Забава
Италијанците најголеми интернет лажговци

Дури 72 насто од Италијанците на интернет страниците за барање сродни души се претставуваат поинакви отколку што се, со што се најдоа на чело на
Дури 72 насто од Италијанците на интернет страниците за барање сродни души се претставуваат поинакви отколку што се, со што се најдоа на чело на најголемите интернет лажговци во Европа.
Ова, според италијанските гласила го покажа истражувањето на Lightspeed Research во кое учествуваа 2500 Европејци.
На листата најголеми интернет лажговци зад Италијанците се Германците, од кои 58 насто се неискрени, па Французите (56 насто) и Англичаните (55 проценти).
Истражувањето покажа и дека 58 проценти од сите испитаници на рутинските прашања, како од каде си, колку години имаш, даваат неточен одговор, а најмногу лаги се изрекуваат за физичкиот изглед и тежината.
Најискрени интернет заводници се Холанѓаните, од кои 52 насто кажуваат вистина. Тие имаат и најмалку предрасуди. Холанѓаните тврдат дека по еден разговор со видео камера, знаат дали сакаат со непознатиот да имаат секс веќе на првиот состанок.
Според Lightspeed Research партнери преку интернет пред се бараат многу плашливите и срамежливите или експлозивните лица. За да избегнат непријатни изненадувања или разочарувања, што можат да се појават на првиот состанок на слепо, 54 насто од испитаниците препорачуваат претходна проверка преку видео камера. /крај/ста/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
По децении молк, Малкович проговори за романсата со Мишел Фајфер на снимање

Речиси четири децении по снимањето на култниот филм Опасни врски (1988), холивудскиот актер Џон Малкович откри дека се кае за аферата со својата колешка Мишел Фајфер. Во тоа време и двајцата биле во брак, а нивната романса од сетот се пренела и во приватниот живот, но врската брзо згаснала.
Гостувајќи во подкаст, 71-годишниот Малкович призна дека со таа врска го изгубил „сјајниот колега“ во Фајфер, која ја опиша како забавна, искрена и неверојатно коректна. „Јас тоа сигурно не бев“, додаде тој.
Актерот објасни дека со текот на времето научил да ја цени професионалноста над сè. „Кога односот ќе премине во нешто повеќе од колегијален или пријателски, тогаш ја губите шансата да имате вистински колега“, рече Малкович.
Како спротивен пример го наведе долгогодишното пријателство и соработка со актерката Ингеборга Дапкунаите, со која веќе 33 години останале блиски колеги, бидејќи „границата никогаш не била премината“.
Забава
Хороскопски знаци кои најтешко поднесуваат пораз во друштвени игри

Друштвените игри се забава за многумина, но не и за некои хороскопски знаци кои поразот го сфаќаат премногу сериозно.
Овен – импулсивни и натпреварувачки настроени, тешко ја кријат фрустрацијата кога губат.
Лав – гордоста им е на прво место, па поразот го доживуваат како лична навреда.
Шкорпија – страсни и интензивни, губењето го паметат долго и бараат реванш.
Јарец – на игрите гледаат како на стратегија и работа, па поразот им го руши чувството на контрола.
За овие знаци, друштвените игри лесно можат да завршат со нервоза наместо со забава.
Забава
Брачен пар по четири години откри кој бил мистериозниот гостин на нивната свадба

Британскиот брачен пар Мишел и Џон Вајли со помош на социјалните мрежи дознаа кој бил непознатиот човек што случајно се појавил на нивната свадба во Прествик пред четири години.
На фотографиите од венчавката се гледал висок, збунет маж во свечен костум, кого никој од гостите не го познавал. Подоцна било утврдено дека станува збор за Ендру Хилхаус, кој требало да присуствува на друга свадба, само два километри подалеку. Тој сфатил дека е на погрешно место дури кога невестата тргнала кон олтарот.
Ендру успеал да си замине дури по заедничката фотографија, а вистината ја открил четири години подоцна, кога преку Фејсбук стапил во контакт со младенците.
„Не можев да престанам да се смеам. Не веруваме дека го најдовме по толку време“, изјави невестата.