Sвездата на „Црната вдовица“ Скарлет Јохансон се омажи за својот свршеник Колин Џост на интимна церемонија, почитувајќи ги препораките за заштита од коронавирусот.

Веста за венчавката беше објавена во четвртокот од добротворната организација „Оброци на тркала“, која соопшти дека парот ги поддржува напорите на организацијата да им помогне на постарите луѓе за време на пандемија.

„Воодушевени сме со објавување на веста дека Скарлет Јохансон и Колин Џост се венчаа минатиот викенд на интимна церемонија со нивното потесно семејство и саканите, следејќи ги безбедносните мерки на претпазливост за Ковид-19“, напиша организацијата на својот профил на Инстаграм.

„Нивната желба е да помогнат да се направи разлика за ранливите постари лица во ова тешко време“, велат од добротворната организација, замолувајќи ги фановите на парот да дадат донација.

Претставникот на Јохансон ја потврди веста.

Јохансон и Џост, писател и комичар во телевизиското шоу Saturday Night Live, започнаа врска пред три години и се свршија во мај 2019 година.

Aрамии украле ретки шлемови, оружје и униформи во вредност од над 1,5 милион евра од два холандски музеја посветени на Втората светска војна.

Оружје и униформи биле украдени од музејот во Бик и пред две недели од музејот „Осендрехт“ на југот на Холандија, изјави Јанеке Кенис, портпаролка на музејот „Оверлон“.

„Не веруваме дека ќе ги понудат украдените предмети отворено за продажба преку интернет бидејќи целото оружје е нумерирано и ова се уникатни парчиња што веднаш ќе бидат препознатливи“, оцени таа.

Откри дека крадците биле одлично подготвени и се чини дека ги украле експонатите за приватни колекционери.

„Тие веројатно ги обиколиле музеите и ги снимале местата каде што имало за нив интересни експонати, имале список и сè нaправиле многу професионално“, објасни Кенис.

Од воениот музеј во Бик предметите биле однесени во неколку возила кога разбојниците ја пробиле вратата во дворот, а потоа и влезот во зградата. Музејот во Бик во својата поставка ја имал приказната за германскиот падобранец Август Сегел, раскажана преку 150 костимирани ликови.

Хју Грант има најсурова идеја за продолжение на ромaнтичната комедија од 1999 година.

Тој би снимал втор дел на „Нотинг Хил“ за да докаже дека романтичните комедии се ужасна лага и дека нема среќен крај.

Во класикот од 1999 година Грант го глуми сопственикот на книжарница во Лондон, Вил Такер, кој се вљубува во познатата холивудска актерка Ана Скот, која ја глуми Џулија Робертс.

Двојката би требало да се венча и да основа семејство, но ѕвездата на „Дневникот на Бриџит Џонс“ ги предупреди фановите дека би се согласил да направи продолжение само ако настанат проблеми и работите тргнат на лошо во врската или во бракот.

Во емисија на Ејч-би-о за промоцијата на новата мини-серија Undoing со Никол Кидман, тој рече: „Би сакал да има продолжение на една романтична комедија што ќе покаже што се случило по завршувањето на тие филмови“.