Забава
7 места кои се tantissimo-убави и мора да ги посетите во Италија
Италија е рај за секој патник. Нарекувана Bel Paese, што значи прекрасна земја, Италија е, всушност, петтата најпосетувана земја во светот, која ги привлекува туристите со својата разновидност, изобилува со градови со “tantissimo“ познати знаменитости, градови на вода и прекрасно крајбрежје.
Овие се седумте места кои мораш да ги посетиш доколку патувате низ Италија:
1. Рим и неговата историја
Главниот град на Италија не е изграден за еден ден и ќе ти треба повеќе од еден ден за да можеш да ја почувствуваш магијата на овој безвременски град. Познат како „вечниот град“, Рим изобилува со многу познати историски знаменитости, како Колосеумот, Пантеонот на Агрипа со огромната купола или Римскиот форум. Да не ја заборавиме Фонтана ди Треви, во која можеш да фрлиш паричка, како и големиот број на плоштади, пазари и “tantissimo“ многу уметнички галерии. Рим е место, што треба да го доживееш со талкање по улиците со калдрма на Трастевере, уживајќи во совршеното еспресо и сладолед.
2. Фиренца – престолнина на ренесансата
Еден од “tantissimo“ романтичните европски градови, Фиренца, сè уште ужива во славата на ренесансната уметност и архитектура. Главниот град на регионот Тоскана, ги фасцинира туристите со Форте ди Белведере, од каде како на дланка ќе можеш да ја видиш цела Фиренца, куќата на Данте Алигиери, Давид – најпознатата скулптура на Микеланџело, мостот Понте Векио, како и големиот број истакнати музички галерии.
3. Венеција – градот на романтичарите
Венеција е најнеобичниот и најромантичниот град во Италија, затоа што се наоѓа на вода. Еден од фасцинантните факти за Венеција е дека градот едвај има патишта за автомобили, па затоа мораш да го истражиш пеш или со гондола, за да ја откриеш хипнотизирачката убавина, бидејќи целиот град се протега по “tantissimo“ многу канали. При посетата на Венеција задолжително посети го Плоштадот Свети Марко (Piazza San Marco), познатата палата Дукал и Базиликата Свети Марко (Basilica Cattedrale Patriarcale di San Marco) и уживај во градот на маските и венецијанското стакло, од кое се креираат едни од најпопуларните колоритни украси што ги купуваат туристи од целиот свет.
4. Милано – култура и ноќен живот
Космополитски град за бизнис, иновации, но и срцето на италијанската мода. Милано е дестинација број еден за љубителите на модниот свет, но претставува и најдобар град за запознавање на италијанската култура и ноќен живот. Една од главните туристички атракции е Катедралата Милано (Duomo di Milano), која е готско ремек-дело, старо над 650 години. Останати места, кои вредат да се посетат се плоштадот Дуомо, најпопуларната опера Ла Скала, замокот Сфорца, кој се наоѓа во Паркот Семпионе – ботаничкиот скапоцен камен на Милано и, секако, Сан Сиро или Џузепе Меаца, домот на двата големи фудбалски тима Милан и Интер.
5. Брегот Амалфи – летно доживување
Брегот Амалфи, кој е популарен по огромното крајбрежје е преполн со мали светкави плажи и рибарски села со пастелни нијанси. Сместени среде синото море и спуштените карпи, прекрасните градови Позитано, Атрани и Равело, нудат возвишен поглед на ридот. Овие живописни крајбрежни градови се сместени на планини, од каде можат да се видат лавиринти од скали и тесни улички што ги поврзуваат градовите со плажите и камчињата од брегот Амалфи. Терасните градини и градините со лимон во Конка деи Марини се, исто така, меѓу главните атракции на овој брег.
6. Тоскана – винови лозја и рамнини
Сместена во срцето на Италија, Тоскана е позната по “tantissimo“ големиот број на рамнини и винови лози, како и брилијантната уметност и архитектура од времето на ренесансата. Од убавините на градовите Сиена, Лука, Кортона или Пиза, следно можеш да уживаш во големите сесии за дегустација на храна и вино. Големиот број на музеи содржат “tantissimo“ многу скулптури и слики, кои заеднички природно креираат уникатно искуство на рурално живописна средина. Тоскана е неверојатно место во Италија кое има шармантни вибрации и прекрасен поглед кон природните убавини.
