Забава
Дакар 2010
Релито Дакар 2010 година кое ќе започне и ќе заврши во Буенос Аирес на 1 јануари 2010 ќе трае до 16 јануари 2010 година.
Мал историјат за релито Дакар:Релито Дакар ( или оригинално наречено Париз- Дакар) е годишно рели кое почнало да се одржува во 1979 година откако возачот Тиери Сабин се изгубил со својот автомобил во пустина и всушност решил дека тоа би било добра локација за рели. Се до 2007 година релито се возело од европска на африканска почва (Париз – Дакар, или пак Париз- Кејп Таун, Барселона-Дакар, Марсеј-Шарм Ел Шеик), но од 2009 година поради безбедносни причини, релито е префрлено во Јужна Америка, каде се одржува веќе втора година по ред. Релито Дакар во 2008 година не се одржа заради терористички закани. Првите победници во класата автомобили во далечната 1979 се Французите Алан Генастие и Џосеф Тербиаут, кај моторите првиот победник бил исто така Французин Кирил Неву, а во првата година на одржување немало класа камиони. Таа била додадена следната година. Последните победници од минатогодишното рели се: Гиниел де Вилиерс и Дирк вон Зизенвиц во класата на автомобили, Марк Кома во класата на мотори, а кај камионите победник беше Русинот Фирдаус Карбинов. Од почетокот на одржувањето на релито, до денешен ден имало 13 смртни случаи кај возачите, а забележани се и смртни случаи кај цивилното население. По втор пат релито Дакар ќе се одржи во Јужна Америка, во Аргентина и Чиле по седум етапи во секоја од двете држави. Вкупната километража која треба да ја поминат натпреварувачите изнесува 2.366 километри. Во релито Дакар 2010 ќе се натпреваруваат вкупно 372 тима, а 184 мотори на две и четири тркала, 138 автомобили и 50 камиони. Во сите 16 натпреварувачки денови, учесниците ќе имаат само еден слободен ден, на 9 јануари. Натпреварувачите ќе поминат низ 13 градови од двете држави: Буенос Аирес, Колон, Кордоба, Ла Риоха, Фиамбала, Копиапо, Антофагаста, Икуикуе, Ла Серена, Сантијаго, Сан Хуан, Сан Рафаел, Санта Роса. Оваа година ќе се натпреваруваат девет припаднички на понежниот пол: Ени Сил од Шведска, и Кристина Мејер од Германија во мотори на две тркала, Камелија Лупароти од Италија во мотори на 4 тркала. Марија Кристина Тоернер од Чешка, Изабел Патисиер, Стефани Френестаз, Мари Лор Фејнанд и Кристин Февре од Франција, како и Одри Русов од Русија ќе се натпреваруваат во класата автомобили. Домаќинот Аргентина ќе биде претставувана од вкупно 59-те натпреварувачи. Боите на Чиле пак, ќе ги бранат вкупно 26-те натпреварувачи. Аргентина има речиси двојно повеќе натпреварувачи, од Чиле, но Чиле пак има натпреварувачи во сите категории, што не е случај со Аргентина која нема свои претставници во категоријата камиони. Агенцијата Макфакс ќе го покрива секој ден од релито Дакар 2010 година со информации за победниците и детали за етапите.