Забава
Џанфранко Киарини со светски гастрономски перформанс во Скопје
Извонредниот светски со две ѕвездички Мишелин готвач, Џанфранко Киарини, со својот тим, ќе приреди фантастичен гастрономски перформанс и доживување за македонските граѓани.
Прв пат во Македонија, на специјален настан, Киарини, кој готвел во ресторани со три ѕвезди Мишелин, ќе создава извонредни готвачки специјалитети со прекрасен дизајн и комбинација со соодветни вина. Неверојатно вкусно подготвената храна, според највисоките Мишелин стандарди и совршеното целокупно доживување, го овозможуваат Слоу Фуд Македонија, ресторанот Хантерс Лоџ Камник, Винаријата Камник како генерални спонзори и несебичната поддршка од Миеле Македонија, хотел Гарден Охрид, хотел Радика и Горска вода.Сите љубители на извонредната храна, на 12 и 14 октомври 2016, лично ќе може да присуствуваат на готвачките перформанси на Киарини во Скопје. Тој ќе подготвува мени од пет јадења, по Мишелин стандардите, а истите ќе се подготвуваат и спаруваат со соодветни Камник вина. Овие екстравагантни гастрономски настани ќе се случуваат во еден од најреномирани ресторан во нашата земја, Хантерс Лоџ Камник, со почеток во 20 часот, а бројот на места е ограничен на само 80 лица по вечер.На 7 октомври Киарини ќе одржи специјален семинар наменeт само за професионални готвачи. Овој семинар ќе се одвива во Винскиот клуб Камник со почеток во 10 часот. За присуство на сите овие настани, потребно е заинтересираните гости да обезбедат билет, со што се добива и резервација на место. Билетите се достапни во продажба од 3-ти октомври 2016 во ресторанот Хантерс Лоџ Камник. Во светски рамки, гастрономијата достигнува ниво на транформација, преминувајќи во применета уметност во поглед на процесот на подготовка на храната и комбинирање на состојките и во поглед на надворешниот дизајн на порциите и нивно внимателно комбинирање со соодветни вина. Ваквото целосно соединување на приготвување на храната со уметноста овозможува нови возбудливи и бесконечни истражувања во деликатната сфера на создавање на вкусовите и во сферата на визуелната уметност која, сама по себе, ја претставува суштината на делото.Џанфранко Киарини – патување до ѕвездени височиниДенес e еден од најпознатите светски готвачи, роден во 1966 во Ферара, Италија. Има италијанско-колумбиско потекло и доаѓа од мултикултурно милје со основи во Италија, Венецуела и Соединетите Американски Држави. Своето гастрономско образование Киарини го стекнува на Институто де Алта Гастрономиа де Каракас (Instituto de Alta Gastronomia de Caracas) во Венецуела, потоа во САД на Питсбург Кулинари Институт (Pittsburgh Culinary Institute), како и во Франција, на најголемата образовна институтуција за угостителство во светот, суперпрестижниот Ле Кордон Блу (Le Cordon Bleu). Во текот на својата живописна и многу богата кариера, Киарини работи и е обучуван според високи барања и стандарди на Мишелин и соработува со познати Мишелин ресторани (како што е познатиот ресторан со три Мишелин ѕвезди во Рим -La Pergоlа). Тој, исто така, соработува и со делукс хотели од највисок ранг, навлегува и во полето на готвачкото истражување и развој, работи како консултант на некои од најголемите светски брендови во прехрамбената индустрија. Киарини ја има најголемата мрежа на готвачи, 30.000+ членови во неговата приватна мрежа и 500.000+ фанови и следбеници на Фејсбук. Светот во кујната на Џанфранко Киарини Џанфранко Киарини својата мајсторска работа на врвен готвач успеал да ја сподели со целиот свет, а дел од неговите ангажмани вклучувале и подготовка на менија и храна за највисоки авторитет во разни сфери. Во Европа работел во Италија, Франција, Шпанија, Германија, Обединетото Кралство а тука сеАвстралија, Нов Зеланд и Океанија. Неминовно е да се спомене дека Киарини има големо