7. Помпеја – закопаниот град
Античкиот град Помпеја се наоѓа во близина на Неапол и бил затрупан од ерупцијата на вулканот Везув во 79 година. За Помпеја не се знаело 1600 години, сѐ додека не бил откриен случајно во 1748 година. Поради ненајдената ерупцијата на Везув, градот е останат во таква состојба каков што бил во тоа време. Ископувањата, кои се прават од неговото откривање ни даваат увид во животот на градот во зенитот на Римското Царство. Помпеја се смета за светско наследство на УНЕСКО.
Италија изобилува со уште многу места и градови кои вредат да се посетат, но овие се едни од најпосетуваните туристички места на Апенинскиот Полуостров. Доколку и ти сакаш да прошеташ на едно од овие “tantissimo“ убави места, тоа можеш да го направиш со учество во наградната игра „Ma Tantissimo со Credissimo“. Главната награда се две патувања во Италија, па токму ти можеш да бидеш еден од среќните добитници на ова патување. Повеќе информации околу наградната игра можеш да најдеш на следниот линк.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Хали Бери одлучна: „Не сакам повеќе да глумам оргазам“
Хали Бери е сè уште тема на вниманието на јавноста. Неодамна, таа ја потврди веста дека е свршена и дека е подготвена за својот четврти брак. Сега таа одлучи да продолжи со низа изненадувачки детали од нејзиниот приватен живот и се осврна на темата за нејзината спална соба. Или поточно, темата за оргазмот.
Актерката неодамна се појави во подкастот „Sex With Emily“ и откри дека ставила крај на добро воспоставената практика.
„Веќе не го правам тоа. Стигнав до точка каде што глумев оргазам за да се чувствува добро. И што навистина постигнуваме со тоа? Ги ставаме неговите потреби пред нашите“, објасни таа, додавајќи:
„Сега велам: ‘Не, јас сум на прво место, исто како што ти се ставаш себеси на прво место’. И двајцата заслужуваме ова да биде заемно пријатно искуство, да можеме да се превртиме и да заспиеме затоа што се чувствуваме добро, а не едната личност да рчи, а другата да гледа во таванот и да се прашува: ‘Што по ѓаволите беше тоа?’“, заклучи таа.
Таа беше во целибат 4 години
Интересно е што познатата актерка беше во целибат 4 години пред да го запознае својот сегашен свршеник Ван Хант.
„Морав целосно да се посветам на себе, да бидам сама, да растам и да ја сфатам мојата вредност“, изјави таа за The Times. „Заклучив дека ако не се појави вистинската личност, ќе останам сама. И тоа беше сосема во ред со мене“, рекла таа во тоа време.
Сепак, судбината имаше други планови за неа и таа е подготвена да се омажи по четврти пат.
Забава
Нивната вродена интелигенција е нивниот најсилен адут: Кои знаци се најдобри во снаоѓањето во животот?
Иако формалното образование нуди знаење и структура, некои луѓе имаат вродена досетливост што им овозможува да се снајдат во секоја ситуација.
Астрологијата открива дека ѕвездите имаат значително влијание врз нашата практична интелигенција, а овие четири хороскопски знаци се вистински мајстори на „улична интелигенција“ и наоѓање на патот во лет.
Близнаци
Со нив владее Меркур, планетата на комуникацијата, па токму поради тоа Близнаците се мајстори на навигација во социјални ситуации. Тие имаат неверојатна способност да се прилагодат на секоја личност и околина, впивајќи информации како сунѓер. Нивната љубопитност не познава граници и преку разговор можат да решат речиси секој проблем или да ги добијат потребните информации.
Близнаците не паничат кога работите тргнуваат наопаку; наместо тоа, нивниот мозок работи деноноќно за да најде алтернативно решение. Нивната „улична интелигенција“ лежат во нивната способност да поврзуваат навидум неповрзани факти и да ги користат во своја корист. Диплома за факултет не им е неопходна, бидејќи за нив целиот свет е училница.