Во прилог се детали за етапите од сите натпреварувачки денови на Дакар 2010: 1 Етапа: Буенос Аирес- Кордоба (1-2 јануари 2010)*Должина: Мотори со две и четири тркала- 652 километри, автомобили и камиони- 684 километри.2 Етапа: Кордоба- Лар Риоха (3 јануари2010)*Должина: Мотори со две и четири тркала- 626 км, автомобили и камиони-687 км.3 Етапа: Ла Риоха- Фиамбала(4 јануари2010)*Должина: Мотори со две и четири тркала, автомобили и камиони- 441 километар.4 Етапа- Фиамбала- Копиапо (5 јануари 2010)*Должина: Мотори со две и четири тркала, автомобили и камиони- 629 километри.5 Етапа: Копиапо- Антофагаста (6 јануари 2010)*Должина: Мотори со две и четири тркала, автомобили и камиони- 670 км.6 Етапа: Антофагаста- Икуикуе (7 јануари 2010)*Должина: Мотори со две и четири тркала, автомобили и камиони-598 км.7 Етапа: Икуикуе- Антофагаста (8 јануари 2010)*Должина: Мотори со две и четири тркала, автомобили и камиони-641 км.8 Етапа: Антофагаста- Копиапо (10 јануари 2010)*Должина: Мотори со две и четири тркала, автомобили и камиони- 568 км.9 Етапа: Копиапо- Ла Серена (11 јануари2010)*Должина: Мотори со две и четири тркала, автомобили и камиони-547 км.10 Етапа: Ла Серена- Сантијаго (12 јануари 2010)*Должина: Мотори со две и четири тркала, автомобили и камиони- 586 км.11 Етапа: Сантијаго –Сан Хуан (13 јануари 2010)*Должина: Мотори со две и четири тркала, автомобили и камиони- 434 км.12 Етапа: Сан Хуан- Сан Рафаел (14 јануари 2010) *Должина: Мотори со две и четири тркала, автомобили и камиони- 796 км.13 Етапа: Сан Фараел- Санта Роса (15 јануари 2010)*Должина: Мотори со две и четири тркала, автомобили и камиони-725 км.14 Етапа Санта Роса- Буенос Аирес (16 јануари 2010)*Должина: Мотори со две и четири тркала, автомобили и камиони- 707 км./крај/дк/сл
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Амбер Херд сподели ретки моменти од новиот живот во Шпанија по промената на името
Амбер Херд им даде на своите следбеници ретка можност да погледнат во нејзиниот нов живот во Шпанија, каде што се пресели за да почне ново поглавје по исцрпувачката правна битка со поранешниот сопруг Џони Деп. Ѕвездата од „Аквамен“ го напушти Холивуд и најде нов дом во Мадрид, а во неодамнешната објава за Денот на благодарноста таа даде поглед во својот секојдневен живот.
По завршувањето на нејзиното судење за клевета, кое резултира со пресуда од 10,35 милиони долари за Деп и 2 милиона долари за Херд, актерката се пресели со ќерка си, првин на Мајорка, а потоа во Мадрид. Додека беше на Мајорка, „Ел Дијарио де Мајорка“ објави дека наводно го користела името Марта Џејн Канари – вистинското име на легендарната американска херојка Каламити Џејн.
Откога се пресели, Херд во голема мера се држеше подалеку од центарот на вниманието по нејзината последна филмска улога пред неколку години во „Аквамен и изгубеното кралство“. Сепак, таа неодамна сподели серија фотографии на социјалните мрежи од прославите за Денот на благодарноста во текот на годините вклучувајќи и дел од нејзиното готвење.
View this post on Instagram
„Здравица за Денот на благодарноста во текот на годините. Се навраќам на сите полни срца и чинии што ги споделив. Се надевам дека сте добро снабдени со обете оваа година“, напиша таа во објавата.
Херд повремено споделува делови од својот живот во Шпанија, како што се фотографии за Ноќта на вештерките, а претходно на социјалните мрежи го најави доаѓањето на близнаците Агнес и Оушн.
Актерката неодамна се врати на сцената во претставата наречена „Духот на народот“. Претставата се прикажуваше неколку ноќи во Масачусетс, а драматургот Џереми О. Харис откри дека продукцијата била половина на шпански, што совршено ѝ одговарало на Херд, со оглед на тоа што таа течно го зборува јазикот.
