска е зголемена за 10 mm, како и со гуми 315/30 на 21-инчни тркала – еден инч повеќе отколку на предната оска. Преработениот систем за сопирање е уште помоќен и може да се препознае по црвените калипери кои доаѓаат како стандардни. Сивите дискови на сопирачките од леено железо од предната страна сега се со дијаметар од 408 mm (28 mm повеќе од порано) и се широки 36 mm (два милиметри повеќе). Задната оска има дискови за сопирање со широчина од 30 mm и со дијаметар од 380 mm.

Спортски издувен систем за прв пат, опционално е достапен во 911 Turbo. Две различни варијанти на шасија се исто така нови: додека стандардната шасија PASM нуди поголема варијација помеѓу перформансите и удобноста, а значително е поцврста, контролата на спортската суспензија е електрично контролирана и придонесува за поголема агилност на новиот 911 Turbo. Неговото поставување е насочено кон подобрување на динамиката на автомобилот и обезбедува уште поголема стабилност при брзото возење, како на пример кога возилото се користи на тркачки патеки. Опционалниот PDCC хидрауличен активен anti-rollbarза стабилизација на системот и PCCB керамички сопирачки систем со десет клипни и фиксни калипери на предниот дел ја подобруваат динамиката на возење на новиот модел уште повеќе.

Дизајнот на 911 Turbo стана уште по мускулест. Телото на 911 е проширено за 45 mm на 1.840 mm на предните тркала за да се смести новата шасија, додека новата впечатлива линија на хаубата го потенцира спортскиот карактер на автомобилот. LED предните светла со PDLS Plusперфектно го осветлуваат патот . На задната оска, телото е сега точно 1,90 метри (20 mm повеќе). Други одлични одлики на новиот 911 Turbo се неговата подобрена адаптивна аеродинамика, која се карактеризира со електронски контролирани отвори за ладење на воздухот од предната страна, неговиот поголем активен преден спојлер и значително поголем заден спојлер. Влезовите на воздухот на задните странични панели, толку карактеристични за 911 Turbo, сега превземаатпроцесиран воздух, во замена на ладниот воздух како што беше до сега, додека ладилниците за воздухот сега се позиционирани директно во протокот на воздухот под задниот капак. Континуираната светлосна лента со своите LED светла на задниот дел, како и новата обвивка на задната маска на капакот со сребрени ленти, го заокружуваат дизајнот на задниот дел од автомобилот.

Изгледот и перформансите на возилото можат дополнително да се заострат со дополнителните пакети за дизајн. Пакетот за лесен дизајн (Lightweight Package) ја намалува тежината на возилото за 30 килограми. Меѓу другото, ова е можно со употреба на лесни седишта со целосна корпа, испуштање на задните седишта и вклопување на помалку изолација, што исто така значи дека возачите можат да уживаат во звукот на моторот уште по директно. Спортскиот пакет се одликува со пакетот 911 Turbo Sport Design, како и дополнителни функции во црнабоја или карбон, како и ексклузивните светла во задниот дизајн.

Основните елементи на современиот ентериер одговараат на оние од 911 моделите Carrera со PorscheAdvancedCockpit и Директната контрола на допир. Централниот екран на PCM сега е 10,9 инчи и може да се управува брзо и без одвраќање благодарение на новата архитектура. Специфично, високо квалитетната опрема и екстензивната листа на дополнителна опрема опфаќа целосно електрично контролирани 14-насочни спортски седишта, пакет SportChrono, спортски управувач GT со лопатки за промена на брзина, прекинувачи за повеќе функции и режими, како и моќен систем за опкружувачки звук BOSE®. Бројни опции се достапни за понатамошна персонализација, вклучително и PorscheInnoDrive со адаптивна контрола на крстарење, систем за одржување на лента со препознавање на знаци на патот, помошник за ноќно возење, опкружување и системот за опкружувачки звук на Burmester®.

 

(ПР текст)

Hitech

Претставничкиот дом на САД го забрани „Ватсап“ на службените уреди

Објавено пред

На помошниците во Конгресот на САД наводно им било кажано дека повеќе не можат да го користат WhatsApp  (Ватсап) на службени уреди. Главниот административен службеник на Претставничкиот дом (CAO) наводно во понеделникот го известил персоналот дека апликацијата – вклучувајќи ги мобилните, десктоп и веб верзиите – не е дозволена на уредите управувани од Претставничкиот дом.

dobivaj vesti na viber

„Канцеларијата за сајбер безбедност процени дека WhatsApp претставува висок ризик за корисниците поради недостаток на транспарентност во однос на заштитата на корисничките податоци, недостатокот на енкрипција на податоците во складиштето и потенцијалните безбедносни ризици поврзани со неговата употреба“, навел CAO во електронската пошта, според „Аксиос“

Microsoft Teams, Wickr, Signal, iMessage и FaceTime се наведени како прифатливи алтернативи. Вработените беа потсетени и да бидат претпазливи во врска со можни фишинг напади.

