Бидејќи ток-шоуто на Елен Деџенерис станува сè повеќе вовлечено во скандал и е на работ на колапс, Британецот Џејмс Корден, водител на популарното „Лејт лејт шоу“ на телевизијата „Си-би-ес“ наводно е во преговори да ја замени.

Цитирајќи инсајдер, британски „Сан“во саботата објави дека Корден (41) одамна се сметаше за „долгорочен наследник“ на 62-годишната Деџенерис дури и пред да се појават наводите за непријателска работна атмосфера зад камерите.

Корден, британски актер и комичар, стана популарен со неговото ток-шоу кое вклучува сегменти како што е „карпул караоке“ – домаќинот Корден пее заедно со гостинот музичар додека се возат во автомобил – како и Drop The Mic сегмент во кој Корден и гостите се вклучуваат во рап-битки.

Истиот извор изјави за „Сан“: Џејмс и неговиот тим се иноватори во модерната телевизија, а нивниот производ стекнува сè поголемо глобално признание.

Изворот додаде дека Корден веќе „има огромна посветена публика, глобална привлечност и Холивуд го сака“.

„Замената на Елен секогаш ќе биде тежок предизвик, но тој е природно фит за лесна транзиција. Џејмс го освежува утрото и потоа во текот на денот со слободна рака ќе му биде дозволено да гради нова попладневна ера“.

Проблемите за Деџенерис започнаа минатиот месец, кога „Баз њуз“ објави експлозивен извештај во кој беше изложена реалноста на работењето зад камерите во „Шоуто на Деџенерис“. Телевизијата „Ворнер Брос“, која што го продуцира шоуто од 2003 година до денес, спроведе интерна истрага по поплаките за наводно малтретирање на вработените и расизам.

Манекенката Карли Клос изгледа елегантно целата во бело додека бега од високите температури на плажа во Санта Моника.

Таа и нејзиниот сопруг Џошуа Кушнер пред една недела беа на одмор со своите пријатели Кети Пери и нејзиниот свршеник Орландо Блум. Карли не можеше да остане подалеку од океанот и овој викенд кога се врати на прошетка на песокот.

28-годишната манекенка се издвојува од толпата со отмена бела облека што ја штити од сонцето. На себе има бела ленена кошула врзана под струкот со засукани ракави и здолниште во иста боја, што го допира песокот.

Ѕвездата од модните писти, висока 1,87 метар, својот стилски изглед го дополни со федора-шапка со црна лента и црни очила за сонце.

Нејзе ѝ се придружија две пријателки, кои беа облечени далеку поедностано за прошетка на плажата.

Во 2018 година Крос беше втора на листата на топ-десетте најплатени манекеки во светот со заработка од 13 милиони долари, според магазинот „Форбс“.

Шефовите на новиот филм за најпознатиот таен агент Џејмс Бонд сакаат актерката Ана де Армас, една од Бонд девојките, да присуствува на црвениот тепих без нејзиното момче Бен Афлек.

Де Армас (32) ќе го краси сребрениот екран како зрела сирена Палома во новиот филм „Не е време за умирање“, кој ќе почне да се прикажува во киносалите на 20 ноември.

И, со цел сите погледи да бидат свртени кон sвездата на филмот Даниел Крејг (52), шефовите на серијалот за британскиот агент 007, сакаат момчето на Ана, харизматичниот Бен, да не ја придружува на црвениот тепих.

„Би било катастрофа доколку било какво јавно изразување чувства на Бен кон Ана го засенат настанот“, објасни извор за британски „Сан“ во саботата.

Премиерата на долгоочекуваниот нов филм беше одложувана поради светската здравствена криза, така што „шефовите на серијалот сакаат ѕвездите на филмот да бидат во центарот на вниманието на црвениот тепих“.

„Да му кажете на вашето момче да остане дома на вашата голема филмска премиера може да биде незгодно, но Бен прави сè што може за да ја израдува Ана, извор близок до парот неодамна изјави за „ЈуЕс викли“.

„Бен е толку мил спрема Ана. Таа може да спомне било што – ручек, патување или слично. И тој ќе го стори тоа “, додава инсајдерот

„Не е време за умирање“ првично требаше да почне да се прикажува во киносалите во април, но, како и многу претстојни филмови, тој беше одложен.

Даниел Крејг по многу шпекулации потврди дека за последен пат ја игра улогата на Бонд.