Еден од нејзините соседи изјави за „Мејл онлајн“ дека Херд и нејзиното семејство се целосно интегрирани во заедницата и живеат на место каде што никој никого не вознемирува. Иако папараците повремено се појавуваат пред нејзината куќа, повеќето локални жители не ја вознемируваат. Соседот додаде дека никој овде навистина не знае која е таа истакнувајќи дека и познати фудбалери живеат во истата област и уживаат во својата приватност.
фото/инстаграм
Забава
(Фото) Шведска министерка го почна денот во Скопје со симит-погача: „Енергичен појадок пред нејзината прва средба“
Министерката за европски прашања на Шведска, Јесика Розенкранц, која вчера и денес престојува во работна посета на Македонија, утрото го почна со симит-погача.
„Почнување на денот во Скопје со локален специјалитет! Нашата министерка за ЕУ, Јесика Розенкранц, почна напорен ден со енергичен појадок пред нејзината прва средба со македонскиот министер за ЕУ, Муртезани, и МЕА. Солено лепче во лепче – симит-погача, типично скопско печиво и каде е подобро да се ужива во него отколку во срцето на главниот плоштад во градот, со поглед на еден од најзначајните погледи во градот: Камениот мост, тврдината Кале, Старата чаршија, црквата „Св. Димитрија“, Даут-пашиниот амам, Мустафа-пашината џамија. Сè во еден кадар – поглед што совршено ја раскажува приказната за богатото мултикултурно наследство на Скопско и живописното општество на Северна Македонија. 🇸🇪 + 🇲🇰 = заедно посилни“, се вели во објавата на шведската амбасада на „Фејсбук“.
Забава
(Видео) Амбасадорката на САД во Грција се појави во проѕирен фустан, наиде на осуда
Новата амбасадорка на САД во Грција, Кимберли Гилфојл, предизвика доста внимание со својот моден избор на вечерата за Денот на благодарноста, што се одржа во Атина во вторникот.
Поранешната водителка на „Фокс њуз“ и поранешна свршеница на Доналд Трамп Помладиот се појави во тесен, речиси проѕирен црн фустан од тантела, што предизвика лавина коментари на социјалните мрежи.
US Ambassador in Athens sparks a stir with a sheer dress
The new US Ambassador to Greece, Kimberly Guilfoyle, became the unexpected star of a Thanksgiving event hosted by the American-Hellenic Chamber of Commerce. The focus wasn’t on her speech but on her outfit — a sheer… pic.twitter.com/XPmsi8yYXg
— NEXTA (@nexta_tv) November 27, 2025
Гилфојл (56) едвај се движеше во тесниот фустан, па дури и ѝ требаше помош за да се качи на сцената за да им се обрати на гостите. Нејзината облека многумина ја споредија со стилот на сестрите Кардашјан сметајќи ја за несоодветна за дипломат.
„Ова е дипломатска грешка, таа ја претставува својата земја, а не своето тело“, „Ова ми е убаво“, „Потребен ѝ е стилист“, „Изгледа како изгубена сестра Кардашјан“, се само дел од коментарите на социјалната мрежа X.
фото/принтскрин
ЕУ ѝ постави ултиматум на Украина
Киев мора да преземе решителни мерки за гонење на корумпирани политичари и бизнисмени ако Украина сака да се приклучи на...
Главниот советник на Зеленски поднесе оставка
Андриј Јермак, моќниот шеф на кабинетот на украинскиот претседател Володимир Зеленски, поднесе оставка. Оставката дојде откако агенти од Националното биро...
Трамп му ги предава окупираните украински територии на Путин, пишува Телеграф
САД наводно се подготвени да ја признаат руската контрола врз Крим и другите окупирани украински територии со цел да се...
Во мусаката од првата смена пронајдени бактерии, истите откриени и на чешмите во училиштето „Димо Хаџи Димов“
По стомачните тегоби кај десетици ученици во „Димо Хаџи Димов“, инспекциите утврдија нехигиена на чешмите во училниците и кујната. На...
