Забава
Комерцијална битка за мечето Кнут
Најпознатото бело мече Кнут предизвика судир во кој што првичниот сопственик на медиумскиот миленик бара 700 илјади евра од Зоолошката градина
Најпознатото бело мече Кнут предизвика судир во кој што првичниот сопственик на медиумскиот миленик бара 700 илјади евра од Зоолошката градина во Берлин каде се наоѓа мечката.
„Судот на двете спротивставени страни им даде период до средината на јуни да се договорат за иднината на Кнут“, соопшти покраинскиот суд во Берлин.
Судирот се појавил откако Зоолошката градина од Нојминстер побарала дел од приходите од маркетиншкиот успех на светски познатото поларно мече.
Управата на Зоолошката градина во Нојминстер се повикува на договор според кој што Кнут всушност и припаѓа нејзе, затоа што таткото на Кнут, Ларс, и бил позајмен на берлинската Зоолошка градина за оплодување, а според договорот, првото животно од оплодувањето припаѓа на сопственикот на таткото.
Во предлогот за вонсудски договор, берлинската Зоолошка градина им понудила на колегите од Нојминстер 350 илјади евра за Кнут, но од другата страна бараат 700 илјади евра. Таквото барање од Зоолошката градина во Берлин одлучно го одбиваат повикувајќи се на тоа дека тие се јавна установа која што работи без добивка.
Според набљудувачите на спорот, кавгата околу мечето Кнут е всушност судир за пари, затоа што се случува во годината кога мечето стекна светска слава според бројот на посети во Зоолошката градина во Берлин, која што порасна за 27 отсто.
Адвокатот на Зоолошката градина во Нојминстер тврди дека берлинците во 2007 година, само од употребата на името Кнут, заработиле над милион евра.
Кнут се стекна со светска слава откако неговата мајка го одби, а неговото одгледување го презедоа негувателите од Зоолошката градина во Берлин./крај/хи/амп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Се сопнуваш на рамно? Можеби виновен е хороскопот – пет најтрапави хороскопски знаци
Астролозите тврдат дека одредени хороскопски знаци се понеспретни од другите, било поради расеаност, брзоплетост или постојано живеење во облаци”.
Стрелец – постојано гледа кон нови цели и авантури, па често не ги забележува препреките пред себе. Неспретноста доаѓа од ентузијазмот и брзањето.
Риби – длабоко во својот свет на фантазија и емоции, лесно забораваат на реалноста околу себе. Можат да се наслонат на свежо обоен ѕид или да ги загубат клучевите.
Близнаци – умот им работи пребрзо, со илјадници мисли и планови одеднаш. Нивната смотаност произлегува од „премногу табови“ во глава.
Овен – делува пред да размисли. Може да претрча по лизгав под или да носи премногу работи одеднаш. Сепак, брзо се опоравува и продолжува како ништо да не се случило.
Водолија – мислите им се насочени кон иднината и апстрактни идеи, па неретко се сопнуваат дури и на рамно. Познати се и по социјални грешки, бидејќи говорот ги прескокнува правилата.
Забава
Ирина Шејк откри како со Бредли Купер ја воспитуваат 8-годишната ќерка
Ирина Шејк изјави за People дека со поранешниот партнер Бредли Купер ѝ го ограничуваат пристапот на интернет на нивната ќерка Леа Де Сеин за да ја заштитат од негативните страни на славата. Таа нагласи дека Леа „има многу мал, речиси никаков пристап до интернет“ и дека сака да се фокусира на „заедница, пријателства и давање љубов“.
Шејк рече дека одгледувањето дете „во семејство полно со љубов“ е најважно, и дека ја учат Леа да се сака себеси во свет со „многу стандарди на убавина“ од кои се обидуваат да ја заштитат.
Ирина Шејк и Бредли Купер се во врска од 2015 година, ја добија Леа во март 2017, а се разделија во 2019 година. И покрај раскинувањето, останале во добри односи и заедно ја воспитуваат ќерката.
Hitech
Шефот на „Гугл“: Вештачката интелигенција е склона кон грешки, корисниците не треба слепо да ѝ веруваат
Корисниците не треба слепо да веруваат на сè што им кажуваат нивните алатки за вештачка интелигенција (АИ), изјави денес за Би-би-си шефот на матичната компанија на „Гугл“, „Алфабет“. Извршниот директор на компанијата, Сундар Пичаи, изјави за британскиот медиум дека моделите на АИ се склони кон грешки и ги повика корисниците да ги користат заедно со други алатки.
Пичаи ја нагласи важноста на богат информациски систем, наместо да се потпираат исклучиво на технологијата на АИ, објави Би-би-си. „Затоа луѓето го користат пребарувањето на „Гугл“, а ние имаме и други производи што обезбедуваат подобри, поточни информации“.
Пичаи, индиско-американскиот шеф на „Алфабет“, рече дека алатките на АИ се корисни ако „сакате да напишете нешто креативно“, но предупреди дека луѓето треба да научат да ги користат овие алатки за „она во што се добри, а не само слепо да веруваат на сè што ќе кажат“.
„Горди сме на трудот вложен во обезбедување на најточни можни информации, но дури и најдобрата технологија на АИ во моментов е склона кон грешки“, нагласи тој.
Пичаи разговараше со Би-Би-Си додека технолошкиот свет со нетрпение очекува нова верзија на комерцијалниот модел на вештачка интелигенција на „Гугл“, „Џемини 3.0“, кој во тековните верзии веќе врати дел од пазарниот удел во битката против ChatGPT.
Неговите коментари се во согласност со истражувањето на Би-би-си спроведено претходно оваа година, кое заклучи дека ботовите со вештачка интелигенција се неточни при производство на резимеа на вести.