искуство и во Азија и земјите како Кина, Кореа, Камбоџа, Виетнам, Тајланд, Малезија, Сингапур, Филипини и други. Во 2000 година, Киарини наоѓа нови креативни и готвачки предизвици на Средниот Исток каде соработува како консултант со екстравагантните Ал Бустан Палас (Al Bustan Palace) иШангри-Лахотелите (Shangri-la Hotels) во Оман; во Бахреин ги развива готвачките концепти за Мовенпик (Мövenpick) и Mериот (Мarriott) хотелите и со многу други високо-луксузни брендови. Во Кувајт, Киарини подготвувал вечери за Неговото Височество Шеикот Џабар Ал-Ахмад Ал Џабар Ал-Сабах и неговото семејство. Во Африка работел во синџирот на Старвуд хотелите (StarwoodHotels), како и во Шератон Лакшри Колекшн(Sheraton Addis, A Luxury Collection Hotel) во Адис Абеба во Етиопија. Во текот на својата кариера, Киарини имал можност да подготвува храна за поранешниот претседател на САД – Џими Картер, за поранешниот израелскиот претседател – Шимон Перес, за претседателите на Афричката Унија, како и за поранешниот египетски претседател – Хосни Мубарак, за членовите на англиското кралско семејство, за турскиот претстедател Абдулах Ѓул, за Шеикот на Катар Шеик Хамад бин Калифа Ал Тхани и други светски значајни личности. Скапоценостите на Киарини во готвачката историја на Италија Своето искуство и знаење Киарини го срочува во луксузната готвачка трилогија „Новата ренесанса на италијанската комбинирана кујна“ (The New Renaissance of Italian Fusion Cuisine), а својата прва книга за готвење од оваа трилогија „Смарагдната книга“ ја издава во 2010. Овие скапоцени готвачки книги се високорангирани меѓу најпознатите авторитети во светски рамки и доволно интересни заКиарини да биде поканет на интервју од страна на CNN. За втората книга од оваа трилогија „Бисер“ ја има честа книгата, лично, да ја потпише и благослови “Мајсторот на сите мајсори”, легендарниот Пол Бокуз (Paul Bocuse). Третата книга е именувана како „Рубин“. Потоа, „Ферара скриениот готвачки скапоцен камен“е уште една книга на Киарини која би морала да биде спомената како дел од неговиот опус. Куриозитет е да се спомене и дека своите уметнички и творечки афинитети Киараини ги канализирал и преку музиката. Пред да се посвети на гастрономијата и уметноста на подготвување извонредна храна, имал свој рок бенд со кој настапувал на реномирани настани./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Како се менуваа технолошките милијардери со текот на годините: од слаб инженер во мускулест џетсетер
Изгледа дека да се биде технолошки милијардер е многу повеќе од само водење компанија – сега треба да изгледате како акционен херој, да учествувате во екстремни спортови или да тренирате како да се подготвувате за борба во кафез. И тогаш ќе завршите на инаугурацијата на американскиот претседател.
Џеф Безос се трансформира од тивок „гик“ во набилдан ќелав човек, а Марк Цукерберг денес изгледа како секој момент дека ќе почне да рапува. Дали се работи за криза на средните години или е само нов тренд кај богатите.
Но, тешко е да не се забележат физичките промени кај Безос, Маск и Цукерберг во текот на годините…
Џеф Безос
Основачот на „Амазон“, Џеф Безос, ја почна својата кариера во финансии пред да отвори онлајн-книжарница од гаража во 1994 година. „Амазон“ денес е глобален гигант во е-трговија, а Безос е еден од најбогатите луѓе во светот.
View this post on Instagram
Тој се повлече од функцијата извршен директор во 2021 година фокусирајќи се на вселенскиот сектор со „Блу ориџин“. Во меѓувреме, неговиот приватен живот стана тема на таблоидите.
По 25 години брак, Безос се разведе од Мекензи Скот во 2019 година, што резултира со еден од најскапите разводи во историјата. Набргу почна врска со Лорен Санчез, поранешна новинарка, со која ја споделува љубовта кон патувањата, луксузните јахти и вселенските амбиции.
