Тејлор Свифт, која официјално е најбогатата музичарка во светот, ги изненади своите обожаватели со објави од студиото каде што моментално работи, а најголем „бум“ направи нејзиното целосно природно лице.

Нејзиниот сингл „Opalite“ неодамна успеа да се искачи на врвот на музичките листи и тоа е 14-ти сингл по ред на Тејлор Свифт што доживеа таков успех. Таа го прослави овој незаборавен момент, уште еден во нејзината кариера, покажувајќи дел од својот живот зад сцената додека го создаваше албумот преку објави.

View this post on Instagram

A post shared by Taylor Swift (@taylorswift)

Тејлор Свифт го овековечи својот голем успех објавувајќи клипови од снимањето на песната и видеото, а во видеото позираше во студиото без ни трошка шминка и со природни локни, додека наздравуваше со продуцентот.

Навикнати сме секогаш да ја гледаме со црвен кармин на усните, па затоа ова издание од светски познатата пејачка е вистинско изненадување за сите.

Тејлор Свифт има 280 милиони следбеници само на Инстаграм.

Првиот ретрограден Меркур во 2026 година започнува на 26 февруари и трае до 20 март, а се одвива во чувствителниот и интуитивен знак Риби.

Меркур владее со комуникацијата, мислите, сообраќајот, технологијата и секојдневните договори. Кога е ретрограден, енергијата се врти навнатре – има недоразбирања, одложувања и враќање на стари теми и луѓе од минатото.

Во знакот Риби, акцентот е ставен на емоциите, интуицијата, соништата, конфузијата и зголемената чувствителност.

Еве на што треба да обрне внимание секој хороскопски знак во овој период.

Овен
Ви се допаѓаат брзи одговори и јасни ситуации, но сега ќе се чувствувате како постојано да чекате. Некој не одговара на пораки, договорот се менува во последен момент, планираниот датум се одложува. Наместо да реагирате импулсивно, запрете. Ако некој од минатото ве контактира, не скокајте веднаш во старата приказна – прашајте се зошто таа личност се враќа сега.

Бик
Стабилноста ви е важна, а овој Меркур може да донесе малку емоционална несигурност. Можеби имате чувство дека вашиот партнер не ви кажува сè или дека вашиот пријател крие нешто. Пред да претпоставите најлошото, прашајте. Финансиските планови бараат претпазливост – ова не е идеално време за големи купувања, особено преку интернет.

Близнаци
Меркур е вашиот владетел, па затоа најмногу го чувствувате тоа. Можеби ќе ја менувате облеката три пати пред да излезете, ќе ја препишувате пораката десет пати и постојано ќе чувствувате дека сè не е кажано. На работа се можни недоразбирања, затоа прочитајте ги сите важни е-пораки двапати. Ова е одлично време да ги завршите старите идеи, но не и да започнете нови проекти.

Рак
Емоциите излегуваат на површина. Можеби ќе се најдете себеси како разгледувате стари фотографии или размислувате за поранешна љубов. Ако планирате патување, подгответе се за мали промени. Можни се недоразбирања во семејството – обидете се да не реагирате веднаш, туку да поспиете пред да одговорите.

Лав
Сакате да имате контрола, но сега ќе почувствувате дека ситуациите ви се лизгаат. Недоразбирањата можат да се појават во љубовта – некој можеби не го намерувал тоа така. Не драматизирајте додека не ги разјасните фактите. Финансиската претпазливост е неопходна, особено ако размислувате за голем трошок.

Девица
Сакате кога сè е како што треба, кога распоредот е јасен и планот е под контрола. Деновиве ќе чувствувате како ништо да не ви оди од рака – договорите се менуваат, документите исчезнуваат, плановите се одложуваат. Можеби ќе сакате да го реорганизирате вашиот стан или целосно да го промените вашиот работен систем, но не претерувајте. Ова не е време за перфекционизам или големи промени. Наместо тоа, завршете го она што сте го започнале.

Вага
Во врските може да се појават мали, но чести недоразбирања. Ќе се обидете да ја смирите ситуацијата, но не ја преземајте целата вина само за да го одржите мирот. Ако чувствувате дека комуникацијата заглавува, побарајте јасност. Ретроградниот Меркур сега ја тестира рамнотежата во вашите врски.