Од 1 декември поскапува парното: сметките повисоки за околу 130 денари
Регулаторната комисија за енергетика, водни услуги и управување со комунален отпад (РКЕ) ја информира јавноста дека од 1 декември цената...
Мицкоски: Имам информации дека судија известител ставил потпис на извештајот со кој се укинува линеарното покачување на пензиите
„Ќе кажам дека вчера за време на пратеничките прашања бев многу прецизен и кажав дека имам информации дека е отпочната...
Mаж најден починат утрово на тротоар на „Илинденска“
Утрово околу 07:00 часот, во полицијата било пријавено дека на тротоар на булеварот „Илинден“ во Скопје бил пронајден починат Т.К....
(Видео) Мицкоски: Без ефикасна и чесна даночна администрација нема силна економија и одржливи јавни финансии
Без ефикасна и чесна даночна администрација нема ниту силна економија, ниту одржливи јавни финансии, ниту држава што може да планира...
Струмичанецот што со шприц сакаше насилно да ѝ вшприца на сопругата пестицид ќе одговара за обид за убиство
Струмичанец со шприц сакал насилно да ѝ вбризга на сопругата пестицид. Таа почнала да вика, а двете малолетни деца слушнале...
Водата во ООУ „Димо Хаџи Димов“ е исправна и може непречено да се употребува, велат од „Водовод“ по труењето во училиштето
Од ЈП „Водовод и канализација“ – Скопје информираат дека по извршениот вонреден мониторинг, водата во ООУ „Димо Хаџи Димов“ во...
(Фото) Отстранета дивоградба на улицата Орце Николов, Герасимовски најави расчистување на бесправните објекти
Во рамките на обемната акција за отстранување дивоградби, Општина Центар ја урна нелегалната доградба на деловен објект на улица „Орце...
Норвешки ветеран: НАТО влегува во фаза на распаѓање
Во блиска иднина, НАТО не само што би можел да ослабне, туку и да престане да постои како релевантен воено-политички...
Жителите на Чучер-Сандево тргнаа во наплата на изборните ветувања: ја бараат ветената канализација од градоначалникот Зоран Бајовски
Со уредно платени комуналии за куќите жителите на четири улици, кои припаѓаат на Општина Чучер-Сандево, иако се многу поблиску до...
Путин постави клучен услов за завршување на војната, Зеленски го отфрла
Рускиот претседател, Владимир Путин, вчера изјави дека ќе ја запре офанзивата во Украина само ако Киев се повлече од териториите...
Трамп со драстична мерка: „Трајно ја забранувам миграцијата од третиот свет“
Претседателот на САД, Доналд Трамп, најави драстична мерка – трајно суспендирање на миграцијата од сите земји од третиот свет. Шокантната...
Зеленски: Украинските и американските делегации ќе изработат „формула за мир“ оваа недела
Украинскиот претседател, Володимир Зеленски, денес изјави дека украинските и американските делегации ќе се состанат оваа недела за да ја изработат...
Мицкоски: Ако се жалат судиите со 3-4.000 евра месечни примања, тогаш како им е на дечињата во градинка кои немаат играчки за играње
Реновираме градинки, училишта, цениме дека е поголем приоритет отколку да ги зголемиме платите на судиите и обвинителите. Мислиме дека е...
Поради превенција од свлечиште на Водно надлежните на итна координација
Поради превенција за активирање на свлечиштето на падините на Водно, во близина на улиците „Белградска“ и „Партенија Зографски“, и реалната...
Филков до СДСМ: Груевски има политички азил, се занимавате со циркус, а не со реална работа
Министерот за правда Игор Филков одговарајќи на пратеничко прашање од Миле Талески од СДСМ, зошто не се бара екстрадиција на...
Мицкоски: Главен фокус в година ќе бидат капиталните инвестиции, целта е да дојдеме до раст на БДП над 4 отсто проценти
Премиерот Христијан Мицкоски на денешната седница во Собранието за пратенички прашања истакна дека в година главен фокус на Владата ќе...