View this post on Instagram
Тема на дискусија стана и неговиот физички изглед – од слаб инженер се трансформира во мускулест џетсетер. Тој често е виден на гламурозни забави и авантуристички патувања далеку од имиџот на поранешниот деловен визионер.
Марк Цукерберг
Марк Цукерберг, основачот на „Фејсбук“ (сега „Мета“), направи револуција во начинот на кој комуницираме. Тој го основа „Фејсбук“ во 2004 година од студентска соба на „Харвард“, а денес „Мета“ води проекти што се движат од виртуелна реалност до вештачка интелигенција. Во слободното време Цукерберг се посвети на џиу-џицу и нуркање со харпун.
View this post on Instagram
Цукерберг 11 години е во брак со Присила Чан, со која има три ќерки. Нивниот живот, иако поприватен од тие на Маск и Безос, често се претставува како балансиран и фокусиран на семејството.
View this post on Instagram
Двојката е коосновач на Фондацијата „Чан – Цукерберг“, која финансира проекти во здравството и образованието.
View this post on Instagram
Сепак, трансформацијата на Марк во спортски тип привлече внимание – од освојување медали на натпревари во џиу-џицу до споделување фотографии од нуркање и тренинзи.
View this post on Instagram
View this post on Instagram
Илон Маск
Илон Маск стои зад „Тесла“ и „Спејс икс“. Тој е познат по своите амбициозни планови за електрични возила, обновливи извори на енергија и колонизација на Марс. Неодамна стана сопственик на социјалната мрежа „Икс“ (поранешен „Твитер“) и е близок соработник на Доналд Трамп.
Личниот живот на Маск е често хаотичен и исто толку драматичен како и неговите деловни одлуки. Тој има 11 деца од три жени, меѓу кои и пејачката Грајмс и поранешната сопруга Џастин Маск. Маск исто така ги користи своите објави на „Твитер/Икс“ за јавно да разговара за сè, од политика до лични расправии, со што приватниот живот му е неразделен од неговиот деловен бренд.
Забава
(Видео) Пресврт во конфликтот Балдони – Лајвли: снимка открива што навистина се случило на снимањето
Расправијата помеѓу Џастин Балдони и Блејк Лајвли може да добие неочекуван пресврт. Дејли мејл доби снимка на која Балдони и кажува на актерката дека „мириса убаво“, што таа го наведе во тужбата како реплика поради која се чувствувала непријатно, но се чини дека тоа било заедничка шега за време на снимањето на интимна сцена за филмот „Завршува со нас“.
На снимката се гледа целата „контроверзна“ сцена за време на снимањето, без музика, а се слуша и разговор. На видеото се гледа и како Блејк охрабрува разговор и му вели на Балдони дека „подобро е ако разговараат за гледачите да се запрашаат за што се работи“.
Балдони во еден момент се пошегувал дека неговата брада ќе и пречи на Лајвли, на што таа одговорила дека мисли дека Балдони ќе мириса на нејзиниот спреј за тело. „Убаво мириса“, прокоментирал Балдони, а двајцата потоа го продолжиле разговорот што наводно го воделе за своите партнери.
На видеото се гледа и како Балдони ја потпира главата на Лајвли, на што таа се насмевнува. Тој навистина го наведна своето лице на нејзиниот врат, но многумина сега тврдат дека снимката открива дека Блејк сфатила дека станува збор за глума. „Добро, рез, имаме доволно“, извикал во еден момент Балдони.
Снимката наводно била проследена од адвокатот на Балдони, Брајан Фридман, како и неговата продукциска куќа Wayfarer. Многумина веруваат дека ова покажува како Блејк Лајвли ги „надувала“ своите наводи за сексуално вознемирување, кои ги упати против Балдони кон крајот на декември.
Сепак, адвокатскиот тим на актерката набрзо проговори за се. „Џастин Балдони и неговиот адвокат можеби се надеваат дека ќе ги спречат доказите против него со ова, но видеото е инкриминирачко. Секој кадар од објавената снимка го потврдува, збор до збор, она што г-ѓа Лајвли го опиша во став 48 од нејзината жалба“, изјави тие за Дејли.