Шкорпија
Шкорпиите се природни детективи на Зодијакот. Нивната интуиција е толку силна што речиси можат да ги „читаат“ мислите и намерите на другите луѓе. Додека другите гледаат само она што е на површината, Шкорпијата гледа скриени мотиви, потенцијални опасности и можности што лежат под фасадата.
Овој воден знак е исклучително снаодлив и не се плаши да ги користи сите расположиви ресурси за да ја постигне својата цел. Шкорпиите се стратези кои дејствуваат тивко и промислено. Нивната сила не е во гласноста, туку во длабокото разбирање на човечката психологија, што им дава предност во речиси секоја област од животот.
Стрелец
Мудроста на Стрелецот не доаѓа од книги, туку од пасош исполнет со печати и срце полно со искуства. Тие учат преку авантура, ризик и запознавање различни луѓе и култури. Секоја ситуација, без разлика дали е добра или лоша, е лекција за нив што ги прави поснаодливи и поотпорни.
Нивната владејачка планета Јупитер им носи доза на среќа, но нивната најголема сила е оптимизмот. Стрелецот не се плаши од неуспех, бидејќи верува дека секогаш некако ќе успее да се врати на нозе. Оваа верба во позитивен исход е често она што им отвора врати и создава можности таму каде што другите не ги гледаат.
Водолија
Водолиите се генијалци на Зодијакот кои решаваат проблеми на сосема неконвенционален начин. Додека сите други се држат до утабаните патеки, Водолиите ќе најдат кратенка за која никој друг не знаел. Нивниот ум работи надвор од кутијата, што им овозможува да видат решенија кои се невидливи за другите.
Иако понекогаш изгледаат далечни, Водолиите всушност се одлични набљудувачи на човечката природа и општествените трендови. Тие разбираат како функционираат системите и како да ги искористат. Нивната „улична памет“ се базира на логика, иновација и способност да бидат еден чекор пред сите други.
Иако дипломата може да отвори некои врати, способноста за справување со непредвидливите животни ситуации е непроценлива вештина. Близнаците, Шкорпијата, Стрелецот и Водолијата докажуваат дека најважните животни лекции често се учат надвор од училницата, а нивната вродена интелигенција е нивниот најголем адут.
Забава
Нови фотографии од Ана Ивановиќ и Бастијан разгоруваат гласини: Дали се заедно?
Бракот меѓу српската тенисерка Ана Ивановиќ и поранешниот фудбалер Бастијан Швајнштајгер е одамна завршена приказна. Поранешните сопружници тргнаа по различни патишта и само повремено излегуваат на површина детали од нивниот заеднички живот или нивниот развод.
Ана се посвети на своето семејство, децата и благосостојбата и се чини дека конечно ужива во животот. Често патува и ги информира своите лојални обожаватели на социјалните мрежи за своите активности.
Сега објави фотографија од скијање, а интересно е што и нејзиниот поранешен сопруг објави една своја. Овој потег на поранешните љубовници ги натера многумина да постават едно прашање – дали се на зимски одмор заедно?
Сепак, реалноста е сосема поинаква. Ако внимателно ги погледнете фотографиите, ќе забележите дека се на различни локации.
Ана ужива во француските Алпи, со поглед на Мон Блан, додека Бастијан е во австрискиот скијачки центар Кицбил.
Трамп за Венецуела: Добивме 80 милиони барели нафта од нашиот нов партнер
Американскиот претседател Доналд Трамп ја опиша Венецуела како „сојузник“ на САД во своето обраќање за состојбата на нацијата во вторник,...
(Фото) Откриена најголемата колонија на корали во светот во близина на Австралија
Тим од мајка и ќерка, и двете граѓански научници ја откри најголемата позната корална колонија во светот покрај брегот на...
Перуанците избираат претседател: дебатата ќе трае шест дена бидејќи има 36 кандидати
Вкупно 36 кандидати за претседател на Перу ќе учествуваат во невидена телевизиска дебата што ќе се одржува во текот на...