„Не се согласуваме со карактеризацијата што ја даде главниот административен службеник на Претставничкиот дом“, напиша портпаролот на Мета, Енди Стоун, на Network X.

„Знаеме дека членовите на Конгресот и нивните соработници го користат WhatsApp редовно и со нетрпение очекуваме да им дозволиме на членовите на Претставничкиот дом да го користат официјално, како што веќе прават нивните колеги од Сенатот. Пораките на WhatsApp се заштитени со енкрипција, што значи дека може да ги види само примателот, дури ни WhatsApp нема пристап. Тоа е повисоко ниво на безбедност отколку за повеќето апликации од списокот на CAO кои ја немаат оваа заштита“.

Оваа мерка доаѓа по ограничувањата за користење на други апликации кои беа оценети како ризични. Меѓу нив се ChatGPT, TikTok, DeepSeek и Microsoft Copilot.

Прикажи повеќе...

Hitech

Веројатно никогаш не сте слушнале за неа: најмладата светска милијардерка доаѓа од ВИ-светот

Објавено пред

Според „Форбс“, 30-годишната претприемачка од Силиконската долина и коосновач на Scale AI е најмладата милијардерка што сама го стекнала бизнисот.

dobivaj vesti na viber

Scale AI е американска компанија со седиште во Сан Франциско која развива и обезбедува решенија за забрзување на развојот на апликации базирани на вештачка интелигенција – за кои можеби никогаш не сте слушнале досега. Нивниот основен бизнис е управување со податоци и трансформација во висококвалитетни бази на податоци кои се клучни за обука и подобрување на моделите со вештачка интелигенција. Услугите на Scale AI ги користат големи технолошки компании како што се OpenAI, Meta, Microsoft и Nvidia, како и автомобилската индустрија, како и голем број владини и одбранбени институции на САД.

Компанијата, која постои девет години, моментално е во процес на собирање капитал и ќе им овозможи на своите рани сосопственици да ги продадат своите акции на надворешни инвеститори. Овој процес треба да биде завршен до 1 јуни и би можел да ја зголеми проценката на Scale AI на дури 25 милијарди долари, или 80% повеќе од вредноста постигната минатата година во мај, кога стартапот собра 1 милијарда долари инвестиции со проценка од 13,8 милијарди долари.

 

View this post on Instagram

 

A post shared by Lucy Guo (@guoforit)

Новата рунда инвестиции во компанијата носи и големо зголемување на личното богатство на нејзините основачи, меѓу кои се издвојува Луси Гуо – американска претприемачка за која можеби исто така никогаш не сте слушнале досега. Таа учествуваше во основањето на Scale AI кога имаше само 22 години. Таа го лансираше стартапот заедно со Александар Ванг, сегашниот извршен директор, но поради меѓусебни несогласувања, ја напушти компанијата по само две години, задржувајќи околу 5% од сопственичкиот удел.

Со очекувана проценка од 25 милијарди долари, Гуо скокна на скалата на млади богати жени на првото место. На само 30 години и со богатство од 1,25 милијарди долари, таа се најде на врвот на листата на „Форбс“ на милијардери кои сами си го стекнале богатството. Така, таа ја „детронизираше“ музичарката Тејлор Свифт, која е пет години постара.

Откако ја напушти Scale AI, Гуо го основа својот фонд за ризичен капитал, Backend Capital, а во 2022 година ја лансираше платформата Passes, конкурент на OnlyFans и Patreon, која им овозможува на креаторите на содржини и познатите личности директно да комуницираат и да монетизираат односи со фановите. Passes досега собра околу 50 милиони долари инвестиции, во вредност од околу 150 милиони долари, па затоа нејзиното вкупно богатство, ако се вклучи и тој проект, е уште поголемо.

Прикажи повеќе...

Hitech

Која е Мира Мурати, Албанката што ја тресе Силиконската долина: Ја напушти „Опен АИ“, па создаде компанија

Објавено пред

Мира Мурати, поранешена главна технолошка директорка (СТО) на „Опен АИ“ и краткотраен в.д. извршен директор по соборувањето на Сем Алтман во 2023 година, повторно е во центарот на вниманието.

dobivaj vesti na viber

Триесет и шестгодишната девојка сега води своја сопствена стартап компанија за вештачка интелигенција – „Тинкинг Машинс Лаб“ – која планира да собере рекордни 2 милијарди долари основен капитал.