Тие тврдат и дека Балдони импровизирал сè без согласност и дека на снимањето немало координатор за интимност. „Секоја жена што некогаш била допрена несоодветно ќе препознае дека на г-ѓа Лајвли и е непријатно“, истакнаа тие.
Blake Lively is responding to 'It Ends With Us' footage released by Justin Baldoni's lawyer, Bryan Freedman, in an effort to clear his client's name of some of Lively's sexual harassment claims.
In a statement to ET, Lively's legal team calls the video "damning" towards… pic.twitter.com/YL8j9Jnyoe— Richard Irakoze (@dean_irak) January 22, 2025
Обвинувањата на актерката датираат уште пред почетокот на снимањето. Меѓу нејзините тврдења е дека Балдони „вметнал импровизирана непотребна сексуална содржина и/или сцени кои вклучуваат голотија во филмот на многу вознемирувачки начини“ пред снимањето. Дополнително, во тужбата се наведува дека Балдони „импровизирал бакнежи и се распрашувал за сексуалниот живот на Блејк“. За време на интимните сцени кои влегоа во последното сценарио, Балдони, тврди таа, „импровизирал физичка интимност која не била вежбана или дискутирана со Лајвли“.
Justin Baldoni is suing Blake Lively, Ryan Reynolds, their publicist and her PR firm for $400 million, alleging defamation & extortion over the ‘It Ends With Us’ situation. pic.twitter.com/LHQjXQAHEz
— Pop Crave (@PopCrave) January 16, 2025
Балдони потоа ги тужеше Лајвли и Рајан Рејнолдс, тврдејќи дека тие го присвоиле неговиот филм „Завршува со нас“ и се обиделе да го уништат со лажни обвинувања за сексуално вознемирување. Во тужбата од 179 страници, Балдони и неговите ПР експерти ги обвинуваат Лајвли и Рејнолдс за уцена, клевета и нарушување на приватноста. Во тужбата се бара отштета од најмалку 400 милиони долари, пишува Variety.
Забава
Марк Цукерберг првин гледаше во деколтето на свршеницата на Безос, а сега отиде чекор понатаму
За време на претседателската инаугурација на Доналд Трамп, извршниот директор на „Мета“, Марк Цукерберг, не можеше да одолее на деколтето на Лорен Санчез, свршеницата на сопственикот на „Амазон“, Џеф Безос. Подоцна стана јасно дека таа очигледно му оставила многу силен впечаток.
Цукерберг стави „допаѓање“ на фотографијата што Санчез ја објави на својот инстаграм-профил, а на која позира во неверојатно издание.
Mark Zuckerberg ‘likes’ photo of Lauren Sanchez on Instagram, hours after viral video showed him smiling after appearing to glance at her chest. pic.twitter.com/lGDh508oXm
— Oli London (@OliLondonTV) January 21, 2025
Санчез остави само два збора покрај фотографијата – Starlight Ball – мислејќи на инаугуративниот бал што се одржа за кремот на општеството, кој го поддржуваше Трамп за време на изборната кампања и изборите.
Пијан маж избол во вратот 22-годишна девојка: Обид за убиство во Крива Паланка
Јавен обвинител од Основното јавно обвинителство Куманово донесе Наредба за спроведување истражна постапка против едно лице за кое постои основано...
Туск повика на вооружување на Европа: „Времето на удобност заврши“
Полскиот премиер Доналд Туск изјави дека „времето на удобност е завршено“ за Европската унија и повика на значително повисоки распределби...
Тошковски: Неоспорно е дека полицаецот не погледнува во мониторот и му дозволува на Груби да излезе, се води постапка дали има други вмешани
Бегалецот Артан Груби, поранешен министер и вицепремиер, сè уште не е достапен за македонската полиција. Министерот за внатрешни работи Панче...
СДСМ: Мицкоски немал ниту официјална покана за инаугурацијата на Трамп, ниту бил дел од неа
Патувањето на премиерот Мицкоски во САД требаше да биде дипломатска мисија од висок ранг, но се претвори во евтина ПР...