(Видео) Расте бројот на жртви по обилни дождови во Бразил
Бројот на жртви од обилните дождови што ја погодија југоисточната бразилска држава Минас Жераис се искачи на најмалку 25, а...
(Видео) Трамп: „Златното доба на Америка започна“
Американскиот претседател Доналд Трамп прогласи „златно доба“ за Америка во своето обраќање за состојбата на нацијата во вторник. „Нашата нација...
ДУИ обвинува за притисок врз судството: Изјавите на Филков за куќниот притвор се директно мешање во постапката
Демократската унија за интеграција (ДУИ) изрази длабоко незадоволство поради, како што наведуваат, заканите упатени кон судии и обвинители од страна...
Одземени лиценците за канабис на шест фирми: не им работеле камерите, немале обезбедување, едно имале на хартија друго во магацин
На шест од досега провери 13 компании им се одземени лицентие за одгледување канабис за медицински цели. Министерот за здравство,...
Битолчанец пријавен за обид за убиство на своите деца и напад врз полицајци
СВР Битола поднесе кривична пријава против В.Ф. (42) од Битола поради постоење основи на сомнение за сторени кривични дела „убиство“...
Ми се гади од лицемерието, Артан Груби во куќен притвор, јас 28 месеци во притвор: Јане Ченто за правосудните аршини
По одлуката на надлежните институции, поранешниот прв вицепремиер Артан Груби да биде ставен во куќен притвор со 24-часовен надзор, по...
Беким Сали во работна посета на Украина: „Изразена солидарноста и поддршката кон украинскиот народ“
Првиот вицепремиер и министер за европски прашања, Беким Сали, денес престојува во официјална работна посета на Киев, Украина, каде ќе...
Обвинителството за куќниот притвор на Груби: Се водиме исклучиво од законските основи
Јавното обвинителство како единствен и самостоен орган, при одлучувањето и предлагањето на мерките за обезбедување во сите случаи се води...
(Видео) Зеленски го покажа својот бункер од почетокот на војната и им испрати порака на Украинците
Украинскиот претседател Володимир Зеленски објави видео порака по повод четвртата годишнина од почетокот на целосната инвазија на Русија врз Украина,...
Артан Груби ќе одговара за милионскиот криминал, следува одговорност, велат од ВМРО-ДПМНЕ
По повеќе од година дена поминати во бегство на граничниот премин Блаце е приведен поранешниот вицепремиер во коалицијата на СДС...
„Али Ахмети чека политичка егзекуција од поранешниот најблизок соработник, Артан Груби знае премногу“, велат од ВЛЕН
„Стариот лисец Али Ахмети од вчера, од мајстор на политичкиот занает, стана ранет играч кој чека политичка егзекуција од поранешниот...
Штедачите на Еуростандард банка: Пет и пол години од пропаѓањето на банката, случајот сè уште нема судска разрешница
Поминаа повеќе од пет и пол години од пропаѓањето на Еуростандард банка, а случајот сè уште нема судска разрешница. Голем...
Зеленски: Вашингтон треба да биде со демократска земја која се бори против еден човек
Соединетите Американски Држави „треба да застанат покрај демократска земја која се бори против еден човек“, рече украинскиот претседател Володимир Зеленски,...
Ник Рајнер негираше вина по обвинението за убиството на мајка си и татко си
Ник Рајнер (32), син на познатиот холивудски режисер Роб Рајнер и фотографката Мишел Сингер Рајнер, се изјасни за невин во...
(Видео) Бомбашки напад во Москва: Убиен полицаец, двајца повредени
Еден полицаец беше убиен, а двајца други беа ранети во експлозија рано утрово во центарот на Москва, откако вооружен човек...
Германија: Нема да го молиме Путин
Германскиот министер за надворешни работи Јохан Вадефул изјави дека е начелно отворен за разговори со Москва за одржлив мир во...
Манделсон е ослободен со кауција: Полицијата продолжува со истрагата
Поранешниот британски амбасадор во Соединетите Американски Држави, Питер Манделсон, е ослободен со кауција неколку часа откако беше уапсен во понеделник...