Стартапот е основан кон крајот на 2024 година, и додека малку се знае за неговите производи, Мурати неодамна откри дека развиваат модели со вештачка интелигенција фокусирани на соработка меѓу човекот и машината. Според „Бизнис Инсајдер“, оваа почетна рунда на финансирање може да биде најголема во историјата, а вредноста на стартапот се проценува на повеќе од 10 милијарди долари.

Патот од Албанија до врвот на светската технолошка сцена

Ермира „Мира“ Мурати е родена во албанскиот град Валона, а на 16-годишна возраст добила стипендија на колеџот Пирсон во Канада. Студиите ги продолжила во САД, каде што се стекнала со две дипломи – уметност на колеџот Колби и инженерство на колеџот Дартмут. Во раните фази од нејзината кариера, таа работела во Токио и Франција, а потоа како менаџер во „Тесла“, каде што учествуваше во развојот на „Модел Икс“

Помеѓу 2016 и 2018 година, таа работеше на развој на технологија за проширена реалност во „Лип Моушн“ (сега позната како „Ултралип“).

Улогата во развојот на „Чат ГПТ“ и драматичното заминување од „Опен АИ“

Мурати се приклучи на „Опен АИ“ во 2018 година како потпретседател за применета АИ технологија, а ќе стане CTO во 2022 година. Таа беше клучна фигура во развојот на „Чат ГПТ“, „Дал-Е“ и други напредни модели. По ненадејното соборување на Алтман кон крајот на 2023 година, таа накратко ја презема улогата на в.д. директор, но Алтман се враќа на позицијата по само една недела.

После тоа, Мурати се повеќе излегува во јавноста како заштитно лице на компанијата – таа учествуваше на презентацијата на моделот „Чат ГПТ 4-o“ и се појави на Мет Гала 2024 година, каде „Опен АИ“ претстави персонализиран четбот.

Таа е позната по нејзиниот повнимателен пристап кон развојот на вештачката интелигенција и нејзиното застапување за регулирање на оваа технологија.

„Не треба да се потпираме на саморегулација од страна на компаниите. Регулаторите мора да бидат вклучени“, рече таа во интервју за Тајм.

„Тинкинг Машинс Лаб“– мистериозна стартап компанија која регрутира поранешен персонал на „Опен АИ“

По напуштањето на „Опен АИ“ во септември 2024 година, Мурати ја основа „Тинкинг Машинс Лаб“, која излезе на берза во февруари 2025 година. Нејзините вработени вклучуваат голем број поранешни инженери од „Опен АИ“, „Мета“ и „Антропик“. Некои од креаторите на „Чат ГПТ“, како Џон Шулман и Барет Зоф, исто така се приклучија на тимот.

Визијата и инспирацијата на Мира Мурати

За приватниот живот на Мира Мурати се знае многу малку. На Канскиот филмски фестивал во 2024 година, таа сподели анегдота за тоа како нејзината мајка првпат го прашала „Чат ГПТ“ кога Мира ќе се омажи. Инспирацијата ја наоѓа во филмот „2001: Вселенска одисеја“ и поетската збирка на Рајнер Марија Рилке, додека како една од нејзините омилени песни ја наведува „Параноид Андроид“ на „Рејдиохед“

За Мурати, вештачката општа интелигенција која може да се прилагоди, да учи сама и да решава широк опсег на задачи – ја претставува последната и најважна технологија што ќе ја создаде човештвото. Како што вели таа, оваа визија е причината поради која дошла од „Тесла“, преку „Лип Моушн“, до „Опен АИ“ и сега до сопствен стартап за вештачка интелигенција.

Прикажи повеќе...

Најново

Македонија16 минути

„Ве чекам во 20 часот, на плочникот кај Градски ѕид“, Герасимовски повика на концерт

Градоначалникот на Општина Центар, Горан Герасимовски, ги повика сите скопјани, вечерва да бидат дел од културната манифестација „Центарска симфонија“ што...

Свет32 минути

Голем видовденски протест вечерва во Белград, студентите се огласија за ненадлежни за она што ќе се случува по 21 часот

Денес, кога Србија празнуива Видовден, студентите кои седум месеци протестираат, најавија голем протест во Белград. Собирот ќе почне во 18...

Македонија19 часа

Три реформски закони за администрацијата ја поминаа првата фаза

Собранието даде поддршка на предлог законот за вработените во јавниот сектор, предлог на законот за административни службеници и на предлог...