„’Влен’ не се залага за внуци“: Дрин Ахмети бил повикан од Обвинителството
„Кога ќе се спомене ДУИ, не можеме да мислиме друго освенна злоупотреби и корупција. Сакаме да ја информираме јавноста за...
Покрај унифицирани регистарски таблички, потребни се и санкции за оние што ги злоупотребуваат службените возила за приватни цели, велат од ЛДП
Либерално-демократската партија (ЛДП), во август минатата година предложи сите службени возила да бидат видливо и јасно обележани со иста боја,...
Кичево загадено два дена по ред: се забранува горење на отворено, порепорака за ослободување од работа на ризичните групи
Воведени се мерки во Кичево поради загадувањето на воздухот, откако во изминатите два дена беше надминат прагот на алармирање на суспендирани...
Финансиската полиција поднесе кривична против бизнисмен, го оштетил буџетот на државата за 11 милиони денари
Управата за финансиска полиција, до Oсновното јавно обвинителство Скопје поднесе кривична пријава против А.Б.Г во својство на сопственик и управител...
„Срамен чин на манипулација со државни пари, Обвинителството да реагира“, бара ДУИ
„Во чин без преседан на манипулација и измама, претставниците на коалиција Вреди повторно покажаа дека суштината на целата коалиција е...
(Видео) Зеленски ги критикува европските лидери: „Дали Трамп воопшто ќе ве забележи?“
Украинскиот претседател Володимир Зеленски ги предупреди европските лидери дека Доналд Трамп ќе ги игнорира доколку континентот не се грижи повеќе...
На поздравот на Маск реагира германскиот канцелар, Маск одговори: Срам да ти е, Оаф Шиц
Бројни јавни личности ширум Европа изразија гнев поради гестот на Илон Маск, кој потсетуваше на нацистички поздрав. Додека некои го...
Трамп: Ќе воведам царини за ЕУ и Кина
Американскиот претседател Доналд Трамп вети дека ќе воведе царини за Европската унија. Трамп рече дека ЕУ и другите земји имаат...
Гувернерот на Флорида во официјален документ Мексиканскиот Залив го нарече Американски Залив
Според иницијативата на новиот претседател Доналд Трамп, гувернерот на американската сојузна држава Флорида го нарече Мексиканскиот Залив „Американскиот Залив“ во...
Веднаш по враќањето од Вашингтон, Мицкоски ќе преговара за зголемување на платите на административците што протестираа, вели Трендафилов
Владата ја прифати подадената рака од Синдикатот на вработените во управата, правосудните органи и здруженијата на граѓаните (УПОЗ), кој побара...
И со намалени цени минималната кошничка за јануари е поголема за 391 денар, за преживување на четворица потребни се 62.861 денар
Вредноста на минималната синдикална кошничка што ја пресметува Сојузот на синдикатите на Македонија (ССМ) за јануари изнесува 63.252 денара или...
Становите што државата ги гради во Битола ќе се продаваат за 1.000 евра за квадрат
На денешната владина седница донесена е одлука со која становите што ги гради Јавното претпријатие за станбен и деловен простор...
Речиси 170 жени годишно заболуваат од рак на грлото на матката во Македонија
Во Македонија се забележува дека бројот на нови случаи за 2022 година со рак на грлото на матка изнесува 173,...
Ученик од шесто одделение паднал од третиот кат од прозорец во прилепско училиште
Ученик во шесто одделение се здобил со повреди при пад преку прозорец од третиот кат на училиштето „Гоце Делчев“ во...
Пациентите на Онкологија останаа без биолошката терапија, СДСМ повика итно да бидат преземени мерки
Пациенти на Клиниката за радиотерапија и онкологија останаа без биолошката терапија. По тој повод се огласи опозицискиот СДСМ, од каде...
Трамп нареди да им се одземе државјанството на децата на илегалните имигранти; активистите го тужеа
Застапниците за правата на имигрантите и застапниците на граѓанските права, вклучително и Американската унија за граѓански слободи, поднесоа тужба со...