Шкорпија
Вашата интуиција е силна, но сега лесно може да се помеша со сомнеж. Не создавајте сценарија во вашата глава без конкретни докази. Може да има неуспеси или промени во плановите на работа. Наместо контрола, фокусирајте се на она што можете да го решите – чекор по чекор.

Стрелец
Плановите за патување или промените може да се одложат. Семејните проблеми се повторно на дневен ред. Ако размислувате за голема одлука, почекајте додека не заврши ретроградниот период. Ова е период за интроспекција, а не за големи скокови.

Јарец
Администрацијата, документите и деловните договори бараат дополнително внимание. Не потпишувајте ништо без внимателно да го прочитате. Во комуникацијата, нека сè биде јасно и прецизно – зборовите лесно можат да се протолкуваат погрешно сега.

Водолија
Финансиите се под лупа. Можни се непланирани трошоци или доцнење на плаќањата. Ако размислувате да купите нов уред или мобилен телефон, можеби е подобро да почекате. Ова е добро време да го анализирате вашиот буџет и да ги реорганизирате трошоците.

Риби
Меркур е во вашиот знак, поради што сè чувствувате поинтензивно. Можеби чувствувате дека другите не ве разбираат или дека имате потешкотии да ги пронајдете вистинските зборови. Не донесувајте избрзани одлуки за вашиот изглед, работа или врска. Наместо тоа, посветете се на креативност, пишување, прошетки и тишина. Интуицијата сега може да ви даде важни одговори.

По овој период (26 февруари – 20 март), следниот ретрограден Меркур започнува на 29 јуни 2026 година и трае до 23 јули 2026 година.

„Дојче Веле“ го пренесува пишувањето на германските медиуми за политичките несогласувања што го следат Евросонг. Весникот „Франкфуртер Рундшау“ прашува дали нови расправии би можеле да избијат поради песната „Југославија“, која би можела да ја претставува Србија на натпреварувањето во Виена.

Ситуацијата околу песната „Југославија“ на овогодишниот избор за Евросонг предизвика бурни реакции на Балканот, пишува „Дојче Веле“. Станува збор за песна која уште во најавата на натпреварот отвори расправи и ја подели јавноста поради самата референца на поранешната државна заедница – Југославија.

Во Србија на социјалните мрежи и во коментарите се појавија бројни критики и реакции, бидејќи некои сметаат дека поимот „Југославија“ има политичко значење што не е соодветно за музички натпреварувачки формат како Евросонг.

Пејачката која ја изведува песната, Зејна, позната и како кума на белградската Парада на гордоста, им одговори на своите поддржувачи дека пораката на песната носи универзална порака за единство, мир и љубов и дека насловот не значи враќање на историски политички концепти, туку симболизира надеж и заедништво меѓу луѓето без оглед на нивните национални или етнички разлики, пренесе „Н1“.

Поради оваа песна, на почетокот на месецот на мрежата „Икс“ се огласи профилот „Евровизија Косово“, обвинувајќи ја Србија дека „не може да ја одвои политиката од Евровизија“. Се тврди дека песната ја „глорифицира“ Југославија и дека Европската радиодифузна унија нема да ја прифати доколку Белград ја испрати на натпреварувањето. „Франкфуртер Рундшау“ потсетува дека Косово не е членка на Европската радиодифузна унија и дека не е јасно кој стои зад овој профил. Сепак, пораката предизвика внимание во Србија и во другите поранешни југословенски републики.

Весникот потсетувадека Југославија постоела како кралство и како социјалистичка федерација, која се распаднала во крвавата војна, а на крајот станала унија на Србија и Црна Гора.

„Во оценката на Југославија до ден-денес се разликуваат мислењата во сите седум држави наследнички“, пишува авторот во текстот. Како што се наведува, критичарите му замеруваат на раководството на поранешна Југославија авторитарност и потчинување на народите. „Некои постари луѓе, пак, се потсетуваат на релативно безгрижен заеднички живот во мултиетничка земја без граници“, пишува германскиот весник.

Песната „Југославија“ може да биде предмет на проверка од страна на Европската радиодифузна унија само доколку навистина биде избрана за финалното натпреварување.

Критиките од Косово, наведува Дојче Веле, значително ги зголемиле нејзините шанси – „Југославија“ има најмногу прегледи на Јутјуб од сите кандидати.

За некои критичари, споменувањето на името Југославија во контекст на Евросонг буди сеќавања на минатите политички и воени конфликти на Балканот, додека други сметаат дека песната може да има поширока симболична порака што ги надминува политичките контексти.