Македонија19 часа

Арсовска: Внукот на градоначалникот на Студеничани градел објект кога имал 5 години, а го легализирал на 6

Градоначалничката на Град Скопје, Данела Арсовска, иронично објави дека внукот на Азем Садики, градоначалникот од Студеничани, на 5 години изградил објект,...

Македонија21 час

Муцунски: Од позиција на климање со глава, се вративме на патот на самопочит и влијание

Во Министерството за надворешни работи и надворешна трговија се одржа прес-конференција по повод една година од мандатот на Владата. Во...

Македонија23 часа

Ризик од појавa на пожари поради високите температури: МЗШВ апелира на претпазливост

Министерство за земјоделство, шумарство и водостопанство ги повикува граѓаните на посебна претпазливост со цел спречување на појава на пожари на...

Економија24 часа

Ранливите потрошувачи и натаму незаштитени: итни мерки барат Инжинерите на Македонија

Додека Владата и Министерството за енергетика се фалат со новиот Закон за енергетика, илјадници граѓани остануваат без никаква реална заштита...

Македонија24 часа

Се очекува Македонија годинава да ја посетат 1,5 милиони туристи, најбројни се гостите од Турција

Македонија веќе бележи двоцифрен годишен пораст во бројот на странски посетители, најновите податоци покажуваат 21.6 % раст во првата половина од...

Македонија1 ден

Казни и до 2.000 евра: МВР со потсетување на целосната забрана за движење во шумите

Министерството за внатрешни работи ги известува граѓаните дека согласно насоките на Владата по барање од корисниците на шумите – ЈП...

Македонија1 ден

Ја давел, ја влечел по подот и ја удирал: обвинение за семејно насилство во Бутел

Јавен обвинител од Основното јавно обвинителство Скопје поднесе Обвинителен предлог против едно лице за кривично дело – Телесна повреда при...

Свет1 ден

Постигнат договор меѓу САД и Кина? Ретки метали за Американците, помалку царини за Кинезите

САД постигнаа договор со Кина за тоа како да се забрзаат испораките на ретки земни метали во САД, изјави синоќа...

Свет1 ден

Сијарто: Украина погрешно мисли дека може да се приклучи на ЕУ без поддршката на Унгарија

Унгарскиот министер за надворешни работи Петер Сијарто изјави дека Министерството за надворешни работи на Украина погрешно мисли дека земјата може...

Свет1 ден

Да го имавме на нишан, ќе беше елиминиран: Кац за врховниот лидер на Иран

Израелскиот министер за одбрана Израел Кац изјави дека за време на неодамнешниот дванаесетдневен вооружен конфликт со Иран, Израел се обидел...

Свет1 ден

ЕУ ги продолжува санкциите кон Русија

Лидерите на земјите-членки на Европската Унија (ЕУ) го поддржаа обновувањето на секторските санкции против Русија за уште шест месеци, до...

Свет1 ден

Масовни напади од двете страни: Украина испрати дожд од беспилотни летала кон Волгоград, Русија тргна кон Запорожје

Ноќниот напад на руски беспилотни летала врз Запорожје предизвика серија пожари и штети на индустриски згради и гаражни објекти, објави...

Македонија2 дена

Мицкоски: Финансиската полиција за 9 месеци откри криминали од 30 милиони евра што е доказ дека расчистуваме со криминалот

Финансиската полиција за 9 месеци откри криминали од 30 милиони евра што е доказ дека расчистуваме со криминалот, и правиме...

Македонија2 дена

(Видео) Арсовска: Според документите на Ганиу, 11-годишно дете ја изградило 12-катницата во Чаир и поднело барање на нотар, ова е криминал

Документи со 20 случаи за незаконски легализации на дивоградби во Општина Чаир се поднесени до Основното јавно обвинителство за гонење...

Македонија2 дена

Од 1 јули целосна забрана за движење во шумите

Министерството за земјоделство, шумарство и водостопанство по барање на ЈП Национални шуми – Скопје, согласно член 57, став 3 од...

Македонија2 дена

(Видео) Филипче до Мицкоски: За јазикот и идентитетот никогаш не се преговарало, тие се потврдени со документи во ЕУ

На денешната седница на пратенички прашања, претседателот на СДСМ Венко Филипче со предупредување до премиерот Мицкоски и Владата во врска...

Македонија2 дена

Мицкоски до Филипче: Зошто преговаравте за македонскиот идентитет и јазик, ние ќе сториме сѐ да ја внесеме Македонија во ЕУ

Претседателот на Владата, Христијан Мицкоски на денешната собраниска седница за пратенички прашања потенцираше дека Владата ќе стори сѐ да ја...